漁場台風

營業中

休息中

可愛拉麵@漁場台風旺角快富街39號建煌華廈地舖中午賣沾麵夜間530PM開始轉賣拉麵, 我其實對沾麵比較有興趣,如任何時般都有兩者供應會更貼心, 每段時間都有4款選擇, 貴精不貴多。店子不大,免得如荃灣店等個你死我活, 自己一個來吃拉麵,反正拉麵就是日本男人一個人的浪漫, 我經常強調我是與美食談戀愛中。卡通動漫掛滿, 牆身貼了食客的留言, 邊吃邊看時都以讚美為主。點了鰹魚味豚骨拉麵 $83, 見湯頭中都混入了不同魚類來增添風味改變味精,是坊間少見的創新, 魚介試得多, 試下鰹魚加豬骨湯湯組合是否也有火花。叉燒比食到的厚哦, 一大片很軟身。女生怕太多麵吃不完, 可以剔要150G,我每次都會食剩4,5口麵很浪費,麵量也有自由度實在是細心考慮。另外半熟蛋要$12/ 紫菜 $10 / 加量叉燒 $25200G是正常份量, 大胃口的想去到300G, 額加付錢。我另外要了少量醬汁及要蔥才更香口。在味覺最感銳時先喝湯,除了有豬骨湯的甘甜,湯頭還可喝出鰹魚香,不泛油的呈的色澤似醬油的咖啡色,與一般奶白的豬骨湯有分別。似是魚肉碎的小渣, 可以完整掛在麵條上, 而麵氣非常結實,有點似吃油麵呀。乾鰹魚碎片、鰹

一間雖然在旺角，但卻是在較徧的街道上之日式拉麵店。地方不算寬敞，但也有特色，繽紛的顏色給人很開心的感覺，加上後生有活力的侍應，叫人有一個不錯的第一印象。更有特色的是原來日間及夜間所提供的食物會有所不同，而這次是夜間的，所以來個拉麵吧。點食物的形式跟香港很多日式拉麵店相同，但小心查看後發現原來中間的可提供的變化選擇並不多，例如麵的軟硬度，但這樣就相信廚師會有最好的配搭給食客吧。一共有四個不同的湯底可選擇，因為是第一次來，問問侍應的建議，說可試吃第一款，即是魚介豚肉拉麵，所以就點這個來試試了。湯的顏色比想像中深色，而味道也較濃，不過也不失魚味，不錯。而麵質卻有點硬，其實有點像沾麵所用的麵質。然而因為是拉麵，所以就這樣搬過來用便有點不夾，這方面要注意一下。不過其他配料如蛋及筍都不錯，都算是可口的拉麵。有機會要試試其他的湯底及沾麵先！

一個想哭的女孩吃沾麵旺角永遠是川流不息，充滿生氣的地方，這裡創造了很多故事和神話，我想在這裡説一個故事故事主角係一個女孩，午餐自己一個去吃拉麵，一個人，心情灰灰的吃午餐，想自己一個哭泣一下，卻找不到借口走到快轉角的街上，看見到這家漁場台風應該是吃拉麵的。很好啊，對住牆吃住哭，而且拉麵的蒸氣能把眼鏡都蒸矇，眼淚流住也不覺啊！找了個偏僻的位坐位，準備要叫碗最大最熱的拉麵時。耶！！午市只供應沾麵？耶！沾面沒有拉麵一樣的超級蒸氣，女孩不禁心裡哼住歌: 我想哭，您可不可以。。。。既然來了，就吃吧！原來呢間漁場台風係日間賣沾麵，夜間係賣拉麵嘅特色店，以海產風味已魚介豬骨湯作賣點，係荃灣嘅拉麵颱風嘅姊妹店！沾面嘅特色就係湯冇拉麵咁熱，而湯嘅味道會較一般嘅拉麵濃，沾面嘅時候能夠吸收更多味道.一坐下，店員似乎知道女孩腳短，斷來了一個膠盒比小女孩浪腳，很感動啊！腳踏實地的感覺，是比較矮的小女孩很希望得到的！再來店員捧來一個籃子，籃子中是五顏六色整齊嘅橡筋圈，方便食面所以呢餐廳會為長頭髮嘅客人送上橡筋圈！細心到一個點啊！選好橡膠圈要選面了！女孩選咗魚介豚骨沾麵，十分鐘左右就來餐了！係這十分鐘內，女孩細心看住

我拉麵達人敢講自己係一個拉麵控，食開重口味既我，對一般好似味千（精）拉面咁迎合香港人（利申：本人係日本口味既香港人）既口味而改變得清淡完全睇唔試看，濃味濃湯先係正宗日本口味！ 環境好，餐牌又做得有心思，可愛既日本風格，教你食沾麵既既9格漫畫令人好有心機去睇點左個魚介豚骨黑芝麻沾面，另加25$叉燒先講個湯，湯味濃厚，食到豬骨湯味既又有黑芝麻味，個麵係我鐘意食既粗身拉麵，麵身彈牙，湯汁夠傑，湯完全可以沾落麵上，加上有個檸檬可以壓D檸檬汁落D麵上，令到麵更清香開胃，半熟流心蛋非常好食，個蛋本身品質令，蛋白夠白而且岩岩好熟，蛋黃完全係流心，食落有陣陣蛋甜同蛋香味，但又唔會過甜，叉燒雖然係瘦叉，我平時食開肥叉😝，但又出奇地好味同夠淋，好易入口，入口即溶，最重要25$又多又大塊 之前食過魚介豚骨沾麵同魚介豚骨海蝦拉麵，兩個都超正👍👍

今日去食沾麵，漁場台風是也日頭係食沾麵夜晚係食拉麵，我哋食沾麵緊係日頭嚟啦好可愛嘅插畫同文字呢個青檸胡椒好特別，嚟到一定要試吓魚介豚骨焙煎黑芝麻沾麵，呢個好澴郁嘅豚骨湯好香嘅芝麻味我加咗紫菜!!嘩!!好多呀!!麵條同溏心蛋都好好味老豬的魚介豚骨蕃茄海蝦沾麵，其實我見到海蝦係覺得好吸引架，不過又驚蕃茄海蝦會唔好味點知呢個好正!!夾埋成個味道好好味呢度有熱石提供，如果食到一半覺得唔夠熱就可以用佢嘞而家帶住豬醇食拉麵係差啲，估唔到呢度連BB凳都有呀!!實在太貼心嘞

行完金魚街, 諗住食埋野先返屋企, 見拉麵店門面幾特別, 一於入去試下先.餐牌比較簡單, 晚間專門食拉麵, 有四個款式. 份量亦可以選擇, 響餐牌上面寫住"拉麵份量比一般拉麵店多1.5倍", 普通200g都唔洗另加錢.要左"魚介豚骨拉麵"($78)+半熟蛋($12), 湯底夠杰身, 好濃郁既豬骨魚介味, 好膠口唔會太咸, 亦唔會太肥膩. 麵質係粗既拉麵, 有咬口D, 硬度適中咬落好彈牙爽口. 义燒夠大舊, 夠腍夠入味, 外面煎左更香口. 一碗拉麵本身有半隻蛋, 加錢再有一隻, 蛋夠溏心.

今日同朋友行完旺角， 咁我地經過一間門面裝修幾靚嘅鋪頭。所以就入左去。 下午食沾麵 晚上食拉麵 有美白檸檬水飲 加分 一入到去坐低我睇咗Menu一陣，然後職員就遞上橡筋😳,哦！原來呢度送橡筋俾女仔紮頭髮 咁著數。 跟著我點了一個鏗魚拉麵 加🍳加紫菜。正，拉麵被九塊紫菜圍住，壯觀，入口爽脆。 滷水蛋鹹鹹地，內裡塘心🍳，半溶於口，正 每一條拉面都好in un,唔會過淋，唔會一pat野。 湯底濃郁紛香，有鰹魚的鮮味，鹹鹹地，好岩重口味的我，但食完又唔口渴。✨🐷肉片厚厚的，約1cm，中間瘦，側邊肥d。環境裝潢不錯，色彩繽紛，感覺頗有朝氣。 職員提供墊腳服務，俾個膠盒你踩住，頗細心。整體感覺良好，服務、食物、價錢皆相宜。

好奈都未食過拉面啦, 今日天氣又凍番, 緊係同女朋友去食啲熱野啦, 我地一於去漁場台風幸好6點半黎, 吾算太多人排隊等左15分鐘, 終於有得入裝修幾靚, 好新宿歌舞妓町感町, 又有動漫人物FIGURE, 又有明星POSTER, 好有親切感拉面有4款選擇, 我係海老控, 當然選燒海蝦味豚骨拉面啦!!等食既時間, 一路入下檸檬水. 好清爽, 令我食慾人增!!睇下D人畀既COMMENT先, ~等左10分鐘, 拉面出場啦, 好震撼, 我加10蚊要紫菜, 原來係舖左大半個碗先食紫菜, 好脆, 甜甜地, 有成7 8 塊, 好抵食!湯底好鮮甜, 應該用過蝦黎淆過啦, 十分濃郁，，海老好足料, 基本上每夾一住面都會食到海老, 脆脆地有咬口面身較豚王麵條粗，食起來硬是多了一股絕佳的咬口，口感彈牙之餘，因充份吸收了湯汁，有種愈吃愈有味的感覺睇住半熟的糖心蛋，蛋黃緩緩流出，好誘人呀!原來台風日頭係賣沾面, 等我下次再黎食先!

天氣開始凍就有股食拉麵既癮，仲記得之前o係日本凍冰冰既時候食一碗熱辣辣既拉麵真係好幸福，今日Vi就專登黎呢間成日要排隊既拉麵店試下, 平日既夜晚黎到,排左15分鐘就有位!店內既都幾特別, 有好多動漫公仔，牆上面仲貼左好多好得意既漫畫圖教人地點樣食麵, 原來呢度下午係賣沾麵, 夜晚就係拉麵, 幾有趣~拉麵既口味都幾特別，唔係平時成日食既豬骨湯底, 呢度主打魚介湯, Vi就點左燒海蝦味豚骨拉麵, 麵既份量要左普通, 連醬汁都可以揀多小, 再加多左隻半熟蛋~落左單店員就放左一籃橡根比我地揀, 原來係比女士扎住d頭髮食拉麵, 咁就唔怕咁狼狽, 真係好細心!煮拉麵既師父係日本人, 拉麵上得好快, 湯底好濃郁, 濃到有小小杰身, 味道咸咸地, 有小小蝦味, 食開清淡既可以會覺得太咸, 而拉麵上面有一塊叉燒同一堆櫻花蝦乾, 原來拉麵本身都有半隻半熟蛋, 早知唔洗加~拉麵係粗身果隻, 食落好彈牙, Vi最中意呢隻粗度既拉麵, 而且掛湯掛得幾好, 麵吸受哂湯底既味道, 而半熟蛋亦做得好流心好味, 不過麵既份量係超多, 大食既Vi都食淨左1/3 所以都幾抵食~整體呢度既拉麵口味特別, 水準唔錯, 不過就

行完花園街搵野食, 行行下見呢間門面夠特別, 好日式夠搶眼, 一於試下先.入到去好多日系裝飾, 好多日本明星poster, 坐位都好多, 一排排咁坐. 坐位係有D高, 不過店員見你吊腳, 就會比個膠箱你踩住, 幾貼心.睇睇餐牌, 原來呢度分日與夜專門店, 日頭係專食沾麵, 夜晚就專食拉麵, 咁我黎啱, 因為我鍾意食拉麵多D.拉麵主要有4款, 魚介, 海蝦, 鰹魚, 沙甸魚再配以豚骨拉麵.最後選擇左燒海蝦味豚骨拉麵($88), 附小麵, 普通醬汁.賣相幾靚, 乾海蝦仔帶點蝦味, 唔覺腥, 咬口特別.义燒既大且厚, 肉質夠腍身而嫩滑, 肥瘦平均, 食落無起渣.拉麵麵身較粗, 彈牙夠爽口, 軟硬度非常好, 夠晒咬口. 就咁睇D湯都夠晒杰, 一飲豚骨味濃郁, 膠質豐富, 唔會太咸, 湯夠杰可以連埋響拉麵一齊食. 仲有糖心蛋夠晒糖心.呢間小店睇到處處用心, 除左吊腳有膠箱, 而且牆上亦放滿晒食客既食後感. 仲有就係如果頭髮長, 仲有橡筋比你扎住頭髮, 等你唔洗整到.

之前行街已經留意到依間拉麵店，一直心思思想試下，今日就搵咗友人陪我嚟試，好彩嚟到都唔算太多人排隊😆排隊果陣已經會俾定點餐紙同筆你揀好野食，晚餐時段有4款拉麵選擇，而拉麵嘅份量同醬汁都可以因應個人喜好選擇多或少👍鐘意食鰹魚片嘅我當然要嚟返個鰹魚味豚骨拉麵啦，另外我再加咗一粒半熟蛋滿足下自己😊而友人就揀咗燒海蝦味豚骨拉麵😁值得一讚依度細心嘅服務，長髮女仕會獲贈橡筋一條，方便扎起頭髮進食拉麵，橡筋嘅顏色仲可以自己揀添👍👍👍由於入座前就會收咗張點餐紙，所以坐低唔係好耐拉麵就送上嚕😀大大碗嘅拉麵望落已經好吸引，配料有一塊叉燒，一堆鰹魚片，半粒半熟蛋，荀絲同菠菜。湯底嘅顏色同杰身程度望落就feel到會好濃郁，試一試後，果然好足料，有濃濃嘅鰹魚味，好味道，但就稍微鹹咗少少，所以我覺得選擇醬汁時揀普通就足夠，唔係湯底就會過鹹。拉麵煮得軟硬適中，幾彈牙，唔錯！再嚟試下個半熟蛋，果然做到半熟效果，好流心，味道甜甜地好好味😍依度嘅叉燒都整得好食，雖然偏瘦，但好淋身，一D都唔鞋！而友人話佢個拉麵都好食，有好多櫻花蝦😀我試咗一啖個湯底，有濃郁嘅蝦味，但都係鹹咗少少😝另外枱面有提供幾款調味料，我加咗少量嘅辣醬同蒜

突然想吃拉麵，相約了友人一起到漁場台風嘗嘗。佈置得很有色彩，四周的牆壁都貼上了日本海報。😬😬😬我點了燒海蝦味豚骨拉麵，再加了一隻溫泉蛋。這店的特色是拉麵特別的大碗，是正常的1.5倍!!!!!!!!拉麵的湯豚肉味很濃，拉麵很入味，喜歡食澴味的十分適合，但我覺得有少少鹹。燒海蝦配上拉麵令拉麵再帶有雙重的口感，有咬口的拉麵加上脆蝦，一流!我十分愛食竹荀，中和了湯的濃味，甜甜的幾爽口。唯獨是糖心蛋令我有少少失望，蛋黃過熟，失去了流心的效果，不過味道還可以接受，清清甜甜的。

之前食開荃灣本店都唔錯，今次假期去試下旺角新店，新店開分開咗午餐食つけ麺，晚餐食拉麵模式，本人偏向つけ麺，十二點三就去到旺角，小巴總站快富街尾，都唔難搵，入店後比本店大，吧檯冇咁高，本店啲櫈太高，男仔都坐得辛苦，何況女仔。坐落即時圈魚介豚骨蕃茄海蝦沾麵($88)。等待時望下格局同本店差唔多，特別在自助檸檬水用水煲放枱。10分鐘後つけ麺到，湯汁面鋪滿一半櫻花蝦，試下湯頭，食咁多次つけ麺啲湯不嬲都偏咸，但覺得呢度淡口咗啲，比本店仲淡，本店可能有魚介粉濃好多，而熱度好像又不夠，湯內豚肉得兩舊，少過本店，本店有好多豚肉的。另外試下啲麵質，硬度就剛好，比本店好，彈牙十足，好食，半熟蛋不夠「半熟」，更像七成熟。食到一半時侍應問使唔使加熱石，我就唔需要了。麵食完加湯割，本是不夠濃味的湯汁，一加湯後更淡口。觀乎整體，荃灣本店更好食，不過旺角始終方便，下次再試其他。

本人好中意食拉麵 之前食過一蘭，三田製麵所，醬家，哩間最差  由於今次想試新的，又在旺角附近，係openrice search，見哩間幾多正評，就來試下 位置：都算幾隱蔽下環境：還可以，不過坐得不太舒服，我們坐在高凳果排，成日都覺得唔穩服務：幾好，店員會主動倒水味道：麻麻，湯好鹹，我要不停飲水先得 ，但都幾大碗，份量多，食得好飽可能係揀醬汁時，揀 少 會無咁鹹？我地今次揀左醬汁是普通，都已經咁鹹但麵還算可以

漁場台風 @ #foodki旺角魚介豚骨沾麵(7/10)($83)注意佢地既沾麵只係lunch有售。foodki一直對台風好有好感，佢地服務態度極好，麵份量多，味道又好。但今次既沾麵就有少少失望。先講湯底，佢地沾麵湯底係一般既魚介豚骨，但湯底味道偏淡，沾上麵上，近乎無乜味😒。幸好魚介味尚濃。一般。台風既麵質foodki非常滿意😍，小麥香極濃，沾麵力強，但可惜湯底有?失準。麵份量可以自己選擇，絕對可以食飽大家。叉燒用上角切煮😂，即係粒狀，個人都係比較喜歡一塊塊，覺得有肉感。呢到既叉燒個人覺得係佢地既缺點😂，無乜味，肉質較韌。糖心蛋好好食醬油味濃，極流心，蛋味濃。因為沾麵易凍既關係😍，佢地有提供熱石，令沾麵重新翻熱，呢點絕對值得一讚。p.s. 反而友人既”魚介豚骨蕃茄海蝦沾麵”同埋”魚介豚骨焙煎黑芝麻沾麵”味道就特別😂😂，兼且好味，foodki建議大家食呢兩隻味啦。地址：旺角快富街39號建煌華廈地舖