漁火海鮮刺身火鍋

營業中

休息中

呢排天氣又轉涼，最啱就係打邊爐啦，不過香港人一年365日都最鍾意打邊爐架啦！平日食開嘅都係放題打邊爐，今日朋友生日就食好啲啦，揀咗呢間係銅鑼灣嘅「漁火」，之前睇過唔少食評都對呢間讚不絕口，今日一於試吓佢。一出𨋢門口就見到好日式嘅裝修，旁邊仲擺着個水池養住啲龍蝦同埋其他海鮮，十分新鮮！可能嗰日我哋都比較早上去食飯，無book位嘅我地等左一陣都已經可以入座。坐低後，店員好快就過來招呼我哋，同我地介紹餐牌，之後捧上一盤有九種火鍋醬料，十分細心，客人可以自行在座位中調味，並唔需要行去其他地方拎，呢個位抵讚！我哋嗌左個「芫荽皮蛋豆腐湯底」，味道香濃、清甜，一啲都唔油膩，而且十分足料，有大量嘅皮蛋、豆腐、芫荽，我好鍾意呢個湯底，直情可以就咁飲啲湯！火鍋配料方面嗌左漁火特色四色丸、漁火特色牛盛薈同時令雜菜籃。四色丸包括手打墨魚丸、手打牛筋丸、手打鮮蝦丸、手打鹹魚豬肉丸。一次過可以試晒四隻味道，呢隻丸係生上的，並唔係預先整定，十分新鮮，煮熟後爽口彈牙，尤其是鮮蝦丸，好濃蝦味，咬入去仲有好多細細隻嘅蝦，正！而漁火特色牛盛薈令我更加驚喜，有齊餐牌上嘅牛頸脊、牛邊位、頂級prime牛、牛舌芯、和牛粒。一上枱

平時去京都廣場，都已經見到呢間「漁火海鮮刺身火鍋」好多人等位見到咁多人食，心諗一定質素不會差，所以決定今次上去朝聖下！因為怕夜晚時間太多人等位，加上灣仔返工既我就是放工比人早六點鐘就入座。火鍋最著重湯底，這裡的精選特色湯底有好多款式。由於今次得我同朋友兩個人，叫咗「芫荽皮蛋豆腐湯底」試吓。「芫荽皮蛋豆腐湯底」賣相十分吸引，遠處已經聞到鍋入面有好濃郁嘅芫荽味道，而且非常足料，入面有好多芫荽、皮蛋同埋豆腐！飲左一啖湯，非常之清甜！之後我地叫左啲火鍋配料打邊爐，食物上枱速度都幾有效率，落單後冇幾耐就上菜啦。我們簡左漁火特選牛盛薈，個賣相好靚，份量十分多而且味道真係超級正！特別係手切PRIME牛肉，牛肉色澤紅潤，紅白相間，不肥不瘦剛剛好，口感幼嫩，牛肉味香濃，連平日唔鐘意食肥牛既朋友都食到停唔到口！另外仲有自家製嘅肉丸，涮熟左之後夠爽口彈牙，值得一試！餐廳更有多款飲品、啤酒提供，呢度仲有自家製嘅竹蓆茅根水，打邊爐當然唔少得要叫啦，我就叫左一榨，一邊打邊爐一邊飲，完全唔驚會熱氣啦！呢間餐廳嘅食物價錢屬於中上，但食物質素確實高，完全對得住個價錢！另外仲有好多食物想試，下次會再約多啲人一齊試多啲火鍋

天氣凍就梗係又要去打邊爐啦！ 之前聽朋友講漁火的刺身海鮮火鍋質素高， 今日去開銅鑼灣就過嚟試下啦！座位好闊落！先來一渣自家竹蔗茅根，大大渣$48，好清甜唔係街邊超甜糖水。淨係睇個菜單啲湯底都覺得勁！ 所以我哋冇揀到一般火鍋店都有嘅湯底，反而㨂左個花膠響螺燉豬展！個湯好甜，唔覺有味精！因為落左好多料！足料之甜到我未落火鍋料就已經飲左幾碗湯！好有屋企阿媽煲湯嘅味道！呢度刺身價格合理，我哋見象拔蚌刺身今日特價$588，就叫了一客，非常新鮮爽口鮮甜！仲要讚下個鮮打靚蝦滑，非常爽口彈牙，仲食到有粒粒蝦粒係入面！打邊爐又點可以少咗靚牛，我地乜牛都想試就要揀漁火特選牛盛薈$428， 有齊頂級靚牛肉牛舌牛頸脊牛柳粒，好香牛味，好正！

天氣凍凍地最岩打邊爐🤩本身預約左9:15分宵夜時段，點知早左收工，結果一行四人9:05分就到左。職員二話不說就安排左座位俾我地，等我地唔洗等到夠鐘。員工有禮，用笑臉迎接每一位客人，值得一讚。食之前最緊要混醬！呢度醬料選擇都幾齊全，而且無限供應，我可以盡情多蔥多莞西再加沙嗲醬啦！湯底係打邊爐既靈魂。平時黎黎去去都係沙嗲 同麻辣，有時都想試吓啲特別嘅湯底。呢度竟然有雞湯魚肚做湯底，幾特別，就試下佢啦！個湯上到黎既時候面頭仲有D翅，誠意十足。雞有雞味，食得出係新鮮雞，個湯飲落仲好鮮甜。原本返工返到頹頹地，心情即刻靚晒，飲碗靚湯，為今餐揭開序幕。唔好睇佢係平平無奇既四寶丸，原來內有乾坤。墨丸入面包多陣蝦膠，咬落去滋味DOUBLE，好有驚喜。而豬肉丸入面有咸蛋黃，總之粒粒新奇又好玩！打邊爐點少得牛肉。佢份PRIME牛肉真係無得輸，色澤好靚，一咬落去肉汁四溢，肉味好香濃。壓軸出場係主角海鮮拼盤，盡左力張相都影唔晒成盤野，份量好大，好豐富。有蝦，多種貝類，聖子同龍蝦。龍蝦啖啖肉，龍蝦膏爆晒出黎，充滿鮮味，必食！其他仲有即炸響鈴，帶子餃，跪魚片全部都有咁上下水準。埋單望下張單，仲有8折優惠，非常抵讚！

呢幾日天氣咁凍梗係要搵班豬朋狗友放工去打邊爐啦。點解叫豬朋狗友？咪因為次次見到大家都會大破戒，食同飲到飽哂先走人！由於有朋友要ＯＴ，我地就決定等到９點半先入座，因為仲有８折優惠！等齊人上到去漁火海鮮刺身火鍋，係門口已經見到有一桶桶新鮮西班牙空運既巨型生蠔同元貝，龍蝦係哂魚缸入面。真係睇見都令人流哂口水。之後服務員帶佐我地去卡位。卡位闊落舒服，環境光猛，服務員不時問我地既需要，好貼心！------------------------------------------------------------我地叫佐花膠雞湯翅湯底，同朋友一齊補下！吹佐成日水，大家都好口乾。就叫佐我最鍾意嘅竹蓆茅根水，飲落去好清，唔會好似糖水咁甜。之後到打邊爐無可能唔叫既牛肉，牛魔王嘅我哋見有樣係＂手切頂級ＰＲＩＭＥ牛肉＂，我地就決定叫來試下有幾ＰＲＩＭＥ。果然ＰＲＩＭＥ牛肉吃起來口感跟一般的牛肉很不同，油脂很夠，吃完後還有濃濃的肉香殘留在口中，真係令人愛不釋手，隻手不停夾牛肉落去淥！不過去得海鮮刺身火鍋又點少得食海鮮呢。識叫一定叫海鮮拼盤，可以樣樣都試哂。有蝦，龍蝦，元貝，蟶子，珊瑚蚌等，真係要咩有咩。而且仲

是日係project deadline，同幾位同事ot到九點幾先收工，辛苦左成日，第一時間緊係去醫下五臟廟先啦！銅鑼灣食野都係去京都廣場啦，朋友鐘意食海鮮，所以就揀左漁火，就咁睇個樣好似唔錯咁！上到樓見到環境非常好，我地四個人坐卡位就岩岩好，坐得又幾舒服，成班朋友傾住計食野最重要就緊係舒服！不過黎得食野重點緊係點食物啦！講到食物真係唔得了！話明鐘意食海鮮，見menu有海鮮拼盤，我地二話不說就點左先啦。不得不提個拼盤，可以話係世界級！有今生無來世！正到爆！拼盤入面要乜有乜，全部都係高級海鮮食材，有元貝，龍蝦，蝦，聖子！仲要全部都係勁新鮮！係一啲腥味都無，仲要勁鮮甜！連最簡單既蝦，都好鮮甜彈牙，完美！聖子原條直上，鮮甜彈牙，有口感得黎唔會太韌，鮮甜得黎又有口感，食到一半已經忘記左返一日工既疲勞元貝大大隻，係勁大隻，勁鮮，海水味全無，可謂上品中既上品，淨係見到個樣都令人食指大動😍，大佬龍蝦真頭係邪惡，肉質鮮嫩，口感彈牙，重點係，蝦膏超多，直頭係爆晒出黎，食到我jaja聲，口水都忍唔住，邊食邊流出黎，實在係太幸福啦😍！如果有朋友打算黎食，海鮮拼盤係一定一定一定唔可以錯過既一道菜！鐘意食海鮮既朋

今夜跟好姊妹慶祝生日，女主角說要來吃火鍋，地點選了在她工作地方附近的漁火海鮮刺身火鍋，就在銅鑼灣地鐵站c出口 sogo後面食店臨立的京都廣場，很容易就找到。見到門外的海鮮就很期待呢！還見到很大的西班牙生蠔，今晚就要吃定你呢！忍不住先叫了兩個西班牙生蠔(每隻$68)，開起來比手掌還大， 配合檸檬汁海鮮醬辣椒仔同吃，新鮮又鮮甜。好姊妹注重養生，少吃辣和味精，特意挑了一個滋潤湯底， 花膠響螺燉豬展$198，非常足料，花膠響螺和大量豬展蟲草花包含在內，非常清甜得我們都飲了幾碗湯，完全不覺得有味精。牛方面選了個特選牛盛薈，因為我們都喜歡試不同的牛部位，有牛頸脊，牛舌，牛柳粒等等，紋理漂亮， 牛味超濃！推介！飲品價格相宜，這個自家竹蔗茅根才$48， 我們最愛他味道清清的不太甜。

今日男朋友帶左我去銅鑼灣打邊爐，話佢嘅活魚刺身好好食。一向鐘意食刺身嘅我又點會放過！餐廳唔算好大，但環境就好舒服，坐位之間好闊落，坐得好鬆動。湯底選擇都好多，我地就叫左麻辣湯底同魚湯。花金古刺身。條魚超級新鮮阿！刺身嘅最高境界係上檯個陣條魚仲識得郁。不得不贊師傅刀功好勁，每一片都切得好平均。佢唔同一般出面嘅刺身得個凍字無鮮味，會食到魚嘅鮮甜，唔點豉油啲味都好突出。食完刺身條魚可以選擇椒鹽或者斬件拎黎打邊爐，我地就揀左斬件，一樣鮮味十足。手切本地鮮牛頸脊中size嘅份量都算多，佢每一片都切到好大塊好厚，唔係市面上成日見到嘅勁薄牛肉。肉質較實，好重牛味，魚湯可以吊一吊牛肉嘅鮮味，而辣湯就有小小香茅同彊味，遮左牛肉嘅味。肥水大花甲花甲有我半隻手掌咁大，啲肉脹卜卜。食落係爽口嘅，好鮮味，而且吐沙吐得好乾淨。走地清遠滑雞雞件肉質實正，但好嫩滑。雞皮唔會好肥，脂肪唔會太多，即使係雞胸位，肉質都仲滑。鮮打靚蝦滑蝦滑真材實料，打完仲會見到有一粒粒嘅蝦肉係到。落左唔夠一分鐘就會浮面，食落係爽口彈牙，有啲似魚蛋嘅感覺。另外仲叫左蘿蔔同冬瓜等蔬菜，全部都好新鮮。服務好好，上菜速度同收碟來好快，員工好有禮貌。

服務態度好，交通方便。只是真心唔明為何這麼多好評？本身不喜吃太濃味食物，但所有食物連湯底（胡椒猪肚湯）味道均十分淡味，從未飲過味道這麼淡的自家竹蔗水（似是全部加入大量清水），最勁係連豉油都係淡味既⋯⋯只有蝦丸最讚👍🏻

呢間漁火海鮮刺身火鍋嘅環境幾大幾舒適，最岩同朋友黎，吹下水，可以慢慢享受打邊爐烚下烚下嘅樂趣！不過是日就同細佬一齊黎！近排因為佢要成日開夜車温書，所以個芫茜皮蛋豆腐湯底清真係岩晒佢！我地點左個例牌清遠鷄，肉質好新鲜同好滑。魚皮餃就煙煙韌韌，同埋吾會好似出面有啲食食下入面個餡好似有魚刺咁，吉到啲牙肉。佢個咸蛋豬肉丸亦幾特別同幾好食，我地都係第一次係火鍋店食到咸蛋豬肉丸！😍另外值得一提嘅係呢度店員嘅服務態度比起其他火煱店嘅效率高！👍

天氣凍，打邊爐是常識吧😁今日選擇到呢間餐廳，因為之前有朋友嚟過，話覺得呢間餐廳嘅食物質素係比較高，但價位都相對地高少少（我都明白一分錢 一分貨，最緊要係真係高質素）咁我覺得2018年第一餐出街食，都必須要食得好嘅，所以都決定呢度試吓啦。餐廳除咗火鍋之外仲有d炸物小食同埋刺身提供，但因為天氣凍，所以我直接就衝向選擇火鍋配料我哋一行二人，點左番茄薯仔粟米湯底，同埋五種火鍋配料。其實整體來講呢個湯底同埋五種配料我都覺得相當滿意，但係當中特別鍾意嘅就係漁火特選牛盛薈$428，鮮打墨魚滑$88，同埋竹笙$48漁火特選牛盛薈賣相無得輸，紅紅綠綠咁，令人眼前一亮😍我哋係有問過店員呢幾種牛肉會係牛嘅邊部份，店員都有詳細咁解釋比我哋知，只係我自己已經唔記得咗....不過我想講嘅係，無論邊一款牛肉都好，都真係會食得出好新鮮，烚完嘅牛肉會睇得好清楚牛嘅紋理好靚，肥瘦均勻，而且好簿身墨魚滑真係好滑，滑到有幾次我都夾唔實，墨魚滑入口感覺好扎實彈牙，加上有d飛魚籽，好正呀竹笙過往去打邊爐，好多時候d竹笙上枱都係好多水，好濕咁款；但係呢度，竹笙上枱嘅時候係比較乾身，比我嘅感覺餐廳廚房應該係好乾淨企理😁竹笙烚完之後仍

朋友推介今晚去食漁火海鮮刺身火鍋，位於銅鑼灣鬧市區非常方便，而且好容易搵到餐廳。好彩之前都有打去餐廳訂位，上到去已經好多人等緊位，喺門口位置更有座位坐比客人等候，餐廳真係非常體貼。等座位嘅期間，睇到餐廳嘅餐牌上有好多火鍋湯底選擇，係入座之前我哋就揀好晒食乜嘢湯底同埋火鍋配料。一入到去坐低，好快啲嘢食就嚟晒啦，芫荽皮蛋豆腐湯好香，個鍋底好大，用匙羹舀起入面嘅食物果然非常足料，入面有豆腐、皮蛋同埋芫荽，份量都比較多，飲一啖湯都好清甜。醬汁配料都有九款選擇，對於喜歡吃辣椒嘅我，自己混合醬汁，將啲食物點小小辣椒，更加滋味。我最鍾意食雲吞，如果叫一碟驚食唔到其他食物，所以餐廳配有雙拼選擇，只需要加錢就可以叫雙拼食物。雲吞王拼帶子餃好有份量，驟眼睇見到帶子餃非常大隻，脹卜卜的。食落去入面果然有好大隻嘅帶子肉，皮薄饀靚，非常新鮮。除此之外，順德魚腐有八件，食落去入面嘅魚肉非常多，而且口感軟滑，魚肉非常新鮮入味，好正，必叫。重頭戲當然要叫手切PRIME牛肉，肉嘅條紋分明，食落去有質感，新鮮牛肉味香濃無比。另外，餐廳自家製嘅鹹蛋豬肉丸非常特別，外面係新鮮嘅豬肉，入面中央位置係鹹蛋黃。另外仲叫咗深海龍躉片

秋冬天最適宜打邊爐，我哋兩個人就去咗銅鑼灣嘅漁火海鮮刺身火鍋專門店試吓佢嘅火鍋。入到去全場滿座，等左10分鐘先有座位。餐廳有大嘅卡位座位，同埋近窗邊嘅座位選擇，座位空間都比較闊，坐得幾舒適。火鍋湯底超過10款選擇，最後我哋選咗芫荽皮蛋豆腐湯，先飲一啖湯好清甜，平時唔鍾意食芫荽嘅我，都唔會覺得湯底味道好反感。首先要叫我最鍾意嘅竹蓆茅根水，飲落去好清甜，唔會好似糖水咁甜。牛魔王嘅我哋叫咗中份量嘅手切PRIME牛肉，牛肉質感好軟身，食落去非常濃郁新鮮。除此之外，仲叫咗其他火鍋配料，包括深海龍躉片、雲吞王拼帶子餃、鹹蛋豬肉丸、炸魚皮等等。當中嘅深海龍躉片厚厚切片，食落去口感好滑，完全唔會腥，味道非常新鮮。還有餐廳推介嘅鹹蛋豬肉丸，平時係出面一定食唔到，咬落去中間有鹹蛋黃，外層嘅豬肉咬落去有好香濃嘅豬肉味道，非常特別。食到最尾真係非常滿足，埋單兩個人都只係＄1000，平均每人消費＄500，食物質素高，價錢合理，必定會再次光臨。

同幾個月無見既朋友一齊打邊爐,三個女仔一齊食通常我打邊爐都喜歡叫竹蔗矛根水飲,我覺得最難夠解熱氣^^今次見餐牌有,仲寫住自家制,夠曬新鮮,唔會太甜醬料自行調較,料足,整齊湯底選左牛乳,非常特別,濃度適中黑豚肉,色澤均勻,口感唔錯烏冬亦是我常點的主食之一最能夠索到湯底的精華,入味又填肚成餐我覺得最驚喜呢碟牛盛薈啦﹗我比100分份量超足,肉的色澤鮮紅,證明非常新鮮,又好味種類有五款,不得了又大份,抵食,好食^^ 大滿足另外仲有叫芝士丸,午餐肉,蝦滑呢幾款都係打邊爐必點的食物之一索味 食肉 滿足感最後仲有幾款菜,均衡一下唔可以只食肉喔成餐都好抵食^^特別是牛盛薈,我最喜歡一碟食物﹗我都會介紹朋友食呢間,影相打卡位置又方便 ,一出站對面就係

銅鑼灣有間刺身火鍋店《漁火海鮮刺身火鍋，是有海鮮 刺身 火鍋，原來食店裡的湯底有很多款選擇, 數下都有14款, 漁火龍皇海鮮湯、漁火花膠雞湯翅、花膠響螺燉豬展、菜乾白肺燉豬骨及自家鮮魚清湯鍋都是店主推薦。刺身也有十多款, 海鮮不用說了。胡椒白果豬肚煲,天氣少少涼, 胡椒的辣味非常暖胃，加入蟹柳，芝士丸......手切本地牛,沒有肥牛的肥膩, 很適合健康一族鮮打墨魚滑拼,發覺雙滑的肉被打到起膠的質感很重,用湯匙撥出放落滾水到時, 滾多兩滾其本身的鮮味亦沒有溜失餃子一起浸入鍋煮，乃是以新鮮肉碎菜碎粒作內咸，並以靚質簿皮包著成餃子粒，浸入火鍋中加以一煮，也熱辣更醃味得很，入口嫩熟質爽味道確零舍好的。招牌雲吞王,招牌雲吞王大大粒, 放入湯底撈起更加大粒, 咬落好大