滿屋日本料理 (已結業)

今天放工陪表姐去銅鑼灣shopping,經過銅鑼灣廣場二期，見到滿屋日本料理食放題，之前有去過，食物和味道都好好，表姐說我喜歡食放題，請我再去食，位於8樓的滿屋，和以前有不同，應該裝修過，現在增設自助區，有多款食物和飲品供客人享用。自助區都很大，又有專人補充食物。新鮮刺身：是放題回本首選，當然要食多幾轉！自助區有很多冷盤食物，我喜歡鮮甜的凍蝦、青口、蜆。燕窩燉蛋：是自助區甜品之一，蛋滑甜度適中，又有燕窩，女士們不要錯過這個養顏之寶！還有很多美味的食物，最後記得問侍應拎返杯Haagen-Dazs,每人只有一杯，是要請侍應送來的！

是日約了尖子打乒乓球, 消耗了很多能量, 晚餐要吃得豐富一點. 週日晚上八時正, 來到滿屋吃放題. 店內地方頗大, 放題中還有自助buffet 吧, 這可是筆者第一次見呢! 看看order紙, 刺身, 壽司, 卷物, 炸物, 燒物少不了. 先說刺身, 點選了吞拿魚, 飽片, 希靈魚, 帶子, 甜蝦, 赤貝. 當中帶子表現最佳, 每口也啖啖肉, 鮮味較出, 不錯! 壽司是走著創意路線: 有黑炂露牡丹蝦, 香芒燕窩大蝦, 白松露吞拿魚, 火炙原條穴子, 蜜汁瑞士豚拖羅, 火炙胡麻左口魚邊, 黑松露油甘魚. 其中火炙胡麻左口魚邊最美味, 輕輕燒過的魚香, 很令人難忘.卷物類也很有創意, 海葡萄香芒龍蝦沙律卷, 用上芒果, 配上海葡萄, 甜香配以粒粒咬口和水份, 出奇地也挺夾呢! 炸物有天婦羅蝦, 海鰻天婦羅, 芝麻雞翼, 榴槤炸彈, 芝士年糕, 紫心香芋丸. 炸物水準甚高. 天婦羅炸槳很薄身, 外層香脆, 蝦味也很出, 不俗! 芝麻雞翼, 是全晚的焦點! 雞翼外脆內軟, 內裏的雞肉還有肉汁, 非常出色! 不嗜炸物的尖子也要encore這客雞翼, 真的很有驚喜! 燒物類則有焗廣島蠔, 燒有

臨近母親節, 同媽媽提早慶祝, 我地揀左銅鑼灣既滿屋日本料理, 原因係5年前黎過, 印象中食物質素唔錯, 5年後既質素又如何? 連媽媽都想一試! 餐廳除左裝修過外, 野食上都有所調整, 而且多左自取美食同野飲吧~ 野飲主打罐裝飲品, 一般可樂汽水、啤酒都有, 而最少見既日本罐裝波子汽水都有, 其他放題較為少見! 而最大大罕見既, 竟然係清酒可以任飲!!  先自行係位click 紙仔睇有咩食先, 生熟食物既list分開放, 令食客更加清晰, 呢度既熟食比較多。刺身、特色壽司、羊架、焗蠔、燒物、炸物、鍋物等等都有齊… 當等緊order既野食, 當然要把握時間出去睇下有咩野食可以拎埋位食啦! 凍盤前菜既沙律、螺肉、芝麻8爪魚等都可以自取 另一面更有溫泉蛋、幾款熟食 野飲方面, 整個大雪櫃中既野飲都可以自取, 更有紙包熱飲提供, 就連平時既熱茶, 都分左三款茶包選擇,很貼心! 最令我心心眼既係呢度有爆谷機可以任食爆谷, 焦糖都幾多ga!!! 又脆又正! 至於甜品方面, 甜點款式亦都有好多款, 轉身更有自助棉花糖機, 可以一嘗親自整棉花糖既過程。什得小朋友歡迎! 拎左少少冷盤返位食住等, 凍蝦都

肥哥4月生日，但要約到5月才有空吃這頓生日飯.....諗諗下，好似新年一家人吃過團年飯後就沒有見過，無疑他真的非常非常忙，有時連吃飯時間都沒有，點會有空跟我相約，幸兒終於約到。他竟然跟我多位朋友一樣喜歡放題賀生辰，咁仲好，叫得肥哥當然大食，如果逐樣點，一定食窮我，放題定咗價任佢食，我就可放心啦！不過，我也不會待薄佢，都揀間正野俾佢食，等佢食得滿意。餐店座位多, 設有多張四人卡座、幾排長沙發座的二至四人枱, 亦有十多人的大枱, 還有間了獨立房間, 可容納不少客人, 但枱與枱之間的空間較少, 出入不太方便, 而枱子亦較少, 放唔到較多食物。 晚巿放題分兩個時段, 分別5:30-8:30pm和8:45-11:30pm, 星期一至三成人收費 ($228+10%), 而成人收費為 ($258+10%); 星期四成人收費 ($238+10%); 星期五六及假期前夕成人收費 ($248+10%); 而星期日及公眾期假早段成人收費 ($248+10%), 後段成人收費 ($228+10%)。最划算是7:30pm前離座或9:30pm後入座全單有85%。我倆都不想吃得太夜, 故揀了早段, 雖是早段, 但也

幾年前經常去滿屋集團旗下的餐廳食放題，但放題餐廳越來越多 就只好放棄滿屋 嚐試其他放題近排聽朋友說銅鑼灣滿屋剛裝修好，食物款式好多選擇，有埋buffet吧提供給顧客自己拎食物 有我至愛 八爪魚 螺 任你拎任你食 無限供應不同款式最特別有越南卷食 但包刺身最特別係有清酒，梅酒吧任顧客斟飲品方面 連波子汽水都有 楊枝金露 真係抵讚刺身放題三文魚 吞拿魚新鮮 鮮甜有埋泰國生蝦刺身壽司的飯細粒 不會因放題整大粒飯有燒蝦 天婦羅 炸榴槤最後甜品款式多達15款有燕窩燉蛋 生果 蛋糕 雪糕熟食方面 炒貴妃蚌最好食品牌雪糕每位一個另外有其他自助形式

一年一度母親節都會同媽媽慶祝 但好多時都唔會揀正日媽媽好驚多人 所以早d訂位為上 其實已幫襯多次 媽媽喜歡佢地鹽燒牛舌 不過睇食評先知佢地大革新裝修左 雖然地方不會因裝修後大左 但佢地重新規畫 張d 多人大枱分佈最入 兼Party Room可多人享用放題 我同媽媽兩人就比安排係另一邊 較多兩人枱方便情侶 不會太嘈 可以舒舒服服同媽媽嘆下刺身 壽司 燒物 天婦羅 炸物 窩物 多元化選擇 鐘意食乜就Order 不過記住唔好做大嘥鬼呀一入門口已比他們的自助清酒(Sake)同梅酒Bar 吸引 還可以任飲 裝修後竟然連部局都改變 還設置自助吧海鮮 小食 海蝦都好新鮮彈牙 青口 蜆 選擇 多款冷盤 中華沙律 八爪魚仔 螺肉 帶子裙邊 適適俱備仲有爆谷機💥棉花糖機🍡 飄來香味令人充滿食慾上到8/F 訂位時已提供編號 方便安排入坐 入坐後 店員好快地話你知點落order同你所屬枱號 還有兩大本Menu比你揀 兩個人真係不能叫過多 我唔鐘意浪費食物的 所以每次兩件 食到7788先再考慮加唔加單 刺身選擇好 會一次過送上 三文魚 金槍魚 甜虾 赤貝 仿鮑片 帶子 都好新鮮 因為無甩單 超準快原條穴子同燒牛

時光飛逝，記得去年今日才與小子一起切生日蛋糕，話咁快，眨吓眼又一年。本來打算問他去那裡吃飯慶祝，不過想想，年青人大多愛嘗和食放題，可以一次過吃盡串燒、壽司、刺身等美食。醒起前幾天，友人才剛到訪過銅鑼灣廣場二期嘅《滿屋日本料理》，說店子新裝修，而且增設咗 Buffet Zone，食物選擇比前更豐富，反正我沒來過這家分店，也有興趣一試，就一於趁機和小伙子來撐檯腳。踏進店，地方頗大，設有多行二至四人卡座，椅桌雖然排得有點密麻，但間隔都幾四正，加上這晚我倆被安排坐於單邊位置，少了人來人往，讓人感覺舒服。安座後，第一時間，先去自助美食區巡一圈，嘩！食物種類果然不少，有花甲、青口、熟蝦、海蜇、帶子裙邊、泡菜、中華沙律、日式麻醬豆腐、水波蛋、燒三文魚鮫、燉湯、可以自己 DIY  的沙律、水果、士多啤梨噴泉、爆谷、小甜點、曲奇及馬卡龍等。除此之外，凍櫃內亦放了不少罐裝及支裝飲品供客人自行選擇。如果愛喝酒的話，旁邊自助酒機仲有清酒同梅酒任飲，啱曬酒鬼。就先拿點冷盤小食埋位做前菜，碟上有牛舌、熟蝦、海蜇、帶子裙邊、泡菜、中華沙律。幾款之中，最愛就是熟蝦和中華沙律，蝦身很大隻，肉質爽甜彈牙；而中華沙律就清涼

今日老公話想去食放題，同事們第一時間提議去<滿屋>食，佢地話食過幾次覺得好好。咁於是我即刻book位啦，好彩係平日，仲有位。同大路放題一樣，去到講個booking number, 就有人帶你入座。我地好好彩有卡位坐，多d位放野食，叫到成枱滿晒。食物總類真係好多，好多頁比你揀，指示清楚係幾多件，咁就唔洗誤會叫多左晒野！最surprise既係，竟. 然. 有. 清. 酒. 同. 梅. 酒. 任飲！！！可能我孤陋寡聞啦，真係無諗過唔洗加$就有得飲~~~我地拎左支慢慢飲，為今餐加左好多分！而且d梅酒都幾好，唔係求其撈水~~食物方面，同事們果然無介紹錯！刺身新鮮，唔會切到細細粒；熟食方面都好好食，食材新鮮，又煮得好食惹味，唔怪得之同事們都回頭再幫襯。服務方面都非常不錯！收order單一舉手就得，即刻有staff 埋黎，唔似得有d又揮手又唔該都無人show你，而且d staff全部都好nice好有禮貌~Order食物落幾多黎幾多，唔會無啦啦double, 又唔會話無左，good! 最後就可以揀movenpick or haagendaz雪糕埋尾。今餐食得好開心，一定再幫襯！

同朋友行街行到一半佢話想食日本野之後就去咗銅鑼灣好出名嘅放題因為入邊嘅嘢食質素都好高而且都好多人係等候室佢哋覺得都會好好食而結果真係冇令我地失望係未諗到食咩之前佢都會放到嘢食系同出面啊 就可以拎出嚟食先嘅而且種類都有好多啦有生果呀丶沙律啊丶菜等等所以覺得肚餓嘅話都可以食住先當然唔少得有壽司啦種類都真係唔少架飲品方面都有好多選擇有酒類啦丶茶啦丶果汁類啦等等滿足晒小朋友同大人最後仲有我最鍾意嘅雪糕添如果覺得生食有啲唔啱嘅話都可以點知熟食 有啲牛肉串啊串燒等等質素都好高呢個卷有最鍾意食嘅芝士啦飛魚子啦 仲有饅魚呀😍😍😍而熟食方面我叫咗一啲雞翼芝士年糕等等

今日帶左女朋友食放題簡左呢間都幾多泥，果然冇簡錯，叫左呢隻雞翼好好食，肉質好滑，皮又脆，真係必食仲有試左刺身甜蝦，好甜好滑，嗌左無數轉好鬼正另外仲有炸香蕉同炸香芋都好特別，所以叫左試下，唔漏仲好香，比個一定要試下。仲有螺都好味，帶有少少辣好爽食到飽飽地，可以出去拎下小食，竟然有爆谷仲有好多甜品好好味丫仲可以自己簡味，另外仲有蝦餃實在太新奇野飲就試左梅酒，都唔錯甜甜地，總括而言食物好創新質素都好好，值得推介

這間日本料理放題平日都有機會爆滿。所以一早已經book定位。通常個晚食放題，該日的早餐同午餐都會skip（這是常識吧！）。所以個晚去到都已經血糖偏低，就嚟暈低。但等啲魚生嚟都要時間，呢間料理正就正咗佢會有個自助brooth可以俾你夾住啲嘢食住先。仲要都唔係普通嘢，有炸蠔，沙律，八瓜魚，螺肉，連爆谷都有。唔忍口就好易食咗半飽。呢間仲要梅酒同清酒係無限refill。初時以為啲酒會淡如水，點知加埋冰都仲有梅子味，真係無呃秤。到咗主菜出場，三文魚係俾腩位。所有魚生都好新鮮，呢間店主要focus壽司，不同特色壽司味道特別，只此一家。炸物天婦羅熱lala, 粉薄餡厚。燒物不會太焦。最大驚喜係冷烏冬，一樣嘢如果係放題尾聲，好飽嘅時候都仲覺得好，呢樣先係美味。夠凍，彈牙，味濃，真係想J多碗。無後悔的一次！

實在太耐無食過放題啦！約埋三五知己決定去食放題！係銅鑼灣就就地腳就上左黎滿屋食下😋😋好彩早黎，平時夜多小小就會好多人等位，今次一黎就入得唔洗等好耐！食放題最緊要既就梗係刺身啦，但係每次都食唔哂，今次就決定叫少啲☺️環保啲呀嘛！其實好多野食都唔錯，最開心既就係想食咩都有！刺身壽司天婦羅肥牛煲一應俱全。每樣都好好食☺️最好既就係呢到既Salad係自己整！想食多啲菜又得，想食多啲蕃茄仔都得，得左！最尾最驚喜既就係有movenpick食😍