漁火海鮮刺身火鍋

營業中

休息中

朋友想吃火鍋，我推介了這家「漁火海鮮刺身火鍋」，之前吃過一次，實在回味。銅鑼灣港鐵站C出口，對面就是京都廣場了，不用另外找個集合點，朋友們都輕鬆找到。我們選了沙發位置，座位寛敞舒適。湯底有十多款，可以隨意選擇，亦可雙拼。全部真材實料，堅持不加味精。就算加湯時也是加豬骨及雞湯，推崇健康滋味，多喝幾碗也不會口渴。滿$800就可以以七折$201點選什錦刺身一客(細)，有四款新鮮刺身，份量很多。最好吃是帶子刺身，鮮味厚彈。除了牛頸脊和海鮮聞名，我最欣賞是即炸響鈴$55，上枱時熱呼呼的，超長足料，十分鬆脆，可以當小食，蘸湯更是一流。地點方便、不限時、服務好、質素也很高，值得回頭。

平時如果又想打邊爐又想食刺身 都好難揀 但係漁火一次過可以滿足曬兩個願望我哋嗌咗花甲海鮮魚湯鍋，寶物沉歸底，海鮮喺曬底唔見人。象拔蚌同埋活魚刺身果然不負眾望好夠新鮮，刀功一流，完全展現左活刺身嘅魅力。 原隻象拔蚌同埋原條魚咁上，條魚仲識郁🤕 鬼馬油條其實就係將啲蝦膠釀入去油炸鬼度炸， 香脆彈牙兩種口感都有。 打邊爐必備墨魚滑同蝦滑，夠彈口可惜份量較少。 一眼就睇到花枝片好新鮮，形容唔到個口感，係要新鮮花枝先有，勁快就清左碟。都要提下啲配料，響鈴係即叫即炸，所以好香脆。竹笙係非常之大條，吸曬啲海鮮湯嘅精華，掂呀！將佢到加埋入濃濃地海鮮湯，完美作結！

用openrice訂了9點半，怕遲到9:20就到了，但成10點才入座，雖然店員一直說很快有位置，因為不限時，所以我覺得訂與不訂沒有什麼分別，至少那天我們離開時沒有人再進來了。看見好多食評推薦這間店，說真的，湯底用足料，單單是我們那煲花甲豬骨湯，豬骨有3舊，花甲有3隻；其他材料也很好味同新鮮丫，響鈴即叫即炸，擺係湯度灼一灼已經好好食；脆肉鯇好爽脆丫，但碎骨好似好多；四寶丸蝦丸那個超好吃，其他3款不過不失啦；新鮮滑牛這個超好吃；烏冬唔錯，軟軟的風格最岩我了；芝士腸拼魚皮餃，我覺得冇咩特別；帶子餃拼雲吞，我見網上好多人贊呢個，但我又唔覺得有幾特別；至於豆苗真的很新鮮。至於飲品方面，我們叫了竹蔗茅根，我略嫌唔夠凍因為9:30入座既關係，全單8折，幸好有看單，因為發現多收了一瓶竹蔗茅根的價錢，這個應該是我們一開始就下單但等了很久還沒有送來，我們催單但侍應生誤會了的關係，所以查清楚帳單真的很重要。埋單差不多800蚊，呢個價錢算中上了，但一分錢 一分貨，簡唔中食一餐都唔錯既

今晚同朋友仔出黎銅鑼灣行街～諗唔到食咩咁就一齊十下十下打邊爐啦！呢到地理位置唔錯 都有好幾間餐廳進駐呢到，想食呢間既就搭電梯時就限睇清楚樓層啦！上到黎嗌好湯底，就有呢盤混醬九工格！生蒜熟蒜辣油辣椒蔥啦連芝麻都有！啱曬我呢啲重口味 🤤🤤正式打邊爐前先食下招牌既象拔蚌刺身！三個人分都好夠食！鮮而不腥，加少少刺身豉油就真係有好好既提鮮效果！鮮而不腥既仲有呢條活！魚！刺！身！「食魚有魚味」第一次食活魚刺身既我都要造作啲講呢一句！條魚新鮮到條尾仲識郁！口痕既我地仲嗌左鬼馬油條 好食 🤤🤤湯底清清地 不錯～墨魚同蝦滑都好好食 🤤🤤

適逢世界盃足球賽季節，有波睇又想搵嗰地方同班frd一齊睇，知道呢度有電視播，而且坐得幾舒服，就過咗嚟幫襯吓新鮮海產有九款配料任你加重口味嘅我放咗勁多蒜啊～泰式生蝦 $108本身就咁食落去有少少腥加翻特配嘅汁冇咗陣腥味，食完仲開胃咗我哋叫咗兩款湯底- 招牌麻辣鍋呢個麻辣鍋色香味俱全，唔會太辣完全蓋過食物原味，又好香- 蕃茄薯仔粟米湯一眼見到好足料，滾咗之後可以飲吓湯先～響鈴 $55好大條！上枱時仲係熱辣辣，新鮮炸起因為呢隻響鈴有一定厚度，浸完後食落去中間仲係脆卜卜要讚吓呢個蝦丸幾特別，好似真係食緊鮮蝦咁墨魚滑唐生菜鮮牛肉稻庭烏冬估唔到呢度有稻庭烏冬點超級好味，我哋前後叫咗6個因為啲烏冬同普通嗰d唔同，彈牙啲，幼少少食食吓嘅時候，睇緊波，服務員同我地傾埋一份哈哈

火鍋湯底夠入味😋經朋友推介下，今日收工來到銅鑼灣漁火打個高質既海鮮火鍋。一坐落感覺二人枱很大張，比平時的枱大，所以可以放到很多食物。店內全部都係卡位，坐位都幾舒服。首先揀左湯底先，我地揀左胡椒白果豬肚湯，都係$98，個湯煲比想像中大，同埋聞到好香既胡椒豬肚味，望落都好濃。試飲一下湯底，發現濃味到就好似外面叫既胡椒豬肚煲既味道一樣，豬肚亦好多，湯底入面仲有蘿蔔係入面，飲落都知非常足料，所以都有飲左碗😜另外，仲有即開生蠔可以點，打邊爐既地方好小有埋即開生蠔食，所以當然要試一下。我地叫左即開法國生蠔，佢仲有隻巨型既蘇格蘭巨蠔可供選擇。但其實法國生蠔都夠哂大隻，好厚既蠔肉連殻，就咁聞都聞到海水味，食落好新鮮，而且每一隻非常厚肉，口感不錯。不能想像英格蘭巨蠔會係有幾大隻。叫左加拿大頂級桶蠔，一上枱真係忍唔住嘩左一聲，因為真係好大隻，百幾一碟有呢個質素真係幾抵食，蠔拾熟後都依然夠份量。仲叫左鮮蝦雲吞同帶子餃，一碟都有成六粒，仲要入面有隻又大又爽既鮮蝦。如果想食海鮮火鍋漁火一定唔會令人失望。

銅鑼灣嘅美食一向都唔少，每次一大堆朋友，都仲係會選擇火鍋，但係坊間有好多任叫火鍋平平無奇，要搵到一間高質嘅火鍋餐廳，認真不容易，漁火就係一間好好嘅例子。由於我哋只有一半人食辣，所以我哋選擇咗鴛鴦湯底，分別係蕃茄薯仔粟米湯底，同埋招牌嘅麻辣鍋湯底，啱晒唔同需要嘅人，薯仔湯底好入味，鍾意食魚生嘅朋友可以試吓泰式生蝦，師傅好細心咁將生蝦整齊排列，食落口好鮮甜，配埋特製嘅泰式醬料，簡直係完美嘅配搭！最值得一讚嘅係食材好新鮮，特別係鮮滑牛肉，完全唔會有血水，放落火鍋入面好快就熟，食落口仍然好鮮滑，抵讚！另外響鈴卷都好推薦，呢度嘅響鈴全部即炸，上菜嘅時候仍然都係有餘溫，食落口感特別唔同啲，正！平時食火鍋通常都會叫出前一丁，但係我哋發現呢度竟然有稻庭烏冬，配埋薯仔湯底，好食到停唔到呀！食火鍋點少得菜呢，唐生菜都好新鮮，值得一試！竹蓆茅根水清熱解渴，最適合就係火鍋之後解熱氣，而且冰涼可口，不知不覺飲咗好多杯呀，好爽！

任飲任食打邊爐就食得多，但論質素始終都係逐樣點既比較好食。 而今次呢間火鍋店食完一次，絕對會有下次。 MENU 首先，我地叫左胡椒豬肚湯作鍋底，非常足料，飲落味道一點也不馬虎。 對我而言打邊爐湯底十分重要，因為如果湯底夠濃味，每樣食物食落都會好夠味。 而漁火既火鍋湯底做得非常好，飲落湯底濃而不咸，味道很好。 手切頂級prime 牛肉 一上枱已被牛肉的顏色所吸引，因為牛肉肥瘦分佈得十分均勻， 而且看上去顏色非常新鮮。經煮熟後的牛肉依然嫩滑， 肉質口感都極高水準，一試就知道是高質素牛肉。 漁火特色四寶丸 是漁火自家獨制的手打丸，賣相相當不錯，而且每款有三粒，份量都幾多。 每款吃落口都很彈牙，不論味道口感也很充足，吃完後也很滿足。 加拿大頂級桶蠔 Size大得很誇張，不是平時打邊爐所見到的，粒粒都係脹卜卜， 而且吃落十分新鮮，煮熟後蠔也沒有縮小太多！ 肥水大花甲 打邊爐平是蜆就食得多，但係花甲，仲要係大花甲就真係好小見。 這樣海鮮果然名不虛傳，度尺比平時的大很多倍， 而且上枱有好大陣海水味，十分新鮮，食落口完全係要用鮮甜來形容。 漁火的海鮮全部都非常新鮮，而且全部都

火鍋來講最緊要都係啲料夠新鮮。我哋叫咗鴛鴦鍋，麻辣湯底配番茄薯仔粟米湯。本人食唔到辣！所以粟米湯底係我嘅。但係其實麻辣湯底都唔係好難我都食到少少。算係BB辣😂😂但係佢個番茄粟米薯仔湯唔知點解好烚咩出嚟都好鮮甜😱😱究竟係啲嘢食鮮甜，定係個湯底條呢？其實我食過兩次，佢啲食材都算新鮮！ ！唔係任食火鍋來講都唔算好貴，因為材料夠新鮮。手工造響鈴，侍應同我地講係新鮮炸架！要趁熱食，佢真係熱辣辣，脆卜卜架😍😍

已經唔知幾耐冇打邊爐。今日又有假放，同屋企人黎打返個邊爐👅係OpenRice見到呢間餐廳幾多好評就黎潮勝下。入到黎見到呢到嘅裝潢幾別緻，空間亦十分寬闊，座位非常闊落👍我地揀左花膠響螺燉豬展湯做湯底，因為都偏愛藥材味，呢個湯岩曬我地😆 湯一到，我地已經飲左幾碗，可見非常好飲。藥材味濃郁，響螺味十足，花膠質素亦好高。整個湯底材料都非常多👍飲左湯，侍應會加高湯，我地就可以開始打邊爐啦👅呢到嘅調味料有9款。有蔥、辣椒、炸蒜、蒜蓉、花生醬。。。都係普遍外間打邊爐會用嘅調味料😋魚片頭非常彈牙，外間好多都做得好多粉，但呢個唔係，而且彈牙程度真係滿分💯呢間餐廳嘅日本稻庭烏冬真係超正！又滑又彈👅即使煮耐左都唔會痴埋一舊好似糊仔咁👍索左成個湯，係全部嘅精華呀😍呢個牛盛絕對係個驚喜😋有5款唔同嘅牛部位同切法。牛柳粒絕對係破左我對佢嘅壞印象😆成日覺得一舊咁厚肉咁大粒嘅野，到真正碌熟成粒嘅必定嚡到成舊橡筋咁😂點知，佢一啲都唔嚡唔韌而且仲好香牛味。另外，手切牛肉都係我最愛，又滑又快熟又鮮味😋簡直人間天堂😋鱔片比較多骨，怕啃骨嘅就要考慮下了。佢嘅口感有啲似脆肉鯇，口感都係爽口的👍碌耐左都唔驚散曬😋我超中意食😋呢間餐

火鍋變遷已成了餐飲行業頭號大熱門, 傳統火鍋亦可以帶出中國文化獨有特色, 把火鍋烹煮食物過程和品嚐享用過程融於一體,配合確係非同凡響隨著龐大消費群體能力逐漸影響，雖然火鍋五味俱全共吃於一鍋，味道互相滲透 一般高級材料應有盡有,店門外設有海鮮櫃放置多款不同生猛海產，質素有一定保證之餘，吸引人視覺注意不能看少！辣湯清湯任君隨意挑揀，按時段實屬另一抵食之選折扣優惠漁火不但可按人數份量心水而有所選擇，況且成班來臨聚餐不但吃得起勁，就連滿滿一大桌人進食胃口大增逍遙自在減壓的好時機難怪一種粉絲們約不到伴兒也不會呈現到尷尬百勝不厭湯底店主推介 原汁原味天然用料濃郁鮮甜，以珍貴理念嚴格處理不馬虎工序， 店員端了調味醬汁讓我們自選，接下來手切本地鮮牛頸脊，鮮紅嫩份量十足，顏色質量牛味交融，而且全無醃味而不膩，讓你暢快吃喝！漁火特色四式丸(有豬肉丸、墨魚丸)等……招牌雲吞皇全部以人手手工釀製， 四丸肉質強而爽牙巨型肉丸令人眼前一亮，所以四款不會蓋過對方的味道而招牌雲吞用了認真原隻蝦仁鮮甜倍增，一分價錢一分貨偶爾一兩餐都幾好呀！

火鍋漸熱港人常去火鍋也是指定動作熱騰騰火鍋湯底有14款口味，符合廣東人識食之一跟傳統相比環境較優靜可按照個人愛好自選鍋了免做大嘥鬼！這店主要招牌菜以貴價生猛海鮮推薦大大魚缺滿滿活魚、生蠔作招來令人目不暇給滿載 花膠響螺燉豬展 份外滋潤養生兩者交相襯托論價位、抵食分量程度、味道、新鮮度及湯底淆製確實係有新發現消費好熱點位置都算方便四周環境闊落開揚 、清新淡雅、乾淨企理和座位舒適清潔衛生！堅持用頂級食材品嚐一下濃郁鮮味湯底更加安心，附上九软不同嘅醬料任你自家調醬，啱曬一大班人嚟慶祝！餐紙上牛肉、刺身劃分細緻，按照牛肥美肉嫩牛部位處理恰到好處我點算了走地青遠滑雞半隻，店員親自服待煮滾時毋需自己動手雞件份量十足靜待不用加調味料亦可突顯原汁原味不用淥太久以免水份盡失， 口感滑腴入味至極是最佳打邊爐不可缺少的一環， 以鍋內食物配醬料涮食是享受吃火鍋的一大樂趣更有手工自家素菜餃味道特有口感之餘富健康層次，可盡享時間格調，按自己喜好試盡不同款式的每一個你， 最後當然細味烏冬，烏冬吸收湯底精華令麵條入口非常滑嫩作結，滿足惹味之最一餐高質美食

今日同朋友去街，行到又攰又餓，黎左呢間餐廳到打邊爐。打住刺身同邊爐嘅名，令我好有興趣。我地揀左花膠響螺燉豬展做湯底，之後有烏冬、牛盛同雜菜籃(西洋菜、生菜、皇帝菜、粟米同冬菇)。花膠響螺燉豬展湯底味道鮮甜，滾左後我地都飲返幾碗先落啲材料。湯底材料非常新鮮，而且非常充足，響螺味道突出，令成個鍋更鮮甜。牛盛完全係意料之外！係香港暫時未食到啲咁高質素嘅牛！怪唔得個日啲人黎親都叫牛盛啦😆佢有5款牛，牛舌、手切牛、牛柳粒、雪花牛仲有一款牛唔記得問職員。呢個牛盛非常新鮮而且真係充滿住牛味！好難得食到有牛味嘅牛。最中意係手切牛，好滑，啖啖肉。牛舌都驚喜，好爽口，好香，索左啲汁好香。而且平時我地都唔食牛舌，但今次我地清曬！雜菜籃當然都係新鮮材料，而且仲好多呀！我地習慣擺左冬菇同粟米落去淆湯底！啲菜睇得岀洗得好乾淨！烏冬好滑，好煙韌，一碟三個，我地幾飽都要碌埋佢，因為太好食！索左啲湯仲好食，係精華呀！餐廳裝潢非常寬闊，上菜速度好快。我地食到津津有味！非常滿意。

夏天一樣可以打邊邊啦，今日黎到銅鑼灣呢間樓上火鍋店食晚飯。一入到去，店鋪面積都相當大，燈光分明，以木色餐桌為主，門口擺放著魚江，海鮮此身應該都相當新鮮。值得一提既系，醬料配套一流，多達9-10款選擇，特別系芝麻，沙茶醬等等。漁火花膠雞燉翅坐低第一件事當然要揀湯底啦，呢間火鍋店與別不同的地方系主打多款口味的湯底，例如漁火龍皇海鮮湯，天麻魚頭湯等，今次我地揀左漁火花膠燉雞湯翅。聽個湯底名已經完勝啦，用翅的湯底打邊邊都係第一次。湯底內蘊藏著一圈大節瓜，入面系空心的，但係卻收藏好多配料，包括半只走地雞，花膠片，蔬菜，玉米，京蔥，面頭當然唔少得最珍貴既翅啦！製作過程絕不馬虎啊，湯底好濃厚鮮雞湯味，可見入面預先收埋甘多雞既用處。花膠吾使多講，吸取湯頭的精華，又養顏，女士最愛。手切本地鮮牛頸椎 （中）火鍋當然吾少得牛啦，今次就試手切本地牛，中既份量我覺得足夠3-4人份量。肉質鮮嫩，肉同筋的比例適中，牛味十分濃厚。什錦刺身（細）呢間除左湯底出名外，刺身都出名新鮮，今次點了一客什錦刺身，雖然系細既，但亦已經足夠2-3人份量，內含鮮帶子，三文魚，油甘魚，北寄貝等，每款都有大概4-5款，份量十足。最愛鮮甜帶

夏日炎炎，好多人會選擇去食日本野，貪佢有刺身壽司冷麵，涼浸浸可以消暑。但其實作為香港人，一年四季都會打邊爐架喇。天天熱？咪開冷氣打囉！朋友介紹呢間漁火，說咩環境好，食物質素唔錯，咁岩係公司附近所以就黎試一試有無朋友講到咁好。可能係平日加上時間早，入座時都未有太多人，可以坐到卡位。兩個人坐四人卡位就梗係舒服喇！而且張枱都好大，就算叫多啲野食都唔怕放唔落！我地叫左個胡椒豬肚湯底，prime牛，脆鯇腩，招牌雲吞，魚皮，本地龍蝦，烏冬同菜。飲品就叫左支津路，烏龍茶當水飲是常識吧。最後發現其實叫得太多，差少少就食唔曬變做大晒鬼！先黎湯底，一黎到先發現好大煲！而且係有好多豬肚同蘿蔔！估唔到淨係湯底已經有驚喜，而且試左幾啖湯都好夠味，有無味精我真係分唔到，不過食完餐飯我都無口乾係咪即係無？安格斯prime牛肉，有十幾塊分量算係咁，質數係點有眼睇，見到啲雪花已經流口水了，放入湯底淥一淥好快熟，入口牛味濃，唔需要加醬料，淨係靠湯底嘅喊味已經足夠。打邊邊材料靚已經贏左大半！招牌雲吞個皮好薄，淥熟後可以見到入面嘅餡料。味道不至於好驚喜但絕對唔差。可能前面嘅湯底同埋牛肉已經食刁左我個嘴了，哈哈。手打烏冬感覺上