源記甜品專家 (已結業)

原來食市唔起眼都唔係最大問題,只要真材實料,出品高水準,也會有人山長水遠走來食的!我就是尊登來試一試的.食了芝麻糊和合桃糊.兩者都很香滑,甜度啱好,芝麻糊色潤烏亮,一定是用上好的芝糊磨製的!!

上周日同老婆遊電車河到西環，中午源記剛開門就去幫襯。點了蓮子雞蛋綠豆沙和蓮子芝糊。雖然味道不錯，亦不過甜，蓮子夠多夠鬆化，但係並不特別出色，而且綠豆沙太幼細，唔起沙；芝糊嫌唔夠香，有些失望。

同幾個朋友在兩興食完，立即行過來這裡食糖水。星期二的夜晚，人一點也不少，可幸埋邊還有一張四人檯，遲一點也要等位，可見這間老牌糖水舖還是滿有捧場客的。叫了四碗不同的糖水大家分吃，分別是桑寄生蓮子蛋茶、芝麻糊、杏仁露及合桃露。由桑寄生蓮子蛋茶開始吃起，不太甜，味道清香，蓮子鬆化，連蛋也煲得入晒味，不知道是否真的是有益，但確實是有水準又味美的，絕對不容錯過；再吃其他糊類，杏仁露看似稀稀的，原不寄厚望，但吃落是很滑，又有杏仁香，亦係高質數；芝麻糊及合桃露都不錯，但相比之下，比較喜歡杏仁露多一點；吃著糖水，原來大家對雞蛋糕也有興趣，所以明知不新鮮都叫一件來吃。因為這裡的雞蛋糕質地較緊緻，攤涼了之後是更加之實，不過蛋味十足，味道不錯，如遇著新鮮出爐，是絕對的不容錯過，都值得一試。在座的幾位都是煮食高手，一致裁定這裡是有水準的。

去食坤記前，o黎食個飯前甜品。計埋今次我o黎食過第三次，我都係食番紅綠豆沙，雖然真係煲到起沙，但我自已就鐘意食有渣個d紅綠豆沙。老公就要左桑記生蓮子茶，我覺得似係加了糖水的涼茶lor!唔知點解好多人都飲呢款糖水，係咪其實o地方冇得飲o架呢?

一個人, 要o左紅豆沙x 1, 唔.....係好沙o既, 不過我自己麻麻o地得啦, 因為我like有d豆食, 又起沙的, 而且我feel 甜o左少少。take away桑寄生蓮子蛋茶, 雞蛋糕, mom 話合成d 蓮子仲化d, 我feel ok 啦, 都幾好食o既, 不過我1st 食呢個sweet soup, feel 好普通~都係紅豆沙好食d....雞蛋糕就really 好普通ar!唔worth $4。不過呢, d 伙計態度都ok ar!and 個環境好得lor!~我寫o個句「唔.....係好沙o既」, 其實個「唔」係助語詞, that means d 紅豆沙係really 起哂沙ga!~

尋晚去食, 我叫個蓮子合桃露,合桃露的確有杏仁味。我都幾憎杏仁,不過蓮子夠腍,合桃露夠滑夠熱算香口,不過不失啦。

今日同屋企人去呢度食甜品,我要杏仁露,媽咪要桑寄生蓮子蛋茶.共35蚊.個杏仁露好好食,好滑,又唔會太甜,咁0岩我近牌有d咳,飲杏仁就最好呢~媽咪個桑寄生都好好食,隻蛋好入味,蓮子又夠腍~~食緊時,隔離有班人食甜品,其中一個要合桃露,點知佢話合桃露有杏仁味,佢最憎杏仁,所以一食食得出.叫侍應過黎問,阿叔就話個石磨係磨完杏仁再磨合桃,所以可能有少少味.但每次磨完一種味都會洗完再磨其他味.我個人來說,合桃露我都成日食,但就食唔出有杏仁味,但如果真係石磨洗唔清有杏仁味,咁位食客都講得0岩0既,咁大間舖,呢d小節應該好好注意,呢個係佢地老字號0既責任囉~

不知是否同好朋友來，吃的合桃糊特別好味^__^朋友的杏仁糊也很香滑呢！

食左杏仁糊，雞蛋糕。d雞蛋糕好乾呀。而且又多人。自問對甜品呢d野唔係太喜好，食過就算。不過個環境幾好feel 。一邊食，一邊諗，呀，做甜品生意真係好賺啦。

昨日我試了桑寄生蓮子蛋茶外賣, 我之前在別的糖水鋪試過是透明的, 這間是黑色的, 試入口味道又唔錯, 幾好飲, 之不過......幸好我是一匙一匙慢慢品嚐, 我看到在我的湯匙上浮著一隻死了的黑蟻......而我朋友卻在她它快要渴完整碗芝麻糊時才發現碗底有一條軟林林兩三cm長啡黃色o既野...我地唔幸定它是一條油麵還是條蟲的其中一部分......總之就驚險啦.....講真就算再好食我都唔敢再去促請改善下D衛生

一直都普通鍾意源記... 4年幾食過兩次o者... 不過真係幾好味o既，蓮子杏仁露好溶好多蓮子，綠豆沙真係起晒沙，不過我都係鍾意玉葉多d，同埋源記d大叔好嚴肅咁... 以前mark sponsor果時都覺得佢地好high-hat...

上個星期經過西環～就同老豆＆細佬去食ｌａ～其實都唔係第１次食ｌａ～但都覺得ｅ然好味～～～～蓮子合桃露：蓮子超好味，好鬆化，軟硬度岩岩好～正！ｄ蓮子好快就俾我食哂～合桃露好夠熱～好香又夠滑～雞蛋糕：雞蛋味幾香～～個蛋糕幾結實，但我幾中意咁ｇｅｉ口感～～幾好味～不過唔及蓮子合桃露ｗｏｒ～～總結：糖水＆雞蛋糕都好味～ｂｕｔ有ｄ貴ｗｏｒ糖水～＄１８一碗，真係唔平呀～！

20050106 9.30pm晚餐(二).甜品- 桑寄生蓮子蛋茶($18+ $1外賣).好飲依然, 但係堂食會好o的, 因為響個發泡膠兜度會起泡影響觀感.

No one in the neighborhood can tell you when was it opened. But from the looks of the aging wait staff in Yuen Kee, you get the feel that it has been there like, forever. What stalwarts take for granted, however, can prove to be rather grotesque for first-timers - none of the staff will greet you - in effect, they may not even look at you upon your entrance. It kind of reminds you one or two of those B-graded thrillers of Stephen King, in which they always start with a scene in a small town's ba

星期日和朋友食完晚飯,便到這裡食糖水;我叫了蓮子合桃露- 蓮子入口即化,比其它地方好好多,合桃又香又滑,正!(每次來也是叫這個.)朋友叫桑寄生蓮子茶- 茶很香甜,蓮子好味!每過一段時間,也會想起它,它已成為我最喜愛的甜品店了.