漁場台風

營業中

休息中

蕃茄的酸讓櫻花蝦的咸來得更為立體，每一口都叫味蕾感受到有層次的衝擊。雖說，在性格強烈的蕃茄面前，豚骨的肉香似有還無，但濃稠順口的質感卻叫人停不下口來。當然，我愛蕃茄的酸香叫我主觀地對她好感大增。故此，你如果期待她的蝦味會很突出的話，你便定然失望，櫻花蝦更多的的是從蝦乾的口感和咸味表演出來，海洋的鮮味，其實並不明顯。對了，差點忘了還有那討喜的甜度，其實是來自洋蔥，讓酸度有一點點甜去平衡一下。總的來說，這是一碗很簡單，構成並不複雜的沾麵，不過卻是很實在，叫人滿足的沾麵。所以嗎，我還會在下午再來試試其他口味。漁場台風，等我。

漁場台風@旺角燒海蝦豬骨拉麵(9/10)($88)Foodki一直對台風既印象都好好，貪佢地好食兼大份，服務態度超好。其實今次foodki想試佢地既沾麵，但因為research做得唔夠，原來佢地lunch賣沾麵，Dinner賣拉麵，咁無辦法之下，就叫左＂燒海蝦豬骨拉麵＂。但意想唔到咁好食。先講湯底，佢地既豚骨湯底同香港普遍既純豚骨湯底好唔同，魚介味超濃，入口順滑配上豚骨湯底，質素真係超班。湯底好濃厚，唔係死咸，湯底較濃稠，呢種味未必個個岩，但foodki就非常滿意。麵質都係非常好，彈牙有嚼勁，粗麵好簡單就掛起濃湯，最利害係湯已經好濃，但食起上黎既麥香依然強烈，超滿意。叉燒係佢地既缺點，超瘦叉，淋淋地但唔會太韌，都算係可接受😌。配料:1)糖心蛋，加左隻（$12），超流心，佢地既醬油真係好好味，糖心蛋入曬味😍，蛋味極濃 2)蝦乾配上魚介豚骨湯底，好夾，令湯底更鮮甜，正。除左湯之外，服務態度都絕對一流。因為台風既凳比較高，友人又比較嬌小可愛(?)😂，店員好快就拎左張凳仔比友人放腳上去坐得更加舒服，呢點已經值得一讚。其次，食完拉麵準備比錢既時間，日本師傅主動行出黎多謝我地，好正！最後foodk

講真，呢間店的服務系一等一的好，餐牌好cute好有心思，裝修都唔錯，熱石的加熱方法好特別好體貼，但系……無辦法，就系食物真系唔過關啊！本身我都系喜愛沾麵之人，中意距比較粗有口感的麵身，同埋比較濃厚的湯汁口味。但系好遺憾，貴店對我黎講兩樣都唔合格啊！我點左魚介豚骨黑芝麻沾麵，朋友點左番茄海蝦既。湯汁黎講，真系好普通……我聞唔到好重的芝麻香味，魚介同豚骨的味道亦唔突出。唔知道系唔系呢個combination太撞，三樣野都系味道濃烈的食品，結果煮埋一齊反而唔夾？反正成個湯汁少左個主心骨的感覺，無論系芝麻、魚介、定豚骨的味道都唔明顯，鹹就唔算鹹，但個湯汁好迷失啊，好似唔知自己做緊咩甘。試左下朋友點既海蝦，俾我碗芝麻既好d，不過都系普通啦……蝦味比較突出，番茄既味道好弱，魚介同豚骨依舊迷失，似有似無……不過本來番茄同蝦都唔系好夾，要用蝦既話不如做過第二個配搭算啦……然後個麵，真系好麻麻……我對沾麵的口感要求比拉麵高，因為呢個系沾麵的特色之一。但系呢個沾麵有d煮過頭，加上本身個麵底唔夠好，缺點就更加突出，有d似日本超市賣個種保存期耐d的半乾身拉麵……雖然我都無預期d麵會似x家個種有專門製麵工廠個d

在荃灣區內做出名堂的這間日式拉麵舖，最近卒之衝出新界，殺到入九龍區裡頭最旺的旺角開了分店。以往若干年前曾去過荃灣店吃，地方確是淺窄了點但也真的蠻有傳統日本拉麵台屋的風味而且食物出品水平亦很不俗。既然如此，對於這次來到分店光顧也不是沒有期待的....走進店中，發現分店的空間是寬敞得多了，相對上坐得自然就舒適自在....這裡是有一個蠻奇怪的安排，原來午餐的時份是只供應沾麵，相反晚市則只提供各式的拉麵。小弟一直較愛沾麵，故此是日小弟晚上來到，吃到的就只是普通的湯拉麵，心裡不禁便有點帳帳然了....正所謂既來之則安之，就點了一碗號稱全店最受歡迎的燒海蝦味豚骨拉麵....呷一口湯，味道是十分的濃杰跡近至起膠。這般模樣的濃湯雖對好些人來講是稍為偏鹹但配合起粗身而有韌勁的麵條來食味倒是調和得剛啱好 (反正我本身也算是一個挺耐鹹的人呢)；如此蝦鮮味濃厚的一個湯底，面頭再灑上大量的櫻花蝦碎，絕對是能貫徹"蝦"的這一個主題；叉燒切成頗薄片的個人是略覺肉太瘦了 (不過此後吃到的卻是有較佳品質的半肥瘦貨色，這一點容後再說)；半只在碗內的溏心蛋的確明符其實又甜又流黃，就連蛋白部份也是相當地甜，感覺就似像是吃甜品

店外見到有人龍, 不過唔係好多人, 約7-8個, 而且好快就可以入座.呢間應該係荃灣有分店, 之前d人話個湯太咸, 等我試試啦.一入到去已經感到超貼心. (1) 有膠盒俾你放袋, (2) 都可以用膠盒反轉放腳(bar枱同高身位), (3) 長翇女仕有條橡根送俾你 (食拉麵時唔怕頭髮阻住, *好有漫畫feel :愛吃拉麵的小泉同學).而且提供檸檬水, 清清口腔.真心覺得甘好服務唔收加一, 超開心.燒海蝦味豚骨拉麵 ($88) :個湯底好濃郁, 同沾麵個濃杰度甘唔多, 所以都有人覺得咸, 不過呢款反而濃而唔過咸.而且個湯連埋d燒海蝦, 帶d蝦乾香味.麵質爽彈, 分量也可以選擇, 分3個分量. 揀左中間個款, 估唔到都好多下, 女仔就覺得好飽 .(女可揀返分量1, 男可揀分量2, 超餓就加錢要分量3)叉燒係好瘦乾身d , 幸好鬆化唔痴牙, 冇甘膩都岩我.最正最正係個半熟蛋, 得半隻太少了, 半熟效果想理, 好香蛋黃味又滑滑.鰹魚味豚骨拉麵 ($83) :呢款湯底雖然都好濃, 不過咸d, 可能因為鰹魚味太勁, 中意鰹魚既人就岩啦. (不過都係咸左d)其他同上.2款既湯都比較濃, 所以食完都膩膩

睇完劉總介紹漁場台風旺角開了分店呢日趁車爸爸要出旺角剪髮順便去台風食番碗沾麵先~荃灣店沾麵做限量每天30碗旺角店就12:00~15:30只供應沾麵17:30~22:30才會供應拉麵想食邊種麵都就要留意供應時間呀~煮麵嘅日本師傅由荃灣店過咗來坐陣~我揀魚介豚骨蕃茄海蝦沾麵$88麵嘅份量可選180g或250g~怕不夠食可加$10增量至350g不過250g對我倆來說已足夠有餘~盪漾的半熟蛋見到已想將之擁入懷抱係咀巴才真~入口極為纏綿十分好吃豚肉係一件而非一片入口鬆化不過我還是愛片裝的豚肉,麵質一如既往的有咬口食咗一半加點蒜蓉辣醬增添刺激~這兒有熱石供應待沾麵湯冷卻後加入翻熱後客人便可繼續熱辣辣享用~最後加水稀釋濃湯便可飲埋美味蕃茄湯確係鮮甜飲後並冇口喝的反應車爸爸食魚介豚骨焙煎黑芝麻沾麵$85超香濃芝麻味車爸爸極為欣賞叫著冇胃口的他最後通通吃清haha~

全面壁式座位，簡單點菜單圈幾下完成. 不久來了「燒海蝦味豚肉拉麵」湯底十分濃郁，配料有紫菜/荀/半隻蛋/櫻花蝦，麵條質地及煮熟成程度不錯，叉燒很瘦是我喜愛的沒有肥膏不是白白的，麵份量相比普遍的為大，大男孩也吃得飽，環境衛生只欠沒有洗手間

近排成日試拉麵，今晚試到一間非常好食嘅拉麵，係旺角舖仔細細，用心做嘅拉麵，直得一讚 😘😘舖入面嘅裝修好有日本風味，簡單。食物亦簡單，晚上拉麵，四款醬汁， i like it 😄😄😄。 老闆係日本人，非常用心做麵，自己亦兼廚師。今晚我叫咗個魚介豚肉拉麵，可以選擇少麵，多麵，多醬汁，少醬汁，真細心。 麵即煮，醬汁即調。 麵質非常煙韌，醬汁濃度適中，唔太鹹，食完唔會口渴 😜😜😜直得一讚。下次我一定會再嚟試沾麵，日間沾麵，晚間拉麵。 一個令我回味嘅拉麵，俾我感覺滿足滿足😍😍😍

有時覺得香港的飲食潮很有趣, 只有某一個時段流行某一種食品, 香港人就會有辦法可以在短時間內把店子開到成巷成市; 但每當港人的三分鐘熱度過後, 店子結業的速度又快得令人咋舌. 不過說到拉麵這個熱潮, 由數年前第一代的豚王開始, 拉麵在香港也曾經歷過低潮期, 但亦有過光輝的時刻, 來到今天熱潮雖然有點回落但巳算是平穩期, 耐不耐仍是會聽到有拉麵開業的新聞. 而早陣子位於荃灣的拉麵台風, 就終於衝來了九龍區, 在旺角開了姊妹店, 這個對於九龍人以後不用遠赴荃灣實在是天大的喜訊啊!常說香港拉麵店開得比便利店還要多, 但水準相當參差. 不過宅女自己還是有幾家心水店值得一吃再吃, 而其中一家就是位於荃灣的拉麵台風. 店主伊東先生本身對拉麵非常有熱誠, 在日本開店時也一直受到各拉麵雜誌的好評, 數年前更決心帶隊來港紮根, 而拉麵台風至今仍是好評不斷, 宅女吃過幾次其湯底的確是香港數一數二做得好的一家.不過本身食物雖然好, 但位置遠在新界區, 始終不能常常光顧. 直到這家位於旺角快富街的漁風台場出現, 地點便利, 就近旺角東站, 所以雖然只開業了短短數月, 宅女巳光顧了數次.雖說旺角店跟荃灣店都是同

一到星期五，想到可有兩天悠閒地休息，特別精神爽利！中午即興地與同事試試旺角這家日本拉麵館。麵館位於洗衣街和快富街的中心位置，距離鄰近地鐵站亦不過只是5分鐘左右腳程，十分方便！甫進麵館便被其充滿東洋文化的海報和裝飾所吸引，除了別具一格外，亦令顧客彷彿置身於日本小鎮之中，甚有心思。麵館的午餐有指定的三款沾麵：魚介豬骨、芝麻、蕃茄蝦。小弟首次光顧，選了較基本的魚介豬骨味。首先端來的是一同事所點的蕃茄蝦沾麵，但卻令大家大跌眼鏡，原來所謂的「蝦」只是徐徐數片的一般乾櫻花蝦而已‥蕃茄味亦似湯包貨色。未幾，魚介豬骨沾麵亦上台。套餐包括一碗包括半隻溏心蛋、一小片紫菜和少許芝麻的拉麵，另有一碗內有蔥、冬筍及叉燒的沾汁。在沾汁變冷前，店員悉心地把熱岩石放於沾汁中，為拉麵及沾汁重新注入熱力，令人一再回味。拉麵方面，份量頗大，硬度適當，柔韌有彈力，味道清新；溏心蛋配以蔥和冬筍，開胃滋味。然而，切為立方體的叉燒肉質粗糙，且沾汁感覺過份濃郁，套餐亦未附送任何生津解渴的飲料。想到即使往日本當地品嚐正宗沾麪，包括消費稅及飮料也不過是六十元時，即使是誠意小店，或許有點兒昂貴吧。

拉麵控又出動，之前想來 らーめん漁場台風。・つけめん漁場台風。試沾麵，卻總是有事阻撓。今次獨個兒來到品嚐沙甸魚味豚骨拉麵，很濃的豚骨湯，沙甸魚味足，魚仔配葱非常惹味，麵身硬得正合心意。配上那肥美的叉燒，非常滿足的晚餐。Ramen-holic is on the move! Planned to visit Itoyuta for the tsukemen in the afternoon, but have been interrupted every time. So glad that I can visit tonight for the Sardine ramen with pork soup. It was so rich and had the outstanding flavour of the dried fish. I love the texture of the ramen and the BBQ pork.

My friend M and I went here for Ramen after a nice shopping.The door was nicely decored as an old-fashioned Japanese shop, it was quite impressive.We arrived at around 6:30 and there were no queues over there at that time (there was queues at around 8:00 when we finished our dinner.)There were only 4 choices for use to choose at night (the pink part).  They only serve dipping reman in the morning (the blue part) and ramen (the pink part) at night.  I strongly think that they should serve all at

第一次寫食評就獻給了日本拉麵店。由於我居於港島，雖然食均豚王一蘭神虎三田黑龍金田別天神達磨武藏醬家凪等等等，但荃灣知名拉麵店「台風」卻不有機會一試（因為位置實在太遠了）。上星期從朋友fb中得知在旺角新開張，二話不說便趁人龍出現之前去品嚐了。店子的位置就在皆旺中心的後街，對於經常到皆旺中心看玩具的我來說其實很方便。來到後，感覺這間「台風」的裝潢很有日本地方小店的氣息，只欠一些過期厚身日本漫畫雜誌。牆上滿是momokuroZ的海報，難道店主是fans?原來「旺角台風」和「荃灣台風」有點不同，日間賣沾麵，晚間賣湯麵。沾麵有三款，包括是基本的「魚介豬骨沾麵」（＄83）、「芝麻沾麵」（＄85）和「蕃茄蝦沾麵」（＄88），而晚間四款則是基本「魚介豬骨拉麵」（$78）、「鰹魚豬骨拉麵」（$83）、「燒海蝦豬骨拉麵」（$88）、「沙甸魚豬骨拉麵」（$85）。 我和友人點了「魚介豬骨沾麵」和「蕃茄蝦沾麵」。點了後便等了約15分鐘，明明沒有其他客人，實在稍為久了點，不過也不是不能接受。坐著坐著就看看餐牌和介紹，很多都是手繪的，很有心思，但畫風就像是台灣多過日本……不久後，拉麵來了。先喝一點點沾汁試一試，感

環境：似日劇中的小麵店，清潔丶寬敞服務：長髪女士會派發橡膠圈幾細心，自助水加了檸檬食物：中午只售沾麵，麵質彈牙又有榖物香味good，食法似冷麵，只是麵汁係熱。湯汁個問題就大攞！偏咸丶湯汁中的叉燒又瘦又咸丶唔夠鮮味丶唔夠熱，雖然店中設有熱石供應，放入汁中加熱，但幫助不大。食完麵後可以加湯飲埋個汁，味道死實實，只是飲左2口。我頗喜歡個麵質，下次晚上試下拉麵先。

係香港食過好多唔同既拉麵，就算幾好味都好，食完都會口渴但呢一碗，食完一點口渴感都冇湯底超濃夠熱！麵既硬度適中！蔥、筍同菜都好香！叉燒2大塊、肥瘦適中、好軟熟！要搵日試埋沾麵順便一提：店員有禮，服務好好！