漁火海鮮刺身火鍋

營業中

休息中

今晚一行幾個人突然好想打邊爐，行過這裡收到單張望吓都可以，就係咁上了去，全層都係這間餐廳，大部份位置都係舒適嘅卡位，而今晚就點了個最傳統今晚一行幾個人突然好想打邊爐，行過這裡收到單張望吓都可以，就係咁上了去，全層都係這間餐廳，大部份位置都係舒適嘅卡位，而今晚就點了個最傳統嘅蕃茄薯仔栗米湯底，上枱時湯底內嘅蕃茄薯仔份量十足，加埋有最愛嘅甜栗米，正！而大家都覺得一定要叫個漁火特選牛盛薈，第一個個都係食肉獸，第二係佢樣樣都有啲，一次過可以試多啲口味！另外丸丸嘅習慣就係佢嘅漁火特色四色丸，招牌雲吞王，加埋小吃巧手糖心皮蛋，同埋自家竹蔗芧茅水湯之後就係上埋個糖心皮蛋，上面放了好多芫荽蔥，而皮蛋就係被啲酸醋浸住，入口時完全感受到流心嘅感覺，加埋皮蛋嘅爽彈口感，而且夠晒濃味開胃，作為一個餐前小吃絕對係推介之選！而漁火特選牛盛薈就係今晚最注目嘅食品，首先佢有齊了餐牌內嘅頂級部位，當然份量絕對唔一樣，但可以樣樣試吓！個人最愛就係Prime 牛肉，脂肪分佈均勻，入口肥美軟熟，有好濃郁嘅牛肉味道，同埋個本地鮮牛頸脊亦好軟熟嫩滑，肉質夠晒嫩滑！當然有他亦唔錯，但我就有目標！而個丸丸亦十分出色，滾熟後變得大大粒

小弟好喜歡打邊爐同食雞煲既，不過任食就唔太岩我，因為質素比不上每碟叫之餘，圍翻起上黎有機會貴每碟計。（重點人多，有時排到唔想食）所以今日想同大家介紹翻 係銅鑼灣呢間樓上火鍋店。醬料有9款選擇咁多！我就最愛芝麻！漁火花膠雞燉翅好多湯底簡，花多眼亂，由於上次試左天麻魚頭湯，今次就揀漁火花膠燉雞湯翅，翅湯底打邊爐都算串嘴啦。湯入面有個好大空心既節瓜，放左半隻雞，花膠，菜，京蔥等，唔少得個翅啦！手切本地鮮牛頸椎 （中）肥牛就食得多，今次就試下手切本地牛，份量好多 肉質嫩，牛味又濃郁。正！什錦刺身（細）刺身其實係我口痕叫既，點知好有驚喜！每樣都有6塊 帶子，三文魚，油甘魚，北寄貝。帶子更係新鮮又唔腥，仲有淡淡清甜，仲配上檸檬。另外個人非常喜歡油甘魚，亦都不錯！推介大家魚腐 ，炸魚片頭，粉絲，皇帝菜魚腐吸曬湯既味道之餘仲有魚味。炸魚片頭 爽口彈牙 食落特別香脆可口。粉絲同皇帝菜，滲透雞湯味，十分美味！總結，樓上既火鍋店 呢一間真係我既至愛之一 相信好快我又會去光顧

又成個月冇食過火鍋，又係時候去食回味一下味道，平時食開火鍋都離唔開食肉，唔知係唔係平時食慣咗所以唔食唔得，其實除咗食肉外都有其他配料選擇，例如海鮮咁已有多款食材不過係價錢貴D，所以先比較少點唔係唔食都會有兩三款，人人都認為食肉先會飽，其實食其他都會飽只係心理上感覺，是日晚又去咗開餐當然係食火鍋啦呢度仲有小食提供，我都點咗巧手糖心皮蛋食住先，糖心皮蛋入口香滑味濃郁，又估唔到食落有D麻辣又幾刺激，真係唔錯嘅小食至於火鍋配料提供有多款肉類，海鮮仲係呢度主打很定新鮮，同自家製餃丸，橫掂次次食肉今次就食少D食吓海鮮同其他配料，咁多海鮮揀都唔知食边樣是好，唯有叫咗龍王珍寶海鮮拼盤，內裏已包含多款生猛海鮮再點埋其他火鍋配料，等埋湯底滾起就開始食得，首先食梗係海鮮先，有龍躉片肉質鮮嫩骨膠原豐厚，珊瑚蚌食落夠爽滑，龍蝦厚肉又多膏，元貝大隻夠彈牙，貴妃蚌食到肉質好鮮甜同蝦肉結實啖啖肉，會食到海鮮嘅鮮味夠晒滋味品嚐完一輪美食再來有特色四色丸，手打鮮蝦丸，鹹蛋豬肉丸，潮式手打牛筋丸，手打墨魚丸，每款手打丸用料足食落各有特色享受嘅時間又到咗尾聲，再食埋個稻庭烏冬吸收湯汁精華已經滿足晒又品嚐咗一餐鮮味火鍋。

朋友極力推薦下，終於嚟咗呢間位於銅鑼灣京都廣場8樓嘅漁火海鮮刺身火鍋！睇下menu有咩好食先！我一直堅信，餐廳出名嘅招牌菜一定會顯示喺個餐廳名入面， 所以當然揀個有海鮮嘅湯底最實際！😌我哋order咗花甲煲豬骨湯底，湯底係嫩嫩嘅奶白色， 未飲已經覺得好吸引🙈 寶物沉歸鍋底，湯底下有幾隻超大隻嘅花甲😍未落配料前我哋先飲咗碗湯，湯底非常鮮甜，同友人忍唔住飲咗一碗又一碗😂打邊爐又點少得牛？漁火呢個手切頂級PRIME牛肉齋睇賣相已經非常吸睛，脂肪同肉嘅比例非常分明同均勻，而且牛味十足， 入口即融， 我哋兩位牛魔王表示滿意😋我地加左十蚊要咗個手打帶子丸同招牌雲吞雙拼， 個人嚟講比較鍾意食手打帶子丸， 一來一咬開已經見到大大粒嘅帶子， 二來味道夠曬特別： 嫩滑嘅豬肉加上爽口嘅帶子，層次豐富，非常創新嘅配搭~椒鹽九肚魚炸得顏色雖然偏淡，但出奇地香口惹味，內層鬆軟，加埋伴碟嘅蒜粒一齊食，口感一流👏🏻本地龍蝦非常新鮮，上菜後一段時間都仲見到佢隻龍蝦腳喺度郁😂 最驚喜嘅係一反開蝦殼 ，見到有勁多嘅蝦膏！！😍食落用非常鮮甜， 價錢268蚊嚟講亦唔算太貴，抵食！唐生菜非常嫩綠， 即時唔小心煮嚟咗亦唔會變黃嘅情

今日收工夜咗，同男朋友喺銅鑼灣睇下有咩宵夜邊爐，見到漁火呢個名幾得意就決定上去試下！ 位置非常便利， 係地鐵站對面嘅京都廣場8樓~餐廳環境格調非常日式，座位亦寬敞舒服！ 湯底有好多款選擇， 見到餐牌上面嘅花甲豬骨煲 湯底奶白色，睇落好吸引😋 侍應推介我哋可以先任一碗湯， 湯底好正呀！！😍 有濃香嘅豬骨味， 又有花甲嘅鮮甜美， 果然湯底足料真係好緊要 👍🏻手切頂級prime牛肉好有牛味，食落仲係入口即溶，而且份量都幾大碟， 我哋兩個人嗌咗碟大嘅都爭d食唔曬😂😂本地龍蝦好新鮮而且估唔到的多膏！ 食落肉質爽口彈牙，仲好鮮味，如果大隻d仲好~🤤生菜好嫩，食落好爽口，而且吸晒湯嘅精華好入味，非常好食！😚漁火特色四色丸有蝦丸、墨魚丸、牛丸同豬肉丸。 手打嘅丸食落果然零舍彈牙，而且粒粒丸都好大粒👏🏻 我地最愛佢嘅蝦丸，外面黐滿蝦米， 食落有少少脆脆的口感，仲好香口，非常特別~~食完嘢去洗手間嘅時候發現原來入面好細心咁放咗漱口水， 啱曬我哋打完邊爐後個口一陣味用，非常貼心呢~❤原來九點半後嘅宵夜時段有全單八折優惠，我哋兩個嗌咗好多嘢食，埋單都係唔過千， 以食物質素來講真係非常抵食😍

去到銅鑼灣太多食肆唔知點揀，但又想食打邊爐，於是就去咗位於駱克道491-499號京都廣場8樓一間叫漁火海鮮刺身火鍋。入到去坐低就會有人送上一盤有各式各樣嘅打邊爐醬汁等等。舖名都寫有刺身就當然要試佢地嘅刺身，於是邊爐都未打就叫咗個細隻嘅龍蝦刺身，過咗大約五分鐘龍蝦刺身就黎到，可以見到龍蝦頭係重識郁，即係選用生嘅海鮮來做刺身，先唔講佢好唔好食，淨係用生嘅海鮮已經夠誠意。但食落嘅口感亦都一流，一放入口有種好棉嘅感覺，加上刺身上面加咗好多蟹子，令到食落更加有鮮味。另外食完刺身往可以請侍應拎到廚房將龍蝦冇做刺身嘅部分斬件放落去打邊爐湯底入面，令湯底昇華到另一個層次。今次揀咗招牌麻辣鍋同埋胡椒白果豬肚湯，麻辣鍋加熱後傳出好香嘅配料味，而豬肚好爽口，亦有好重嘅胡椒味，一啲都唔馬虎。打邊爐配料方面有鮮滑牛肉，放落去10秒就食得，非常滑溜。加上蟹子嘅墨魚滑， 特别爽囗彈牙， 口感豐富不少。還有其他火鍋料， 包括有四色丸、魷魚同蔬菜等等，既豐富又美味。 重有自家製嘅韭菜餃，隻隻都好足料，入面食到都係豬肉同韭菜，唔會加好多粉入去，而且皮薄又唔易滾爛，非常好食。飲品方面叫咗自家嘅竹蔗茅根，因為打邊爐比教熱氣所

今日星期日同朋友放假就出去打算打邊爐，所以就去左京都廣場嘅一間火鍋店去試下！我地一入到門口，左手邊已經有好多龍蝦，同其他海鮮都幾大隻架！之後一坐低，職員就好細心咁比左豉油同調味品我地去調醬汁～湯底方面我地叫左雙拼鍋（麻辣，豬肚）！然後打邊爐之前當然要叫個龍蝦刺身試下啦！隻龍蝦一上枱，我同我朋友都（嘩！）左聲，隻龍蝦仲好新鮮，仲郁得好勁，肉質十分鮮甜彈牙！都好抵食！另外食完個龍蝦刺身之後，職員會問你要唔要放埋個龍蝦頭落個火鍋入面，我地就選擇放埋去豬肚湯底個邊！再飲下個湯，十分之推薦！如果大家都叫龍蝦食嘅話都放埋隻龍蝦頭落個鍋入面，因為個湯係會變到超鮮甜架！而且個龍蝦頭入面係有幾多膏下，十分之吸引～自家竹蔗茅根水，味道十分天然，唔會太甜～火鍋配料方面，叫左:漁火特色四色丸（$128）每一粒都係唔同味 同埋啲丸打得好好 好彈牙！鮮滑牛肉（$88）雖然唔係叫手切牛肉，但呢個已經好有牛味，肉都好鮮嫩 好抵食！豬仔午餐肉（$45）午餐肉都好推薦，午餐肉係好厚切！食落感覺肉好軟棉棉好香！自家韭菜餃（$68）我一直係出面打邊爐都好少會叫餃食，因為大多數出面食親個啲都好少料，放落鍋煲幾煲就爛嘅隻餃。而漁

平時去食餐火鍋有時真係唔知想食乜是好，一來真係有太多嘢食攪到都唔知食乜，計我話其實要食一餐美味嘅火鍋，最緊要係可以食到食材嘅鮮味，咁先至品嚐到一餐美味嘅火鍋，呢次又約咗朋友去左銅鑼灣食火鍋我地比較注重食材方面，所以湯底方面就揀咗普通湯底，至於火鍋配料真係有好多選擇，由海鮮到肉真係應有盡有睇下自己想食乜，我地呢班人就最鍾意食肉，所以都點肉為先叫咗漁火特選牛盛薈，內裏已包含多款牛肉食到多種肉味等咗陣已見牛肉拼盆出來，分別有手切本地鮮牛頸脊，手切本地牛邊位，手切頂級prime牛肉，一口和牛粒同極品牛舌蕊賣相夠晒吸引，真係要逐一品嚐每種肉，入口食到肉嘅鮮嫰味香濃我地眨吓眼就食完都仲係食得唔夠滿足唯有再點一輪先夠喉，真係越食越滋味除咗食牛外都有點左其他火鍋配料品嚐一番，又其招牌雲吞皇同炸魚片都相當食到用料足又夠香脆食火鍋嘅時間真係過得特別快，一邊食一邊飲夠晒開心，最後梗係食到肚仔飽飽回家

多謝世界盃多謝馬會，俾我估估下都贏到一餐飯食，贏返嚟嘅錢就識得特別豪爽，今晚一於去食餐海鮮盛宴。銅鑼灣剪髮跟住同朋友就上咗嚟漁火。而其實當晚有一件好重要嘅事，就係同阿少爺仔慶祝生日，少爺仔出名腌尖，食要食最好嘅。一眼就睇中左超豪華嘅龍皇珍寶海鮮拼盤 $628。既然我都有份食落肚當然冇所謂啦！因為少爺仔要去唱K，當晚唔食得辣野，所以我哋就放棄咗招牌麻辣湯，改為清淡健康的番茄薯仔粟米湯$98。 我哋喺門口嘅時候已經見到大魚缸，漁火的海鮮應該好新鮮。龍皇珍寶拼盤好快就上枱喇！我最期待的是龍蝦，店長跟我們說這是南非龍蝦，所以肉質特別彈牙，味道鮮甜，而且仲有美味蝦膏，yummy。元貝不是普通的，而是珍寶size，肉厚而鮮甜，一入口已經食得出係優質食材。中蝦有手掌咁長，蝦肉爽脆鮮甜，食落有彈性。龍㚄片放落滾熱辣的火鍋，滾兩下已經食得，入口嫩滑，魚味十足。招牌雲吞皇果然名不虛傳，每一粒都大個乒乓波，成隻鮮蝦係入邊，真材實料貨真價實，一啖都食唔晒。而我打邊爐係一定要食魚皮嘅，鬆脆可口。整體感覺滿意，價錢親民，用料新鮮，值得推介。

打邊爐一向係香港人至愛，唔理夏天冬天，總之想食就食。今晚同朋友行完銅鑼灣，經過京都廣場，就入左去試漁火，但由於人數不多，我哋就係試左呢到嘅重點食物。漁火，用料豐富的海鮮湯底。 係湯底方面，我地叫左花甲海蝦魚湯鍋($198)，湯底係奶白色嘅，入面有六隻左右嘅大蝦，加埋大大隻花甲，食落口十分清甜。炸魚皮($38)浸落D湯到脆得黎又吸到D湯汁，超正。 主食就叫左特色四色丸($128)同埋牛肉盛薈($428)，四色丸分別係牛肉丸，豬肉丸，墨魚丸同埋蝦滑。雖然四隻丸都食得出手打嘅同埋好正，但係我最欣賞係蝦滑，因為佢加埋D白飯魚仔食落去好有鮮味。牛肉盛薈雖然四百幾蚊睇上去好貴，但係物有所值，因為入面有靚嘅牛肉，包括雪花牛同埋手切肥牛。三個人食都夠食，而且點埋佢哋嘅醬油配料，實在十分滿足。

不知不覺已經步入炎炎夏日 但當然無阻foodpigss🐷🐷愛打邊爐啦💓😛 畢竟開住冷氣打係別有一番風味😝 今次就黎到呢間高質而且十分之就腳既海鮮火鍋餐廳🙋🏻‍♀️鋪面係行日系風服務都不錯 一坐低店員就會好有效率咁拎啲醬料俾我地自己配搭 🐷🐷就揀左豉油配蔥同芝麻打邊爐除左肉之外 最重要既緊係湯底啦！呢間餐廳就正正係好多選擇 而且係其他餐廳好少會有既😍🐷🐷就揀左花甲海蝦魚湯鍋（$198）花甲同蝦都好大隻又多肉 加埋大蔥同蕃茄等配料 真係好好飲 重點係無味精 係真材實料！而肉類方面 因為🐷🐷有選擇困難症既關係 所以呢個漁火特選牛盛薈（$428）就岩曬啦！ 事關佢一次過有齊曬手切本地鮮牛頸脊、手切本地鮮牛邊位 、手切頂級PRIME牛肉、一口和牛肉同極品牛舌芯☺️ 整體都係好嫩口 當中頂級牛肉係最正 真係名都有得你叫😹 係無得頂嫁！ 另外一口牛同牛舌都係平時韓燒會燒既野 用黎打邊爐真係第一次😂 因為較厚身既關係所以要烚耐啲 但食落真係好juicy😇 最後就緊係飲返支打邊爐不可或缺既汽水啦😌 🐷🐷就揀左忌廉($12）爽不得不說好似叫左好少野 但因為今次人數唔多 牛既份量都唔少下 所以已經飽曬，勁滿足！

我同朋友喺銅鑼灣行完街準備食晚餐，經過京都廣場見到下邊宣傳牌寫住有間海鮮刺身火鍋，而我哋咁啱又想食火鍋，就決定去試吓呢間漁火。一出lift就見到餐廳門口擺咗一啲海鮮，有魚、有象拔蚌、有龍蝦、有蠔。入到餐廳裏面，店員都好有禮貌安排我哋入座，問我地要咩湯底，同埋推介我哋食而家做緊優惠只係$588嘅象拔蚌刺身。佢呢度嘅湯底有非常多選擇，但因為我同朋友都好鍾意食芫荽所以我哋就揀咗芫荽皮蛋豆腐湯，湯底有超多芫荽同埋皮蛋仲有超多豆腐，超正呀！而嘢飲方面我哋就揀咗一渣鮮榨橙汁，橙汁飲得出係鮮榨而且係唔酸既。第一碟上枱嘅就係象拔蚌刺身，象拔蚌刺身有好多塊，而且食落好新鮮，我哋仲叫咗日本帶子刺身同埋三文魚刺身都係好大塊好新鮮。然後我哋仲叫咗三隻西班牙巨蠔，我同朋友們每人一隻，啲蠔真係好大隻，成隻手掌咁大，一隻西班牙巨蠔等於兩至三隻平時一般既蠔，好重海水味我最中意。火鍋配料有勁多款，而我哋就叫咗肥水大花甲、加州桂花蚌、水魷魚、芝士丸、蟹柳、豬紅、雞子、豬粉腸、豬大腸、唐生菜、烏冬，全部火鍋配料樣樣份量都好多，我哋最尾都食到好飽好滿足。仲有我哋仲叫咗佢個自家韭菜餃，真係同平時喺超市買到嗰啲急凍冰鮮韭菜餃好唔

今日喺銅鑼灣突然想打邊爐，經過京都廣場見到有火鍋餐廳，就決定去試下。雖然價錢無一般火鍋店咁平，但係性價比好高，值得一試一入門口就見到有未開嘅生蠔同新鮮嘅龍蝦擺左喺出邊，超吸引～ 入到去見到燈光暗暗地，裝潢好有日本風。座位數量好多，亦有卡位可以選擇，多人嘅話仲可以坐房添一坐低侍應就即刻遞上調味盤，俾我哋揀醬汁嘅配料。夏日炎炎，我地即刻點左一jar橙汁解下渴，份量都足夠三個人每人兩杯架今餐超級豐富，以下幾樣推薦大家一定要食:今期做緊優惠$588就可以食到生猛嘅象拔蚌刺身，好新鮮，鮮甜兼彈牙。仲有每人食左一隻西班牙巨蠔，有成隻手掌咁大呀，都只係＄68，味道超fresh另外我地仲叫左水魷魚、唐生菜、桂花蚌、韭菜餃。水魷魚口感綿密柔軟，富口感。出面火鍋啲菜有啲會爛，但係呢度嘅菜好新鮮，好乾淨。桂花蚌嘅size好大，口感爽脆，個個爭住食。韭菜餃入邊嘅餡就非常足料，值得一讚。我地仲叫咗烏冬，口感彈牙，火鍋必點總括黎講，雖然價錢偏高，但係一分錢一分貨。食物質素高，服務態度亦都好好。下次如果想食高質火鍋，可以去銅鑼灣京都廣場8樓，試下漁火～真係冇介紹錯架！

今日朋友生日，喺銅鑼灣揀咗一間火鍋餐廳同佢慶祝。去左銅鑼灣京都廣場8樓嘅漁火海鮮刺身火鍋。呢間餐廳食物質素高，非常值得推介俾大家。上到去見到好多生蠔同埋新鮮嘅龍蝦擺咗喺出邊，搞到人流晒口水。我哋坐低左之後，侍應就即刻俾啲紙我地揀火鍋湯底同埋剔嘢食。仲遞上一盤配料俾我地撈落啲醬汁度。湯底我哋就揀咗皮蛋芫荽豆腐湯，超多皮蛋同芫荽，啱晒我哋啲芫荽迷，好足料。既然慶祝生日，我哋就決定食豪啲，每人食左一隻西班牙巨蠔，超大隻，味道鮮甜，都只係$68。仲叫左三文魚同帶子刺身添，三文魚色澤鮮嫩，帶子就大大粒。黎呢度記得要食刺身呀！另外，我地仲叫左好多火鍋配料，呢幾樣大家一定要試！包括有豬粉腸、豬大腸、豬紅、雞子、蟹柳、芝士丸。豬大腸韌中帶軟，豬粉腸就好脆口。豬紅夠滑，浸埋啲湯更加入味。雞子外皮脆脆，內裏裹着嘅物體好似雪糕般融化，超級鮮味。蟹柳口感嫩滑，芝士丸裏面啲芝士更加可以拉絲添～呢間餐廳食物質素非常高，上菜速度都好快，店員亦都好熱心同有禮貌。如果大家想食高質火鍋，呢個都係唔錯嘅選擇！

男朋友升職話要請食飯食好d wo😂帶咗我去食出名嘅海鮮火鍋-漁火八點幾上到去人流唔算好多...喺銅鑼灣呢啲咁嘅鬧市都估唔到會有啲咁寧靜嘅餐廳可以靜靜地兩個人打邊爐❤️店員安排我哋坐左張可以坐到四至六人既卡位！其實小店嘅環境唔算好大！另外我留意到佢有兩三間VIP房！一班人一間房慢慢打應該幾開心😊火鍋湯底選擇都好多我哋揀咗-胡椒白果豬肚煲係等緊個煲黎嘅期間我哋就帶咗好多火鍋配料大約10分鐘個湯底已經嚟到！好大煲👍🏻👍🏻👍🏻已經忍唔住飲啖湯先！勁真材實料！奶白色嘅湯底配上胡椒嘅香氣辣辣地好滋補暖身！而且豬肚嘅數目真係好多！配料仲有蘿蔔同埋秀珍菇吸晒啲未！好嘢未啊！餐牌上發現有好多平時火鍋店好少見既配料...牛舌芯，牛胸爽，牛骨髓，牛黃喉等等，除了牛豬雞，還有肥羊片！當然佢哋嘅主角都係海鮮啦！我哋都唔例外點左個本地龍蝦😍話明食好啲吖嘛！龍蝦二百幾蚊都幾抵食！真係可以啖啖肉㗎！一食就知係新鮮貨色！牛方面我地就點左個手切prime牛肉🤭真係估唔到勁高質！雪花嘅比例分布得好平均！放入煲10秒左右時間啱啱好拎上嚟入口好嫩！而且好有牛味！另外我哋重點左佢嘅招牌雲吞！一碟8粒大大粒！入邊當然有大大隻鮮蝦！爽