泰道 (已結業)

今日去左西貢拍拖，襯住平日冇咁多人可以悠閒一下，眨下眼就到左夜晚。兩個人無理由走去食海鮮，因為又食得唔多，所以就搵左間泰菜食。呢間泰菜地點較遠，因為近海邊，環境都幾舒適，有室內同室外座位，由於已經天黑，所以我地揀坐入面。菜式選擇都幾多，一般泰菜有既都有得食，好快我地就揀好左。清新特飲 $48先飲杯野消消暑，味道有少少西柚味。泰式三文魚(細) $188大大片的三文魚刺身，油脂分佈均勻，沾上特制醬汁味道帶點酸甜味，入口都好新鮮。冬蔭功明爐魚 $188平時食明爐魚加檸檬，不過呢度有冬蔭湯底，幾特別就試下，店內真係用冬蔭湯黎浸，所以入口係好濃郁既湯，味道唔會過辣而且好惹味，而魚肉就鮮嫩又夠大條。咖喱蟹 $428咖喱味道好正，又香又甜，蟹肉鮮甜可口，餐廳提供各式食蟹用具，所以都食得好方便。薄餅 $32咖喱實在太美味，勁多汁，所以唔想嘥，叫多左個薄餅黎配，薄餅薄身，雖然唔算好脆，但沾上咖喱味道好出。芒果糯米飯最後再吃甜品，糯米飯腍身充滿椰漿香味，暖暖的，芒果亦好甜，食完好滿足。