渝味曉宇重慶老火鍋 (QRE Plaza) (已結業)

舌頭五味有「甜、酸、苦、鹹、鮮」，辣不在味蕾發生，而是神經感覺。也是這種感覺，令人愈食愈上癮，不斷加辣再加辣，大家從小辣米線一路育成至中至大辣，吃得汗流滿面，痛快。 要辣得更過癮，近年麻辣火鍋已成鐵膽之一。紅噹噹湯底，辣紅油鋪面，愈滾愈出味，睇見都滴汗。 「渝味曉宇」落戶香港約兩年，本在重慶，在當地甚有來頭，名列重慶50大火鍋之首，被《舌尖上的中國》選作重慶代表，在內地開了200多間分店，蠻有人氣。「渝」，是重慶的簡稱，在餐廳牆上也找到簡介，也有當地火鍋50強的吃貨地圖： 香港的店，環境與設計裝都走簡潔路線。 抽氣調節方面做得不錯，不會因為火鍋而煙霧彌漫，食到一身煙 boom boom。冷氣充足，打邊爐是吃得舒服的。 自選湯底每位 $38，有兩款鍋，一個是「渝味曉宇」的代表作「九宮格麻辣大紅鍋」，另一款是內外兩重圓圈的鴛鴦湯底，我就選了後者。 餐廳提供圍裙，即使吃得盡興，帶走的都是回味，而不是污漬，細心位。 落座即送上甜品「冰河雪耳糖水」，先 cool 一下。「凍紫貝天葵茶」$18 / 杯，則留待稍後作清涼之用： 「九宮格麻辣大紅鍋」的九格是一樣味的，因為以前重慶人在街

同同事食生日飯緊係黎唔開食麻辣火鍋可惜喉嚨痛，所以特別要求經理幫我地個湯底掉轉經理好好人，提醒我哋辣湯底係中間好容易會污染出邊清湯 於是我哋更小心去食個辣湯底一開始依然送一碗雪耳糖水，先墊墊肚 食起辣想來都舒服啲同事急不及待叫咗個糍粑渝味曉宇嘅糍粑暫時係我食過最好食嘅之後都係叫返一如以往既配料：毛肚、鵝腸、黃喉全部都係好快熟嘅配料食起上嚟好爽口颯颯聲好鍾意食佢嘅黃喉，薄薄地一片，滾十幾秒就可以食啦牛類就叫咗安格斯肥牛、滑牛肉同埋牛肉滑三種牛都有唔同嘅感覺，滑牛就比較爽同煙韌，肥牛就入口即溶 我比較鍾意食唔係熟嘅肥牛唔會太老。牛滑就比較彈牙爽口各有千秋另外叫多半份蝦好新鮮，唔會霉，食落口都好彈牙配麻辣湯底食簡直一流最後一個蔬菜拼盤全部落喺清湯食，突顯鮮甜豬骨湯底都可以係菜既味道反影出嚟呢度唔止麻辣湯底好食豬骨湯底嘅係我嘅至愛

一向不吃辣的我, 第一次吃四川重慶火鍋，心裡有種不能言喻的感受! 但好朋友生日, 為了她括出去一次!火鍋湯底以人頭計算，$38一位, 其實都不算貴。幸好這裡有兩款湯底，中間我們選了重慶辛辣，中間就選了豬骨。重慶辣湯香氣十足，紅湯由牛油和多款辣椒，香料熬製，嚐起來一點也不會死辣，很有水準。朋友十分愛這款重慶炸酥肉，炸得非常香脆，而且入口有點麻，很過穩。美國牛小排極品肥牛油花分布很均勻，涮起來口感相當不錯，略帶爽口，牛肉味濃。四川苕粉苕粉口感彈牙又能吸湯，好吃。嫩牛肉十分嫩的牛肉，而且其生熟程度都不會改變其嫩滑口感！

因為我同我朋友都好鍾意食辣，所以就特登去咗試下銅鑼灣呢一間由重慶傳過嚟嘅渝味曉宇重慶老火鍋!!九宮格麻辣大紅鍋湯底方面梗係試下佢個 九宮格麻辣大紅鍋，同時都是包埋個大骨滋補鍋 ，鍾意食辣同唔食辣嘅朋友就可以自行選擇 。一開始會畀兩碗糖水我地， 如果食到中途太辣嘅話就可以用嚟辣啦。重慶炸酥肉 $60紅糖糍粑  $69一坐低我哋即刻嗌咗兩款小食，就係炸酥肉同紅糖糍粑。炸酥肉醃得非常之入味，香脆可口，大家都食唔停口 。 紅糖糍粑表皮有一陣紅糖，糍粑用糯米糕做成， 口感非常之煙韌。極品鵝腸  $87至於火鍋配料首先叫咗個極品鵝腸 ， 鵝腸本身冇乜味，但係吸埋個湯底之後變得非常之麻辣，同埋口感爽口彈牙。稻田毛肚  $112我哋仲嗌咗一個稻田毛桃，喺湯底入面輕輕淥5秒攞返出嚟， 又係只用爽口嚟形容， 但係有一啲都唔韌。大刀牛肝 $80肉類方面嗌咗個大刀牛肝，上面有一個蛋黃， 畀我哋同我牛乾撈勻再去碌嚟食!牛肝配埋蛋黃形成一種好滑嘅表皮，同平時食開個其他內臟例如豬肝有好大嘅分別， 冇一啲騷味。曉宇嫩牛肉  $81再嗌多個嫩牛肉，牛肉好明顯係用新鮮牛肉。冇咗嗰陣雪藏味，非常之鮮味同嫩滑。重慶耗兒魚 

早兩日肥妹仔，同朋友去咗灣仔一間由重慶傳過嚟嘅麻辣火鍋，叫做 渝味曉宇重慶老火鍋，入到去環境都好靚。嚟到食重慶老火鍋湯底梗係想試下個九宮格麻辣大紅鍋， 不過可惜我個朋友就唔係好食得辣 ， 所以只好是其他湯底啦 。普通辣鴛鴦鍋一半係大骨滋補鍋湯底， 另一半就係辣湯底， 肥妹仔我我覺得有鴛鴦鍋呢個選擇真係非常之貼心。稻田毛肚  $112食材方面嗌咗個稻田毛肚，佢只需要淥15 秒，就可以食得，非常之爽口，配埋麻辣湯底，十分之惹味!大刀牛肝  $89嗌咗個大刀牛肝，呢個牛肝需要淥3分鐘。佢個牛肝上面仲有埋隻蛋，撈埋一齊碌落去，非常之滑。曉宇嫩牛肉  $81跟住再嗌多曉宇嫩牛肉，牛肉非常之大片同埋新鮮， 牛味超濃，食落去好好食。極品鵝腸  $87仲有個極品鵝腸，鵝腸本身冇乜味道，但係不過佢吸完個湯底之後就變得非常之濃味，口感爽口彈牙!重慶耗兒魚  $79仲有嗌咗個重慶耗兒魚，本身肥妹仔我以為呢隻魚會好腥，點知唔係!啲肉係好實，好鮮味。曉與苕粉  $51食得重慶火鍋梗係要試翻返個苕粉，食落去非常之爽口彈牙， 每條苕粉吸滿曬個麻辣湯底，正，仲好味過用烏冬打邊爐!美國安格斯優質肥牛  $208雪花紋好

全家去吃飯。從大人到小孩到特別喜歡。大骨湯底-辣湯底和不辣湯底都味道正宗，非常好吃。食材新鮮，別緻。萵苣片，功夫土豆片，肥牛，羊肉，，嫩牛肉，牛肝，現炸豆皮 都很美味。特別值得一提的是我家小朋友不小心把牙齒矯正器摘下來，忘在餐館。回到家1個小時以後過去才想起來。打電話過去，餐館經理特別負責任，讓兩個員工翻遍4個大垃圾袋，花了30分鐘，終於幫我們找到了。讓人感激不盡。真心推薦這個味道好，服務周到的餐館！

朋友建議吃麻辣火鍋，於是我也去挑戰一番！本想試試麻辣九宮格，但是朋友知道我不算吃得太辣，於是我們便點了鴛鴦鍋！雖然是小辣，但麻辣鴛鴦鍋也是紅油滿滿，鋪滿辣椒，令人期待。我先試試大刀牛肝，先混和蛋黃，所以牛肝更見滑溜粉嫩，更吸收了麻辣鍋底，那種麻辣令我嘴巴都麻痹了，感覺很爽，令人又愛又恨！這裡的火鍋配料很特別，有鮮黃喉，是四川火鍋中常見的食物，也是我首次嘗試。黃喉是血管位置，黃白色，下火鍋滾燙後會縮小捲起。咬起來脆卜卜，雖厚身，但仍很爽脆，口感很好！而稻田毛肚亦是火鍋必備，黑毛肚涮後很爽口，很新鮮和脆口，也很吸火鍋湯汁，令麻辣感覺也是越來越過癮。我也忍不住多喝冷飲止辣，亦幸好點了紅糖糍粑，煙煙韌韌的糍粑裹着紅糖醬，口感脆脆，味道更是甜甜蜜蜜的，解辣效果更好！另一款火鍋配料重慶耗兒魚也是重慶特色，配上麻辣湯浸過太好吃了，把魚提味得更濃，辣得很豐富，而且耗兒魚一點也不腥，也沒太多魚刺，食起來很方便。曉宇苕粉也是麻辣鍋必點，像平時紅薯粉，但更厚身和質感彈口的。而且苕粉十分吸汁，渾身吸收麻辣湯底， 所以更加麻辣，卻最過癮！最後，我們也點了田園菜籃，放在蕃茄湯清新點，也消消膩感，款式也不少。整體來

之前已經幫襯過尖沙咀果間渝味，一直念念不忘，今晚同2位同事慶祝生日，決定揀灣仔呢間試下座位寬敞整齊又乾淨，好舒適一坐底就送上冰涼的冰糖紅棗雪耳，好清涼潤喉紅糖糍粑~ 外脆內煙韌，咬口有啲似糯米條，外面加上紅糖，好特別 最搞笑係生日果2位係一D辣都食唔到，但佢地都想黎試下食麻辣火煱，但我和另一位同事卻好喜愛麻辣風味，結果唯有大鍋用豬骨湯底，小鍋用麻辣湯底，一於就下生日果2位同事la大骨滋補鍋豬骨味好濃郁，裏面仲有粟米和紅蘿白，湯頭好鮮甜而麻辣湯底真係勁麻辣，D麻辣味撲面而來，正呀桂花蚌，珊瑚蚌~新鮮爽脆放落豬骨湯底更食到海鮮的鮮味鵝腸，鮮黃喉，稻田毛肚~鵝腸洗得好乾淨，唔太肥，鮮黃喉在香港好少買到和食到，口感有少少似食緊軟骨，毛肚即黑栢葉，好大塊，索哂D辣汁真係無得頂呢幾款食材都好新鲜，淥一陣就食得，好爽脆曉宇嫰牛肉~ 厚身但肉質好腍，有口感手打香菜牛肉~將香菜切碎加入牛肉滑中，令牛肉味更香，牛肉滑好嫩滑重慶耗兒魚~ 魚身仲係反光ga, 可想而知有幾新鮮，魚肉結實而骨少，肉質嫩滑串鮮蝦~ 鮮甜，肉質爽口安格斯肥牛~ 雪花紋理好靚，色澤鮮嫩，牛味濃，入口即溶曉宇苕粉，萵荀條~放落麻辣汁勁正

朋友嗜辣，這晚來到了中國已經有200幾間分店的渝味曉宇！我們這晚來到了灣仔店！裝修帶中國風，坐滿了人客，記得訂位！一坐低就送來冰粉，類似雪耳糖水，清清甜甜，我吃了一口，打算差不多吃完火鍋再吃，當是甜點！自選鍋底加醬料$58位，二人來吃，比一般的火鍋店湯底還便宜！我們點了曉宇鴛鴦鍋，麻辣火鍋拼山珍菌湯鍋，我不太能吃辣！麻辣火鍋辣度可以自己選擇，我們選擇了小辣，麻味好刺激！火鍋怎少得牛，美國安格斯優質肥牛肥瘦均勻，牛肉味香濃，肉質軟滑！這裡有個招牌孝禹十味，是10款重慶地道的火鍋配料，可以點全份或半份，我們選了5款！稻田毛肚即是黑栢葉，十分爽口，滾燙半分鐘內就可以！大刀牛肝對喜歡吃內臟的朋友一定會非常喜歡！大大片，不厚，入口帶粉，甘香！鮮黃喉是豬的大動脈，不是每間火鍋店都有，爽脆度滿分，必點！曉宇嫩牛肉真的好嫩滑！紅糖糍粑可以當甜點，也可以在中場解辣，外皮脆脆的，口感煙煙靭靭像年糕！洛神花茶酸酸甜甜，消滯解膩，又可以下火，配麻辣火鍋一流！

又黎啦又黎啦！上次幫襯左銅鑼灣店(有興趣可以睇返之前既食評)，食過之後真係好難忘，要食麻辣火鍋就第一時間記起呢間，而今次就走左黎灣仔呢間分店，相比之下銅鑼灣果間既燈光好似柔和啲，呢到就光猛啲同比較多白領以及外國人。上一篇食評尾段中打左少少私人感情落去，講話我好想帶果時分開左既前度黎食，因為我地兩個都十分之嗜辣，今晚……我就係同佢黎食啦！佢同我預計一樣食得好開心，好岩佢口味，好開心一個小小既心願真係成真左不同分店價錢都有啲唔同一定會有圍裙供應同上次一樣，點完鍋底之後，店員就會送上雪耳紅棗糖水，比你滋潤個胃先再食辣！醬料及茶水$20/位自己溝油碟，跟住餐紙上教既就得九宮格麻辣大紅鍋　　$38/位(湯底以人頭收費)上次點左鴛鴦鍋底，今次就齋食辣！雖然上篇食評都介紹過，但都要講下，呢到既麻辣火鍋係選用重慶最辣既「朝天紅」、茂汶大紅袍同埋金陽青花椒，再加入石柱辣椒、郫縣豆瓣等等十幾種香料。而點解要係九宮格既設計？相傳佢既來源係因為最初係重慶碼頭一帶，挑擔子工人買左水牛既內臟專向碼頭工人兜售，咁一個鍋做得一個人生意，碼頭咁多工人來往，就諗到將個鍋加個十字形鐵架分成9小格，客人就認住自己食果格唔會撈

朋友愛吃麻辣鍋，唔係好食得辣嘅我有少許卻步，但為咗見朋友冇辦法啦頂硬上！好彩有鴛鴦鍋，即刻點個大骨滋補鍋配重慶辣鍋，安心哂。餐廳好細心，食前會有一碗雪耳糖水俾你，店員話會對心臟好啲，呢個動作真係好窩心，抵讚！稻田毛肚- 原來即係牛柏葉，好爽口！心急人之選，廿秒內食得, 曉宇嫩牛- 好嫩好新鮮，牛味又濃極品鵝腸- 真係極品呀！非常爽口，帶一點點肥，無得頂！紅糖瓷粑- 食落煙煙銀銀好似糯米糍咁，甜甜地，有解辣作用。安格斯肥牛- 見到啲紋理就知唔係cheap牛！都係放返清湯比較合適手打四寶丸- 夠彈牙，好食！田園菜籃- 好明顯真係有經過悉心打扮先出嚟😂菜都好新鮮嘅

呢間係我一直都想食嘅麻辣火鍋黎，終於約到一班好辣之人去食喇~ 聰明嘅我地緊係揀鴛鴦鍋，大大鍋重慶辣湯，中間圍住一鍋蕃茄魚頭鍋，驟眼睇以為係水果鍋，因為同樣有蘋果係入面，其實撈一撈會見到魚頭嘅，圍住嘅係紅紅嘅地獄鍋 — 滿滿嘅辣椒、花椒、辣油集於一鍋，叫咗重慶辣湯，開頭係勉強食到，有陣陣麻味，辣味較重，食到一半，我已經流下眼淚投降了先黎嘅火鍋配料有曉宇嫩牛肉，望落肉質比較黏，先試放落魚頭鍋，咁可以試到肉本身嘅牛香，佢真係唔係浪得虛名，肉嘅質感係超級嫩滑，同時食到淡淡牛香，真係好正，放落麻辣鍋到，牛香會有啲蓋過咗，但係係幾刺激味蕾同惹味嘅叫一碟牛肉，又邊到夠滿足到我呢個食肉獸吖，所以再嗌咗一個美國安格斯優質肥牛，牛肉係微微厚切，而且都頗大片，放落鍋到都唔洗擔心搵唔番。牛肉片唔洗灼太耐就食得，大大片牛肉，食得好爽，配埋麻辣味，特別好食，係會令人上癮之後有鮮黃喉，一片片米白色嘅黃喉，其實係豬嘅主動脈，好多人都以為係氣管，食落好爽口，有啲似食緊軟骨嘅感覺，本身嘅味道唔係太濃，不過吸曬湯底嘅辣味，再加上爽脆嘅口感，惹味又過癮每次打邊爐都必定會嗌丸類，呢個手打四寶丸有牛丸、墨魚丸、蝦丸同鯪魚丸，口感

其實我哋無睇過《舌尖上的中國》，不過，朋友睇完同食完都極力推介，仲聽講列入埋重慶老火鍋50強，鍾意打邊爐嘅我哋，就嚟到位於灣仔嘅渝味曉宇重慶老火鍋朝聖一下。由一入門口，嗰陣辣味已經攻出嚟，怕辣嘅M佬差啲轉身走添。冰凍雪耳糖水一坐低，都未點菜，店員已經急不及待送冰凍雪耳糖水，俾你潤定喉，唔通呢個重慶火鍋真係辣到飛起？九宮格麻辣火鍋九宮格其實格格都一樣辣度，望上去都係一樣咁多辣椒！聞已經覺得好辣，但配上唔同香料之下，聞落又幾香㗎。食落唔會只係得麻或只係得辣，好有水準。安格斯優質肥牛淥幾秒就食得，口感軟嫩，牛味香濃，油花分布均勻。鮮黃喉黃喉係重慶火鍋中不可缺少嘅一種食物，其實黃喉即係豬嘅大血管，建議淥兩分鐘就好食，爽口既黃喉夠晒新鮮，配上麻辣火鍋係無得輸！稻田毛肚壓力好大呀！點解？因為淥十五秒就食得，如果唔係就會變硬。毛肚夠晒鮮爽，索晒麻辣火鍋嘅辣味，好好味！曉宇嫩牛肉呢個係我A姐大愛推介，淥三分鐘就食得！而牛肉真係超嫩滑，牛味更突出，入口麻辣柔軟，好惹味。大刀牛肝我A姐係唔食牛肝，但M佬就不斷讚好！加左蛋黃嘅牛肝，食落夠滑，淥三分鐘就食得！曉宇苕粉食麻辣火鍋又點可以無苕粉呢？口感彈牙又爽滑

其實平時我真係唔算好食得辣😂但朋友話想試下我唯有捨命陪君子啦！一嚟到嚇親😂好紅同埋果種辣係聞得到，唔洗試都已經知幾辣！好建議食得辣既人嚟挑戰，唔太食得辣就記得講要bb辣🙈仲有話正宗既原因係因為真係有好多大陸同胞專登嚟食，佢地會食到津津有味可以自己再整調味料好彩有呢個糖水 喺中途覺得好辣果陣幫我解辣 甜而不膩好清新孝子十味嗌左最愛既鵝腸2客，炸酥肉，紅糖糍粑仲有曉宇苕粉👍🏻鵝腸好爽口新鮮，一條接一條停唔到口😂酥肉炸得好酥脆，認真睇雖然每一粒好細條，但每條都有肉而唔係得炸粉招牌糍粑好嚼口，感覺好似糯米咁，甜甜地又係解辣之選😂苕粉就好似紅薯粉咁，一定要放落辣油湯先係正宗重慶辣粉！最後都幾推介大家叫肥牛，厚身得嚟唔會話有好多脂肪，每一塊紋路都差不多，幾值得叫！