影片
更多
2018-06-22
1255 瀏覽
朋友極力推薦下，終於嚟咗呢間位於銅鑼灣京都廣場8樓嘅漁火海鮮刺身火鍋！睇下menu有咩好食先！我一直堅信，餐廳出名嘅招牌菜一定會顯示喺個餐廳名入面， 所以當然揀個有海鮮嘅湯底最實際！😌我哋order咗花甲煲豬骨湯底，湯底係嫩嫩嘅奶白色， 未飲已經覺得好吸引🙈 寶物沉歸鍋底，湯底下有幾隻超大隻嘅花甲😍未落配料前我哋先飲咗碗湯，湯底非常鮮甜，同友人忍唔住飲咗一碗又一碗😂打邊爐又點少得牛？漁火呢個手切頂級PRIME牛肉齋睇賣相已經非常吸睛，脂肪同肉嘅比例非常分明同均勻，而且牛味十足， 入口即融， 我哋兩位牛魔王表示滿意😋我地加左十蚊要咗個手打帶子丸同招牌雲吞雙拼， 個人嚟講比較鍾意食手打帶子丸， 一來一咬開已經見到大大粒嘅帶子， 二來味道夠曬特別： 嫩滑嘅豬肉加上爽口嘅帶子，層次豐富，非常創新嘅配搭~椒鹽九肚魚炸得顏色雖然偏淡，但出奇地香口惹味，內層鬆軟，加埋伴碟嘅蒜粒一齊食，口感一流👏🏻本地龍蝦非常新鮮，上菜後一段時間都仲見到佢隻龍蝦腳喺度郁😂 最驚喜嘅係一反開蝦殼 ，見到有勁多嘅蝦膏！！😍食落用非常鮮甜， 價錢268蚊嚟講亦唔算太貴，抵食！唐生菜非常嫩綠， 即時唔小心煮嚟咗亦唔會變黃嘅情
睇下menu有咩好食先！
我一直堅信，餐廳出名嘅招牌菜一定會顯示喺個餐廳名入面， 所以當然揀個有海鮮嘅湯底最實際！😌
我哋order咗花甲煲豬骨湯底，湯底係嫩嫩嘅奶白色， 未飲已經覺得好吸引🙈 寶物沉歸鍋底，湯底下有幾隻超大隻嘅花甲😍
未落配料前我哋先飲咗碗湯，湯底非常鮮甜，同友人忍唔住飲咗一碗又一碗😂
打邊爐又點少得牛？漁火呢個手切頂級PRIME牛肉齋睇賣相已經非常吸睛，脂肪同肉嘅比例非常分明同均勻，而且牛味十足， 入口即融， 我哋兩位牛魔王表示滿意😋
我地加左十蚊要咗個手打帶子丸同招牌雲吞雙拼， 個人嚟講比較鍾意食手打帶子丸， 一來一咬開已經見到大大粒嘅帶子， 二來味道夠曬特別： 嫩滑嘅豬肉加上爽口嘅帶子，層次豐富，非常創新嘅配搭~
椒鹽九肚魚炸得顏色雖然偏淡，但出奇地香口惹味，內層鬆軟，加埋伴碟嘅蒜粒一齊食，口感一流👏🏻
本地龍蝦非常新鮮，上菜後一段時間都仲見到佢隻龍蝦腳喺度郁😂 最驚喜嘅係一反開蝦殼 ，見到有勁多嘅蝦膏！！😍食落用非常鮮甜， 價錢268蚊嚟講亦唔算太貴，抵食！
唐生菜非常嫩綠， 即時唔小心煮嚟咗亦唔會變黃嘅情況出現， 食落亦非常之爽口， 食飽飽後食黎中和返就啱曬 👍🏻
最後要一讚嘅係服務員態度非常好！我哋有時只係一個眼神，手都未舉起，佢哋已經即刻上前幫忙，非常抵讚😘
張貼
