影片
更多
2018-06-20
36 瀏覽
今日星期日同朋友放假就出去打算打邊爐，所以就去左京都廣場嘅一間火鍋店去試下！我地一入到門口，左手邊已經有好多龍蝦，同其他海鮮都幾大隻架！之後一坐低，職員就好細心咁比左豉油同調味品我地去調醬汁～湯底方面我地叫左雙拼鍋（麻辣，豬肚）！然後打邊爐之前當然要叫個龍蝦刺身試下啦！隻龍蝦一上枱，我同我朋友都（嘩！）左聲，隻龍蝦仲好新鮮，仲郁得好勁，肉質十分鮮甜彈牙！都好抵食！另外食完個龍蝦刺身之後，職員會問你要唔要放埋個龍蝦頭落個火鍋入面，我地就選擇放埋去豬肚湯底個邊！再飲下個湯，十分之推薦！如果大家都叫龍蝦食嘅話都放埋隻龍蝦頭落個鍋入面，因為個湯係會變到超鮮甜架！而且個龍蝦頭入面係有幾多膏下，十分之吸引～自家竹蔗茅根水，味道十分天然，唔會太甜～火鍋配料方面，叫左:漁火特色四色丸（$128）每一粒都係唔同味 同埋啲丸打得好好 好彈牙！鮮滑牛肉（$88）雖然唔係叫手切牛肉，但呢個已經好有牛味，肉都好鮮嫩 好抵食！豬仔午餐肉（$45）午餐肉都好推薦，午餐肉係好厚切！食落感覺肉好軟棉棉好香！自家韭菜餃（$68）我一直係出面打邊爐都好少會叫餃食，因為大多數出面食親個啲都好少料，放落鍋煲幾煲就爛嘅隻餃。而漁
我地一入到門口，左手邊已經有好多龍蝦，同其他海鮮都幾大隻架！之後一坐低，職員就好細心咁比左豉油同調味品我地去調醬汁～
湯底方面我地叫左雙拼鍋（麻辣，豬肚）！
然後打邊爐之前當然要叫個龍蝦刺身試下啦！隻龍蝦一上枱，我同我朋友都（嘩！）左聲，隻龍蝦仲好新鮮，仲郁得好勁，肉質十分鮮甜彈牙！都好抵食！另外食完個龍蝦刺身之後，職員會問你要唔要放埋個龍蝦頭落個火鍋入面，我地就選擇放埋去豬肚湯底個邊！
再飲下個湯，十分之推薦！如果大家都叫龍蝦食嘅話都放埋隻龍蝦頭落個鍋入面，因為個湯係會變到超鮮甜架！而且個龍蝦頭入面係有幾多膏下，十分之吸引～
自家竹蔗茅根水，味道十分天然，唔會太甜～
火鍋配料方面，叫左:漁火特色四色丸（$128）
每一粒都係唔同味 同埋啲丸打得好好 好彈牙！
鮮滑牛肉（$88）雖然唔係叫手切牛肉，但呢個已經好有牛味，肉都好鮮嫩 好抵食！
豬仔午餐肉（$45）午餐肉都好推薦，午餐肉係好厚切！食落感覺肉好軟棉棉好香！
自家韭菜餃（$68）我一直係出面打邊爐都好少會叫餃食，因為大多數出面食親個啲都好少料，放落鍋煲幾煲就爛嘅隻餃。而漁火嘅韭菜餃食得出係自己包嘅，水餃嘅料都好多，同埋個皮都包得好好，唔會爛曬咁～👍
水魷魚（$45）水魷魚配上麻辣鍋是一流的配搭，必叫！
鮮墨魚滑（$88）食落好彈牙，好好食，推薦大家叫！
食物同服務都好高質，掂！
張貼
