海底撈火鍋 (金巴利道)

營業中

休息中

海底撈登陸香港甘耐，終於初嚐其滋味。 之前啱啱開嚟香港嘅時候，經常要排一兩個鐘。呢排市道靜咗，就唔使排隊。一去到門口就有服務員熱情咁歡迎我哋。每位店員都好熱心好親切，令我們有好似皇帝式嘅享受。坐低服務員先放上前菜同水果，鍋底我們揀咗蕃茄濃湯同大骨湯，另外兩格要清水。大骨湯好有藥材味，蕃茄湯好濃郁。呢度嘅配料價錢唔貴，而且可以叫半份，所以叫咗好多款配料試。同行小朋友好開心，因為唔單止小朋友可以免醬料費同飲品費，姐姐仲送咗個兒童餐，另外仲有蒸水蛋同埋豬豬奶黃包，仲送咗個豬豬玩具畀佢，佢話下次一定要再嚟。