漁場台風

營業中

休息中

日本最受歡迎一定是拉麵，當一個人的時候又想食野是我心目中三甲之選。香港近幾年出現了拉麵熱潮，從「豚王」開始日式拉麵店不斷開業。而且愈來愈多拉麵店加入沾麵，香港人喜歡重口味掛，愈濃味愈喜歡。平時大家食拉麵都會想去中環、銅鑼灣、尖沙咀等，但今日途徑旺角區一條毫不起眼的小巷，發現有一間日本風的拉麵大排長龍。人龍快排到轉角位置，真的那麼誇張呢？在排隊期間，發現奇怪事。一般拉麵店不會有時段之分，但此店日頭是沾麵；夜晚是拉麵。幸好是沾麵時段到來，因我對拉麵已經沒什麼興趣。反而沾麵的店舖並不多，更加想比較一下那間店才是最好。排隊需時大約三十分鐘，等候旁邊更放有一大張長椅子給客人等待。等待期間，店員遞上點單紙拉麵的種類只有三款：魚介豚骨沾麵、魚介豚骨焙煎黑芝麻沾麵、魚介豚骨蕃茄海蝦沾麵。麵質有三種分量亦有冷熱之分。另外更有另加配菜及飲品，最底層有客人意見代表可以寫上對食物的要求。當步入小店裝潢以淺藍及粉紅色為主，七彩繽紛並帶有傳統日本風，牆身貼有很多日本動畫或是日本隊伍的海報。另外更有很多對台風的留言區，佈滿整個店鋪已成為此店特色。此店的餐牌已列明希望拉麵及沾麵令客人感受海產的滋味。旁邊放有一個大茶壼

跟友人打波後拉麵癮發作, 很想吃沾麵, 一search才發現附近就有拉都台風的分店, 立刻拉友人去吃!可能時間尚早, 不用等位便可入內滿心歡喜以前可以食到沾麵, 結果坐下才發現有分日間跟晚間, 晚間只賣拉麵, 要日間才有沾麵吃, 跟荃灣店不一樣 這樣的編排真的好有日本風味拉麵有4個湯底可選擇, 我們3人都選了不同的湯底。我就選了鰹魚味豚骨拉麵和增量叉燒一起吃。外觀一流, 看見已食慾大增!初時以為跟普遍豚骨拉麵的分別只是上面多了鰹魚片, 到朋友的麵也上枱時一看, 3碗的湯底顏色都有明顯的不同。3碗面左起是沙旬魚味豚骨拉麵, 原味豚骨拉麵, 最右是鰹魚味豚骨拉麵。沙旬魚味豚骨拉麵味道最淡, 但魚味最重, 可能會覺得有腥味。原味豚骨拉麵中度咸味, 而鰹魚味豚骨拉麵就是最濃, 會較咸。叉燒偏瘦, 不知是否為配合女士食用, $25的增量叉燒俟有3大塊了! 其實不增量也夠吃, 另現場FOLLOW這店的instagram更送半隻蛋, 好大方!麵是用了粗面, 會比較UN和有咬口。個人是喜歡這種多於一蘭的幼麵。可能因我吃過荃灣店的沾麵, 覺得沾麵比較好吃,拉麵總覺得有種門面很足但欠內容的感覺, 但整體還

之前夜晚食過幾次都係食湯拉麵，見到沾麵一直想試，但因為只係下午先有沾麵...今日假期又去旺角，終於可以試台場沾麵了。一路都好鐘意呢度環境。沾麵食法唔駛多講...睇圖。選擇咗魚介豚骨黑芝麻沾麵加叉燒叉燒超大塊，少少肥但好均衡，好味。個湯好濃好香好好味。麵嘅份夠哂男仔食，走筍補咗紫菜。幾鐘意個沾麵食法...沾到濃湯放入口好美味，更覺濃湯香味，食完麵又可以加清湯連D湯都飲埋。

已是第三回光顧位於旺角的漁場台風 , 不過日間來倒是第一回，因為過往都是放工後才來吃，但晚間只有拉麵提供，一直都遇唔啱時間.....和沾麵沒緣。  今次趁星期六有點點空檔，11:5X分來到，盡量避開午餐高峰時段入內和之前一樣，店員很貼心提供膠箱墊腳和放袋日間和夜間的ＭＥＮＵ沾麵指引自己揀選自己麵店子另一貼心加分位...等食期間最鍾意周圍望，師傅們努力制作中嘩。。。。。。追加叉燒原來有咁多　一般拉麵店追加叉燒只係得一兩片，原來這兒有咁多。。。　眼見當下真係開始擔心自己可否食晒我這碗是魚介豚骨焙煎黑芝麻沾麵＄８５先嚐一嚐湯底，沾麵湯底一般都較濃郁，這兒的湯底不會死咸麵既份量有１８０g（小） 25０g（普通）１８０g（＋＄１０加麵底），我這碗是小的１８０g，份量對我來說已不＂小＂；落晒單等食之際突然醒起沾麵應該揀凍麵（會更彈牙），但我畫單時揀了熱麵.... 傻咗我有１.５隻半熟蛋，因為我追加了（原本係要比ＨＫ＄１２，因為我唔要筍，可以免費改紫菜或半熟蛋，經濟學上梗係揀樣貴既嚟換啦！）　另又追加了紫菜（ＨＫ＄１０）我喜歡硬身一點的麵條，麵質結實彈牙好啱我口味，食落有丁點像車仔麵檔吃到的油麵叉燒

最近旺角開左間拉麵，誇張到我連續聽左三個朋友都推介依間🤗，我心諗 🤔唔係呀麻咁緊要，等我為大家探索下係咪咁好食🚩鋪頭分為日間沾麵🌞，同晚間拉麵🌙，沾麵有三款，拉麵都有四款分別為魚介豚骨沾麵🐷，魚介豚骨培煎黑芝麻沾麵🌰，魚介豚骨蕃茄海蝦沾麵🍅而拉麵分為魚介豚骨拉麵🐷，燒海蝦豚骨拉麵🍤，鏗魚豚骨拉麵🐠同沙甸魚味豚骨拉麵🐟鋪頭裝機極有舊日本味道，好似帶左你去第二個時空咁🏮，首先工作人員會比張紙你選擇麵既種類📝，湯既多少等等，枱上面亦都有醬料同檸檬水自己添加首先係沾麵，嗌左蕃茄海蝦同煎黑芝麻沾麵既湯底相對比較濃，飲一啖湯先🍲，好濃烈既海蝦味係口入面爆炸💥💥💥，就好似有舊蝦膏融左係湯入面咁，蕃茄湯既酸更帶去海蝦既鮮味而煎黑芝麻相比蕃茄湯較咸，但有種淡淡既芝麻香，個人喜歡落啲檸檬汁同枱上面既柚子胡椒粉將個味道更提升出黎👐拉麵同鋪頭形容一樣，真係幾彈牙 ，沾一沾湯，再嚐個拉麵，加上真係漏油既半熟蛋，又真係幾好味，唔怪得咁多人推介，下次試埋拉麵先

同朋友行行下街肚餓揾野食，就揀左呢間食。✨燒海蝦豚骨拉麵 ($88*)✨經店員推介，選左燒海虾豚骨拉麵。基本是拉麵中央多了燒蝦乾，虾乾份量都幾多，有鮮味得嚟，食落都脆卜卜！另外 湯量唔算多，相對朋友的鰹魚 湯底，它的質感比較稀身，相對起來順口，冇咁油膩。拉麵質地屬幼身，可以特別order硬身麵，掛湯力， 雖然質感比較薄身卻唔會很清淡。用了豬骨做湯咁，卻意想不到地清純，另外蝦香及魚香都較豚骨味突出，雙映成趣。餐廳環境趣緻，吧枱亦很貼心的給女士橡根綁頭髮，仲有膠箱讓客人作腳踏，桌上有蒜蓉等配料可以自行添加。。。無論男同女叫一碗面，唔使加底都一定夠飽！餐廳充滿熱鬧氣氛呢，食飽飽，充滿力量再行街！

早早已經聽聞旺角有一間拉麵店十分有名，今天我來是慕名而來的喔。店內總是Bar枱，很有日本拉麵店的風味。午市主賣沾麵，而晚市則只賣拉麵。款式不算多，但總找到心頭好。牆上是滿滿的食客留言，未吃之先就已經流了很好口水呢。還有漫畫介紹吃沾麵的步驟。沾麵就是湯麵分開的，麵身較為彈身，不怕比熱湯浸軟。冷冷的麵，配上熱熱的湯是絕配。湯味較為濃咸，但由於是沾麵，所吸收的不多，因此還可以接受。糖心蛋很滑很香。豬肉則較有咬口，不算太淋。原本湯中原來早已經有肉，因此其實可以未必需要另外加肉（3塊）。很貼心的服務，湯冷了還可以加入熱石加熱，立刻變熱又得，得左～

拉麵食得多，越食越發覺間間出名拉麵店差不多。估唔到來到這間，又有啲新意。來到門口，見十几人排隊，心念大獲，有排等，等左大約20分鐘就入，算几快。入坐後，店員送來一篮象筋比我束起長髮食拉麵，真係貼心，抵讚再來拉麵，份量几足，因我叫左200g份量，哈哈！我叫左蝦麵，朋友就叫左鰹魚味的。蝦麵味比較濃，湯就偏咸，整體几好味，唔錯，有機會既話想朝早來，試埋沾麵麻

拉麵台風的姐妹店 港島人去都比較近！裝修過癮 動漫裝飾五彩繽紛顏色充滿玩味200g係2個公仔麵 女仔一定食唔晒落完單先至見到牆上寫着150g係1.5個公仔麵✨鰹魚豚骨拉麵 ($83*)✨一個大碗裝住滿滿配料 加紫菜($10)望落去就更大湯底比較濃厚 稠密的質感 透出粒粒的鰹魚碎質感的濃厚 使掛汁力更強 拉麵掛上麵 未喝湯已經很夠味叉燒雖然只有一片 但不僅厚切而且很大片 火灸過帶點焦香 未夠肥美 豬肉比較瘦 部份比較鞋口本身已包半隻糖心蛋 加一隻(+$12) 滷味不濃半熟的質感蛋白彈牙 蛋黃中央流心 邊位比較熟拉麵只有一款 係比較幼身 喜歡硬麵可以點特別寫下掛湯力沒有鰹魚強 不過質感比較薄 但唔會清淡Rating💁🏻(7.8*/10*)

或者有人會覺得一個人的晚餐會好寂寞但其實一個人食飯亦有好多樂趣至少⋯搵位方便啲😂 閒逛完波鞋街又係時候搵食 隨便行隨便食食著一間令我有無限心心眼嘅拉麵店😍簡簡單單 沒有太複雜嘅餐牌好可愛嘅風格 走叉燒意思係食齋嗎😂最尾小妹㨂左燒海蝦味豚骨拉麵黎張近鏡 中間粉紅色嘅小山丘就係燒海蝦了溫泉蛋蛋味香濃 湯底亦非常香濃配上爽口彈牙嘅拉麵 同埋有咬口嘅豚肉層次感分明 好食得令小妹完全心心眼😍餐廳好窩心 提供大量檸檬水 👍🏼食著枱頭一看 發現原來拉麵只限晚上供應日頭餐廳是賣沾麵的 好吸引喎 下次早少少黎試下沾麵先得😌😌😌

晚晚俾關西攻略洗腦 除左想飛就係想食今晚睇戲前食個日式拉麵頂頂癮先😌放工前上OP搵搵食 見到漁場好多好評日頭賣沾麵 夜晚賣拉麵唔執輸緊係要試下啦 一個人的晚餐唔洗等位7點左右去到 都已經開始爆場了開放式廚房 見到師父們默默地煮好喜歡佢地嘅擺設非常窩心嘅小店 為女生們提供象根紮頭髮又加設小膠箱 俾女生們墊腳 實屬難得👍🏼拉麵有4款口味 重有三款不同分量俾你㨂除此之外 醬汁嘅多少同䓤都可以選擇細心程度達至頂級👍🏼👍🏼👍🏼等左一陣 熱辣辣拉麵送到😋我㨂左沙甸魚味黑豚肉+溫泉蛋+紫菜拉麵豐富到呢 200g麵底都已經勁大碗濃底香濃而不膩不會太咸 豚肉有咬口拉麵咬落唔會太硬口感適中👍🏼👍🏼餐廳更設有大大壺檸檬水供應 健康又細心👍🏼總結一下 喜歡餐廳嘅窩心小行為喜歡店員就算有幾忙 都友善服務喜歡係旺角都食到正宗拉麵👍🏼

開左個openrice account咁耐都未試過打食評 但今日發生既事好想記低 因為台風個副店長同埋佢地既服務真係好好呀 今次唔係我第一次食台風 之前都食過好幾次 但因為真係好好食同好抵食所以間中都會去食下 話說今日放工個時肥仔話不如一齊食飯 去食台風肥妹聽到好開心 因為都想食好幾個星期 之後我地就一齊搭車去左旺角食野喇去到台風之後 發現都有成十幾個人排緊隊 依間野真係愈來愈多人食ae因為佢初初開個時等2-3個人就到架喇唔緊要 我地有的是時間 咁肥仔同肥妹自然一齊係到等等等下既時候 店員就比左點餐紙我地填 平時我就咁間完野食唔會填意見個位架但因為等位太得閒 再咁arm今日同肥仔7個月 就無聊寫左d野係意見到喇之後 意想不到既事就發生喇!!!!!!!!!!!!!!!!!!!入到去坐低 比埋點餐紙 等緊食既時候 無喇喇個店員問我飲咩 我咪話我唔飲野波 跟住佢話副店長話慶祝你地一齊7個月 請我地飲野!!!!!!呀!!!! 聽完真係好開心 好認真咁講 我唔係無錢叫可樂 但係副店長依個小小請飲 真係令人興奮無比 好warm好sweet其實真係好少地方會食野會食得咁開心 咁感受到人間有愛 肥仔

9點幾去到，出面仲有勁多人排緊隊。決定叫燒蝦同鰹魚拉面.鰹魚湯底比較濃，較咸，而燒蝦拉面就較鮮甜我比較中意燒蝦拉面抵讚既係，原本走某樣配菜，可以免費改三樣配菜其中一樣。正正，我寫左走筍，轉糖心蛋拉面質感較硬身，係我中意既質感

星期四同老婆去食拉麵, 去到呢間同荃灣嗰間個名好似但冇關係既漁場台風, 呢度拉麵同沾係分開時間買, 日間賣沾麵, 夜晚賣拉麵. 咁夜晚黎到就當然係食拉麵啦.呢度環境闊落, 廚房衛生.小弟叫左鰹魚味豚骨拉麵,麵例牌要硬d, 老婆就要沙甸魚豚骨拉麵我既鰹魚味豚骨拉麵,整體唔錯,食得多魚介食下鰹魚有新鮮感, 唔用筍用菜做伴菜啱哂唔食筍既朋友, 叉燒不太厚但香滑, 湯好濃有掛麵最後我好快就食完哂,老婆仲食得一半仲要食唔哂俾我,我當然唔客氣啦.不過佢個沙甸魚味我就嘛嘛地, 感覺沙甸魚味同豚骨湯好似唔太夾, 所以相都冇影, 都係鰹魚味好d

每間拉麵店都聲稱自己是日本正宗味道的拉麵，味道如何就見仁見智，今日中午來到旺角，我就找到了正宗日本一級棒的沾麵。餐廳早上賣沾麵，晚上賣拉麵，客人想試兩種類別就要來兩遍了。餐廳提供膠盒讓客人可以作腳踏，非常細心。環境簡約整齊又不擠逼，非常舒適。更有不少客人留言，餐廳回應方式非常特別啊。餐廳更有檸檬水供應。午市選擇。餐廳以魚介為主打食材。魚介豚骨蕃茄海蝦沾麵。茄味和豚味互相配合，清香不甜膩，湯底濃郁香醇，蝦味突出鮮甜。冷沾麵彈牙爽口，掛湯力極高啊。另外加上激量叉燒，大大3片，軟腍肉味豐富，入口不油膩，必試之選。⋯性價比高，環境舒適，再回頭的拉麵店。