泰道 (已結業)

前排看雜誌見到介紹呢間餐廳已經很想去，今日有朋友得閒就即去啦，去到要求坐室外，枱與枱間非常濶落。其中明星老闆還出來和各人影相叫了很多不同餸菜，生蝦，串燒，焗飯，青咖哩，燒雞，蠔仔煎，芒果羅米飯，味道幾好，價錢雖然有點貴，但係能夠食得很舒服，可以慢慢食，不會比人趕走，很值得一去

這天我倆在特別的日子, 走入西貢閒閒逛逛, 還特別訂了同事推介的泰國餐廳浪浪漫漫地吃一餐。雖然餐廳離西貢市中心有點遠, 約有15分鐘的腳程。無疑渣車去是方便很多(同事是有車有樓的西項貢街坊), 不過沿着公園和海邊走也很易找到。走進餐廳範圍已覺得氣氛不錯, 漾溢着輕鬆氣息, 感覺就像在泰國渡假酒店的POOLSIDE RESTAURANT。點點的小吊燈飾加上初秋的涼風, 這晚坐在露天茶座晚餐好不舒服呢~我們好不容易才決定是晚的食物, 因為選擇餸菜十分多, 而且煮法也頗為創新呢~平時在泰國菜館最常點飛天通菜, 這晚比這兒的特色招牌吸引了, 泰道(黃金菜)這個黃金菜送上來時真的有點嚇一跳, 除了是份量十分多, 原來還除有木瓜絲蝦沙律呢~黃金菜原來是炸菠菜, 真是第一次是這樣吃菜, 口感十分有趣。出面有金黃的脆漿, 脆卜卜的包着粗粗的軟滑的菠菜, 真正外脆內軟, 配飯或送酒也很適合。而沙律中的蝦仁也很有質素, 肉爽彈牙, 亦不會被青檸汁等完全蓋過了蝦的甜, 力上木瓜絲和紅椒粒, 帶點微辣更開胃。被稱為咖喱之王, 我們當然要試試這個馬沙文咖喱牛肉馬沙文咖喱一點也不辣, 椰汁味較重, 味道較濃, 但

今日同朋友入西貢食飯 知道附近有一間好出名嘅泰國餐廳 所以過咗嚟食 我知道呢間餐廳係因為朋友推介 我有幾個朋友食過食完都讚不絕口的確食完，真係食過返尋味。我哋夜晚去到就冇海景睇，但係吹住海風食嘢真係一番享受！最好食嘅係海南雞、炒飯同埋芒果糯米飯！芒果糯米飯10分正宗， 唔使飛到泰國都已經可以係度食到， 可以係話好食過泰國甘制！芒果好新鮮！將啲椰奶淋落糯米飯上面，絕配！炒飯真係睇落普通，食落真係一啲都唔普通！佢嘅炒飯一啲都唔會油膩，兩個人食份量啱啱好！炒嘅飯10分有鑊氣！海南雞就係成晚嘅焦點！我啲朋友去食冇叫過海南雞，係我自己想食所以就嗌咗黎食，佢啲雞真係好新鮮完全冇雪藏味，就連平時我唔鍾意食嘅胸口肉我都食埋！下次過嚟我一定會再食多一次海南雞。呢度環境好正，侍應服務態度十分之好！呢餐食咗千幾蚊，但係我覺得抵比！

今日同朋友揸車入嚟西貢食泰道餐廳，呢間餐廳我已經一早book定左，真心講好期待！因為我啲朋友去過都話超級好食，為食驚我聽完梗係唔放過呢個美食之旅啦！我哋一行兩個人嘅嘢食唔算太多但係真係食到好鬼飽！我哋叫咗兩杯嘢飲，海南雞，粉絲蟹，雪糕甜品！呢碟炒飯冇得頂，睇落好似好普通，但係真係好好味呀，佢好夠鍋氣，平時出邊食嘅炒飯都會好油膩但係佢完全唔會！最好食最好食最好食係海南雞！我覺得最好食嘅海南雞莫過於我去馬來西亞吃既海南雞，係香港好難食到正宗嘅海南雞！但係我今次食到左！我直情覺得佢仲好食過馬來西亞好多好多！我平時覺得啲雞皮好油膩唔想食，但係今次我連雞皮都食埋！因為佢真係超級正呀！咬落去好軟熟，好香海南雞香味！食完直情想再叫過一碟！粉絲蟹都好正，佢啲蟹好鮮甜！係價錢上有少少貴！不過都覺得值得食！

每逢週未，我也總愛駕著車，遠離市區，希望找一個比較平靜的地方休息一下，放空一下，奈何香港真的是地小人多，可以選擇的地方，實在太少。身為九龍人既我，有時都會覺得過海去港島比較遠，所以黃金海岸，或者西貢，就會係我最好既選擇。平時我都會揀去西貢市中心，食下海鮮，或者找一間意大利餐廳，輕輕鬆鬆吃一頓，但聽朋友介紹，原來西貢除了市中心，還有另一個樂土，所以今次決定一試。餐廳位於沙下村，離市中心大概2分鐘的車程，不算是很方便的位置，但正正因為不太方便，人流會比較少。餐廳外有專用停車場，但要注意的是停車場並非免費，但價錢也算是幾優惠，只要給店員蓋印，便可享有每小時＄10的泊車費優惠 （原價 ＄30）。就是這張泊車單，每小時足足平了＄20，和街邊泊車錶位也相差不遠。餐廳命名為「泰道」，有一點武林門派的味道。餐廳設有室外室內兩種座位，而喜愛親近大自然的我當然會選室外啦。雖然是日天色不算很好，但可以看著這樣的大海進餐，感覺很chill。餐廳外便是一個小海灘，人唔算多，而特別之處在於這裡可以租借獨木舟，和其它各式各樣的水上活動，下次再訪一定會一試。餐廳的餐具用料也十分上乘，很厚身，讓人感覺高級有氣派。餐廳提

我認為西貢係香港的後花園，有山有水，有花有草，無錢無假但又想遠離煩囂，最好就係入黎西貢行下，之前睇報章介紹，記得有位男藝人係西貢開左間泰國菜，就專登入黎試下餐廳大多都係室外座位，有咁大個無敵海景就梗係唔可以浪費，是日秋風送爽，全部客人都選擇坐室外，而我地都唔例外，吹住海風，望下人玩水上活動，放下空，放假本應如此，應該係話，人生本應如此好喜歡呢個小牌子寫的短短幾句說話，餐廳有WIFI提供，現代人電話不離手，經常見到就算一班朋友或一對情侶食飯，大家都係各自係度禁電話，其實咁樣，又何必坐埋一齊食飯呢，以後有部電話陪伴都夠啦，希望大家無論咩情況，都可以減少同電話「談情」吧一路用餐，我發現餐廳用上的餐具唔係一般貨色，而係有番咁下上質量的燒瓷，喜歡由上至下都一絲不苟的餐廳椰青 ($58)食泰國菜唔少得飲番個椰青，椰青整個蓋的椰肉已經起出方便客人食用，大大個椰青盛著滿滿又清甜的椰水，椰肉好容易就可以起出黎，最後我將所有椰肉都食清地道泰式魚肚羹 ($188)我地兩個都係湯怪，見到呢道特色湯點可以錯過，泰式魚肚羹最不同的是加入左熟蛋，魚肚同冬菇都係厚厚的那種，味道有少少似碗仔翅，由於是日有點涼，飲完之後

朋友介紹西貢開咗間新派泰北菜，所以今日專程來試吓。呢度星期一至5有得免費泊車，而且喺正餐廳隔離，非常方便。餐廳內部設計得好有典雅氣息，但因為呢排天氣開始轉涼，所以我哋揀咗坐露天位置都唔怕熱，而且景色仲好靚添。勾起左去泰國華欣嘅回憶哈哈。先叫咗一個經理推薦嘅泰北菜式，黃金菜配蝦，黃金菜雖然以炸嘅形式烹調，但食落口唔覺油膩，健康得來又有食煎炸野嘅快感。咖喱蟹嘅咖喱相信遷就左香港人嘅口味，咖喱唔會太辣，亦唔會濃到遮蓋左蟹肉嘅鮮味。芒果糯米飯亦都值得推薦，溫軟嘅糯米飯配上清甜嘅芒果，為今晚晚餐畫上一個值得回味嘅句號。

今晚遊車河游到西貢呢頭，喺路邊見到呢間隱蔽得來又好靚嘅餐廳，一於試試佢！ ！ ！可能時間仲早，間餐廳比較少人，我哋揀咗坐出面，因為可以對住個海，啲風吹過嚟真係好舒服啊！我好鍾意餐廳嘅燈飾，唔知點解覺得好有聖誕氣氛哈哈。泰國菜梗係要叫咖喱蟹啦，呢度嘅咖喱蟹整得好入味，唔會過多蛋漿，而且最重要嘅主角非常新鮮又大隻，我哋兩個人每個人都可以分到一隻大大嘅蟹鉗好正啊。另外叫咗個餐廳推薦嘅黃金菜，原來係炸通菜，幾爽口幾特別，仲有個沙律蝦半碟。不過太大碟啦，兩個人真係食唔晒。飯桶嘅我哋當然仲要嗌返個飯啦，我哋帶咗個蝦醬炒飯，蝦醬味夠濃，再配返個椰青，good good最後！！最愛的芒果糯米飯！！！芒果好甜，糯米飯夠熱配上凍凍的椰漿，好幸福呀～～

Happy Friday 決定跟幾個好友一齊去西貢食泰國菜！食泰國菜點解要入西貢食？因為有靚景囉😂坐在海邊，一邊看海一邊食泰國菜感覺好似身在外地一樣，好有渡假的感覺！除了戶外的海邊座位之外，其實還有室內座位可以選擇喔！坐定定聽店員為我們介紹了一些店內的招牌菜，我們都聽到食指大動，所以馬上點菜！·等等食的菜式都會有點辣，所以飲品方面點了清新特飲，不會有飽脹和膩的感覺，入口很清新！小食拼盤（大）$168一共有4款小食（炸蝦餅、雞中翼、泰式春卷、魚餅）全部都好惹味，而當中我最喜歡的是蝦餅、魚餅則是最有驚喜！冬蔭功湯（大）$188說到泰國菜就非冬蔭功湯莫屬了！味道正宗又足料，飲落既不會太辣或太酸～最貼心的一定是他們用火爐將湯Keep住保溫醉貓炒牛河 $118這也是店員推薦之一，如果要食炒粉類的話比較提議大家試試看！這個炒河除了牛肉還可以按個人的喜好選擇雞肉或者豬肉～粉絲蟹煲 $428超大隻蟹，而且啖啖肉...粉絲仲好入味添！酸辣青檸明爐魚 $188由店員幫忙加入醬汁、同樣使用火爐Keep溫...味道很清新開胃、粉絲同樣入味！而魚肉本身既新鮮又嫩滑！但說到泰道的話，一定要食泰式燒雞$268因為即

Happy Friday當然要跟先生及好友吃一頓好的，以慰勞一星期的忙碌。要好好享受生活，一定有一個好的生活「泰道」! 香港有很多泰國菜，但「泰道」肯定是一間令人回味及難忘的餐廳! 因為在這裡，可以享受世外桃源般的環境，還有份量夠、品質高的泰國食物。「泰道」位於西貢，跟西貢市中心有一段小距離，駕車去會比較方便，先生方假，乖乖做柴可夫斯基，接載我跟好友往西貢去! 一落車，抬頭已看到漫天星宿，遠離城市的感覺真的非常美好。差點以為自己不在香港啊!餐廳有室內也有戶外，戶外近海，非常貼近大自然，聽著海浪聲吃晚飯，舒服又浪漫! 遠離塵囂的感覺就是要點椰青及特飲! 小食拼盤最適合貪心的人，春卷、蝦餅都非常惹味開邊雞翼好細心，不會吃得太失禮冬陰功湯是吃泰菜必點的，餐廳細心的準備爐，一直把湯熱著，更好喝呢! 湯料也非常足，蝦夠大隻泰式燒雞必吃! 店員說雞隻用椰子水醃過，所以雞肉隱約有椰香，雞皮燒得很脆，但雞肉很嫩，一吃不可收拾呢!粉絲蟹煲成為全晚焦點，蟹夠大隻，粉絲也多，粉絲入晒味，大家都搶著吃呢! 蟹大大隻，啖啖肉!看蟹鉗便知道蟹有多大吧! 肉很鮮味，正!酸辣青檸明爐魚，酸酸辣辣非常開胃，同樣是有好多

真的好掛住泰國呀.......好耐無去了。為了一解相思之苦，今晚特意搵來一間無論環境，裝飾都充滿泰式風味既餐廳食晚餐。這間餐廳就是位於西貢大網仔路沙下村的「泰道」環境同裝飾都好泰國FEEL架，一入到黎真係好似去左渡假一樣，什麼煩惱都唔記得了介紹完餐廳，就梗係到主角啦 ~~~ 就係今晚所揀選既泰菜喇1. 小食併盤(大) $168(魚餅，春卷，蝦餅，雞翼)魚餅: 煎得剛剛好，唔會過燶春卷: 一上檯已經剪開左一半，方便進食，貼心啊。餡料以菜為主，感覺健康。蝦缾:雖然是炸的，但較乾身，沒有太多油分。而且蝦肉彈牙爽口，配埋泰式酸辣醬，一流雞翼:都係炸，但炸完都係乾身，且香口，甜甜地，好味。重點係單骨，好細心啊。2.  冬蔭公湯 (大) $188呢個湯好好味，酸辣度剛剛好，湯料亦都好足量好地道啊........同係泰國飲既味道好相似丫。3.  醉貓炒河(牛) $118炒河炒得乾身，一點都唔油膩。牛肉軟淋，唔un。4. 泰式燒雞 (1隻) $268份量算多，燒完後，外皮脆口，雞肉嫩滑多汁，唔un，點上泰式酸辣醬來食，更滋味丫。據說餐廳是用椰子水浸左一整晚，所以燒出黎會有椰香味，好惹味，食到停唔到口丫

昨天去了位於西貢大網仔路沙下村9號地舖的泰道泰國菜館，去這裡最好自己駕車，因為到達的公共交通工具不多，所以這裡更貼近大自然，住這裡附近外國人都比較多。這裡貼近沙灘，基本上餐廳行條樓梯就是沙灘了，環境相當舒服，在這裡看月光真的一流。我們點了小食拼盤、冬蔭功湯、泰式燒雞、醉貓炒河、酸辣青檸明爐魚、粉絲蟹煲，食品點了椰青和特飲等。小食拼盤合與朋友開心分享，當中的蝦餅非常彈牙。冬蔭功湯夠酸辣刺激，而且十分足料，地下有火一路坐熱，熱騰騰的湯才好喝。泰式燒雞，用椰子水醃制過，所以有股甜的椰香味，外皮燒得看脆，內裡肉質嫰滑。醉貓炒河，用了上等牛柳肉炒，所以十分好味酸辣青檸明爐魚，魚好多條，加上酸辣青檸汁好開胃。粉絲蟹煲是重頭戲，肉蟹十分大隻，好厚肉，喜歡吃蟹的不要錯過總結：在這郊外的地方，一邊喝椰青，一邊看著海景吃泰國菜，真是十分愜意。

妹妹生日我地一家大細特登入到西貢食泰國野首先值得一讚既係環境真係好乾淨舒適因為我地多人老豆怕熱就坐左最入面擺設連d碗碟都好靚果日仲見到好多情侶坐出面望住沙灘食好有氣氛另外服務員好nice推薦左幾個皇牌菜俾我地我地點左咖哩蟹 烤薄餅 蒜蓉包 煎蠔餅泰式燒雞 飛天通菜 燒盲曹幾樣野味道都唔錯 特別係個飛天通菜 其實姐係炸通菜好特別脆卜卜好香口另外燒雞都好食 雞肉好嫩其實一開始想食海南雞 可惜無哂但燒雞都唔錯只係泰國野黎講 價錢係幾貴 五個人食左千五蚊到 不過都值得一試

夏天既weekend大部份都係郊外度過，最常去既一定係西貢！今日又同朋友貢入黎諗住去沙下海灘玩水，係碼頭行入黎見到有泰國野喎，睇落唔錯就入去試試。熱辣辣既天氣，青檸梳打係走唔甩既，透心涼～前菜叫左個燒牛肉沙津，辣度岩岩好，牛肉都係岩岩熟keep到鮮嫩。作為前菜份量係幾大既，抵食呀XD 食得泰國野就一定要食明爐魚，呢度仲係自創既冬蔭公魚，黎到時會將湯淋係面，可以一路食魚一路飲湯～冬蔭公夠酸夠辣，同條魚都好夾。店員推介辣椒膏炒老虎蝦，估唔到咁大碟！隻隻蝦都大過隻手，加埋香口既辣椒膏勁惹味！！最尾整多個芒果糯米飯作結，滿足～

行經西貢小路，發現近海靚景有得坐outside就甘選擇入左哩間餐廳。秋風起，對住藍天白雲，有人玩下風帆，嘆住泰菜，爽丫丫，這就是泰道吧menu成吋厚，揀左好耐，款式都好多下貝殼形的碟子，小心機，好配合海邊美景。梗係要order經典咖喱炒蟹啦，夠大隻，四個女仔差啲食晒，咖喱汁都撈埋，但可以再辣啲就更加好了。菠蘿炒飯，好鐘意腰果同肉鬆另上，客人自行配上冬陰功湯好正正正，呢個係細size， 四個女仔每人飲到三碗， 辣味啱啱好， 唔會嗆喉泰式拼盤， 全部都夠脆 ,最愛魚餅香煎盲曹， 夠滑一啲都唔腥椰青，青肉好滑椰汁糕 千層糕，兩款都老实說， 食過最好味的泰式甜品