漁火海鮮刺身火鍋

營業中

休息中

天氣開始凍就收工同同事一齊圍爐取暖，上到嚟環境幾寬敞而且大枱居多，好適合一大班人嚟食。餐單好多選擇，係睇menu再劃紙嘅形式好貼心，因為好多特別啲嘅食材都有圖睇住叫。見天氣凍就叫咗胡椒白果豬肚煲暖一暖胃，個湯愈食愈濃味，而且唔會愈煲愈多油，最後當埋湯飲都唔錯。雖然龍蝦刺身要預訂叫唔到，咁就試下本地龍蝦，好肥好大隻而且滿滿嘅肉，鮮甜可口。新鮮牛胸爽我都係第一次食，爽爽地口又鮮甜幾好味，可以一試。加洲桂花蚌好大碟、份量多，咬落爽脆彈牙，帶點鮮味，又係必叫之選。招牌雲吞皇入面好大隻蝦仁，而且好多肉，肉質嫩滑高質。再叫埋自家竹蔗茅根，味道濃郁、清新，而且份量無偷工減料，食火鍋飲降吓火啱晒。