海底撈火鍋 (金巴利道)

營業中

休息中

海底撈海底撈係大陸就食過，眾所周知海底撈高質食物同服務大驚喜，重點更係在於貼心的服務質素。香港海底撈都開左好耐，但一直都無機會試，好彩當時亦未有人等位，所以好快都安排到入座坐低服務員先比個圍裙再拿了保鮮袋，濕紙巾，頭髮橡筋圈給我們用，超貼心，仲會介紹用ipad點餐蕃茄湯蕃茄湯最濃味，蕃茄都超多手切牛肉牛肉顔色望落都算新鮮，肥瘦適中，淥完都唔會太韌，牛味十足。鴨血有麻辣湯底必點，有咬口沒腥味，配上麻辣醬料一流美味。炸饅頭炸饅頭食落都熱辣辣，夠脆。服務都唔錯，都會主動幫我地斟野飲，可以下次再黎食過。

其實海底撈係一間唔錯既親子餐廳。因疫情關係，進入餐廳要先度體溫，仲有罰企七秒既全身消毒，好特別。侍應俾左獨立膠套可以放口罩，又有消毒眼睛既紙巾。令人食得安心。而小朋友天地同美甲服務暫停了，很可惜。但前台有好多玩具玩，小朋友玩得好開心。午市套餐很正，個羊肉十分林，蔬菜排得好靚仔好吸引。靚牛小排第一次見送餐機械人覺得很新奇。要摸下佢個頭就會返廚房。侍應免費送左豬豬包同蒸蛋，令小朋友勁開心，佢仲全部食哂。小朋友都收到一架小飛機，而我就因為臨近母親節收到一朵花。廁所方面都有fit哂小朋友既洗手盆，小朋友話好鍾意呢間餐廳呀。又有表演睇。小朋友很難忘侍應仲送左玩具

好耐無返大陸食海底撈，見呢排疫情放緩，試吓香港既海底撈同大陸有無分別。今晚八點去到，好多人等位，盡量早啲等定位好啲，兩個人都要等位到九點先食得，等既期間同大陸一樣有野食有得美甲，時間好快過。入到坐，服務員好貼心會比圍裙，仲教你點樣落單同個湯底係最抵，原來可以叫半鍋再加清水，呢個真心抵讚，都叫左招牌蕃茄濃湯底，越煲越入味，其他配料都好新鮮，叫左個豬同拉麵，都係有人表演俾你睇！當然價錢就大陸最抵！不過無得返去之下，一解相思都唔差，唔怪之得keep住咁多人食！

今日去左體驗火鍋界嘅始祖「海底撈」。其實瘦編由大學個陣嘅內地交流團已經成日食海底撈，不過佢黎左香港開分店之後就未試過，今日就試下佢嘅優質服務係咪仲保持到先。-首先，門口設有梳化位可以俾人坐住等位，職員都好好，會提供水同小食。店內全都是卡位，依點我非常鐘意，可以坐得舒適，又唔洗對住啲陌生人。前菜有小食、水果、湯水可任吃，想飲飲品的，都有柑桔蜜、檸檬荼和酸梅湯可選。另外入座後職員都會好貼心咁提供圍裙, 紮頭髮橡筋同膠袋俾你笠起電話。-店內採用平板電腦點餐，好電子化，最神奇係有機械人送餐，超神奇。湯底有7款，包括椰子雞、清油無渣麻辣、清油麻辣、菌湯、番茄、三鮮和青椒。可選擇雙拼或者四格（四格不能點椰子雞湯底），然後逐格收費，價格由$138至$288。我自己最鍾意就係番茄湯底，味道好濃郁，啖啖都係蕃茄精華。特別推介其中幾款嘅餸：1️⃣招牌蝦滑 $68/半份蝦滑有93%都是蝦肉，爽滑濃味。2️⃣內蒙古羊肉卷 $59/半份份量都OK，肉質細嫩，重肉味3️⃣香菇 $19/半份 , 菠菜 $18/半份明明只係叫半份，但份量好似整份咁，超抵食！-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕

之前有試過喺大陸食過海底撈，之後香港都開咗海底撈，但係一直都未去試。今日就同左朋友去食海底撈，我哋係訂咗枱先去食嘅。但係去到嘅時候都有好多人排隊，好彩我哋訂咗位先，如果唔係就有排會等。嗰陣我哋等緊入去食野嘅時候，服務員會安排我哋坐低，然後佢會拎一啲小食同埋水仲有生果俾我哋食著等佢見到我哋食完仲會主動幫我哋refill，咁樣食食下就差唔多到我哋有位，侍應生會提早同我哋講張枱已經執緊，咁我哋飲埋杯水就入得去啦！一入到去發覺個地方都好大，我哋坐低左之後帶我哋入嚟嗰個職員會介紹另一個職員，嗰位就係負責幫我哋落單嘅人。咁佢會介紹晒係邊度拎醬料比一啲橡筋裝口罩嘅膠袋我哋。咁我哋聽完之後就開始落單，佢哋係用iPad落單，落完單之後我就喺iPad度咁黎睇下其他野，比我見到有得排隊整指甲，我就輸入左電話號碼拎左個籌！之後好快嘢食就嚟啦，好神奇嘅機器，個機械人會自動將啲嘢食送到去枱嘅隔離然後嗰個服務員就會拎去我哋枱上面頭先我哋今次叫咗一個麻辣湯底同埋大骨湯底至於嘢食方面我哋叫咗有炸饅頭，有一啲丸，有芝士牛肉丸半份，海膽丸半份，同埋菜，有金針菇半份，白蘿蔔同埋白菜各半份當然唔少得要叫一啲肉啦，我地叫咗羊肉卷

大陸果間海底撈就食過喇,至於香港呢間聽就聽得多,今次終於去試下個分別,相比起國內同香港係有唔同,喺深圳既海底撈，等緊嘅時候，出面有美甲服務,有玩具玩,仲有生果食等等，至於香港分店眼見就冇呢啲服務啦 不過大陸同香港又無得比，國內工資咁平請多幾個人多幾樣服務算得係咩又五係咩錢，同可能依加都係因為疫情嘅關係人數唔多,唔洗排隊,一入去就有位,本來想坐的位置本身唔俾坐,兜兜轉轉經第二個同事開口又俾坐喎，哈!仲唔喺顧客至上，喺哩個用餐時間裡面發現大部份服務員都係國內人,不知道是否迎合番海底撈是大陸的來源呢?!好喇，兩個人叫左一台大部份都係半份既款式，點左個鴛鴦湯底,一邊辣一邊唔辣，味道都幾好，麻辣湯底配豆腐簡直绝配,超辣愛吃嘅朋友必點整體黎講,兩個人食左咁多款式1000蚊都唔洗,服務員態度又不錯，確實OK

講到餐廳最頂級既服務水準非海底撈莫屬。平日中午時間去到，一出lift就係90度鞠恭，前台幫手儲存大型行李，會有個牌仔俾你坐低就有前菜小食同時間店員拎出熱毛巾俾我地洗潔雙手。店員解釋左任飲飲品要加每位$15後，我地同意加錢，佢就立即送上飲品：熱無糖豆漿，檸檬茶和柑桔蜜。以檸檬茶最甜最岩的飲。湯底就係四格，其中兩格要清水比兩格湯底平。所以我地點左：豬肚雞湯底 和 什菇。Lunch set勁抵食，有肉加蔬菜拼盤和麵食。基本上有三份一要打包，因為加埋前菜和甜品。以沙巴魚最抵食，而個手切牛小扒質素超讚。店員除左反應快，仲比你想既更早幫你準備好。好似會介紹返醬料位同廁所係邊，宜家仲有印花可以儲，兩個印花以上就可以換禮物了，以小朋友玩具為主，自己唔岩送人都得。外賣做梗69折，可以帶回家既美味真好。女性用品一應俱全我地約左食未夠鐘想坐下，店員即刻送上奶油瓜子同甜品，真係一絕既服務態度。

海底撈的出名之處，相信大家都會知，現在疫情返唔到大陞食，好彩香港都有海底撈食，是日同HONEY去左尖沙咀的分店，真的好多人~~雖然要等，但幸好海底撈有小食同朋生果可以過時間，入到去坐，會有小食生果系FREE的，我地的枱會有職員主動SERVE我地，之後點左個青椒同埋蕃茄湯底，另外也點左海底撈滑牛真的好好食，由其個薯粉同埋豆皮真的好好食，另外同老公都點左好多蔬菜，因為青椒湯底加菜真的好好食，蕃茄湯底真的好濃，滾咩都好食，食食下，職員貼心地送埋小食包給我地,另外職員送埋甜點，真的又食又拎，食到食得好開心，職員的服務真的101分，真心覺得佢地好好

第一次食海底撈😋去到ＴＨＥ　ＯＮＥ附近見到海底撈有職員派緊傳單，開左咁耐，都想試下。見到個埸都算爆，而且途中見到個送餐機械人。職員就好細心講解餐牌同埋介紹自餐ＢＡＲ，包括係調料費$18/人同飲料$15/人，水果同小菜就自助免費。用ＩＰＡＤ落單，叫左個４宮格，清水火鍋、特濃既豬骨湯、同無渣麻辣湯。肥牛打邊爐必食，唔可以唔叫。牛板腱半份有五塊。推介雙色花枝腸，黑白雙殺，爽口好食。自家制豆腐，佢好有口感之餘加埋個秘醬，吾錯。午餐肉。芝麻花生辣粉配鴨血，鴨血的口感都幾好，吾太腥。好正係有炸曼頭食，剛剛炸好到金黃色，加上勁多練奶，軟熟香甜～仲叫左四川酥肉，炸豬肉條，點茄汁同辣粉，都幾特別。臨走仲送一袋零食比你走😂👍🏻

海底撈係香港開左之後都冇黎過，呢日朋友突然話想食就跟佢去試下!未黎之前都聽過呢度服務一流，又有美甲又有表演，不過疫情關係呢晚我地就冇享受到，但店員服務非常好，又主動又勤力。店員介紹凡地叫4宮格，有兩格係清水，有兩格自選湯底，咁就可以食到鴛鴦鍋而又平D!我地就叫左胡椒豬肚雞火鍋同蕃茄火鍋。兩個湯底濃到可以就咁飲，店員幫我地筆左D牛肉粒同蔥，俾我地撈落湯度飲，真係成個味道出哂黎，非常好既介紹!食物係禁IPAD選擇，店員會清潔個MON先，令客人用得安心，我地叫左精品肥牛、滑牛肉、雙色花枝丸、老油條、牛肉丸、烏冬同皇帝菜、除左雙色花枝丸外，我地全部叫半份，估唔到一份既雙色花枝丸係咁大份，每條好似蜜糖腸既SIZE，但有好多條，黑白兩種色，食落墨魚味濃，非常好食又抵食!老油條都係比較特別既一味，好似迷你版油炸鬼，浸落D湯度索一索湯勁惹味!推介!肥牛同滑牛都好新鮮，食到濃濃既肉味!特別一提佢地既醬料吧，非常多選擇任你配撘，另外仲有一款糖水同湯任飲，同埋D前菜、生果可以食下，雖然呢度唔係放題式任食，但呢個份量咁樣食法，真係又滿足又勁飽!

真係好耐冇出過去打邊爐啦！呢場疫症真係搞到無出過街😭😭上個星期終於少左個案，決定同男朋友出街打邊爐，兩個人應該都相對安全🙈聽聞海底撈係尖沙嘴都有分店，今次就覺得收工近近地過黎食☺️提早book左位，去到都係10分鐘就入得☺️兩個人坐卡位好舒服，一坐低侍應就幫我哋上咗啲小食，呢個小食係任食免費嘅，有豆皮絲同海帶絲，少少辣，作為前菜都幾適合🥰我refill左好多輪檸檬茶可以無限refill嘅感覺真係好正😍調料$18位，我哋都加埋飲料任飲$15位。飲料選擇有檸檬茶柚子茶同無糖豆漿，都算多選擇🤗我個人來講就鍾意飲檸檬茶，仲有常溫選擇，非常周到🤗呢度仲有好貼心地教你每樣配料需要滾幾耐，方便我地睇住6。海底撈提供嘅火鍋配料醬油特別多，可以我個人就非常鍾意大蒜🤣幾乎大部份配料都可以叫半份，真係非常方便兩個人或者三個人去打邊爐。美國牛小排（半份）$119 -呢款肥牛真係非常高質素，又滑又多牛味，我哋叫咗半分就已經有咁多，性價比非常高。呢款魚肉三文治（半份）$21-係海底撈嘅特別配料，我哋叫咗半份都有好多，食落口好甜好彈牙。本人非常鍾意食蓮藕，加落去麻辣火鍋湯底度，真係非常match，6耐d會更加入味！呢款

大陸嘅海底撈食過好多次香港嘅都係第一次食今日就帶咗未食過海底撈嘅朋友lunch嚟打邊爐😋原來依家lunch係有出lunch set最平嘅餐正係要66蚊 勁抵！！我哋就揀咗要羊肉卷同肥牛餐一開始食啲任食嘅前菜同生果先雖然係免費任食但係質素一啲都唔差生果好甜 前菜開胃🍉🍈如果小人一齊打邊爐嘅話我通常都會叫兩格四分一格湯 加兩格清水省錢大法😎我揀咗次次都會叫嘅蕃茄湯底仲可以免費升級加濃加蕃茄識食一定係打邊爐前飲啖湯先佢真係有超超超濃郁嘅蕃茄味酸酸甜甜咁 蕃茄控必叫🍅另外朋友就揀咗大骨湯佢滾耐咗會有淡淡嘅藥材味 都幾好味Lunch set嚟到嘅時候我哋都好驚訝依個價錢點解可以有咁多餸😨有菜有肉有丸有面牛肉同羊肉都好高質肥瘦均勻 又好有肉味同平時散叫嘅肉一樣高質拼盤嘅份量真係多到我嚇親正係魚蛋都有十粒 芝士腸有六條平時啲一人火鍋最多咪得兩粒丸仔😂另外仲有邊爐必食嘅鴨血 生菜 菇 豆腐皮 粉絲.....魚蛋好彈牙 腸仔勁有芝士味👍🏻粉絲吸收晒啲湯底好好食主食我哋一個揀咗即食面一個揀咗拉麵仲有拉麵表演睇唔少得海底撈必備嘅gimmick嘢✨有送餐機械人同全身消毒機最後想讚下依到嘅staff😍佢哋真係跟

之前食過一次覺得服務同埋嘢食都好好就再去食啦今次😍雖然都係叫返嗰啲嘢但係質素冇差到同埋今次要特別推介佢個炸饅頭！俾超多煉奶 內軟外脆，又唔油，真係一定要試呀同埋只係$22！今次叫咗半份和牛盤都好有牛味同埋份量比我想像中多兩個人嘅話真係叫半份就好啦🤣同埋湯底一定要試吓番茄同麻辣！可以叫佢加濃個蕃茄！麻辣我就覺得食到最尾有少少太辣但都好食嘅👍🏻仲有啲涼拌小食同埋生果可以任食今次我哋就見到係哈密瓜，啲哈密瓜都好甜，完全唔會因為係任食而俾一啲質素唔好嘅生果👍🏻

太耐冇打邊爐上星期特登去海底撈到食返餐，一上去已經有人同我地探氣，安排座位都有格開一枱，亦比熱毛巾我地擦手，提我們離開張枱一定要帶口罩，防疫措施做得好好。lunch餐價錢都可以，我們叫了兩個餐，分別係羊肉和精品肥牛，每樣都有100克，加C和D拼盤，C盤包括有蟹味菇，竹筍，魚旦，鴨血，生菜。而D盤包括有蟹味棒，羅白，筍片，金菇，油麥菜。每款套餐仲有一份拉麵和公仔麵。呢兩個套餐其實已經好豐富食哂好飽， 我點了兩格清水，一格豬骨，一格小麻辣。我最喜歡海底撈原因係佢出面個醬料枱，不同款的醬汁醬料，最正係XO醬，精品牛肉醬，我撈哂同一碗再去拌拉麵食好正，呢到仲有個特色，就係只要你點拉麵，師父就會係你面前即時表演拉麵的功夫。食完拉麵，我仲去拎左哈密瓜食好甜，最後結賬時仲有兩粒雪糕食。已經同朋友講好，過多一排再來食過。

今天第一次來到位於尖沙咀的海底撈火鍋餐廳 ， 服務員態度和藹親切，給予我們建議選擇四湯底為基礎，我們選了其中皇牌番茄湯底🍅和大骨奶白湯底好味😋 食材上我們最有驚喜一定是海鮮蝦，來到見到仲係蝦腳仍動，吃出新鮮蝦的原汁原味！同時今天我才知道簡單用一枝筷子便可以輕鬆脫蝦榖😂😂 又看到師傅在枱邊即場拉面粉把面條放到湯中，另外手切牛小排、肥牛、西班牙豚肉、響鈴、多種菜類等都是絕對有水準，值得再來品嚐！ 期待下次和朋友一起再吃！