源記甜品專家 (已結業)

香港已經冇乜地方有雞蛋糕食lu。o個日o岩o岩食完鏞記，好耐冇食過雞蛋糕，忍唔住想o黎源記食番件。<br /><br />剛剛有新鮮雞蛋糕出爐，o那o那聲趁熱叫o左一件；味道其實都唔係真係好好：糕身冇海綿蛋糕咁鬆軟，味道又唔及芝士蛋糕咁濃烈。懷念o既，其實係小時侯同父母一齊食雞蛋糕果種滋味~~~<br /><br />你地又幾耐冇食過呢？！

上星期有晚又與友人來到，叫了桑寄生蛋茶同紅豆沙。桑寄生蛋茶仍然清潤好味，有人話呢度紅豆沙幾甜，但覺得已無以前咁甜，咁唔甜又點叫糖水呢？雞旦糕已賣到水尾當然味道稍遜，都係等下次來吃新鮮出爐的。價錢三十幾，唔平，但都不枉專誠來吃。

以前好好食的雞旦糕依家無咁好食, 但杏仁糊依然好味道. 外買好d, 假日要等位.

your`s

由細食到大，可能因這裏只賣傳統糖水，明顯比以往少客了。<br>但我還是愛這裏的芝麻糊與杏仁露，生磨的糖水永遠有一陣香味，令人難以抗拒。還有合桃露，曾是至愛；可惜不知是否自己的口味變了，還是水準差了，現在的合桃露太杰，吃幾口便覺很滯。至於最出名的桑寄生蓮子蛋茶反而少吃，可能因為比較容易做吧！

聽就聽得多, 今次都係第一次o黎呀!!!<br>裝修好好好舊式呀~~ (同一日連續試o左三間舊式餐廳, 依間o既裝修最古色古香)<br>桑寄生蓮子茶($17) - 試o左兩啖, 好清甜呀~~ <br>芝麻糊($12) - 真係磨出o黎? 我唔識分呀~ 不過口感又真係唔同出面o個d 喎~ 幾好~<br>聽到後面檯有人叫"舊桑寄生茶", 先發覺有新舊分~ 唔知道有咩分別呢~ 早知唔叫芝麻糊, 試埋個舊桑寄生茶啦~ ^_^<br>見d 伯伯同個小朋友玩, 幾nice 喎~

話說我呀媽舵住我果時已經成日黎源記食，食到我依家無甜不歡^o^細個已經好鐘意呢度d芝麻糊同蛋糕^o^! 隔左幾年無食，今晚又去食，仲係咁香咁滑，正^o^ 雖然貴左d，但感覺+感情win 晒^O^

I was raised in Sai Ying Poon, and started going to this restaurant since I was 5 years old. That was the time when I could only eat half bowl of Song Kei Egg tea. The waiters are the same old people over there, which made me feel pretty warm. I don't have to mention how good their food are. I think their container to hold the bowl is awesome. Sometime I will think: May be the container I am using is the same one I used 17 years ago.

o黎呢間老字號緊係要食桑寄生蓮子蛋茶啦!!! o向第二度食過呢種糖水o既人應該深深體驗到呢度o的桑寄生茶o既香味同隻蛋o既入味程度簡直無人能及, 加埋o的鬆鬆甜甜o既蓮子, 真係一種享受. 未食過o既就應該細心品嚐, 試真o的, 隻蛋真係好鬼香o架, 好似有種炭燒的香味. o的蛋糕仔都好好味, 好傳統.

上星期為o左同位日本先生體驗香港的地方風情，所以同佢o黎呢度附近行下，順便食糖水，夠古老嘛。呢度真係幾唔就腳，冇地鐵，泊完車仲要行一大段斜路，難得呢度仲咁出名，利害！我最鐘意食雞蛋糕，不過我多數多數外賣，因為我嫌佢淨食好口乾，而堂食又冇茶水供應，所以我鐘意外賣慢慢嘆！合桃露同杏仁露都好味。個日本先生都話好味，仲話雖然要行斜路好辛苦，但都值得喎～！其實話極之好味又唔係，但係呢間鋪頭咁耐歷史，而且呢類甜品鋪又越來越小，有外地朋友不妨帶佢o黎試下，都幾有香港特色呀～！

杏仁糊,合桃糊同桑寄生蛋茶都好味,叫個清蛋糕點D合桃露食,好ENJOY!

已經好多人講過, 邊度同邊度都拍得住源記, 甚至比佢正好多, 但我試過都係差咁D. 源記既蓮子合桃露真係名不虛傳, 唔係淨係用料靚咁簡單, 師傅手勢同心機至係關鍵. 老字號珍惜商譽, 認真嚴謹, 不濫開支店, 令人好生敬重.

蓮子芝麻糊芝麻味唔夠香、亦唔夠杰，真係幾似飲緊甜湯。不過入面o的蓮子又幾鬆化，又唔會好甜。清蛋糕都ok..咪又係咁o既味~ 不過都幾鬆軟！

如果對源記的合桃露有不滿的人，可能是極不喜歡吃糖水的人，它是沖滿合桃味，吃過一次就不能忘記，如果再加上蓮子，真是一流，間鋪雖然細，伙計招呼就嘛嘛地，但眼看那麼多人及車便知道和其他糖水鋪有分別，價錢雖然貴，可能是一份錢，一份貨，如果有其他的地方有如此好吃的合桃露，請通知我一聲。

上一次去o 既時候D 蛋糕可能放左好耐, 硬到舊石o 甘, 今次熱熱地都okay. 不過Kipy 仔可能唔太鍾意食蛋糕, 覺得好乾. 至於聞名o 既合桃胡+ 招牌靚蓮子就十分好味. 雖然價錢可能頗貴, 但一嚐入口即溶o 既蓮子都值得呀!