源記甜品專家 (已結業)

未食早餐又撞正佢開門。甫進內，蛋味大噪；要了「冰花燉雞蛋」同「正宗雞蛋糕」：燉蛋用鐵兜襯底熱上，滑- 不是creamy 或者多奶或者布甸那種滑，而是真的時間火候做得好，真材實料無添加的那種滑（「破綻」在於碗底有發蛋氣泡的「痕跡」）...可能是慢火或者文火燉吧，冰糖同蛋水已經有所沉澱- 上面的蛋衣很甜，下面的蛋味很重。清蛋糕是失望的：雞蛋糕是一大底蒸，細件窄身厚切；由於是預先蒸好切好的關係，蛋糕已經「縮水」，所以質地好厚好乾，感覺麻麻- 始終蒸蛋糕（甚或所有發糕）一整好就食會比較爽，感覺比較新鮮比較好。雙蛋齊下，十足營養，飽肚十足。

來到呢度一定例牌叫蓮子茶及蛋糕除左呢間之外, 其他地方真係食唔到環境又夠懷舊, 以為同阿朝偉(老版)隔離台添

20070129太晚回家，又不太餓，便拐進這裏尋糖水暖暖胃。按理說應該叫招牌的桑寄生蓮子蛋茶，但我偏偏叫了冰花燉蛋，事實證明這是個不太正確的選擇。剛開始幾口還覺得很有蛋香，吃到中間就發現水太多，整體來講與它的名聲不符，當然，它的名聲也不是來自燉蛋：）打包了一件雞蛋糕做翌日早餐，倒也很香，質地比較實在，不是鬆軟的那一類，但反而更加食之有物。

I haven't visited this shop for almost 3 years. I miss 桑寄生蓮子egg 茶so much. That night I didn't need to wait to be seated.. so lucky... Of course I ordered 桑寄生蓮子egg 茶. I can taste the 桑寄生inside the egg and the taste of the 茶was just right. Not too sweet.. I feel very comfortable after drinking it. I will definately try it again...

睇openrice, 這間甜品鋪是西環排行榜的首位, 便跟一班同學食完晚飯來試試. 由於不在大街, 我兩位住西環的同學都不知道位置, 找了一會才找到. 門口給人的感覺是間80年代的高級甜品鋪, 樓底高, 待應穿著的是shirt + 西褲. 我地一行九人進去, 竟然不讓我們拍埋兩張枱. 待應們給我的感覺像佐敦那間太平館的待應風格. 而餐牌是從左到右閱讀的, 很有懷舊的感覺.講番碗甜品, 我叫了這兒出名的杏仁糊. 好滑, 好純, 一點也不花巧. 同學們還叫了蓮子合桃糊, 燉蛋等, 好似唔錯.

食新式o既甜品店多o左﹐但好自然間唔中又會想起源記。早排又去食番碗桑寄生蓮子茶﹐一入口﹕清潤﹐喉嚨舒服晒~o的蓮子一如以往o甘鬆化﹐唔駛咬已經爛o甘。不過有時就想碗茶再熱o的。可惜幾次去都唔覺得餓﹐所以冇試過加蛋﹐未知佢o既蛋整成點﹐應該唔係用呢排好紅o既“湖南桃源蛋”卦? ^.-

忙完工事趕到森美，喜笑怒罵之後走來吃些甜品當晚餐。最近甜品吃不少，膩得要命的芝士蛋糕、朱古力火鍋．．．．．．清清地來開碗蓮子桑記生茶，食友亦清一式地叫了蓮子桑記生茶。與食友談起合城的蓮子，那裡做得都不差，只是與源記比較下，又給比下去。甜而清的桑記生茶，加上鬆化的蓮子，傳統中見幽雅，怪不得人龍不乏後生仔女。

上次來源記真once upon a time啦,但佈置十年如一!與友人試了- 桑寄生蓮子茶,清甜。蓮子很"綿",好有蓮子香,果然名不虛傳,good- 杏仁露,只食友人一"gun",好濃杏仁味,甜度適中,下之要自己試- 雞蛋糕:鬆軟但乾,所以個人覺得普通

每次經過西上環時，去源記食黑水白露差不多已成為我的指定動作。黑水大家可能估到係桑寄生茶，真係估唔到中國人真係乜都夠膽死，連寄係桑樹上既桑寄生同樹枝都夠膽煲黎飲，而我又好好彩係我仲係靚仔既時候竟然從來無問我爸爸媽媽，或者各位係冰室裏面既叔叔咩係桑寄生，否則，我而家就唔識飲呢個咁有性格既糖水喇(雖然，我到而家都唔明d人點解要係桑寄生茶入面加隻蛋??)。白露-杏仁胡方面，源記真係我食過中最滑既，雖然我唔知佢而家仲有無用佢個個傳說中世紀石磨，但係我自己試過磨杏仁，知到杏仁真係好難磨得幼細，一來它含油份，很難令它乾身磨粉，二來就算可以，你都要好仔細咁去磨先有呢個效果，如果想自己磨既話．．．．．唉！想甚麼！十幾蚊新鮮熱辣又唔駛你磨到大汗搭細汗，真係柢到爛啦！

來這附近食晚飯，飯後當然要來這裡食返碗糖水才滿足的。以前很喜歡叫蓮子合桃露或蓮子杏仁露，但當試過桑寄生蓮子茶後，便成為我不二之選了。這裡的桑寄生蓮子茶，比其它地方更香桑寄生味，蓮子又煮得好腍，味道唔會太甜，對身邊也有很多好處。實在值得一試再試！

(29/6)「飯後一甜品」，比「飯後一支煙」，前者既健康、又養顏，相信適量運動也能解決當中負作用，後者就……而此店的甜品，保持優質，好比養生之道；難以持之以恆的，猶如繁星點點。沒有叫那「桑寄生蓮子茶」及各式糊類，反而叫了那燉蛋，陣陣蛋香怡神，蛋身非常嫩滑，入口味道不太甜，實在要再接再厲，可惜肚腹滿了。

又係黎左好多次了﹗每次都跟女朋友來....每一次都不會令我失望﹗老字號係老字號，咁多年都仲做得住，就梗有佢過人之處既﹗我食幾次都係食合桃糊、杏仁糊、芝麻糊...三種都好滑，完全唔係其他糖水舖可以媲美，甜度適中，唔太稀也唔太杰，岩哂口味，價錢係比其他貴左兩三蚊，但貴得有道理，唔食唔知味﹗雞蛋糕既水準就比較飄忽d，新鮮出籠果時當然好吃些，放耐左就真係差d...

本來入黎想食d凍野, 原來得熱野jer,個芝麻糊的確好滑, 不過我又唔覺好香芝麻味bor,反而食到有少少杏仁味呀...雞蛋糕之前食過1次, 印象中係麻麻,不過唔太記得咩味就試多次,no way... 太甜, 唔係大家所講咁香o既蛋味, 冇下次!呢度出名o既蓮子蛋茶我本身唔鐘意, 所以覺得其他野都係麻麻, 唔worth個price!

唔係話舊嘅嘢就唔好，其實舊嘢仍屹立至今，必定有其過人之處.源記嚮呢度已經歷咗幾代人。至今每到夜晚門外都泊滿靚車，吸引不少慕名而來嘅人光顧。我每次去到那裡都會叫桑寄生蓮子茶。桑寄生茶好清香潤喉，少少甜，啱哂唔係太好甜嘅我。啲茶暖暖地，飲咗落去好舒服。每當我陰陽失調，消化不良嘅時候，我都會嚟飲番碗，據聞可以生津止渴,健脾益胃喎。一碗十幾蚊，話貴又唔貴。姑勿論價錢如何，經驗一點一滴累積成嘅桑寄生茶又豈能錯過。

到源記好像探朋友一樣，經開附近都提早落車過來幫襯，坐下後總有熟識及親切的感覺。其實筆者一年才可以幫襯一兩次，故很羨慕其他食家可多款選擇，而本人不想浪難得幫襯的QUOTE，故通常都是桑寄生蓮子蛋茶。不太甜這點是筆者的我杯茶，桑寄生獨特的香味是每次點選的原因，橡皮蛋裡的蛋黃很香，味道很不錯，跟坊間其他甜品店選用普通的雞蛋很不一樣。其實清蛋糕沒有什麼特別，加上筆者認為稍甜，固單食或配其他糖水理應相沖，反而配不太甜的蓮子蛋茶反可相輔，故清蛋糕係要配蓮子蛋茶。題外話，源記清蛋糕已經有多年歷史，在以往西式糕點未太流行時此糕點理應不錯，故我們現在品嚐她時若以現時西式糕點的水平來比較的話則有點不公平。