146
11
4
電話號碼
27926189
27924990
開飯介紹
餐廳設於大網仔海灘岸邊,設室內及室外座位。主打坊間少見的泰北菜,如泰式香燒雞、香茅三文魚鮫等。菜式全由泰國廚師主理,而香料亦專程由清邁等地運至。 繼續閱讀
營業時間
今日營業
12:00 - 23:00
星期一
12:00 - 22:30
星期二至五
12:00 - 23:00
星期六至日
11:30 - 23:00
公眾假期
11:30 - 23:00
付款方式
Visa Master 支付寶 現金 AE 銀聯 微信支付
座位數目
150
其他資料
網上訂座
Wi-Fi
酒精飲品
自帶酒水
切餅費
泊車
加一服務費
海景景觀
室外座位
有關獎賞計劃
食評 (175)
等級4 2019-12-20
449 瀏覽
半年前有一晚都同過男朋友嚟過依度食記得嗰次係第一次食係為咗慶祝周年活動嚟食第一次嚟呢間餐廳嘅印象都唔錯所以宜家冬天冇咁熱,都再次同男朋友過嚟再食臨近聖誕,都換上聖誕嘅佈置加埋本身有嘅燈飾,充滿着濃厚嘅氣氛呢一日天氣唔算好凍,所以我哋坐咗喺戶外坐底之後,我地就點左蒜香軟殼蟹 $138好耐冇食過軟殼蟹,所以見到有都即刻叫咗佢嘅蒜香整到好似避風塘炒蟹咁食落去好香口串燒沙嗲豬(兩串) $38豬肉一啲都唔韌配上泰式串燒醬汁,味道好夾好好味串燒沙嗲羊(兩串) $38至於羊就帶少少酥肉質好稔好多汁椰汁雞湯(細) $148雖然我哋叫咗細碗,但係其實都唔細份量都唔少,當店員拎到過黎既時候我哋已經聞到一陣陣熟悉嘅味道因為我哋之前去泰國嘅時候成日都有飲依個湯味道真係同係泰國食既一模一樣,飲到停唔到口泰式蝦醬炒飯 $128佢依度個炒飯同出面食有啲唔同炒飯上面仲鋪咗個蛋,仲有幾塊好似臘腸嘅肉令個飯有多重口感鹹肉炒西蘭花 $118食完飯又飲完湯梗係叫番個菜佢既菜份量都幾多我哋最後有啲食唔晒,要打包返屋企食 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-05
560 瀏覽
一家人去搵飯食, 首選去西貢因為仲有清新空氣~第一次黎到泰道, 原來沿海有一列座位, 可以享受海風又有得睇人爬龍舟!呢到有能手菜 - 黃金菜原來係炸好的菜, 相信脆又唔油, 好香口, 仲好大份!!蒜香軟殼蟹 - 軟殼蟹大隻, 都幾好肉, 蟹腳勁脆, 小朋友必選!馬莎文咖喱牛坑腩(配薄餅)甜甜的咖喱 +上勁林的牛坑腩, 牛坑腩帶點肥, 所以好入味好林, 薄餅好脆, 用薄餅沾上咖喱超正! 用黎送飯更正!蒜蓉包 - 一份四件, 蒜蓉牛油有點濃, 外脆內軟~鹽燒盲曹 - 即燒要花點時間, 皮好香, 肉好嫩, 咸香適中, 不錯不錯!泰式濕炒河 - 出付意料的正! 牛肉可能有A4 A5級數!!! 肉嫩 濃肉味~ 濕炒條條均勻, 一定要試!泰式椰青海鮮焗飯 - 用上濃椰醬去焗, 大量的海鮮, 濕濕地都幾好~ 芒果糯米飯 - 暖暖地, 秋冬食都岩~ 糯米飯有椰汁味, 軟糯感岩岩好, 芒果好甜, 亦高水準~WAITER態度好好, 對動物同小朋友都好NICE, 有質素!可以ENCORE! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-23
569 瀏覽
我相信如果唔係朋友搵到呢間嘢兼車我嚟, 我呢世都唔會知道原來呢度有個海灣會, 仲要有酒吧、泰菜、BBQ添~ 果晚大家都係第一次, 好不容易搵到去海灣會, 但佢門口個指示牌又唔清唔楚, 都唔知架車應該泊响邊? 又唔知海灣會係咪好似人地果d遊艇會咁, 要會員先可以去? 咁啱見到有個着住製服的男人, 想問問佢應該泊响邊, 但佢叫我地等等, 等到佢招呼完個客攞車, 然後返返入去都冇理我地, 咁我地又以為佢係海灣會d人, 唔理我地呢d街人外人, 於是打電話去問返究竟點泊, 泊邊? 又係講到唔清唔楚, 搞咗差不多十分鐘, 最終見到再入d有大空地, 有理冇理泊咗先講, 起碼唔會阻住村民個門口先...............明明睇OR個地址係呢度, 但就淨係見到海灣會個酒吧, 諗住厚住面片入去問路, 但一入到去見到不遠處係似泰式餐廳, 再行入d, 就見到"泰道", 仲要見到頭先唔理我地果條友, 原來佢就係呢度員工, 枉呢間要叫"泰道", 但d員工對人d"態度"咁冷淡...................原來唔只頭先果個男員工差, 負責室內果個女員工都唔好得去邊, 我地坐低都好幾分鐘, 都唔比水唔比餐牌, 問佢又話等陣, 一等又等咗起碼5分鐘, 再追先比餐牌, 到我地睇咗餐牌都未由頭睇到尾, 又追問係咪可以落單? 乜佢好趕時間咩? 推咗一次話仲要睇睇, 轉頭冇耐又追, 咁咪一路睇一路叫, 滿足佢係都要落單的願望................等咗差不多十分鐘, 最先嚟的係飲品, 叫咗芒果沙冰同火龍果沙冰試試, 都唔太差, 似係真係用果肉去打成, 又冇特別溝糖水, 因為都唔係太甜, 似係生果本身的味道~ 不過見隔離枱杯沙冰好似大杯d, 有個山形, 我地果d係平地, 倒塌咗咁樣................根無住過多幾分鐘, 開始陸續上d輕便菜式, 好似薄餅、炸軟殼蟹、串燒............. 薄餅 -> 仲以為好大塊, 原來一客得果4塊仔, 仲要係細細塊, 我估原整有7-8"左右, 再切開4塊, 係熱辣辣, 但我要等埋個咖哩, 所以等到凍哂, 不過好彩凍咗都唔會變硬, 只係冇咁鬆脆啫~ 炸軟殼蟹 -> 估計應該都係得一只, 但算幾大只, 分開咗十舊八舊, 新鮮炸起, 好香好脆, 就算攤凍哂, 竟然都仲脆, 唔會變硬, 而且佢d粉唔係好厚~ 串燒 -> 好在佢呢度一客係2串, 所以可以豬、牛、雞各一客share食, 不過佢個沙爹將就少咗d, 6串嘢都係得一碟仔, 唯有慳住用, 廢事叫佢比多碟, 因為分分鐘食哂佢都未拎嚟~ 串燒燒得唔會太乾, 不過牛同豬都un咗少少, 要咬耐d先吞到, 冇牙就難咬, 只可以食雞串~食到七七八八, 開始有其他比較需時的蝦餅、什菜粉絲煲、燒魷魚、咖哩雞上埋............. 蝦餅 -> 唔知係蝦太多定粉唔夠, 唔係好實淨, 又唔夠彈牙, 唔太吸引~ 什菜粉絲煲 -> 竟然係用韓式石頭飯果d煲去裝, 好處係夠熱同保溫, 但壞處係d粉絲比佢黏實哂~ 味道開初食係唔差, 幾入夠味, 但開始冇咁熱時, 會覺得超重口味, 機乎可以食一啖送一碗飯~ 燒魷魚 -> 燒到好香, 但又唔會乾身, 如果用嚟送酒真係一流~ 咖哩雞 -> 其實應該係最快可以上的, 基本上d餸都係煮好哂, d汁又係整定, 只不過收到order整返熱啫, 都唔知點解咁耐? 通常d咖哩雞都係雞脾砍件, 但呢度竟然係全雞胸肉, 而且汁多過龍, 雞肉的份量仲少過洋蔥, 真係唔抵食, 雖然味道唔差, 而且唔辣啱我, 如何調整下個比例會好d~已經食到飽哂, 我地果碟干炒肉片河仲以為佢漏咗單, 因為聽到隔離枱都有嘢漏單, 諗住唔追佢, 由佢漏單就算, 反正都食飽, 再嚟反而食唔落, 點知講完唔夠5分鐘就嚟, 不過嚟錯咗牛肉, 其實想乘機叫佢取消, 但又好似好衰, 驚人地以為我地唔想食先話佢嚟錯牛肉, 最終佢炒過碟啱的豬肉, 但真係實在太飽, 打包咗~其實呢度如果你為咗吹水, 而又唔想有人打擾, 係幾好的選擇, 因為佢淨係上菜會嚟一嚟之外, 其餘時間係唔會有人出現, 就算出面執哂枱, 都唔會入嚟做d動作趕你走, 呢個係唯一好處~ 明明出面有枱, 但book枱時話full哂, 得返室內, 其實秋涼天坐出面都唔差, 旁邊又係沙灘, 咁當然唔好有蚊啦~ 因為室內我覺得有陣煙味, 但周圍附近又唔見有人食煙, 都唔知d煙味响邊度抽入嚟? 後來發覺樓上可以包房, 我就覺得有人偷雞食煙, 咁又冇人阻住, d煙咪响樓上傳落嚟............... 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-13
0 瀏覽
大部份男員工服務態度超差 以為自己高級果班 不知所謂 以為自己去左茶餐廳 酒店收費 茶記招待 反之後生一輩侍應態度還可以 食物質素尚可 但偏重手 薄餅完全失敗 蝦餅還可以 咖哩蟹超咸 豬頸肉和暖上枱 冬蔭功湯熱爐無點火上 自己.落手做 蒜蓉包無蒜的 唯一可取雞肉焗飯 石鍋上一流 甜品 芒果糯米飯完全不掂 甚少寫食評 但呢餐飯非常之差 繼續閱讀
(以上食評乃用戶個人意見 , 並不代表OpenRice之觀點。)
我們家庭有泰國淵源,經常吃泰菜。食物:不錯,燒雞做得好,青咖喱可以,但不地道。冬陰公湯有地道泰國特色的酸及香料,但似乎是用醋,不像地道泰國人的用青檸,湯底不出鮮味,蝦的質感未除雪蝦的局限。安格斯牛扒硬如紙皮。價錢:略貴,其他同價的泰國菜館可以吃到更有心思更地道的泰菜。環境:大部份枱在戶外,冬天晚餐食正冬風,晚飯後回到家仍然頭痛。服務:夥計相當不錯,但幾位沒有穿制服的老闆/管理層真嫲嫲,似乎不太想顧客再幫襯的面口。 繼續閱讀
(以上食評乃用戶個人意見 , 並不代表OpenRice之觀點。)