海底撈火鍋 (金巴利道)

營業中

休息中

我係超鐘意打邊爐既人，約親人食飯都會提議打邊爐😂海底撈相信好多人都聽過或者返大陸食過，而家香港都開左幾間分店喇，我前排係荃灣西鐵站果間食過，今次係尖沙咀食，2間都各有特色，荃灣果間個爐會自動感應升上等你易夾野食，尖沙咀呢間有機械人送餐！食過海底撈既人都應該完全感受到賓至如歸嘅感覺，服務態度真係好到不得了，連個洗手間都正過人，有埋綁頭髮橡筋、牙線、牙纖.食物方面：✨自助調味吧，有十幾種調味料自由配搭，有水果、有冷盤、有湯、有糖水✨湯底：胡椒豬肚雞/青椒火鍋 $88✨鴨血✨撈派黃喉✨脫骨鴨掌✨雙色花枝腸✨響鈴✨土豆寬✨手切筍✨黃糖糍粑一坐底員工就奉上一疊水果，臨走仲送一袋零食你走，滿載而歸😂😂😂

最近疫情開始有點紓緩，原定的海底撈之約終於成行。海底撈的名氣早已聽聞，但卻是第一次試，今天一試，真的名不虛傳，很多服務都非常貼心由於正值疫情，服務員會自行量體溫、消毒，又會向客人派口罩保護袋、屏幕消毒貼、熱毛巾等，完全令客人放心，難怪午市的火鍋生意算不錯，當天有不少食客都是一家人來光顧特色推薦：是次午餐兩人同行，點了個四格鍋底（蕃茄、大骨、菌湯、清水） — 鍋底十分足料，材料算是新鮮，主要是湯底味道合胃口！服務員更幫我們用湯底+調味料混合，泡制了兩碗蕃茄碎牛肉湯，味道一流，第一次知道有這種食法！份量方面，如果兩人，午市套餐點一個鍋底+一個套餐，已經足夠。個人喜好，火鍋必點的午餐肉及墨魚滑，我們加了$15任飲的金桔蜜及檸檬茶，吃好東西好服務就是享受選擇撈面還可以看到海底撈的師傅表演，我們還問師傅有沒失過手，有表演感覺值得特色推薦：海底撈相比其他火鍋店，除了服務優勝外，亦留意到他們引入了自動傳餐的機械人，效率高，亦是對員工貼心的小設計。難怪所有店員的態度都很好，令人覺得舒服

海底撈火鍋最特別的就是可以選擇4種湯底這次選擇的是蕃茄湯和胡椒豬肚湯蕃茄湯應該用新鮮蕃茄做的完全沒有茄膏的味道，超濃郁的服務員仲會幫忙加牛肉粒同蔥花落蕃茄湯到供飲用。試完個湯底再慢慢打邊爐打完再整翻個蕃茄蛋花湯。哩個湯底真係勁多配搭幾好啵。另外胡椒豬肚湯，辣辣的胡椒份量十足店內仲有好多配料，等大家試下整網紅湯底其他配料都很新鮮店員還特別給芝麻花生辣粉配鴨血豐富了吃鴨血的口感和添加了辣辣的味道另外仲可以向店員點兒童既餐點豬豬包和蒸蛋包裡奶黃味充滿濃濃的奶香，甜甜的小孩子一定都喜歡蒸蛋的味道比較淡。沒有加太多的味精和鹽

我自己好鐘意打邊爐，聽朋友話會專登北上打，因為湯底正，服務又好咁話，但係作為媽媽既我，自問仲未會因為想打邊爐而帶埋小朋友北上。原來呢間朋友講到超正既《海底撈係香港開左分店，就成家去試下，睇下佢哋服務有幾正。一坐底已經準備好開胃小食水果同零食，並唔係茶樓花生果 d喎，仲係幾好食架。可以等食物上菜時有得食，加晒分。湯底係分左3種分別係一個獨立湯底、2個鴛鴦湯底、最後就係4格湯底。咁就可以以自己喜好選鐘意既湯底，好貼心。咁大間公司，食物方面新鮮好味就必須，唯一覺得差D就係大骨湯湯底個藥材味太勁，連我都覺得唔係好受到。要贊就真係服務。食食下小朋友頭髮跌左落黎，服務員哥哥即刻拎2條花花橡筋俾我哋，完全唔知道點解佢知道我想要橡筋同小朋友札頭髮。呢個都未算，廁所先勁。入去廁所諗住幫佢整頭髮，仲見廁所提供埋獨立包裝既梳，成人橡筋，牙籤牙線同埋......女性用品。嘩貼心都咁？仲有，食到一半服務員哥哥又送左2份小朋友甜品，係一碗蒸蛋加一個豬仔造型既奶黃包，對於較小既小朋友食呢份已經飽左一半，家長就唔擔心小朋友唔夠飽。驚喜仲有，2個小朋友一人一份玩具。最後麻煩職員幫我地影張全家幅，職員仲話我知佢地有曬相服

吃過無數家餐廳，師傅發辦，五星級酒店，頂級私房菜，米芝連3星，服務水平都非常高，但今天的海底撈服務還是讓我大開眼界新開的尖沙咀店超大，週五晚上人流還不錯，大概7成滿，侍應已經忙個不停，一臉汗流浹背的樣子甫坐下人就馬上被侍應們簇擁著，幫我們拿了熱毛巾，任吃的生果跟小食，還馬上送上一碗熱湯，全部都是免費的，這還真的是覺得自己變成了上賓ＶＩＰ呢話說他們的橙真的超甜，皮也很薄！西柚則比較一般送餐機械人，會自動走到客人枱的跟前，超有趣！電子點餐，不會用嗎？侍應會細心教你，好貼心那四格湯底是最具特色的，侍應還主動推薦牛油辣鍋，但最近吃得口味太重，還是點個番茄+豬骨湯算了。豬肚跟番茄都是任吃的，可以隨便加醬料建議跟他們的組合，會有驚喜自己照經驗配的話會差一點每一道菜都可以點半份，價格還真的是全份的一半，可以多點不同的菜色生菜很爽脆，巴沙魚也是軟滑無骨筍是還好，可以更佳魚滑半份份量也不少，鴨血也是爽彈，數十元的質素，絕對不錯牛羊肉比較貴價，但也沒有欺場，羊羶味很濃，很有大漠風味最後壓軸，＄１８就有人在你面前拉麵，還滿有趣的，入口是刀削麵的口感

海底撈一直都係sell服務嘅火鍋店~ 當我同朋友一齊搭上到去海底撈嘅大堂，就已經有侍應鞠躬歡迎我哋啦...係入去之前會比酒精搓手液消毒雙手同埋量體溫~冇發燒先準入去架，保障食客既安全~坐低之後就比咗一條熱毛巾我哋抹手啦~ 之後仲提供咗餐前水果同埋餐前小食…佢嘅餐前小食海底撈自己出品… 意想不到地幾好食、好香口!跟住落嚟就係ipad點餐啦~點咗個鴛鴦湯底，牛油麻辣湯同埋菌湯… 麻辣牛湯唔算好辣但係麻辣度適中，唔會有牛騷味。至於菌湯味道清得黎亦都好鮮味… 店員主動拎咗牛肉碎同芫茜比我哋加菌湯飲，加入咗之後更顯雜菌既鮮味~同朋友兩個打邊爐，本身諗住嗌唔到好多款，但係原來可以點半份…咁我哋就可以食到多啲唔同嘅款啦~值得推介嘅係葛根粉絲~食落同薯粉一樣咁有口感~但係葛根粉絲比薯粉健康得多! 而且放入牛油麻辣鍋度…索曬麻辣味再食~真係食唔停口呀！走之前去洗手間，發現竟然好貼心地喺女洗手間裏面免費提供m巾、橡筋、梳比客人使用~走嗰陣侍應仲送咗四包麻辣嘅餐前小食畀我哋拎走😍😍

海底撈因為抗疫，我絕少返大陸，火鍋店都有好幾間，海底撈相信係名氣最大嗰個。湯底款色不多而份屬大路系，可以揀一款湯底、鴛鴦或四格都可以。番茄湯底加入大量鮮茄誠意滿分鴨血非凡出眾的嫩滑，彈得出奇的質地，一咬爆汁水潤甘甜，散發麻辣的惹味刺激，拍案叫好連環食！麻辣鴨血滾辣粉芝麻花生碎，首次獨特的食法，濕濕滑滑帶點脆卜卜加芝麻辣粉香，有趣特別！羊肉好香羊味，少少膻可接受。落蕃茄湯最正餐廳安排上貼心，但服務未見如傳聞中誇張地懇勤。

今次同屋企人到好出名既海底撈打邊爐，其實呢個名我只係記得佢既懶人火鍋好好味，都曾經係深圳見過佢哋既舖，不過香港分店開左就真係唔太知，唔係屋企人叫去都唔知。今次我地去食晚餐，叫左4格湯底，分別係清水、蕃茄、大骨湯及清油麻辣湯底4種，麻辣就俾老公食，我同小朋友就試蕃茄同大骨湯，清水就係麻辣太過辣可以過一過清水😂😂小朋友等唔切一黎就叫份炸饅頭俾佢食住等，之後先慢慢點野食，我地叫左3葷3素，有雙色花枝腸、精品肥牛、西班牙梅豚豬、魚皮餃、菇類拼盤、兒童午餐肉套餐、烏冬及紅薯粉。肥牛同梅豬豚肉打邊爐必食唔可以唔叫。推介雙色花枝腸，爽口彈牙。魚皮餃皮薄餡靚，唔似出邊咬落去成口粉。我小朋友鐘意食菇，個菇類拼盤大部份菇都齊晒岩晒佢呢個小菇怪。兒童午餐肉套餐，有麵、魚肉、午餐肉同鵪鶉蛋，個餐食晒真係好飽。仲怕唔夠飽叫左烏冬、紅薯粉各一份，太多，食到攬實個肚走😂

今日同朋友去開尖沙咀，行經加拿芬道有位姐姐好熱情咁遞上傳單俾我，不停叫我上去試吓啦，見單張寫住「海底撈火鍋」，自己又一直都想體驗下佢瘋傳既「五星級貼身服務」，於是乎二話不說咁同朋友一齊跟左「傳單姐姐」上去「開爐」啦！餐廳位於三樓，上到去一打開𨋢門，已有兩位「靚姐知客」熱情咁歡迎我哋，仲幫我哋撥開額頭頭髮量度體溫，又捉住我哋雙手噴消毒搓手液，做足安全措施後，便帶我同朋友正式入座！座低後，即有另一位知客遞上一塊熱手巾仔俾我哋抹手，又俾個「膠套」我哋入住囗罩，另一位知客則隨即遞上小食、生果及雞湯俾我哋潤一潤！服務員消毒好點餐用的ipad後，我哋就開始點餐，湯底有十數款選擇，由清湯到重口味既麻辣火鍋都有，另可選擇「單上」、「雙飛」又或「四重奏」，我哋最後點左一個「四格火煱」湯底，希望可以試多d不同的口味！值得推介係個蕃茄湯底，勁濃勁鮮甜，服務員仲會在上菜前幫你加些芹菜同肉碎落湯底裏，攪拌後俾你飲返碗先！之後我哋點左很多火煱配料，值得一提係所有配料均可選全份或半份，對於一拖一的情侶來說，每樣點半份剛剛好，又可試多幾款配料，食材份量既充足又新鮮！誠意推介的仲有呢款拉麵，服務員會即埸在你面前表演，拉

同朋友去左香港海底撈尖沙咀分店試試佢~海底撈出曬名sell服務，一上到去出lift已經有職員預備左酒精搓手液俾我地清潔仲幫我地量埋體溫。冇人等位好快就入得，職員帶我地坐低就已經攞左好多野俾我地，有暖毛巾抹手，有酒精紙擦電話有袋俾你放口罩，有生果小食涼拌。服務都真係做到足。我同朋友2個人試左2個湯底，一個菌湯一個麻辣湯。麻辣湯底都香但係有d油，菌湯飲果陣都香既但係配埋d餸就唔係好夠味。餸方面唔係叫左好多，最深刻係葛根粉絲，同麻辣湯超夾，不妨可以試試～食既過程入面店員都不忙自動波加湯添飲換碟遞毛巾，不愧為海底撈。

呢度真係一直令我念念不忘❤️❤️❤️服務真係好到不得了👍🏼👍🏼👍🏼👍🏼直情係五星級嘅享受😀😀😀服務員會不斷提供唔同嘅服務，你就好似一個公主😂😂😂😂而家到嘅防疫措施亦都做得好好，入門口之前會探熱，亦都提供好多防疫物品，非常好👍🏼👍🏼👍🏼👍🏼😍😍😍😍😍😍我哋叫咗一個四格湯底，麻辣嗰個真係做得好出色，越食越好味😊😊😊醬料區更加係太豐富啦，我就特別鍾意佢嘅南乳醬，點肉類真係幾好食㗎😊😊😊😊特別推薦佢蝦腸，好好食，好鮮味😊😊😊😊打邊爐任又點少得寬粉、午餐肉、淮山依啲咁入味嘅食物啊🥰🥰🥰😍😍😍食到停唔到口!食物真係好新鮮！肉類無論牛肉或者羊肉都好好食👍🏼👍🏼👍🏼👍🏼👍🏼👍🏼特別想介紹一下珊蝴蚌，放落麻辣湯底，爽脆入味👍🏼👍🏼👍🏼👍🏼😊😊😊😊我已經計劃下個禮拜再返嚟食啦！真係好好食👍🏼👍🏼👍🏼

海底撈雖然係香港開左好多間分店都一段時間,但一次都未去潮聖過,見今日經開尖沙咀見到附近就有間海底撈就即興去食個lunch.lunch time原來有lunch set食而且仲好全部都係$88-$125內包一款肉類主菜,5款配料同一款主食,都算幾抵食.不過湯底就要自己額外揀,店員好細心咁介紹每款湯之餘仲教我點叫先比較抵,好細心.lunch set附送前菜,小食,水果.小食係bbq味脆片,入口好香脆,好快就清晒成包.水果有西瓜,芭樂同橘子.四宮格內我就點左牛油麻辣火鍋同菌鍋湯底,內裏仲可以揀濃度,麻度同辣度.麻辣湯底入口先辣後麻而且麻勁越食黎越麻,內裏滿滿辣椒碎好足料.菌鍋湯底顏色清澈入口十分濃菌香味,飲完都唔會好口渴.魚籽蝦滑好彈牙,內裏滿滿蝦肉同蝦籽粒,蝦滑蝦味好香鮮蝦味,內裏帶一粒粒蟹籽卜卜脆.精品肥牛顏色好鮮,解凍時間足夠唔會一層雪面係牛肉片上,牛肉肥瘦肉一層一層,牛脂味既牛味都幾濃,滾完唔會一夾就碎,入口唔會簿到無晒咬勁.自選拼盤望落以為好細份但食落十分足夠,食完好滿足.拼盤以蔬菜為主會部都好新鮮,厚切冬瓜同蘿蔔都好鮮甜.主食揀左手拉麵,食到一半可以叫起手拉麵.等一陣就會有位拉麵

話說我從沒去過海底撈打邊爐😂真是大鄉里，終於今晚過來打邊爐，都有一點兒期待😆Lift一打開，就有侍應問我們幾多位，隨即遞上一人一杯的檸檬水，等了幾分鐘就有位子了。裡面原來地方很大，一坐下，侍應就迫不及待為我們介紹如何點餐、送上兩包小食，還有幫我們拿了一些小吃，我們一邊吃著小吃，一邊點餐。我點了番茄湯底，侍應很細心的幫我們拿了載著五香牛肉碎及笎䇴的碗子，讓我們可以連蕃茄湯喝，我們舀了蕃茄湯進碗裡，這湯底很不錯耶，加上牛肉碎跟笎䇴真的香好多！點了精品肥牛，沒料到它的牛肉味好香，更因為是薄切，入口即溶，這碟肥牛性價比很高。桂花蚌很鮮甜，很爽口。海鮮魚子夾很特別，有點像魚腐，但更鮮味，裡面還有魚子，喜歡這口感。土豆寬粉名如其名，麵條比較寬，也比較厚，很有嚼勁。手切筍很爽口，沒什麼渣。吃著吃著，有變臉表演，真的看到我目瞪口呆，完全看不出他的套路，厲害！才過了幾分鐘，有師傅在表演拉麵條，全程很流暢，看到麵條越拉越幼，卻不會斷掉，佩服👍🏻另外不得不提的是這裡的醬料bar，醬料的選擇多到數不完！除了常見的蒜泥、蔥花、芝麻外，更有一些少見的，例如芹菜粒、xo醬、五香牛肉、七味粉、花生碎、菌王醬、蠔油等等

新加坡首富開嘅連所火鍋係香港已經開左一段時，等到人潮已過就黎試下，估唔到同大陸相比，各方面都做得更好，服務真係一流，非常貼心，而價錢唔係相差好遠，保持到質素嘅火鍋店。今次每人平均$180。一坐底就有公仔陪我地食如果有小朋友應該會覺得好開心。坐好就會有人送上熱毛巾抹手，又會送上前菜同生果。點野食用ipad，好欣賞佢可以比你揀半份，令到少人食都可揀得多款啲，食海底撈火鍋必定會揀四格，咁樣會平少少。而出面有好多調味料比你混醬食，前菜同生果食完都可以出去拎。食物質素好好，兒童餐好抵食，三四十蚊就有魚有肉有麵，蝦腸入面真係見到好多蝦。服務就真係一流，食食下會有人送上菊花茶免費飲，又會不停幫你淥野食執碟，就如同一對一咁照顧可能中午時間人少啲嘅關係。食到最後，仲會送上送上小食凍雪米糍同薄荷糖，見我地鍾意食，仲比多幾粒唔同味嘅雪米糍我地，真係服務態度完美！

成日聽人講海底撈服務同嘢食都係好好，今次終於試咗，果然名不虛傳！因為好想食麻辣火鍋，朋友即刻話要去海底撈，一入到去會有專人負責你張枱嘅服務，好細心咁介紹咗湯底，我朋友鐘諗食麻辣，所以叫左個辣嘅。不過我擔心自己頂唔順太，所以叫左豬骨。而每個湯你再可以簡豬骨味更濃，好多選擇。一個鍋最多可以有兩個湯底，我地叫左兩個湯底，兩個滾水。侍應幫我地拎左湯同前菜，我地叫左半碟牛同羊，仲有手打丸，凍豆腐，麵。我覺得牛比羊肉片好食，而最好食嘅係個豆腐，豆腐吸晒d湯。最後兩個人$300左右，我覺得價錢好合理，味道都唔錯。