泰道 (已結業)

今日去左西貢拍拖，襯住平日冇咁多人可以悠閒一下，眨下眼就到左夜晚。兩個人無理由走去食海鮮，因為又食得唔多，所以就搵左間泰菜食。呢間泰菜地點較遠，因為近海邊，環境都幾舒適，有室內同室外座位，由於已經天黑，所以我地揀坐入面。菜式選擇都幾多，一般泰菜有既都有得食，好快我地就揀好左。清新特飲 $48先飲杯野消消暑，味道有少少西柚味。泰式三文魚(細) $188大大片的三文魚刺身，油脂分佈均勻，沾上特制醬汁味道帶點酸甜味，入口都好新鮮。冬蔭功明爐魚 $188平時食明爐魚加檸檬，不過呢度有冬蔭湯底，幾特別就試下，店內真係用冬蔭湯黎浸，所以入口係好濃郁既湯，味道唔會過辣而且好惹味，而魚肉就鮮嫩又夠大條。咖喱蟹 $428咖喱味道好正，又香又甜，蟹肉鮮甜可口，餐廳提供各式食蟹用具，所以都食得好方便。薄餅 $32咖喱實在太美味，勁多汁，所以唔想嘥，叫多左個薄餅黎配，薄餅薄身，雖然唔算好脆，但沾上咖喱味道好出。芒果糯米飯最後再吃甜品，糯米飯腍身充滿椰漿香味，暖暖的，芒果亦好甜，食完好滿足。

星期天，最鍾意遠離煩囂，所以就搵埋三五知己入西貢行逛……跟朋友行到海傍小俓既盡頭，竟然發現呢間隱世既泰國菜，我地最後急不及待入去食番餐好既打開菜牌，發現款式多之餘，價錢也合理最後我地叫左呢幾樣菜式:小食拼盤- 有雞翼，蝦餅，魚餅同春卷我個人而言，比較喜歡雞翼同蝦餅，因為蝦餅彈牙美味；而餐廳窩心地選用單骨雞翼，作為客人既我地食得相當舒服菠蘿炒飯- 看似很普通，但餐廳奉送腰果及肉鬆，加埋一齊食，真係好好味鹽燒盲鰽- 本來我唔太鍾意食魚，但用左其他醃料同鹽燒既方法之後， 好似冇左魚既腥味，仲幾好味添飲品: 龍眼冰由於我個人最喜歡龍眼，所以一個字-好味最後，仲要講下個環境……餐廳座位方面可揀坐室外或室內但室外面向沙灘，可吹海風之餘仲可以對住無敵海景，簡直100分

平日返工十分忙碌， 一星期仲有幾日要加班， 最期待就是星期六， 一於去遠離市區的地方放鬆一吓，今個weekend去了西貢減壓，經朋友介紹西貢有間好特別嘅泰國餐廳叫 「泰道」，據說環境一流，所以約了好友去大吃一頓吧。「泰道」位於西貢大網仔路沙下村9號地舖 ， 它是少數餐廳擁有無敵大海景。餐廳設有露天坐位，客人可以一邊食一邊享受美麗嘅海灘。室內坐位和地方也非常寬闊舒適， 坐在靠窗位置也可以看到美麗的海景。 室外坐位：室內環境：《酸辣青檸明爐魚  Lime Flavored Steamed Grey Mullet w/ Spicy and Sour Sauce》明爐魚可以話係代表泰國菜嘅經典菜式之一 ，配上各式各樣嘅香料， 包括有南薑、香茅、 芫荽、辣椒及青檸等材料煮成的酸辣青檸魚湯 ， 再加上肉碎，湯底特別香濃惹味。魚肉十分美味， 因有各類香料溶入魚中，令魚肉更加鮮甜， 魚身厚肉， 啖啖肉， 真爽！ 粉絲吸收了湯底的精華，真係令我回味無窮。 加上用明爐加熱配料， 更加惹味， 可讓客人滾著來吃，滾出濃濃的泰國風味。香噴噴嘅《 香芋雞肉焗飯  Baked Chicken Rice w/ Tar

中秋過後，縱然陽光普照，但天氣清爽，伴隨一絲絲秋風，感覺份外舒暢。襯假日到西貢走走，睇吓人放狗，賞心樂事。狗奴朋友大力推介西貢「泰道」，因為餐廳有相連沙灘，無敵海景，狗主子可以玩沙游水︰有室外進餐區，方便狗奴侍候主子。有頂蓬，落雨太陽亦唔怕。怕熱嗎? 大大把噴霧風扇侍候。西貢一向難搵位泊車，就算閒日，搵個合法車位泊都好難。呢度有停車場，食滿二百蚊，就可以以$10泊一個鐘，泊幾個鐘都冇問題，正! 除左食泰菜，環境亦都好「泰」風情，好似去左泰國咁。午餐時間嚟到，由於天氣好舒服，個個客人都爭住坐室外，室外啲枱係全FULL。門口竟然見到魏俊傑，仲埋做帶位同上菜，原來佢係老闆之一，真係好落力。店員安排我哋坐室內坐位，話如果室外有位會即時幫我地轉。室內都好舒適。不過我哋食到一半出面先有位，最終我哋都冇轉到位，唔緊要啦，下次吧~~泰國餐廳當然全部都係泰菜，我好鍾意食泰國菜架，今日我發板~【D02小食拼盤(大)$168】泰式魚餅、泰式春卷、香葉雞中翼、泰式蝦餅，每款大概六件，份量都幾多，而且每款都熱辣辣，係即炸嘅。泰式魚餅 - 魚膠打得彈牙，仲加入左其他香料、魚露、紅咖哩醬、檸檬葉等，好泰式風味。泰式

呢輪好掛住泰國 但抽到時間去 唯有留係香港嘆返個泰國菜🥘睇其他食評望到有泰道呢間有戶外位置 隔離仲係沙灘 太太太吸引喇😍😍😍😍😍位置唔難去 係海滂行到最入就係 大約由西貢市中心行到去要10分鐘到 好方便 又浪漫❤️去到餐廳緊係要求坐戶外喇 加上天氣又好 又有風 坐住係到食飯 絕對係一大享受🌞🌞首先叫左個大的小食拼盤 有蝦餅 魚餅 春卷 同雞翼 最喜愛都係食蝦餅再配泰式辣醬 簡直一流🤤🤤🤤再有泰國菜必點的細冬陰公湯 唔好意為細得好少 其實都有5-6碗 飲到飽飽 味道偏酸 唔會太辣 入面仲有好多蝦同菇Tim 好開胃呀🥘🥘仲有咖哩蟹 蟹蟹好大隻 仲好蟹肉🤤 咖哩汁唔會好辣 岩哂唔食得辣ge人 配簿餅一流 或者可以選擇配蒜蓉包 🦀🦀菠蘿炒飯間間都有 但呢間個菠蘿特別大 肉鬆同花生放係一邊 可以選擇自己食幾多落幾多 菠蘿又大粒又甜🍍🍍🍍 而且份量唔細 可以食到5碗左右 多人食就岩哂最後仲有鹽燒盲曹 用鹽燒個方法帶出魚ge鮮味 令到人食唔停口 而且唔細條又多肉少骨🐟🐟到左甜品喇 女人對甜品有第二個胃食幾多都唔怕 所以叫左二款 千層糕同椰汁西米糕🍮🍰椰汁西米糕直頭係重點 椰汁味重 糕夠新鮮唔會硬 仲好

32度的西貢比想像中涼爽，可能因為1號波😂 所以我地揀左室外對住個海食望住個海，聽住浪聲，吹住海風，食個椰青，好chilllll ahd餐具配合返個海，都係海洋風，勁靚囉咩事！細ge冬蔭功湯四個人分，每人飲左大概兩碗。偏酸不算辣，沒有太大油味，非常易入口，帶點後勁！怕辣人士（我）都飲到兩碗！而且好多料咖哩蟹都唔辣，好香濃咖哩味，配飯不錯，但原來佢地建議配包...不過我地已經叫左個飯了. 可能因為我地太污糟，食到成手都係，所以佢地送左兩次濕紙巾比我地抹手，勁貼心菠蘿海鮮炒飯，成隻菠蘿上真係好開心，有好多海鮮系入面！小食拼盤好味，一定要叫大！好抵食！勁多件野同好靚😂魚餅好正！我最中意食個蝦餅，彈牙彈牙彈牙！盲曹，因為唔知咩魚所以叫黎試下，淡淡鹽味唔會蓋過晒啲鮮魚肉味.千層同椰汁西米糕都好味，但如果只可以揀一樣，椰汁西米糕真係無得輸！勁椰香，唔似山面果啲咁實，佢係好流質狀，好滑身，裡面又一粒粒咁，總之就一定要試啦！仲有一樣野要推薦，就係佢地張台我稱佢為天空之鏡2.0倒映得勁清楚，影相好靚

沿著西貢海傍小徑走，來到餐廳。餐廳亮起點點燈飾，一路走來，都是很浪漫的氛圍。泰菜好吃是好吃，但總是欠了一些新鮮感。泰道的菜式就令我覺得有新奇之感，例如"黃金菜","皮蛋蝦餅"等，好想一窺它們的廬山真面目。泰道(黃金菜) ($148)一看菜名，我以為是一種菜的名稱，即是皇帝菜個friend. 但原來是炸通菜！通菜都拿來炸，真是聞所未聞呀！原本普通一碟炒通菜的份量，炸完的面積足足多了一倍。炸粉薄薄的一層，剛好包裹著通菜，所以一點都不油膩。炸粉呈金黃色，非常香脆，加上同樣爽脆的通菜，簡直是脆上加脆。炸通菜上加上一點點椒鹽，味道剛好，不會過鹹，好惹味。三五知己最好點一碟"送"啤酒呢！炸通菜旁更有青木瓜蝦仁沙律，青木瓜和蝦仁均爽口，加入魚露，味道酸中帶辣，很醒胃。香芋雞肉焗飯($128)7]未見過泰式焗飯用石鍋盛載的！真是好有誠意。焗飯keep 住熱度，即使跟朋友傾到忘形也不怕冷掉。而且"邊位"更有香脆的飯焦。焗飯材料豐富，啖啖都食到雞肉及芋頭。芋頭粉粉的，且口感軟糯，挺好吃。雞肉腍滑，更加入了香脆的腰果。一窩焗飯有多重口感。黃咖喱牛腩($128)這裡的咖哩選擇好flexible, 先選不同辣度

沙田友相約食飯，唔想去啲多人既地方，又入左西貢！搬左入新界之後成日入西貢我會形容依間餐廳既location係"in the middle of nowhere！" 如果要路痴既我自己搭車入來一定迷路好彩朋友們揸車入來，行行下大路突然轉左入條小路，駛入啲就望到海邊，但個刻都未覺得依個位置有餐廳，然後有個疑似店員既人問我地「係咪態度？」我哋諗左一諗「丫，係泰道」，佢就會指我地去一個方向去嗰邊泊車。之後行返去疑似店員個度，指我地直行就會見到間餐廳喇！Menu多圖容易睇，我地5人叫左9樣野⋯⋯賣相：精緻吸引，分量夠大食物：生蝦新鮮，個辣汁正。柚子沙律好難好難食，正常。冬蔭公足料，唔太辣，岩我依啲唔食得好辣既朋友！小食併盤我最鐘意蝦餅，彈牙唔油膩。雜菜煲，好適合健康既朋友，啲粉絲好好味。黃金菜，似天婦羅無左層厚粉，好特別！從未食過依個質地既菜，值得一試！燒雞（唔記得影相），比想像中好，唔太乾。金邊粉，已經食到飽飽地，但我都食左一大碗，泰國味道！燒烏頭，唔太食魚既花先生都話唔錯！服務：上菜都算快，係條燒烏頭等到差不多食哂其他餸先來環境：非常正！因為朋友怕熱，所以坐鋪入面，但向外望都會見到海邊有人玩

今晚慶祝青梅竹馬的朋友仔生日，因為佢會揸車黎接我一起前往吃飯，所以我特意搜尋適合揸車吃飯的地方，無意中發現明星魏俊傑在西貢開左間餐廳有泊車場，再看看Facebook page，看到環境超美❤️ ❤️加上生日月份有9折優惠，岩曬我地，立即訂位並講明要坐室外😍😍😍跟著導航定位大約七點到達，泊車的地方正正就是沙灘旁邊，沿路欣賞風景行去餐廳整條長廊都掛著小燈串，加上海景真的被眼前的環境吸引，漂亮得不知怎麼形容，辛苦工作一整天，看到這個畫面心情頓時放鬆曬 ！想有情調一定要坐室外 ❤️以為在這個環境下價格會較昂貴，意外地價格很實惠，款式也挺多！飲品點了椰青和芒果沙冰。椰青又大又清甜多汁，超好喝朋友仔的芒果冰沙也不錯，大大杯，入口香滑，重有微微香料味道～吃泰國菜必點泰式生蝦，肉質厚實咬落爽口彈牙，醬汁微辣，沾上後口感增加！鹽燒牛舌串厚身入味，雖吃到其中有一塊較韌，難咀嚼，但其餘都非常軟腍，口感很好，至於醬汁方面，沙嗲醬花生味香濃，只厭不夠惹味泰式金邊粉份量多，有蝦，芽菜，韮菜，花生碎等配料，蝦肉咬落爽彈，金邊粉味道酸酸甜甜好開胃，但炒得較為濕和黏口～蝦醬通菜炒得香口，鮮嫰爽口，好惹味～員工推介的泰式燒雞，

上次訂位食過一次好好食，所以即興想去食，點知去到見有位，但待應話冇訂位唔比我地食。所以唔會再去，待應個態度好差。所以呢間舖頭只是做訂位客生意。不做冇訂位客人的生意。

記得多年前到泰國華欣旅行，一面聽住海浪聲，一面品嚐泰菜，十分難忘。回港後的確想再回味這個感覺。最近終於發現這個地方。沿住西貢市中心的海邊行，你會發現餐廳。室外的座位於晚上掛滿燈，望住海邊，微風輕輕吹過，加上海水的味道，非常舒服。餐廳的泰菜選舉豐富，亦有些fusion菜式，有新鮮感。泰式三文魚(細) $188三文魚刺身配以生蝦的醬汁，變成泰式的食法，出來的效果出奇地好。青綠色的泰式醬與酸酸辣辣，能夠帶出三文魚刺身的鮮味，而且三文魚刺身夠大件，有驚喜。咖喱蟹 $428咖喱蟹賣相吸引，蟹十分大隻，啖啖肉，肉質結實。咖哩亦十分出色，香濃咖哩味，加上適量的辣度，令咖喱蟹惹味又開胃。如果不想浪費咖喱汁，可以另加薄餅($32)，煙韌又帶點香脆，是咖哩的最佳拍擋。椰青 $58泰菜的必然選擇。椰青十分大個，椰子水清甜，可以中和辣味，還有清爽椰子肉。芒果糯米飯用上新鮮芒果，配熱辣辣的糯米，加上香甜椰汁，口感煙煙韌韌，椰香味濃。用餐過後的確被這個環境吸引，絕對值得多坐一會，聽聽海浪聲，享受一下！

星期日好天無理由唔去郊外行下嘅☀️，唔想北上唔想去離島咁遠但又想有啲氣氛相信西貢絕對係個好選擇🏝～有渡假feel仲有大大小小的汪汪，仲有海景，心曠神怡到呢🈴～有靚境當然要有美食嘅，今日隊長B帶大家黎到呢度😚！《泰道》—享受美食應有的態度😼～ 老闆係香港人一定識嘅魏俊傑，平時拍戲好有要求嘅佢，原來對嘢食都好講究🙇🏼～好似呢個餐廳，喺西貢海旁行入去，繞過停車場同燒烤場⛺️，有露天同室內座位，唔介意熱的最嘆其實係坐出面，吹住海風品嚐美食✨，人生在世莫過於此～----------------------先來兩杯消暑凍飲，奇異果冰唔算太甜🥝，亦唔會酸，粒粒奇異果籽同沙冰喝下去是很爽的～椰汁冰很濃郁，香濃椰子味很配合夏天的感覺🔥～ 要試一間泰菜做得好唔好，泰式金邊粉可算是其中一個要點🌺～呢度嘅金邊粉可是香濃味十足，粉質相對較濕身，完全因為醬汁巧妙滲到每絲粉條中👨🏼‍🍳，鑊氣很夠，花生碎同蝦乾帶來絕頂的惹味，不算太咸，加上新鮮蝦伴碟，可算是很好功夫的金邊粉💯～ 咁遠黎到呢度緊係要試新野嘅🙈，就try try呢個「爆炸大頭蝦」同「泰道」啦😻😻！兩樣菜式上菜時都係令人驚訝的，實在太大碟啦！而且賣相好澎湃🤤

好多年沒有來西貢，打風後的假期入西貢貢一貢，今次特登搵間特色餐廳食泰國嘢，平時喺市中心嘅泰國餐廳好細間又多人，唔想咁嘈咁逼，去左遠少少嘅泰道，呢度唔止靜，地方大仲有埋沙灘，環境浪漫，一邊食一邊吹吹海風，簡直係寫意人生，餐廳裏的餐牌絕大部分是香港人熟悉的泰菜，圖文並茂，個樣相比一般泰國菜館精緻，食物水準亦唔錯，都幾值得黎，尤其是拍拖嘅情侶朋友說這個芒果糯米非常好味，有d懷疑有冇咁誇張？賣相非常有泰式風味，糯米吸收了椰汁，更加香糯，加埋香甜嘅芒果，淋埋椰汁食落有絲絲嘅椰香味又有香口感，食晒成個都唔漏完全估唔到黃金菜入面面係通菜，冇諗過通菜可以咁整，沾粉而炸，麵衣炸成金黃色好好食好入味，好香脆泰式酸辣蝦好大隻，新鮮爽口彈牙，再搭配泰味醬，層次更豐富夏天最好的消暑飲品必定是椰青，有淡淡椰子香氣，甜度適中，飲落好清甜

剛剛回港不久，朋友幫我去洗塵，毅然決定入西貢，睇睇OpenRice ，有間野叫'泰道'，見環境氣氛唔錯，就走咗入去食。環境擺設的確唔錯，好有氣氛，特別是坐係出面，雖然夜深天黑，但餐廳掉著一串一串小燈泡，好像一顆一顆星星，的確有心思。首先點了一個小的冬蔭功，料就十分足，但一個正宗冬蔭功，應有甜鮮酸辣，我個人就認為只有酸辣味，甜鮮欠奉，香茅略重，飲唔到鮮蝦的味道。蠔餅就比較差，蠔沒有蠔味，成個餅比較濕、散，儘管點醬料也無補於事。那個32蚊既薄餅，可以不點，乾，硬⋯⋯金邊粉⋯和我一向食開既完全唔同，看來應該不是正宗的，但是味道雖不中亦不遠，是一個不錯的炒粉，甜酸咸並重平均，問題是炒得太濕。我們還有點炒飯，我也忘記了影相，名子也忘記，味道唔錯既，略咸，總體不錯小食拼盤，炸雞翼就太乾，蝦餅雖味道唔錯，但口感一般，其他就味道唔錯，尚算合格。那個烤雞是最好的，首先是啖啖肉，鮮嫩，烤得剛剛好，可惜香港地好難搵到有雞味，如用簡單做法，例如烤焗蒸，鮮雞味係好重要，呢隻雞雖有雞味，但不足，但非戰之罪，係香港食既算是突出，味道好，但略多油。總睇，味道幾好，環境唔錯。