源記甜品專家 (已結業)

蓮子杏仁茶($18):蓮子鬆軟, 杏仁味很香,可惜不夠熱蓮子合桃糊($18):比較稀,合桃味不太濃,也是不夠熱

細個時間中黎食糖水，蛋糕同糖水都好好食完都會感到好滿足~~十年無黎過，前兩日點了蓮子合桃糊同蛋糕。蛋糕保持水準，清香但不太甜。正!!!蓮子合桃糊就稀左小小，無香味，蓮子有二十粒左右，一半鬆化一半生生地。下次會試下芝麻糊~~~

近月轉了係西環返工,開始搜尋附近有乜美食。昨天上黎見到咁多人讚好,今日特登由屈地街出發搭叮叮黎源記。買左兩碗外賣回家吃,先試左碗兩溝,蓮子杏仁合桃露。相信磨合桃時花了很多工夫,合桃露好滑好綿,入口冇乜渣,甜味恰到好處,配合杏仁既香,一流。蓮子並不是我的喜好,但也不會抗拒,見到個個讚佢好,一於試下佢係咪咁神奇。係第二度食有蓮子既糖水,遇著蓮子甩皮甩骨,攪到碗野好多渣就真係冇癮;而呢度既蓮子係冇散開,但又神奇地入口用條脷壓一壓佢又會即溶,連續係口玩左五六粒都係咁,証明絕非僥倖。連埋糖水一齊入口,感覺蓮子已跟合桃露溶為一體,一碗糖水做到咁,仲可以有乜要求。至於另一碗唔知屬於糖水定係涼茶既桑寄生蓮子蛋茶,本欲一試,但娘親告知桑寄生只適合女性飲用,在這無懈可撃的藉口下,只好眼白白睇住娘親細味呢款糖水。是次兩款甜湯外賣價共$38

食完火井, 我們一行人便一起來到這裏食糖水.我們叫了二件雞蛋糕, 一碗桑寄生蓮子蛋茶, 二碗杏仁茶, 二碗蓮子杏仁茶, 一碗芝麻糊, 一碗芝麻糊加黑蛋, 和一碗燉蛋。桑寄生蓮子蛋茶–相信係全港最好的, 蓮子很棉，不吃不可！雞蛋糕–蒸得鬆軟，味道不太甜.燉蛋–很久冇試, 未能品評.蓮子杏仁茶- 杏仁味好香, 又不太甜, 杏仁磨得很幼細.芝麻糊-芝麻磨得很幼滑, 好香, 又不太甜, 個人喜愛.黑蛋–即是和桑寄生蓮子茶一齊煲既蛋, 蛋吸收左桑寄生既味同糖既甜味, 與別不同, 係必吃既!難得經營多年, 仍客似雲來, 水準依然, 佩服!

食完火鍋便和朋友一起行來這裏食糖水，我們叫了一件雞蛋糕、二碗桑寄生蓮子茶、二碗蓮子杏仁茶和一碗合桃糊。雞蛋糕- 朋友話未食過，想試試，但我就覺得麻麻，雖然幾鬆軟，但味道太淡。桑寄生蓮子茶- 食過很多地方的桑寄生茶，沒有比這裏更好味的，實在不可錯過。蓮子很鬆軟，真係唔錯！蓮子杏仁茶- 杏仁味很夠，又香又好味，是我在這裏第二種最喜歡的糖水。合桃糊- 今次唔夠濃，但合桃味都幾好。來這裏食最唔好係坐唔久，一食完就好快走了，唔係會好多侍應不停問你還要唔要東西。

有幸「早」放工，以九秒九速度衝上中環，會合剛食畢兩大碗九記之男友後，叮到正街?糖水。我?打最愛既熱桑蓮蛋，男友要熱杏蛋。前者好正呀，蓮子夠林夠味，去晒芯又索晒甜味，超正！只蛋明顯經桑寄生「醃」左好耐，連蛋黃都入味，無得頂！值得一讚係糖水熱辣辣，先食蓮子再?蛋，都仲「辣口」...正啊！男友表示杏露吾甜，亦好香杏仁味。最後來一記清蛋糕，乾身又有香甜蛋味，依家無乜幾可食到架喇～男友戲言如果用來做朱力火?就更正！嘻～有趣既係我地11點左右入去，以為就黎關門，點知坐落無耐一連黎左近廿個客，勁呀！今時今日，響呢Ｄ舊區仲有咁多人幫襯...兼且好多都係特登黎食。記得小學己經來此處食糖水，至今成廿年lu......連furama咁正，都吾夠佢地玩......

源記o的糊類糖水係磨得很有水準,如果加配蓮子就更好味；蓮子入口鬆化,完全無更身的感覺, 唔似一般o既糖水店咁,o的蓮子唔腍唔硬,破壞成碗糖水的口感,所以叫源記糖水一定要加蓮子呀! 另外,雞蛋糕也是極品的小食,軟綿綿的蛋糕又不太甜身,享用糖水時沾上少許糖水,更有一種令人難以形容o架感覺,價錢一般不過值得一試...

今日送朋友返屋企順便來食糖水﹐已經第二次去源記~十點幾都仲好多人。食桑寄生蓮子雞蛋茶~本人唔鐘意太甜﹐所以剛剛好﹐雞蛋好好味~服務態度也不錯﹐下次想去試芝麻糊.

去過莎厘娜晚飯，冒雨沿糾斜的正街向下走，天雨路滑真是步步為營，幸好安全到達源記。點了黑白配- 芝麻糊($12)和蓮子杏仁茶($18)。蓮子杏仁茶- 蓮子鬆化，杏仁味香，不太甜，幾滑，不錯。雖然港大校友會的蛋白杏仁茶較好味，但價錢也貴50% - $28芝麻糊反而麻麻，不夠芝麻味，也稀了些。x2見雞蛋糕似乎幾好，買了一件($4)外賣。第二朝早才吃都ok，蛋味清，沒有牛油蛋糕那樣油膩感。

星期日食完飯，便和幾個朋友行來這裏食糖水。每次我也會叫蓮子合桃糊，但今次要試試桑寄生蓮子茶。桑寄生蓮子茶- 清新爽真，又唔會太甜，蓮子非常鬆軟，難怪辣椒女這麼喜歡。而且這糖水對身體又這麼有益，下次還是選擇這個吧！早前去過灣仔<永華>，聽說那裏的桑寄生蓮子茶都唔錯，但和這裏相比，真係輸九條街。

雖然選擇不算多，但食品味道不錯，我個人最喜愛芒果西米露。而服務態度也很好呢！

桑記生蓮子茶: 比起灣仔的永華，不算十分甜，但再少甜就更好。蓮子真的差不多是入口即溶，唔錯。

真係唔明點解咁多人話正, d 糊一d都唔似生磨, 好似粉漿, 一pat pat, 又貴, 服務超差, 又冇凍食, 大熱天時點可以冇凍嫁!! 一定唔會再去!!

認識的糖水舖中, 源記可能是其中最舊一間, 但少到西環處, 十年來只幫襯過三四次, 所以今天舊點Miss 左都唔知.以前試過桑寄生茶, 不錯, 亦不多舖頭供應, 記得還有元洲街綠林有售. 今晚叫了燉蛋, 女友要了綠豆沙加蛋. 貪得意要了個雞蛋蛋榚. 燉蛋要熱的才好吃, 果然夠香夠滑, 不過我喜歡甜一點, 純個人口味而已.蛋榚沒有想像中的軟, 不過食完糖水後要乾啃, 可不容易, 下次還是帶回家, 個紙袋都有懷舊Feel.

我吃過合桃糊，是OK，芝麻糊同雞蛋糕都好難食.食糊都係去石磨坊或芝麻綠豆最好，我諗佢最好食係個鐵兜