漁場台風

營業中

休息中

荃灣嘅台風拉麵食過好幾次，服務質素好，價錢合理，份量足，味道不錯。今次係旺角開分店，一定要捧下場。由於係夜晚嚟，所以只有拉麵，下次一定會下午嚟試下個沾麵。四款拉麵都係魚湯，較平時嘅豚骨拉麵更具新鮮感。一如以往，店員服務態度十分好，令人食得稱心。鏗魚味豚骨拉麵就如餐牌形容一樣，好濃嘅湯底，但未至於鹹到難以接受。豚骨湯底帶有魚香味，而且幾夾。至於沙甸魚味豚骨拉麵湯底味道差不多，只係味道清d。個人更喜歡沙甸魚。鏗魚碎好似平時食小丸子果d咁，而沙甸魚就係魚乾。流心蛋幾好味，甜甜地嘅滷水味。至於塊厚切叉燒，做得比荃灣店更出色。雖然只得一塊，但真係幾厚。燒得啱啱好，少少燶，好香，肉質亦唔鞋。拉麵除左湯底係精髓，麵都好重要。無得揀麵嘅硬度，全由師博決定。一向都喜歡較硬有咬咬嘅麵質，哩度就合哂口味。粗麵條煮度啱啱熟，保留麵嘅咬口。份量真係一如以往，好大份，食完勁飽！

在香港，論豚骨魚介湯底的，荃灣的拉麵台風真的可以穏入我倆心目中的三甲之列，尤其是第一次幫襯那一份驚喜，記憶尤新，不過，台風位置始終有點偏，不能常去，這個問題，就由剛開的分店漁場台風來解決吧!!!位置其實挺方便，旺角港鐵站快富街出口前往的話只需約五分鐘腳程雖說是分店，不過與本店也有一點分別，日頭賣沾麵，夜晚賣拉麵，如此安排是否香港首創呢?這個中午，約了友人前來，二時許，不用排隊，不過就規定人齊先可以入內，那就唯有於門口先等朋友分店門面挺富日式風味，分店就是想打做一個日本漁市場風味的拉麵店，主打漁場風味湯底枱上放有大大個的水煲，小丸子還以為是用來裝飾的，原來真是用來倒水飲的，真有趣，最重要的，水煲內的是凍水呀，還加入檸檬片，帶點點清新，細心位，抵讚!現場掛滿日本風的海報，連韓國女團少女時代於日本開演唱會的海報也有開頭說過，午市只供應沾麵，三款湯底分別是魚介豚骨沾麵, 魚介豚骨焙煎黑芝麻沾麵和魚介番茄湯沾麵，我倆選了前倆者兩碗沾汁也到，魚介豚骨湯以豚骨湯底加入以鰹魚和沙甸魚乾磨成的粉末來製作魚香不及於荃灣嚐到的，略有失望，反而豚骨味道算挺突出香濃，聽聞此湯底是應客人意見特別調淡一點魚介令豚味

收工旺角朗豪睇8點場，等齊人成日都7點幾，都唔知睇先定食先。朋友話荃灣間拉麵台風皆旺後面開左分店，於是諗住試下，因為夠快嘛。當旺角食碗雲呑牛腩麵又唔平，不如整碗拉麵飽肚啲。好老實，荃灣無去過過。但佐敦堆拉麵food court就去試過幾次。啲間漁場拉麵裝修簡潔，回來爬文才知老闆想營造日本漁欄佬拉麵店的地道。Anyway,對我來說坐鬆小小，乾淨，好食就足夠了。點心紙4選1,都感覺正常，多花臣，幾十樣都不是拉麵店的風格。點左沙甸魚豚骨拉麵，加大添，對一個肥仔係好正常，仲要嚟多個糖心蛋。  等左10分鐘左右，有得食。雖然啖湯唔差，但最吸引我係隻蛋，有蛋香，沾口甜滑。而麵比較粗，但彈牙爽口，因為粗，反而有麵香，不像有些店忽略了麵香的重要，至於塊叉燒，合乎理想期望。有小小肥油層甘香，都腍的。湯底都最後比較其他的店，是合港人口味不算濃鹹到救命，湯底最後會發現很多可入口溶晒的魚骨，應該是沙甸魚骨吧。

又來到和朋友的晚飯聚...因為在這之前先要到旺角拿點東西 (≧∇≦)/所以今次就決定在旺角看看有什麼新店可以去試囉被吸引選這間是一條沾麵的影片，但誰知來到才發現.... 晚上時間竟然是拉麵限定(*´Д') 想吃沾麵的話要日間時間再來過然都一場來到，試試也沒差吧在排隊的時間~店員先給了我們點餐紙... 上面的兔仔很有萌點 ♡正如其店名，這裡的4款拉麵湯底都與海產息息相關麵的份量也可以選擇，若要加麵底 +$10就可以了 ..還可以減麵量的喔這家沒有小食~但能加配菜 (●￣ω￣●)ﾉ其實等了不是太久已經可以入座了 (o’ω’o)朋友說這家相對於香港很多的拉麵店更有日式的感覺，不知道是不是因為那些海報呢我們是被安排在能看到廚房的位置，負責煮麵的師傅看似都是日本人｜ω・）不過不用擔心 ～有看到牌子寫著有工作人員是可說中文沾麵Menu其實真的很吸引啊 (*‘ω‘ *)賣點就是沾麵汁變冷後可加入熱石加熱~ 之前吃過的那間只是用電磁爐而已魚介豚骨拉麵 ($78) & 鰹魚味豚骨拉麵 ($83)這樣看的話其實不怎樣分到~因為配料都是一樣的 (朋友跟我一樣走了蔥)同樣算了200g這個份量...但由於這裡比

一行四人大約七點半去到，位置好方便，附近係先達廣場，不過起横街入面未必會留意到，但係俾搶眼嘅紅色門吸引到，等咗幾分鐘就入得喇，日頭係食沾麵，夜晚係食拉麵，咁啱我哋四個都叫咗唔同款嘅拉麵，好橋呀。我揀嘅係魚介豚骨拉麵，佢寫住話係啱哂第一次嚟食嘅人食，個麵好快到咗，第一時間飲啖湯，好濃味，不過唔係味精味，飲完唔會口乾，塊叉燒同平時食嘅都唔同味，最正係我最愛嘅溫泉蛋。食完大滿足！！真係好飽呀好好味

今晚又係忙到八點幾九點，今晚去咗旺角覓食。星期五晚9點幾橫街仍見人龍今天氣溫也不少野, 一路排一路流汗 , 但人流都算快門口細細一邊排, 排到頭幾個的時候女店員比點選單先選擇款式, 晚上只有四款拉麵以供選擇: 麵份量可揀 (此店其中一個賣點是1.5倍麵底): 少、普通200g、加底(+$10)醬汁: 少、普通、多蔥: 有、無店員好NICE , 我寫咗走筍加紫菜(+$10),佢話我知走筍可以免費改紫菜, 雖然無另加份量咁多, 但都好呀, 知道後唔使另加10就有紫菜食嘛.各人也是面壁的好有趣, 教人如何吃沾麵, 原來有半路熱湯服務  可惜沾麵係日間供應, 晚上係拉麵的 ...唯有捃日星期六日再來試沾麵 , 玩玩中途加熱石燒海蝦味豚骨拉麵 ~ 走筍後紫菜都有6片之多 , 望落都OK喎蝦湯底非常濃郁但不鹹 , 正常份量真係幾多, 我...食唔晒 !鰹魚味豚骨拉麵 ~ 湯底幾好味，較漿口麵 又無乜特別好煙韌彈牙之感叉燒有番咁上下厚度呀味付玉子好入味 下次要來食沾麵 !!!!!!

兩年前，「拉麵台風。」嘅出現，成為左香港拉麵界嘅一時佳話。亦令小弟愛上拉麵，開始左拉麵修行之旅。兩年後，「拉麵台風。」竟然宣布要開分店!? 當然係非常期待啦~究竟會為我地帶黎咩新驚喜?同埋可唔可以再次成為熱門話題?分店嘅出現，可以話係「拉麵台風。」嘅第二章!身為長期支持「拉麵台風。」嘅小弟，當然係第一時間去捧名為「漁場台風」分店嘅場啦~!去「 漁場台風。」嘅朋友要留意!旺角分店同荃灣分店唔同，旺角分店會喺午市同晚市會供應唔同類型嘅麵條~本篇食評主要介紹晚市嘅「拉麵」!全新感覺!全新款式!「 漁場台風。」比荃灣分店更加專注用「魚介」黎做賣點!黎到新店，當然要試新野啦~所以小弟冇揀到基本味，而揀左依款「鰹魚味豚骨拉麵」!!!配料方面 : 除左基本嘅拉麵配料之外，最有趣嘅係「鰹魚味豚骨拉麵」仲會用到木魚絲黎做配料!但係點解會用木魚絲呢?其實「木魚」咪即係鰹魚囉~因為啲鰹魚經過後期加工肉質變到好似木塊咁硬，先俾人叫做木魚啫~所以用木魚絲係非常切合依碗拉麵嘅主題!叉燒方面 : 叉燒選料同荃灣分店一樣，雖然肉質普通，但勝在大大塊又夠腍!而且旺角分店用左「燒豚」做法~將叉燒表面徵微燒香，食落口多左一

係newspaper見到推介，雖然之前中過多次伏，但拉麵愛好者絕不會停止找尋美味~係附近一望就知係呢間拉麵店，非常易認，入到去，貼滿唔知係咪老闆珍藏嘅日本poster呢 @@嗯。。。我去到原本諗住食沾麵，但原來店舖特式係日間提供沾麵，夜晚提供拉麵=3=揀左鰹魚味~ 濃香豬骨湯底加埋鰹魚香味簡直一流~ 我最鍾意食硬身麵亦不約而同啱哂我胃口~不得不提义燒 雖然得1塊小左d ＸＤ但厚切肥瘦分明仲好軟綿綿入口溶化 ~~~~獨突燒烤味非常可口 =333=順帶一提，我覺得個2個日本師傅。。。好似樣應該係兄弟？！ ＸＤ期待下次試埋沾麵=v=

之前都有去過荃灣果間，長期都好多人排隊～旺角新店剛開張，花籃仍擺放店內及門口，應該太新，所以沒有人龍～晚上只有四款拉麵以供客人選擇，我就揀了鏗魚味豚骨拉麵，醬汁揀了正常，麵份量200g(正常），但此店其中一個賣點是1.5倍麵底，真係好多份量，我追加唐心蛋1隻，再加原本2塊超厚切叉燒同半隻蛋，我食到飽死...本人覺得鏗魚味豚骨拉麵戰湯底其實幾好味，比較漿，略鹹，如果平時鍾意食清少少，就要醬汁揀少！塊叉燒好正，好少麵店的叉燒是超厚身，又淋又入味，入口即溶！下次都會再幫襯～朋友揀了魚介豚骨拉麵，湯就淺色一點，而且朋友就說味道剛剛好，不會像我覺得湯鹹～

本來已經係荃灣台風拉麵既fans一聽到旺角開左分店 只知道地址就走去試本來一般餐廳分店都會比本店失色但對漁場台風絕對唔係首先餐廳格局比荃灣舒服得多燈光較柔和 而凳亦無本店咁高 坐得更舒適由於新開張 客人都唔係好多亦見到部分荃灣店既師傅黎左幫手而到主角 - 拉麵 - 亦同本店有分別日間只賣沾麵 而到夜間就賣湯麵今次我地食既分別係本店無既 鏗魚豚骨湯 同埋 海蝦湯海蝦湯既湯底非常濃郁 而台風一般麵既分量比其他拉麵店為1.5倍平時係未必食到 但因為今次湯底實在太好味 居然響唔太餓既情況下無食剩而鏗魚湯就一定會受熱愛魚介湯拉麵既人喜歡如果唔想試新既 可以先試呢個而本來荃灣店既叉燒經常都會被話太鞋分店既叉燒做法同荃灣店完全唔同叉燒改為薄片 （只係比荃灣薄 唔係真係好薄個隻） 入口即溶 非常美味！！而溏心蛋亦維持一貫水準 好好食總括而言 旺角店比荃灣店有過之而無不及 非常期待下一次去試沾麵如果唯一美中不足就只係旺角店唔可以選擇麵既軟硬度 希望之後去會有得選擇喇 

荃灣拉麵店「拉麵台風」一向備受多位食友讚譽，推許為城中有數水準出色的拉麵店之一，可惜自己之前數次到訪，都碰上長長的人龍，因為不想久候，總是敗興而返。近日「拉麵台風」在旺角開了一間新店，名為「漁場台風」，得知這消息之後，便在一天晚上來到一試。這拉麵店有一個特別的地方，就是日間只售三款沾麵，晚上只賣四款拉麵。我來的時候是晚上，沾麵就不多說了，只說湯麵。這店晚上售賣的湯麵共有四款，分別是最基本的「魚介豚骨拉麵」（$78）、最受歡迎的「燒海蝦味豚骨拉麵」（$88）、充滿濃郁鰹魚味的「鰹魚味豚骨拉麵」（$83）和適合喜歡海洋味道客人的「沙甸魚味豚骨拉麵」（$85）。我雖是初來，本應試試最基本的「魚介豚骨拉麵」，但始終還是「燒海蝦味豚骨拉麵」較為吸引自己，所以便叫來這款價錢最貴的拉麵一嚐。我叫的雖是普通份量的拉麵，但這店除了日夜拉麵款式不同之外，另一特色是拉麵份量比一般的拉麵店多上1.5倍，所以拉麵份量著實不少，我雖然盡了最大的努力，到最後還是不能把這拉麵吃光。說回拉麵，這麵的湯味確實是十分濃稠的，不過喜歡濃郁豚骨湯味的我，就稍嫌它的蝦味太搶，把豚骨湯的味道掩蓋過去，不太適合自己的口味。至於配料方

在荃灣赫赫有名的拉麵台風，長期要排一個小時才有得吃，現在終於在旺角開‧分‧店‧了﹗為食不甘後人，趁著還沒有太多人知道和去排隊，速速吃馬上寫搶個頭香﹗其實說這裡是分店也不太準確，應該說是姐妹店，因為兩邊的風格是不一樣的，店裡的卡片有寫中午時段是沾麵專門店，而夜晚則是拉麵專門店。本家的拉麵台風則沒有這種分別，而且沾麵亦是限定。吃拉麵提供冷水是常識，不過沒想到這裡竟然整個水煲放上台，饒有趣味。看一下餐牌，連餐牌都分開了上下半場，沾麵有三款而拉麵就有四款，另外還有介紹沾麵食法的漫畫，只是那個大叔…看一百遍都是覺得他一整個痴漢臉（掩目）。點菜紙依舊可以選麵量醬汁和蔥，而三款味道的價錢差距不算很大，友人選了黑芝麻口味，那我就選海蝦口味吧。等候途中自然是四處望…有日本藝能人的海報是不意外，但竟然有真人簽名？﹗這張相賣笑一個，懂的人自會懂，不要問何故。（笑）既然是沾麵專門店，當然不少得湯割用的湯汁了， 這裡的湯汁有一直在暖著，令人安心，但旁邊的是甚麼鬼？原來是燒石，吃到中段覺得沾汁變冷時，可以將燒過的熱石放在沾汁裡加熱，既環保又快捷，今次真係燒山…不對，燒石好野﹗多謝燒石﹗這位師傅好像在荃灣店時已經見

沒有花牌，沒有老闆，這間小小的店竟然安靜的秘密開幕了！有趣的餐牌吸引了我的注意力，畢竟一直想嘗試吃沾麵，今次終於能試到了！漁場台風的午市是吃沾麵，晚上是一般的拉麵，今次我中午到來，就試一試沾麵吧！個人不喜歡太單調普通的東西，所以沒有點最一般的那款，反而試了芝麻沾麵（＄85－）再加一隻半熟蛋（＄12－）。開業的第一天，所有事物都很新很乾淨，希望能好好保持吧！不過有點嫌他們的椅子太高了，或許是我太矮的關係，腳都碰不到地面了…沾麵到了，要把麵沾一沾汁再吃，可是麵是涼的，湯汁很快就變溫，之後就更涼了，雖然麵的口感不錯，但是吃進口涼涼的，減了不少分數。在吃到一半，侍應問要不要加熱石，當然要加了，熱石加到湯汁內，令整碗湯汁都變熱，這個時候吃麵的感覺才好一點。不過，熱石的效果維持不了多少…或者是我吃的太慢了吧！很快湯又變涼了…最後把熱水加到湯汁內，就變成一碗熱的芝麻湯。這一天她的秘密開幕沒有優惠，反正想試就試了，不過以這樣子的質素，收這個價錢有點貴，暫時沒有下次了！（或者可先試她的晚市拉麵？）