漁場台風

營業中

休息中

恭喜台風旺角店一週年～!今日落大雨但係依然好多人排，因為有限定蟹蝦湯底menu之餘仲有特價添！湯底依然非常濃郁而又唔會咸死你，隻溏心蛋依然水準一流嗚呀🤗另外麵廠仲特登為佢地整左一隻特別既拉麵，幼過佢地平時用開個種，D汁更加容易掛身，同埋個人黎講鍾意食幼麵多D～w雖然已經好耐無黎，但依然keep到水準，佢地幾位日本人店長店員響到果然就有保證～

好耐都未試過咁期待的飯局！本來上星期去，但因為發燒去唔到，今個星期六好早就起左身等出發，因為我要去食限時供應的沾麵呀！～呢間位於旺角的漁場台風日式拉麵店，在荃灣都有分店，不過兩間賣的拉麵有點不同，去到已經有10幾人排隊，為了節省點菜時間，排隊的時候已經會俾餐牌你落單，一入座就可以交單，我估會快好多～我呢d 頭髮長長的，仲會有髮圈提供，入坐又會因應你的高度，放膠箱在地上long 腳，日本人的細心位就在小節中～旺角分店日間賣沾麵，夜晚就賣拉麵，我是為了沾麵而來，所以我要早起身了～餐牌其實選擇不多，只有三款沾麵及四款拉麵，不過細節上可以變化萬千，例如麵的份量（有三款），熱或冷麵，走蔥走蛋走叉燒走筍等坐在開放式廚房前等食，睇住日籍的師傅不停手準備食物，香味飄過來，愈聞就愈期待～等左10分鐘左右，終於見到我的沾麵了，我叫左魚介豚骨蕃茄海蝦沾麵！沾麵上面有檸檬紫菜同半隻糖心蛋，加d 檸檬汁就開始食啦～好吸引的蕃茄海蝦湯！上面舖著大量的櫻花蝦，聞一下已經感到好鮮味！配料中的半熟蛋味道幾合我口味！蛋白部份不太深色，但味道是絕對足夠，入口有醬油香，而且生熟度剛好！湯底是海鮮味比較重，蕃茄應該已煮成蓉，感

今日相約朋友去旺角行街,朋友提出想去吃漁場台風,之前一直想吃沾麵. 漁場台風在日間有沾麵 ,漁場台風是一間十分有人氣拉麵店,平時吃拉麵多Ｄ,沾麵真是好少有,我同朋友去到店鋪時候，門外有不少人在排隊，我同朋友排了10分鐘到我們，旺角店的地方不是太大 ,座位之間亦不會太迫，我同朋友坐下之後好快點野食,我點咗魚骨湯沾麵,個湯濃而不咸,麵質十分彈牙,我覺得這裡的沾麵十分好味 ,麵份量好多，我揀錯份量，有分180/250/350 ,以我的食量應該揀180，我今次食浄咗 ,服務就一般,,價錢85元，可以接受，沾麵有一定水準，下次可以再來味道漁骨湯沾麵,有濃郁魚湯味道，又不會太咸 ,麵質十分彈牙，沾麵好好味服務:我覺得都OK環境:地方不是太大 ，座位亦不會太迫,感覺亦舒適價錢:85元,一般拉麵店價錢。可以接受

開咗咁耐都想嚟食沾麵，終於抽到時間嘞店家好細心提供橡筋比女仔紮頭髮唔洗食得咁論盡花多眼亂好多選擇呀最尾揀咗魚介豚骨蕃茄海蝦沾麵果然冇揀錯，呢款非常唔錯湯底有好香濃嘅蕃茄甜味同蝦嘅鮮味濃得嚟配沾麵就剛好麵質軟硬度適中，之前凍冰冰食碗熱辣辣嘅沾麵實在太滿足

漁場臺風吃拉麵，去到鋪頭受到侍應熱情接待，好睇貼，仲比個腳墊你放腳，坐得舒服叫咗拉麵，有叉燒，半熟蛋和紫菜，是正宗日本拉麵，味道唔錯，好吃。 拉麵面質都硬，唔會太淋。最好吃是半熟蛋，很香很滑，從未吃過半熟蛋有如此滋味!廁所唔係太好，不過都可以接受。地點都就腳，幾好！

荃灣的 「 拉麵台風 」 , 我老早就去吃過 , 她也是讓我認識魚介豬骨湯的第一家。 後來得知她的姊妹店 「 漁場台風 」在旺角誕生了 , 而且有個好玩的規定是 ｛ 日間賣沾麵、夜間賣拉麵 ｝, 更加在官 FB 裏說明自己並不是荃灣 「 拉麵台風 」的分店 , 而是更著重日本魚介口味的全新品牌。 越知得多越要走去吃 , 去體驗一下。 橫街上最紅噹噹的這家就是目標麵店 , 然而掛在入口的門簾 , 聽說是有玄機的 , 紅白色是代表賣沾麵 , 紫黃色是代表賣拉麵。 日間賣沾麵、夜間賣拉麵 , 竟然連餐牌也是大不同 , 若然沾麵、拉麵也想吃 , 肯定要走來光顧兩次。 進入麵店後 , 立刻被雄壯的聲響來 「 歡迎光臨 」, 隨後被安排坐在靠開放式廚房 / 牆而建成的吧檯處。 初來報到當然要四圍看看 , 麵店給我很年青的感覺 , 不單是色彩鮮明 , 牆上還貼有日本明星、漫畫明星的海報 , 當然模型玩偶更是少不了。 店方很窩心的為長髮食客著想 , 送上髮圈 , 原籃捧來讓食客自己選顏色 , 雖然髮圈是送的但它們的質地也不差 , 綁頭髮時不會痛。 檯上擺放了「 漁場台風 」的特製神秘調味料 , 讓吃的

從來一家店，定位的風格非常重要，特別係拉麵店。在那個拉麵雨後春筍的時代，你要突出令人記得你店子的拉麵風格，呢家係賣豚骨，個間係24小時營業，呢一度賣海鮮味湯底，還有我是主力賣沾麵，你就是賣大大件的二郞系拉麵，各有各的所需，各有各的特色，百貨百客。在我的字典，在旺角的是一間頗新的拉麵店，記得在openrice我看過幾張相片，這裡的拉麵都有不少的特色，大部分的食評也大讚其質素，不過懶惰的我沒有做什麼功課睇下乜野必食，只是約了朋友下午來個下午茶短聚一下吧。來到進來坐下才知道，星期六的下午都差唔多滿座了，我看看每枱的東西才知道，如果你想食拉麵，大約今晚請早吧。日與夜的拉麵店，大約是兩個不同的景緻，下午吃的不是拉麵，而是另一個潮流尖端，沾麵。大約它幾似那些日本的傳統拉麵店，雖然日與夜賣的都是不同，但選擇不多為的是專注吧。拉麵店的特色係非常七彩繽紛，地方又闊落，員工服都不錯，檸檬水和那些枱面上的配料，是日式拉麵店的常識吧。朋友來到的時候，我們各自叫了自己喜歡的。魚介豚骨焙煎黑芝麻沾麵是我的選擇。普通的麵底已經夠男仔吃了，如果你好大食才加錢吧。麵也有熱和凍選擇，我還是喜歡熱辣辣的東西。每碗都有的叉燒

從喜好日本拉麵的友人口中得知, 有一間頗具風味的日式麵店在 旺角 快富街 ....這間 漁場台風 Isaba Taifu 的特色之處就是日間 12:00-15:30 賣沾麵, 晚間 17:30-22:30 賣拉麵 ~拉麵確實吃得多, 所以我和太座選擇在日間幫襯, 吃碗沾麵 ~不少傳媒都曾經報導過 ....還有漫畫教導客人 "沾麵的享用方法" 店內擺放了不少日式的擺設 這個 figure 美極了 ~ Menu & 點單紙味道清新的檸檬水 ~ 自家製的 青檸胡椒 味道清幽芳香, 必試 ~還免費供應 "髮圈" 給長有長髮的顧客, 這種服務, 真細心 ~可悲的是, 我無髮享用, 真是無奈 .... 只可怨 蒼天太狠 ~ 日本人廚師見我舉機拍攝, 立即報以親切笑容 ~我點了 魚介豚骨焙煎黑芝麻沾麵 多醬汁 $85熱麵 250g, 增量叉燒 $25, 半熟蛋 $12沾麵, 就是麵與熱湯要分開碗上, 吃時把乾的麵放入湯, 然後沾來吃 ~這碗 豚骨焙煎黑芝麻湯, 湯底濃稠, 膠質頗重, 入口感覺順喉, 鹹度適中, 味道豐厚香濃, 滿有濃郁芳香的黑芝麻味 ~ 把麵條沾一沾湯, 一吸入口, 麵條裏盡是湯

呢間食過拉麵好正 特登晏就再黎試沾麵 店員好細心 會有箱for女士long腳 同橡巾束頭髮 佢每張台都有檸檬水提供 位置都好大 好多日本野既布置 同埋好多人既意見表達左痴左係牆身我簡左番茄味 佢既麵既份量好多 好粗 好彈牙 好滑 個湯好夠熱 好重番茄同豬骨味 味道偏咸 不過好小材料 得兩塊叉燒 好林 不過冇咩味 同半隻雞蛋 冇特別 我諗最吸引我黎都係個湯低

今天去旺角買完波鞋後，突然心血來潮想吃拉麵，於是就睇下附近邊度有拉麵店，發現快富街有間漁場台風口碑好像不錯，所以馬上行去。雖然去到有大約十個人在排隊，所以知道應該沒去錯且值得等。這裡的環境很有日式風味，有好多動漫擺設。以及是開放廚房，可以看著師傅煮拉麵時認真的製作的態度。- 鰹魚味豚骨拉麵由於有點肚餓的原故，所以點了200g的麵比平常的會多點。再加上增量叉燒及多一隻半熟蛋，相信應該夠我這餓鬼了。很快的一大碗嘅拉麵已經文放在我面前十分吸引，原有的配料有一塊叉燒，一堆鰹魚片，半隻半熟蛋，荀絲同菠菜絲。先喝啖湯，味道非常濃郁，濃烈嘅鰹魚味。拉麵軟硬適中帶點彈牙。半熟蛋帶流心幾好味，好彩另點了多一隻。叉燒不會很肥膩，帶點點肥肉而已，肉質偏腍。不錯!!

去旺角買完野,8點幾黎到有小小人龍 ,等左15分鐘左右就有位。一入去,店員就比膠兜我地放袋,仲比左個我墊腳，再放橡筋比女仔扎頭髮,真係好細心啊 我叫左鏗魚味豚肉拉麵,男友就叫左燒海蝦味豚肉拉麵。 佢呢間拉面店,日頭係食沾面夜晚係食拉面既。拉面既口感同出面有d唔同 係比較硬 好似食沾面果種口感,如果可以揀軟硬度就好啦。我果碗既湯好濃味,男友果碗相比冇咁濃,就覺得面入唔到味,比較鐘意我果碗。 叉燒都幾大塊 但比較韌,半熟蛋好好食!!好較流心好甜佢地既拉面好夠份量, 有分150g,200g同300g，我揀左普通200g，男友揀左300g,2個都食唔哂。

佢呢間日頭先做沾麵 叫左蕃茄海蝦味佢既麵好香 好夠粗 好彈牙 佢既湯好夠熱 好濃既蕃茄加海蝦味 佢既湯低係超香 好濃 佢有兩塊叉燒 好軟 入口即溶咁 佢既蛋都係好好食 好滑 食完個都其實都好飽 因為佢份量都好多 不過都係要叫佢加湯再飲埋個湯先正 冇味精 好鮮甜 會再食

原來起旺角一個不起眼嘅街角有一間日式拉麵，起門外望入面已經覺得幾日風，所以就試試。台上有水煲裝嘅檸檬水自己倒，有趣。第一次試，叫咗燒海蝦味豚骨拉麵，蝦湯非常濃，好味、好香，其實亦有好多蝦仔起面，麵亦軟硬適中，另外，由於唔食筍，原來可以轉其他，我就轉咗紫菜 加咗一份叉燒，原來好大片，好底食，睇落肥瘦均勻，食落好'林'，少少肥、剛剛好。唔好睇少一碗麵同加一份叉燒，食到好飽。值得一提係店內牆上貼上好多食客留言，我所見係好同唔好嘅留言都有，而店主好有心地每一句都有回覆。亦好貼心地預備咗髮圈可提供長頭髮女仕，唔怕頭髮染到D湯。有日本人特質。下次一定要下午來，試下D沾麵

今晚去咗旺角覓食，星期一9點幾去了食拉麵。漁場台風在上年已經食過一次，印象不錯。 一如以往，晚上只提供拉麵，沾麵要留待午餐了。有四款拉麵以供選擇: 拉麵有三個份量 (此店其中一個賣點是1.5倍麵底): 少150g、普通200g、加底(+$10)醬汁份量: 少、普通、多蔥: 有、無 今次又係老人痴呆，上次都係走筍係可以免費改疍/叉燒/紫菜，但我忘記了；今次又係店員提我，走筍可以免費改其餘三種。 全是面壁座位 燒海蝦味豚骨拉麵 - 本身$88, 加蛋$12,走筍後多了紫菜份量，共 HK$ 100 有大量櫻花蝦、蔥、流心蛋、菠菜、紫菜、叉燒 蝦湯底香味濃郁 叉燒有番咁上下厚度，味道不錯味付玉子 味付玉子好入味，生熟度拿捏很好，做到流心效果 咦，有自家製青檸胡椒題外話 / 補充資料好細心，入座時店員主動拎個膠箱比我墊腳

這晚，我們來到旺角吃這間最近風評不錯，日售沾麵，夜售拉麵的漁場台風。拉麵店裝潢色彩繽紛，牆上貼滿日本動漫海報，明顯的日系年輕人路線。女生們一坐下，店員就送上免費任揀髮圈，方便吃拉麵時扎起長髮，非常貼心！長檯上備有大壺檸檬水供客人享用；而調味配料方面，推介青檸胡椒粉，味道清新，令食物增添了一分滋味。燒海蝦味豚骨拉麵 $88拉麵配有紫菜、菠菜、筍條、蔥絲、半熟蛋及叉燒，而紫菜、流心蛋及叉燒都可以加錢另外加添。魚介豚骨拉麵 $78這裡的拉麵份量比平常的多出一半，少量也有150g，普通就有200g。燒海蝦味豚骨拉麵湯底味道濃郁，充滿燒海蝦的鮮味，質地不會過稠，吃來不會有油膩感，不錯。魚介豚骨拉麵湯底顏色較深，除了魚介的鮮甜濃郁味道之外，還有濃重的豚骨味道，同時又加入了不少木魚碎， 跟櫻花蝦相比，又是另一番風味。半熟蛋 +$12半熟蛋做得非常好，蛋黃呈半凝固溏心狀，加上蛋味香濃，非常美味，推介！麵條粗而直，掛湯力十足，吃來煙韌彈牙，富有嚼勁，口感—流。增量叉燒 +$25叉燒厚薄適中,肉質香甜軟腍,又夾有點點脂肪,口感味道俱佳。很久沒嚐過如此美味的拉麵，おいし!