371
113
69
港鐵西營盤站 B1 出口, 步行約2分鐘 繼續閱讀
電話號碼
25488687
開飯介紹
源記甜品專家,一間老字號的糖水鋪,店內售賣的是中國的傳統甜湯,更以杏仁露,合桃露和桑寄生出名.每選糖水亦可以配以蓮子/蛋.再加上上全雞蛋蛋糕.是飯後的良好選擇. 繼續閱讀
營業時間
今日營業
13:00 - 23:00
星期一至日
13:00 - 23:00
付款方式
現金
座位數目
40
其他資料
泊車 詳細介紹
電話訂座
食評 (609)
作為前正街街坊嘅女,成日聽阿媽講源記嘅桑寄生蛋茶好好飲,當之後成為半個西環街坊就成日買外賣俾佢食,我媽話多年水平都無變,係得源記先煲到咁清喎👍🏻。亦因爲咁嘅關係,我第一次食桑寄生就係喺源記,而我亦因此愛上咗😊。呢日喺附近食完飯,唔算太飽,時間又尚早,所以就堂食,平日就外賣多。我就必嗌桑寄生雙蛋茶($37)㗎喇,因為同朋友share,就叫佢嗌另一款香滑燉雞蛋🥚($35),另外加多件全蛋雞蛋糕($8)。我嘅桑寄生真係十次十次都咁好食😋😋😋,永無失準,好清甜,朋友以前覺得好濃藥材味,但食多幾次佢都覺得正。我唔識形容係點嘅味,因為唔係大路食物,但總之食完好舒服。我媽有講好啱女仔食👩🏻‍🦰,枱面佢亦仲有介紹滋陰降壓👍🏻。另外,點解要嗌雙蛋🥚🥚茶,你睇下張圖就知,因為隻蛋係超入味,又彈牙!個蛋白入面都係啡色㗎,真材實料,第到食唔到咁正宗😉,我媽同我都係咁話嘅,我買多咗碗外賣俾佢。不過我唯一不滿係無論堂食定外賣蛋茶都只係佔大半碗,唔夠滿😡,次次都係。另一款香滑燉雞蛋🥚就少啲嗌,嚟到係滿滿淡黃色啲蛋,睇得出好滑,完全無巢皮,食落亦都一樣。熱辣辣好正,而且食得出不少少薑汁嘅味,甜得嚟又好清,繼桑寄生以外推介嘅甜品。至於嚿全蛋雞蛋糕,就相對無咁出色,係比較中式嘅蛋糕,偏米白色,食落唔太甜,但略嫌有啲乾身,唔夠濕。可以一試,但我唔會再嗌,雖然我其實之前都食過🙈。好搞笑我哋嗰嚿蛋糕係邊邊,所以個shape唔係長方形🔲。總括嚟講,食過源記嘅糖水你就會明點解佢會可以係喺西環屹立不倒嘅老字號👍🏻,真心有特色同好味🤤,不過真係見住佢不停加價,我第一次食$2x到而家$37😨😨,糖水嚟講其實都真係幾貴。而且今日餐廳唔夠涼,可能人多啦,好彩食熱嘢都未至出汗。但我都會繼續嚟食的,未食過嘅亦絕對值得嚟食,一試愛上。❤️😍🥰 繼續閱讀
等級2 2019-11-29
0 瀏覽
有時候食太多日式綠茶甜品/台式冰,會想食返一啲中式/港式糖水,所以就同朋友專程去到西環食出晒名既源記!⚠️佢地只賣熱糖水!佢地專賣傳統港式甜品,今次我同朋友嗌左桑寄生蓮子蛋茶同紅豆沙加蛋。桑寄生蓮子蛋茶真係好順滑,甜度適中,蓮子是好物,有時係其他地方食到既蓮子會有苦味,但源記既係香香的,絕無苦澀!而蛋都係甜甜的,入晒味! 朋友既紅豆沙加蛋,紅豆沙是綿綿的,我食唔到粒粒豆,我比較鍾意有粒粒豆既紅豆沙😂 而蛋就係一隻煮好既蛋,唔似桑寄生茶既蛋甘,佢係無特別味道。佢地既銀色碟好特別,設計好貼心,個碗放左上去之後碟中間既洞會卡住碗,甘就會防止倒瀉! 繼續閱讀
(以上食評乃用戶個人意見 , 並不代表OpenRice之觀點。)
🍰ᴅᴇssᴇʀᴛ·桑寄生雞蛋茶 $35﹟招牌糖水果然係唔同d, 飲落清甜得黎又無咩中藥既味道, 非常容易入口, 加埋滷水蛋顏色但實際係甜甜地既雞蛋一齊食, 味道幾夾🥰同埋碗糖水有滋陰降壓既功效, 補一補身岩曬👍🍰ᴅᴇssᴇʀᴛ·香滑芝麻糊 $27﹟同想像中有d出入🤔質感比較稀, 芝麻味偏淡但就勝在夠順滑😂同埋唔會太甜, 如果可以重芝麻味同埋竭身少少就好啦, 食落會實在d🙂🍰ᴅᴇssᴇʀᴛ·清香合桃露 $37﹟合桃露混合左啲杏仁嘅味道, 質感都係偏流質, 合桃味唔係太重, 整體甜度偏淡, 呢個價錢值唔值就有待大家思考🤣🍰ᴅᴇssᴇʀᴛ·全蛋雞蛋糕 $8﹟大家要有心理準備....呢個蛋糕同一般嘅蛋糕濕潤程度相差比較大🤢🤢總體都係偏乾身....又唔係好有蛋香味😰er....大家可慎重考慮試唔試😂🙈 繼續閱讀
(以上食評乃用戶個人意見 , 並不代表OpenRice之觀點。)
🌹女性經痛恩物🌹#bunny去西營盤 #bunny食糖水桑寄生蓮子蛋茶 $39今日要同大家介紹一個女性恩物-桑寄生蓮子蛋茶,佢可以幫手調經、補血同治經痛。我地都深受女人之苦,有時真係痛到床都落唔到要靠panadol 先番到工!不過自從開始習慣在經前飲桑寄生茶,加上少食寒涼之物及多做運動後,情況真係好左好多好多!講到桑寄生蓮子蛋茶,源記我敢講真係so far 食過係全港最好,老店做左咁多年咁出名係有原因的。先講個茶底,佢係甘甜適中,我地好怕太甜,但佢真係剛剛好,帶出桑寄生味甘甘甜甜咁又唔會苦澀!特別一定要讚個蛋!!!!!真係在香港食過最好,好香好香藥膳味,平時食果d 茶葉蛋之類都係好多時得個色,但呢隻真係好入味,蛋白以至蛋黃都好入味,超級香濃!必食!個蓮子都係煮到林林地又香!未試過既朋友仔,尤其是一眾高貴的女士們,必定一試! ❤️❤️❤️❤️❤️❤️❤️❤️❤️❤️10/10 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-13
181 瀏覽
難得來到西營盤搵檔甜品試試,正好搵到間中式甜品,我最愛的。 揀左杏仁茶,麻麻地似開粉。 綠豆沙感覺希左小小。出名的寄桑茶的確唔錯而且店內坐位比較狹窄,肥小小都難坐,但環境乾淨 繼續閱讀
(以上食評乃用戶個人意見 , 並不代表OpenRice之觀點。)