海底撈火鍋 (金巴利道)

營業中

休息中

新加坡首富開嘅連所火鍋係香港已經開左一段時，等到人潮已過就黎試下，估唔到同大陸相比，各方面都做得更好，服務真係一流，非常貼心，而價錢唔係相差好遠，保持到質素嘅火鍋店。今次每人平均$180。一坐底就有公仔陪我地食如果有小朋友應該會覺得好開心。坐好就會有人送上熱毛巾抹手，又會送上前菜同生果。點野食用ipad，好欣賞佢可以比你揀半份，令到少人食都可揀得多款啲，食海底撈火鍋必定會揀四格，咁樣會平少少。而出面有好多調味料比你混醬食，前菜同生果食完都可以出去拎。食物質素好好，兒童餐好抵食，三四十蚊就有魚有肉有麵，蝦腸入面真係見到好多蝦。服務就真係一流，食食下會有人送上菊花茶免費飲，又會不停幫你淥野食執碟，就如同一對一咁照顧可能中午時間人少啲嘅關係。食到最後，仲會送上送上小食凍雪米糍同薄荷糖，見我地鍾意食，仲比多幾粒唔同味嘅雪米糍我地，真係服務態度完美！

成日聽人講海底撈服務同嘢食都係好好，今次終於試咗，果然名不虛傳！因為好想食麻辣火鍋，朋友即刻話要去海底撈，一入到去會有專人負責你張枱嘅服務，好細心咁介紹咗湯底，我朋友鐘諗食麻辣，所以叫左個辣嘅。不過我擔心自己頂唔順太，所以叫左豬骨。而每個湯你再可以簡豬骨味更濃，好多選擇。一個鍋最多可以有兩個湯底，我地叫左兩個湯底，兩個滾水。侍應幫我地拎左湯同前菜，我地叫左半碟牛同羊，仲有手打丸，凍豆腐，麵。我覺得牛比羊肉片好食，而最好食嘅係個豆腐，豆腐吸晒d湯。最後兩個人$300左右，我覺得價錢好合理，味道都唔錯。

今天到尖沙咀做針灸，附近有間海底撈就跟老公打邊爐。服務真心一流，因為病毒問題，美甲區無開，進店先噴酒精令雙手保持乾淨，有熱毛巾，圍裙，小食水果一一奉上，亦不時主動問我們有冇其他需要，貼心到不得了。我們叫了四宮格，我們不敢吃太辣，所以就要了無籽麻辣，至在過下癮，蕃茄湯必食，因為真係好濃味的湯底。飲品每人$15,任飲，打邊爐一定要多飲不同的飲料，醬料$18 我們用其中一格湯做自製沙嗲湯都好好味我們主要叫撈派牛肉，得製醃肉，很滑，牛板腱勁香牛味，魚皮餃不錯，自製豆腐很香很濃豆味，點上他們提供豆花醬好鮮味就快情人節，店員在枱上放上蔬菜花，佳藕天成，白菜白頭到老，非常好意頭，玫瑰花唔洗放入去湯底內，哈哈，當然都要叫下黑糖糍粑，以前去深圳必食，甜甜地，很有風味。還有熱湯暖胃，紅棗雪耳真材實料，最後仲有粒芒果雪米糍。最後結賬，搭升降機都謝謝我們，賓至如歸

海底撈服務好、湯底正就不用多說，打左成晚邊爐，頭髮同個身一啲邊爐味都無，佢個爐抽風系統好好👍🏻揀左3個最正嘅湯底，清油無渣麻辣、菌湯，同埋明星🍅蕃茄湯底！醬料區提供10多款醬料自行調配，還有生果、湯品和糖水。但湯底太正嘅關係，個人覺得唔用醬料都ok!海底撈服務實在太周到，我都有點唔好意思😜 一坐低就有涼件小食、水果及一些糖果餅乾，店員好貼心遞上橡筋、口罩存放袋、抹眼鏡濕紙巾，無微不至。呢到環境寬敞，唔密集，仲好先進，用機械人上菜，減輕店員負擔，係一間好公司😜我地兩大兩小叫左好多野食，全部叫半份，可以試多幾款唔同嘅火鍋料😋推介大家食呢個雙色花枝丸，好似腸仔咁，但入面墨魚嘅好有咬感，好足料架！紅薯粉必定要食，吸收晒湯底嘅精華，無論放邊個湯底，都想食完又食！小朋友都有驚喜，店員哥哥送左一個豬仔包，同一碗大家以為係燉蛋嘅糖水，但原來係蒸水蛋黎，真係估佢唔到😜呢個係新年後第一個同朋友嘅聚餐，食到飽飽的好滿足，可以順便買個湯底返屋企繼續打邊爐，諗起都正😆

之前就去過深圳吃海底撈火鍋，還記得當時第一次去感覺有點受寵若驚，服務也太好了吧~!我遲下會寫返在深圳吃海底撈火鍋分享文，等我(~羞臉~) 好吧，說回這次是第一次在香港吃海底撈火鍋，剛好可以對比一下不同地方之間的分別~!海底撈火鍋在香港分別在尖沙咀、荃灣、銅鑼灣和油麻地共4間分店，而我就去左尖沙咀店， 地方位置方便，就近在THE ONE對面間，很容易找到。這晚剛好在樓下有海底撈職員派宣傳單張，說要到海底撈吃就親切地帶你上樓， 入去之前侍應會為你雙手噴上消毒水和探熱，然後就一路帶你到位置， 經過每個侍應都會對你說聲歡迎。需要等位的時候，店面會提供清水及小食、椅子和玩具，可以解悶。 同深圳一樣會提供免費美甲服務，但因為就疫情關係就暫停開放。來到坐位，檯面已經擺放兩包小零食及水果，會有專門服務員，與你距離不遠， 有什麼需要可以直接告訴他喔~~~ 只要看到你自己動手就會立即來幫你，幾乎是不讓你有自助時刻。鍋底就揀左四宮格，兩個清水火鍋(HKD0)、清油麻辣火鍋(HKD36)和大骨湯火鍋(HKD32) 揀完之後就會再揀你想要的濃度，清油麻辣火鍋夠麻夠辣，要選加麻辣， 不過大骨湯火

久仰海底撈火鍋大名，依家疫情中四圍餐廳都比較少人，相約朋友帶埋小孩可以一齊試吓。不少餐廳都會比客人進店前消毒雙手同量體溫，這家也不例外講究衞生。還以為湯底越叫多格越貴，當然我哋想試多個味道啦！大人想食辣，小孩想食蕃茄湯底。原來四格鍋跟全鍋和拼鍋價錢相若，收費公道！加上有機械人送餐同變臉表演，大人細路都睇得非常開心，食得過癮！炸饅頭：一碟有6件，饅頭炸到金黃色，旁邊放了大量煉奶，成為小孩最喜愛的食物之一。精品肥牛：我們點了半份，牛肉肥瘦均勻，放入鍋中吸收所有湯(麻辣火鍋)非常入味！鴨血：店員很細心奉上一碟調味，仔細講解食鴨血的特別食法。鴨血彈牙，建議滾耐一點吸收湯汁更加好味。雙色花枝腸：黑白色的腸仔非常奪目，味道不錯，有QQ咬口，份量不少。凍豆腐：同鴨血一樣是麻辣火鍋不能缺少的菜之一，滾了15分鐘之後豆腐完全吸收湯汁，不過非常熱辣辣吃時要小心。紅薯粉：除咗烏冬之外，這裏的紅薯粉扁扁寬寛，非常滑溜，一定要試！小孩免費送：原來小孩惠顧有很多優惠喎，店員送上蒸水蛋和豬仔奶皇包，最後更加送每人一個飛機玩具，小孩都開心到不得了！感覺好豐富呀！

今年情人節打算吃得特別點，就預訂了「海底撈」作為情人節晚餐。到達後，看到店內已準備不少情人節裝飾及朱古力送上每一檯客人，增添不少氣氛。就坐後，店員更熱情地招待，解釋「海底撈」獨特的吃法，更即為客人送上不少前菜。湯底方面，店員為我們推介四宮格，較為「抵食」。最後我們挑選了3格清水和1格大骨湯$32，因為清水係0蚊阿！！！加上我們又加了自選任食醬料$18，可以將清水加醬料調配新湯底，聽說是網紅吃法，這就是「海底撈」抵吃賣點之一。$18的抵吃醬料，當然不單只有蒜蓉辣椒🌶️，更有豆花醬、xo醬、蠔油、海椒乾、麻油、花生碎、芝麻醬、熟芝麻及五香牛肉等等.... 我便將醬料調了一個麻香辣鍋，都只是$18，比再點一個湯底更「抵食」我們最後點了半份肥牛、羊肉片黑魚片、午餐肉、黑魚片、雙色花枝腸、凍豆腐、連藕及一份炸饅頭。饅頭即叫即炸，內軟外脆，點上煉奶簡直欲罷不能。而肥牛和羊肉片肥瘦適中，配上自製湯底，簡直暖入心。黑魚片更是嫩滑無比，我儘管煮過建議時間，魚質都保持嫩滑。而其間我更取了三碟前菜-涼伴豆皮，因為前菜是任吃不用錢的，所以我便取了很多，再將他放進湯底，吸收湯汁，又可節省點豆皮的錢❤️最後，店員更

海底撈登陸香港甘耐，終於初嚐其滋味。 之前啱啱開嚟香港嘅時候，經常要排一兩個鐘。呢排市道靜咗，就唔使排隊。一去到門口就有服務員熱情咁歡迎我哋。每位店員都好熱心好親切，令我們有好似皇帝式嘅享受。坐低服務員先放上前菜同水果，鍋底我們揀咗蕃茄濃湯同大骨湯，另外兩格要清水。大骨湯好有藥材味，蕃茄湯好濃郁。呢度嘅配料價錢唔貴，而且可以叫半份，所以叫咗好多款配料試。同行小朋友好開心，因為唔單止小朋友可以免醬料費同飲品費，姐姐仲送咗個兒童餐，另外仲有蒸水蛋同埋豬豬奶黃包，仲送咗個豬豬玩具畀佢，佢話下次一定要再嚟。

幾年前海底撈喺大陸好盛行，每個香港人去大陸玩都會試下。當年海底撈登陸香港，老闆請我去食，嗰時人頭湧湧排曬長龍，都要等成個鐘㗎。屋企人未試過海底撈，所以琴日我就帶佢哋去食，而家食唔使排隊。尖沙咀分店位置好方便，環境好闊落舒適，服務超好。未點菜已經有湯飲，有前菜有水果食。落單用ipad，幾清晰方便，每樣配料都點半份試下，有安格斯牛肉，肥牛，魚塊，蔬菜等等，好豐富。店員又送咗兒童餐，小朋友食物，同玩具畀囡囡，佢好開心。呢度仲有親子室，比小朋友玩，不過因為疫情所以冇開，所以囡囡話第時想再來。店員最尾仲送咗淮山萵筍拼盤畀我哋，所以呢餐都食得好飽，五百幾蚊四個人真係抵！！

假日出去尖沙咀拎野，之後來到海底撈食lunch，第一次來感覺很貼心，一座低已經拎膠套比我裝口罩，又係我們面前消毒雙手，又拎熱毛巾比我地。我先選擇了清油麻辣和菌湯。叫了肥牛套餐和羊肉套餐，跟左兩份拼盤，主食一份選出前一丁，一份選撈麵。當落單後，侍應生超快拎上前菜來，醬料和飲品享用先加錢，其實好抵。小童仲要免費唔收都可享用飲品，蒸蛋和豬豬包。菌湯侍應生先叫我們試味，問夠唔夠濃郁，用來比小朋友好岩佢胃口。而我終於可以食麻辣了，仲要有羊肉肥牛鴨血全都係我最愛的，今餐豐富又好味。

今日落雨又口淡淡，假期梗係約埋朋友聚下啦，傳聞中呢間好好食，落雨凍凍地啱晒。湯底都有幾款，最多成4格，好啱用朋友分享喎。冷盤前菜好醒胃，今日雪耳糖水好潤喉午時有套餐抵食喎（中間）精品肥牛套餐牛肉又滑又濃，（右邊）羊肉套餐既羊肉味濃唔膻，夠晒嫩滑，（左邊）芝士牛肉丸（半份）爽口彈牙，夠芝士師傅即場表演製麵，精彩又彈牙A拼盤午餐肉配麻辣好夾、冬瓜清熱鹵肥腸（半份）肥腸鹵得入味，彈牙惹味B拼盤都好新鮮，粟米、菜、蘿蔔甜、金菇鮮響鈴卷（半份）吸收晒湯精華最啱水果任攞，西瓜、西柚同橙都好甜，服務又快又細心，食得好開心，有下次

朋友們都知我喜愛火鍋，一齊圍住食最溫暖，今日假日，約了朋友試試這家傳聞中最好味的火鍋，原來午市有套餐非常抵食。湯底有多種選擇，辣都有三款再細分，對辣有要求，正，唔辣有大骨湯同蕃茄選擇，大骨湯仲可以加濃精品肥牛套餐（前）牛肉卷100克，牛肉味濃，配麻辣更惹味，爽口羊肉套餐（後）羊肉卷100克，羊肉味濃，完全唔膻，夠嫩滑套餐配A-E拼盤，瓜菜選擇多B拼盤內粟米香甜、蘿蔔甜又無渣、金菇鮮、菜甜A拼盤午餐肉配麻辣好夾、冬瓜清熱自動送餐撈面由師傅即場表演配製，麵質彈牙爽滑，有得睇又有得食響鈴卷（半份）吸收晒湯精華最啱鴨血（半份）鴨血嫩滑，配特製調味食更添風味黑芝麻雪米糍解下辣服務真係好貼心，上菜速度快，還有免費整指甲、晒相服務，下次會再黎！

海底撈出名啲乜？相信無人不知，就係佢200分嘅服務💯。之前去大陸Exchange時試過，但就尚未到訪香港分店。呢日喺朋友嘅邀約下去咗尖沙嘴分店食Lunch打邊爐🍲。海底撈有提供午市火鍋套餐，價錢由$66-$128不等，包一款肉類🥩／海鮮🦑、一個拼盤同一樣主食；水果同小菜就自助免費。不過另外仲有唔少收費，包括調料($18/人)、飲料($15/人)，湯底費同加一服務費👀，加加埋埋都唔算平。湯底我哋揀咗四宮格，因為估計午市都唔會滾太耐，所以只係嗌咗其中兩款，🍄菌湯火鍋($32)同🍅蕃茄火鍋(明星湯底)($34)。除咗服務外，我最鍾意就係海底撈嘅湯底，款款都好濃好正🤤。店員小哥仲襯我哋未淥餸時，整咗個蕃茄湯俾我哋飲。佢加咗五香牛肉粒同芹菜粒落蕃茄湯到，真係不得了🥫。講返食材，我哋要咗手切牛小排套餐($128/125g)同魚籽蝦滑套餐($108/75g)。齋講呢兩碟嘅份量就正正常常啦，唔多唔少。但一開始店員上錯咗巴沙魚($66/150g)俾我哋，同佢講返之後，本身諗住換返啱就ok。點知佢哋話餐廳出咗嘅菜就唔會收返，但會補返啱嗰款俾我哋。服務真係超級好，又講求衞生👍。🐂牛小排有六片，真係有食緊牛扒

當我地點緊菜時，侍應就招待左我哋一啲水果同海帶等等，比我地食住點。飲品方面（加$15），即可任飲檸檬茶、豆漿、柑桔蜜。 湯底方面揀咗四宮格湯底，有大骨湯湯底同蕃茄湯湯底，其餘就揀左清水湯底。羊肉卷的羊膻味伴隨着蕃茄湯底洋溢而出，再點上蒜蓉豉油蔥既調味料，味道讚！金黃酥脆嘅炸饅頭，外脆內軟再點上煉奶一啖食，份量又恰到好處。而薯仔片厚薄剛剛好，放在大骨湯兩分鐘，再配上有師傅即拉撈麵，口感不俗。仲有揀左個精品肥牛半份，煮完食落口，冇咩食到起喳嘅感覺。食左太多肉，黎返d素平衡返。order 左個長生菜同冬瓜，食完好滿足呢。

同朋友仔想去慶祝新年， 朋友推薦海底撈打邊爐，所以我哋就去咗尖沙咀分店， 原來佢仲喺香港有四間分店，銅鑼灣，油麻地都有， 而喺荃灣海之戀分店，就好快開幕一坐低，服務員已經好殷勤咁樣，同我哋介紹， 前菜係免費嘅， 醬料收$18/位，同埋飲品$15位打邊爐最緊要個湯底， 我哋揀咗四式湯底，有豬骨，菌湯，蕃茄湯， 最後加埋清水， 蕃茄湯最香，最好味食物方面翡翠墨魚滑， 黑白花枝腸， 特別又好味總括而言 ： 海底撈打邊爐， 價錢適中坐得舒服， 服務殷勤而且地點非常就腳， 推介你哋嚟食呀