源記甜品專家 (已結業)

由細個老豆揸車帶我食，到而家自己揸車離食...水準一樣可以保持...燉蛋加雞蛋糕..絕!!! 十幾年從來冇叫過其他嘢，所以不於置評

今日行過,外賣0左2碗心愛0既糖水返屋企同屋企人一齊食~我要0左一碗合桃露同杏仁露.共36蚊.合桃露,d合桃好香,冇燶味,有d糖水舖會整到有燶味.而且非常滑,好味道~俾5分佢~杏仁露開頭食都好好食,都係好滑,不過食得出佢而家個杏仁露冇以前咁甜,都係一件好事0既.不過食到一半,我開始飲到d粉,唔係好多,不過就係飲到....感覺唔係几好...唔知點解會有d粉,唔通煮唔夠耐?以前佢d杏仁露水準好高,絕唔會出現而家呢種情況的!而家差0左,變3分!

二十年前已來源記，當年幾十架車泊滿門口的情景已很少見（現在最多都係七八架車）食品的水準沒有當年水準，以這裡最出名的桑寄生蓮子茶為例，以前的蓮子可以入口即化，現在就冇咁靚了！其他如合桃糊及杏仁茶等，亦沒有以前咁香滑！雞蛋糕就從來都未喜歡過！但總體來說，雖然水準已滑落，但相對起大步份坊間的糖水店（注意是糖水店，不是甜品店），它的水準還是較高的！

桑寄生蓮子茶, 茶很香甜, 一種難以形容的味道, 是桑寄生嗎? 桑寄生有滋潤的功效, 又是真的嗎? 蓮子煮得不夠耐。雞蛋糕, 清甜軟身重蛋味。不過本人對店員們服務態度有些少不滿, 不就是看點面色, 聽點難聽的說話。

蓮子合桃糊,夠滑!芝麻湖唔錯,蓮子杏仁糊,好味!雞蛋糕,個人就不大喜歡了,太淡無味.ps: 只可惜吃完你好快D走了,唔係D人會眼望望的.再不走,你桌面上的東西只會餘下一張收據.

雞蛋糕真係幾唔錯，勝在蛋味夠清香，唔算太濃，一個人食一個都唔會太滯，配碗略甜中式糖水中和番就好！

我本人住新界, 每當過海去香港區, 都會特登駕車或搭叮叮去食番碗桑寄生蓮子蛋茶或蓮子合桃糊, 我暫時還未找到另一間糖水舖可取代到佢的地位。佢d蓮子真係好好食, 唔會太"林", 又唔會太硬; 合桃糊又夠滑; 桑寄生蓮子蛋茶就清甜又有益, 隻蛋係茶葉蛋, 好入味。可能我每次去都係晚上10時後, 雞蛋糕就變得唔鬆軟, 唔係咁好食。如果你鍾意食中式糖水, 就真係要去試下啦!

個主題會唔會太長呢？一個桑寄生茶，一個綠豆沙，一芝麻湖加多件蛋糕只係$45。問題1：咩時候邊種糖水先有碟他兜住呢？問題2：點解個蛋糕仲乾過我銀包呢？問題3：點解我連續猜輸兩盤要清晒檯面的食物呢？有無人可以答到我呢？

呢間野聽就聽得多,成日見食家們話佢d野好食,但學校o係附近都未去過~今日上完lecture終於黎呢度食糖水我本身唔鍾意食蓮子架~但都叫左桑寄生蓮子蛋茶(因為好多人讚)~呢個蓮子蛋茶估唔到又真係幾好食喎...夠清甜,唔會好似其他糖水食食下會覺得好漏~隻蛋就一般啦~冇咩特別~但係至於d蓮子就真係好正,好鬆化~!唔食蓮子既我都覺得好好味~另叫左雞蛋糕,反而呢個唔太欣賞,蛋糕唔夠蛋香,鞋左些少,感覺上好似得個甜字~(純屬個人口味)不過個蓮子蛋茶一定會去再食~

我好細個亞媽就帶我去源記食糖水, 皆因佢鍾意食甜野, esp.係桑杞生蛋茶。不過佢而家唔可以食甜野啦, 因為有糖尿病麻。就等我食埋佢o個份啦...以前我鍾意食源記o既紅荳沙, 因為煲到起晒沙, 好正。不過近排鍾意左佢o既桑杞生蛋茶, 飲落個口又唔係太甜, 又涼口, 可以話係"清甜"﹔最正就係隻蛋, 好入味。仲有佢o個d雞蛋糕呀,好有雞蛋o既香味。我俾源記糖水3個正字"正正正..."。

搵食唔使傷腦筋，看完老頭子的食評就可去也。今晚就跟風去源記宵夜，吃的是芝麻糊，當然夠滑，老店的水準保持不失。想起新店中石磨坊的芝麻糊亦印象深刻，試作比較。石磨坊的芝麻糊入口是令人相當驚訝，香濃幼滑，都是非常極至。香是非常的香，想是芝麻炒得夠火，不過難免有時帶小許焦味，濃是比源記濃很多，非常的濃稠，誰好誰不好，那要看個人口味了。幼滑就更不用說了，石磨坊的芝麻糊，都是眾口一詞，滑!但總體來說，還是喜歡源記多些，感覺是爐火純青，混然天成。石磨坊仍有點刻意求工，將每個元素都推到極至，當然也完全看得出廚子的努力。說的有點抽象，但真是愈來愈喜歡老店，恐怕又要被臭鼬鼠推進博物館了。

同個舊行家在西環飲完茶，行過源記，糖水癮起，叫了蓮子蛋茶同雞蛋糕。蓮子蛋茶清潤甜美，不用多讚了；反而今日覺得那件結實的雞蛋糕幾好食，蛋味香濃，又夠結實，唔似時下的偷雞麵包般鬆泡泡。可惜是放涼了，可以想像如果趁熱食味道是好好多的。如果齋食就較乾硬，一路吃一路飲糖水就剛好。源記的水準不是傳回來的，吃過就知。

桑寄生蓮子蛋茶係食過出面甘多間之中最正既，反而其他糊類甜品就水準一般！不過最鍾意係佢既雞旦糕，唔係鍾意佢特別鬆軟，而係貪佢夠中式，夠原始，正！

因為不停食左唔少小食，大家都唔肚餓，所以決定唔食晚飯，就黎源記買外賣。火星朋友話細個成日飲桑寄生茶，但好耐無飲過，咁就梗加要同佢黎呢度啦﹗要左桑寄生蓮子蛋茶，雞蛋糕2件同燉蛋3碗，就咁都$78，其實都幾貴，外賣每埋加$1真係太多。雞蛋糕一上車已經急不及待開黎食，清清地，口感幾好，唔錯﹗其實拎到返屋企都已經差唔多一個鐘，但係個桑寄生蓮子蛋茶同D燉蛋仲熱架，我第一次試桑寄生蓮子蛋茶，估唔到幾好味喎。而個燉蛋就勁滑，好味過澳洲牛奶公司的。可能朋友真係太耐無食過，佢覺得真係好好味，好開心﹗

作為西環街坊o既我，係會每個禮拜o黎食一次桑寄生蓮子蛋茶，o吾食過o吾安樂。我相信係地球上最正o既桑寄生蓮子蛋茶lor! 茶清甜，蛋又夠入味，蓮子係o吾知點解可以鬆化得o甘緊要，同埋一定原粒無心!!!! 所以話呢間o野能夠做到o甘多年梗有佢掂o既地方既~p.s.好多人鐘意呢度o既雞蛋糕，我就覺得太乾。