滿屋日本料理 (已結業)

一直以來個人心中放題首選都是大喜屋或滿屋集團，質素最具保證。最近坊間不少日式放題餐廳都增設自助區域，而滿屋亦緊貼潮流趨勢，於店內騰出空間供應自助凍海鮮、沙律、甜品、前菜及特色小食等。自助區域當中更備有白切雞及三文魚餃等中式料理，以及爆谷機和自製棉花糖機。刺身方面包括三文魚、油甘魚、松葉蟹腳、大赤蝦、天使蝦、帆立貝、甜蝦等逾十款，當中最為出色的定非大赤貝莫屬，比起坊間一般赤貝體積大約一倍，份外肉厚爽脆。壽司方面個人尤其喜愛芝味系列中的火炙厚燒芝士鰻魚壽司。燒物當中鹽燒牛舌及七味雞胸軟骨同樣絕不遜色，爽口惹味。新產品滿屋乳酪棒其實與炸鮮奶大同小異，外脆內軟，富陣陣奶香，出人意表；而榴槤炸彈亦是必點之選，煙煙韌韌而且榴槤味極度濃郁，絕對能夠滿足榴槤愛好者。出乎意外地放題當中竟有供應平時於海鮮酒家用膳時定必會點的菜餚如蒜蓉粉絲蒸扇貝及辣酒煮東風螺，不過扇貝肉身較瘦而且粉絲不夠入味。另外平時比較矜貴的鰻魚也是任點任食。海膽手卷的海膽份量稱不上多但味道尚算鮮甜而且不帶腥味。避風塘系列中我們點了金沙炒雞軟骨及炒太平洋魷魚鬚兩款，份量較多，皆甚為香口惹味。備受健康人士追捧的秋葵配以胡麻沙律醬，酸甜開胃

一向食放題，放工又去左食好野，餐廳以和風式格局作佈置，感覺舒適。二人枱比較細張，不過都有梳化椅坐！上菜好鬼快刺身新鮮三文魚肥美，大赤貝爽口又鮮美！各款壽司即叫即做，三文魚壽司，海膽壽司好食，款式夠多且有創作壽司，壽司比較fashion，壽司飯份量唔多，可以食多幾件。芝士壽司系列口感清新唔會膩，燒很剛剛好，有汁燒芝士北海道帆立貝壽司，芝士長腳蟹棒壽司，醬燒芝土鮮蝦壽司，焦糖鵝肝壽司，焦糖香與甘香鵝肝㚒，火炙厚燒芝士鰻魚壽司火炙原條鰻魚壽司，火炙咖哩三文魚壽司火炙胡麻左囗魚邊壽司好好味，士有點焦香，會令你越吃越滋味。鹽燒海蝦超大隻新鮮的海蝦加鹽燒，鮮甜都好入味炸物不錯，送到桌上時非常熱，日本蕃薯天婦羅很甜，不會是厚厚的炸粉，天婦羅蝦炸衣好薄脆彈牙，溫室南瓜天婦羅外脆內軟，海膽大葉天婦羅香口好特別。突然想吃熱烏冬，一碗份量小小的剛剛好，留返空間繼續食其他野食，雖然細細碗，但材料絕不欺場，有好多粟米、昆布、鳴門卷，好足料！

同好耐無叫既朋友食飯，突然想食放題，佢指定食依間，但又無訂位，唯有walk in，侍應話等15分鐘⋯點知等左差不多成個鐘🤦🏼‍♀️ 坐到個位勁迫，但坐底唔夠十分鐘佢話要加台，比多2個人坐格離，行都無得行🙄點解食放題要行出去，就算當你唔去廁所，佢依間係多野食，差不多廿張紙，但版版都係得4-5樣，大部分都係炸炸炸～一半係壽司，聽都興奮，出邊有熱食都係炸物，春卷，咖哩角⋯⋯⋯甜品、雪糕、野飲、爆谷、仲有棉花糖機，但d糖痴到成部機都係，真係無胃口囉⋯⋯總結係差！差！差！！

開始對放題的興趣大了，今晚去銅鑼灣casing之後，我地去銅鑼灣廣場二期搵食，最後選擇了滿屋的放題第一round必定係刺身：貪心嘅我絕對叫齊咁多款：三文魚肥美濃郁的油脂味道，油甘魚透亮，天使蝦似泰式蝦，大赤貝海鮮味較腥但爽囗，大赤蝦大隻，可比美牡丹蝦的秥口鮮甜，帶子較細粒，希靈魚本來囗感特別似魚春，爽脆，北海道角螺爽口，甜蝦蝦肉質味道較甜接住壽司：黑松露牡丹蝦壽司，黑松露濃香加上鮮味的牡丹蝦，三文魚腩壽司油脂香，高貴的和風牛肉壽司，汁燒芝士北海道帆立貝壽司淡淡芝士配帆立貝，芝士長腳蟹棒壽司，醬燒芝土鮮蝦壽司，仲有大大件的焦糖鵝肝壽司鹽燒牛舌的油脂美味，甜甜的燒有機日本蕃薯仔，芝士年糕好香，滿醬汁香味的燒鰻魚，酸甜的焼有機鮮菠蘿飲品選擇頗多，荔枝，提子味及啤梨不只外表吸引，味道也可以 係半自助區擺放著爆谷機同棉花糖機，真好玩比大家自制一下小甜點竟然有熱飲提供，真貼心

幾年無黎的滿屋，換然一新，仍然質數無變，服務好好，估唔到都係幾年前的價錢，真超值現在部份冷盤，飲品，甜品全自助唔洗入單，隨時攞隨時食，喜歡食魚生就唔好錯過長腳蟹，我覺得羊架最好味食完可再食，芒果壽司值得一試，刺身拼盤好新鮮，甜品藍莓蛋糕一定要試，鴨舌好特別，鮑魚冬陰功食得辣的就唔好錯過，辣酒煮花螺就一般，只係每樣試少少都唔得掂，種類都好多，食完晚餐都可以慳番唔食，遲啲一定要同老公，囡囡再食一次

呢間有好多唔同款色既野可以滿足到不同既客戶,第一酒有清酒/梅酒各種選擇, 有時可能會唔同款,連棉花糖都有=3= 死未, 整出黎係藍色, 用藍糖,要自己整, 都幾好玩! 小朋友好中意~連小朋友都照顧埋!雪糕甜品就可以黎呢到加料, 自制自己喜愛既雪糕!就咁睇相都覺得好多野玩!普通慣例既野飲當然有啦~ 以上都list晒嫁啦~可以自己望下呢間野有個鬼馬既地方, 就係movenpick 係放係好隱密既地方- -老實講只有坐係後排既我地先見到,大部分客係見唔到!! d客只係拎雀巢= =""ANYWAY, 轉多個圈/問職員就拎到嫁啦!野食都幾有特色, 唔會係話間間放題都見到,起埋配料都自己整下新款!呢部係清酒機, 暖暖地幾好飲, 冬天飲可以暖暖胃十分不錯^^我比較欣賞係飲品, 特飲都整得好細心, 有心機,款色一樣多 ,都係任飲, 味道濃落足料, 唔會溝水..刺身新鮮, 夠多人食就可以出一盤好大盤既靚sushi 盤出黎,我見到人地台好正! 刺身推薦要食!其他食物唔一一介紹啦, 主要特色就係上面其他可以自己親身去體驗下!不錯的!

耳機播著HOCC首「全憑手中的偷拍照…」，XO仔就喺銅鑼灣街頭全憑手中的傳單，得悉「滿屋日本料理」晚市放題可任點魚生，及任飲麒麟啤。睇到有啤酒任飲，價錢仲包埋食，絕對抵過區內o既歡樂時光優惠，第一時間就諗起人稱「啤王」o既老五！為求明目張膽地去飲餐飽、拆餐勁，二人就相約好週二晚準五點半食歡樂放題，嘆足三個鐘。兩口子被安排入座房內o既半梳化式散座，比起想像中闊落舒適。桌上擺放著兩本厚厚o既彩圖點菜紙，簡單易明，菜式即點即上，感覺衛生，食得放心。雖說食客如七點半前離座可享八五折優惠，但面對著勁飲得同吹得o既老五，條數計落，俾佢主攻麒麟啤，飲多一個鐘係絕對抵過全單八五折，結果三個鐘飲咗二十罐，嘩哈哈，超抵！唔好隊啤o既朋友唔洗擔心，自助茶水部有多款凍熱飲品提供，汽水、茶、特飲等等，真係好多野揀。點完頭輪食物，老五就先喺自助冷盤區砌咗碟惹味o既小食拼盤黎送酒，醒神又醒胃，果然係飲家！食日式放題，相信大家主力都會係攻刺身，我地都唔例外，前後點咗兩大盆，上枱已覺震撼！刺身中，個人首選爽潤脆滑o既大赤貝。鮮甜肥美o既油甘魚亦屬必吃之列！帶子刺身幼嫩滑溜。北海道角螺刺身則爽脆彈牙。三款蝦刺身中，個人偏

平時想食好少少又唔知可以食咩好，通常都係食放題，方便又多選擇，啱晒我依啲三心兩意既人平日夜晚去估唔到都會全滿咁濟，不過佢好在都坐得幾舒服既一嚟到坐底馬上叫咗魚生先！甜蝦好高質！仲要幫你剪埋尾 讚呀！壽司種類都好多，好多都好有特色，又芒果又士多啤梨咁但食起上嚟出奇地夾喎 估佢唔到〜熟食必叫牛柳粒 啖啖肉呀嘛～仲見到有得齋嗌鰻魚黎食 真係勁開心雖然張圖係原條 黎到變左三粒不過有得凈食鰻魚都覺得好幸福呀🤤同有燒菠蘿都好好食 又甜又多汁又唔酸！正〜甜品仲有最愛既雪糕tim，大滿足〜

星期四收工約咗舊同學聚會，大家都不約而同想去返以前讀書嗰時去既滿屋食放題，估唔到水準仲keep得咁好仲多咗唔少新野！一入到去見到多咗自助餐bar枱，又有綿花糖機同爆谷機，可以自己整綿花糖〜野食除咗魚生新鮮之外，海膽手卷好足料！推薦呀！！辣煮東風螺都唔係間間都有〜佢熟食既種類都幾多選擇，啱晒一大班人去食，唔洗你就我我就你嘛羊架好香好大隻，朋友唔太食羊既試咗都話幾ok同埋想特別一提係佢啲飲品選擇好多，而且有啲仲係即沖特飲，藍色好夢幻呀！下次一定會再嚟食過〜

平時好少黎CWB食放題, 今次第一次試呢間都覺得不錯一黎見到棉花糖機勁興奮, 有得玩又有得食, 好多小朋友整緊, 但都有人KEEP住清潔!落完ORDER未黎, 可以先食凍盤, 凍蝦幾鮮甜, 蜆冇沙而且幾厚肉, 有辣醬同泰式辣醬可選另外有D創作壽司, 黃色個舊係薯蓉, 凍凍地幾特別, 薯粉可以一試仲要我最愛的小食: 海哲 帶子裙邊 八爪魚 螺肉, 最開心係任夾 最後自己食晒HAHA海膽手卷一人一個, 海膽帶甘甜味 唔錯 飯的份量唔多剛剛好平時飲品通常都只有個幾款 而呢度仲可以嗌特飲 好驚喜!!粉紅色係紫貝天葵 紫色係豆蝶花雪梨 藍色忘了HAHAHA刺身種類不多 基本三文魚甜蝦個D都有 不過不失辣酒煮螺辣得好惹味炸物我只係食左芝麻雞翼 好香脆 雞肉入味!羊架高質呀!! 肉嫩多汁 而且好鬼大舊創作壽司也不錯 非常多款 個人最愛芝士系列甜品時間 除了雪櫃任食的款 仲有一人一杯哈根大根 非常完美!!!!!!整體來說都幾抵食 平日249加一 但食物種類係超多 凍盤甜品日式中式乜都有 食到勁飽大滿足!

天氣炎熱，行山後急需補充，朋友就提議去食很久沒食的放題，任飲任食。銅鑼灣廣場二期有好多餐廳選擇，但一進升降機發覺原來全部人都是去八樓的。樓上餐廳地方濶落， 晚飯時段是全場爆滿，幸好我們先到一步，不然要等位啦！凍食前菜，沙律吧放在一枱，熱食跟燉湯放另一枱。飲品雪櫃有兩個，甜品生果放在隔離，雪糕櫃放滿Mega 同 大腳板，還有爆谷機同棉花糖，白朱古力噴泉。放題，重點多選擇，味道不要太過重覆，兩本天書一樣厚的食物紙，起碼過百款食物任君選擇。第一輪，點了九張，不太誇張吧！😁朋友是好酒之人，單是清酒跟梅酒，他已經喝了兩三瓶，回本了！我覺得梅酒好好飲，清酒就一般啦！第一次食海葡萄，原來是無味的，口感像食爆炸糖咇呢八啦一樣。鐵板帆立貝， 新鮮熱辣，醬汁好重味，好好食。好炸的炸物，芝麻雞翼，滿屋乳酪棒，外脆內軟。隔離枱成班剛考完DSE 的青年人是十隻十隻上，必order之物。還有在熱盘中的咖哩角，炸香蕉糕，炸肉條都好正!!!粉紅色的是桃酒，有點像jolly sandy, 少女味重。另外綠色的是梨汁，有驚喜的是他有梨肉。最後以Movenpick 朱古力同意大利奶凍雪糕才結,perfect!滿分為10分(

今晚同朋友去左銅鑼灣廣場二期的滿屋食日式放題，每位$228 加一，任食兩個鐘，好彩book左枱，估唔到星期三都咁多人等位。見有兩本餐牌分類，一本全是壽司、手卷、刺身等，另一本是其他小食、熟食、炸物等，抱著不浪費食物的心態，我們每樣食物都只落一兩件，試左喜歡先再加單啦。自助飲品同食品都分左幾個區，可以攞野飲同食住d冷盤、熱食同甜品先。我最鍾意自助日本清酒、梅酒，因為我是貪杯之人，喜歡邊吃邊飲酒。除了日本酒，雪櫃那邊還有好多種類的啤酒(日本麒麟啤都有) 、汽水、果汁，我今次是食放題，但反而覺得這裡的飲品最吸引！還有mega雪條、大脚板雪條飲食，大熱天時消暑一流！我第一時間飲梅酒開胃先，酸酸甜甜好易入口，酒精含量唔算高，我飲左佢兩個大瓶size都無醉意，女士啱飲，攞左d 泡菜、海蜇、中華沙律等冷盤送酒，海蜇味道偏甜不辣，中華沙律爽口新鮮，泡菜微辣而已，適合餐前做頭盤小嚐。開胃小吃到啦，這裡的燒菠蘿很有名，又甜又多汁，燒完再添一分燒烤的焦香，推介必試！喜歡吃蕃薯的人不要錯過串燒日本有機蕃薯仔，一口一粒，平時食開的蕃薯是要起粉的才香口好食，呢隻蕃薯竟然是香口之餘質感像糯米般煙韌，正！兩樣都要加單

今日特登約左fd黎食放題特登呢就晏就已經食左少少野餓住黎食 食到回本為止哈哈其實每次食放題我地都會揀呢一間點解? 因為方便就腳 而且食物選擇夠多!! 基本上咩都有得食 呢間食物既選擇有….成本字典咁多我重點推薦幾個必食推介先1.刺身每次都係必點架啦, 又冇壽司咁飽肚, 而且我覺得d刺身會比壽司更加厚切, 更加好味道!!2.雞軟骨出去食都要10蚊一串, 呢度任叫之餘仲要係即叫即整, 更係食番夠本!!!3.牛油栗米超好食既牛油栗米, 係用d牛油將栗米炒香, 新鮮即炒即食係最好味, 而且個份量都算ok, 點都要食番一兩個先得4.大量燒物呢度我覺得一定要點大量既燒物, 有雞翼, 炸雞翼, 燒菠蘿, 燒鯖魚等等, 都係非常可口, 因為佢係即叫即燒!! 無得頂

同朋友聚會好多時都唔知食乜既時候我地都會揀放題, 因為又唔洗諗就滿意到大部份人既意見何樂而不為呢～今次食既呢間滿屋係銅鑼灣, 岩岩好行完街就過左黎呢面食一入門口就見到有人龍, 果然係要等位等左半個鐘先有得入, 岩岩好勁肚餓一坐底當然係叫左大量既魚生, 壽司同埋熟食然後就出去拎野飲係拎野飲既時候發現有好多其他放題店都冇既野可以係外面拎黎食棉花糖+朱古力噴泉超正, 甜而不膩, 可以比我地等緊野食既時間食, 仲有爆谷可以食住等～！甜品同埋生果全部都係任拎既, 不過都係未食正餐就食飽左個肚, 所以最後先再食最特別係連關東煮都有, 仲要係入面有好多材料, 可能因為一直煮緊既關係, d材料超入味!!! 我連d汁都飲埋生蠔都有!! 真係好多唔同既食材可以食到!!!最鐘意係食個花之戀壽司, 好大球一口食落肚好滿足!!! D魚生都好新鮮佢淨係蝦都有好幾種, 我就一一都試過哂!! 最好味都係生蝦, 連埋d辣椒食一流!!仲有碗仔翅可以食, 非常之足料, 果然夠哂港式!!!熟食我最愛就叫羊架!! 好有羊味, 而且唔會燒到過熟, 岩岩好一口就扯到一舊肉出黎了