泰豊廔酒家

營業中

休息中

上次嚟左呢度打邊爐,朋友見到d相好想嚟所以就昨天晚上又嚟過,其實本來係兩個星期前已約左嚟架啦,但因為booking full晒訂唔到枱,所以要改期.六個人叫左一個3-4人餐+一份醉雞件,自已先混醬,仕應教我地整左一個,跟住我地先自己整,其實係咩都放d,最多係花生醬,個醬真係好好味架.由於個醬已好重味,所以湯底食好清的,仕應教我地將d冬菇,支竹,丸豆腐落晒落個湯度又佢滾,跟住先落自己想食既野,有羊肉,牛肉,魷魚,牛栢葉,手打麵,粉絲,蝦,菜一籃.味道,醉雞唔加混醬先食到油味,都好滑,其它鮮魷,支竹,丸等都好新鮮呀.個爐好特別架,係一個好似煙囪形狀的長條形,底部係圓形的窩.個長煙囪入面應該係有好多炭的,因為最頂有個洞,仕應會把個洞打開,有好多煙出及有些灰飛出嚟架.朋友們想食叉子,所以叫左每人一個配炸菜肉粒,好味呀,熱辣辣好脆,放埋d料入去仲好味.一定要趁熱食架.唔係凍左唔好食架.仕應服務都好好,好快手,個個有番咁上下年紀架啦.真係要訂位,因為好full好多人架.

朋友想食京菜, 鹿鳴春FULL咗, 所以揀呢間涮羊肉, 味道普通, 不過混醬同長煙囪炭爐都幾得意火煱叫咗貢丸, 味普通; 醉雞無味; 唯有津白幾甜, 唔錯 最想食既管庭賣哂, 失望烤鴨略肥, 好耐無食都可以一試; 不過盡量唔好叫半隻, 因為唔多熱, 鴨皮亦唔多脆雞絲粉皮: 無雞味, 粉皮味道OK, 不過太大塊, 食得唔方便拼盤:全肉, 有D蔬菜好好多椒鹽茄子，比預期好, 要趁熱食高力豆沙好細, 皮厚唔熱; 因為係送既, 都好過無反而前菜 嗰D醃菜唔錯, 有D諷刺下次要去鹿鳴春比較下

不經不覺，食評數目到了三百篇。記得第一百篇寫的是第一次出席食友們的飯局，所以小弟想以第三百篇紀念第一次參與食友們的聖誕飯局，多謝惡男兄的邀請。12月11日（星期五）晚，，終於有機會初嚐涮羊肉的滋味，亦有幸首次出席食友們的聖誕聚會。當晚盛況，惡男兄和其他食家已有描繪，在此不作重複，祇簡單略述個人觀感。山東燒雞：雞肉非常嫩滑，阿叔順手將醬油淋在雞肉上，更為美味；爆管庭：管庭是豬氣管，本身該是無味的，可能在油爆的過程中經過調味，除了口感爽滑外，個人覺得就算不醮魚露吃都已經夠味，亦是最好吃的一道菜；鍋塌豆腐：醬汁濃淡適宜，豆腐軟滑，味道清淡的一道菜；燒雙冬：雙冬是冬菇和冬筍，冬菇軟腍，冬筍無渣，兩者皆很入味；煎盒子：在涮羊肉中上的菜，香脆可口，餡料是韭菜鮮肉，味道頗濃；吃了幾個小菜做“熱身”後，主角亦陸續登場。首先是羊肉登場，每圍有四碟約兩斤，放好後跟著燒得熱沸的紫銅爐終於出來，由經驗豐富的阿叔把紫銅爐放好在桌上。眾食友拍照過後，已急不及待起筷，齊來涮羊肉。羊肉切得很薄，放落水裡不消幾秒已熟，紐西蘭羊肉很嫩滑，肉味亦比想像中濃，可惜始終不夠羶味。不過這樣並無損眾人嗜羊的熱情，兩斤羊肉很快就吃光

十二月十一日，歡樂的聖誕節提早來臨山東燒雞--雞肉嫩滑，雞皮香料味濃郁，醬油調得夠惹味，正.......爆管庭--條氣管切到像(百足)配合薑蔥同芫茜，非常好的一碟爽口菜色窩塌豆腐--豆腐面的生粉太重手，連醬汁都蓋不過生粉味燒雙冬--醬汁的香味獨特，散發出一陣醋香，醬汁的味道完全迫入冬菇及冬筍內，最可惜冬筍唔夠靚紫銅爐涮羊肉--羊肉，在銅爐的熱力下，輕灼幾下已熟，蘸了自家調製的醬汁後，羊肉獨有的羶香就在口腔內爆發，正...........唐蒿,大白菜--一濃一淡，有個性的配搭魚肉餃子--魚肉彈力十足，但是沒有鮮味，我想是下了太多粉的關係羊肉餃子--掛住同各食友講飲講食，餃子煮得過熟，只能嘗到餡料味鮮，未能試真餃皮的虛實煎盒子--盒皮鬆脆手拉白麵--煙靭有咬口，食味不錯，但是每條麵條四四方方，大小均一，像機器生產(真的手拉?)麵條明顯帶微黃色( 唔明點解叫白麵 )拔絲蘋果--堂灼拔絲蘋果，好味高力豆沙--作為歡樂晚宴的完美句號Awfully Chocolate蘭姆酒櫻桃朱古力蛋糕--她的出現已帶給我們驚喜，滿載歡欣的成果，願意分享到各位食友口中，在此說聲謝謝謝謝各位食友，和我一同歡度快樂的

十二月中旬今年天氣較往年凍得早，零九年的最後一次大局，一於來個吃完暖笠笠的涮羊肉宴，說到北方以紫銅爐燒炭的地道涮羊肉，第一時間會想到五十多年歷史的泰豐樓，那邊仍保留著炭火銅爐作火鍋的傳統，報名一出反應較往年更熱烈，一行84人共嚐久違了的羊臊與混醬味道。涮羊肉在北方是大圍人聚在一起，在入冬的大冷天熱鬧地大手將羊肉撒在大滾的銅爐上，熱呼呼的吃著，三年前見識了北方人豪情，再嚐，人已身在南方的泰豐樓，本地碩果僅存之一，仍保留著炭爐涮羊肉文化的北方館子。本地老牌字做京菜酒家，寫菜不難，小菜以山東燒雞及煎盒子有特色，又預留了爆管庭及生羊肉餃子，羊肉即場叫也可以，日子過得真快，轉眼又到期待的一夜，老伙計已擺下六席，打點得企理，並預留抽獎及點名用的小檯，免了開瓶，大伙兒亦以華洋美酒助慶。新知舊雨相聚一起，店小二已擺下大盤「混醬」，是傳統吃羊肉的北方醬料，包括醬油、蒝荽、京蔥、麻醬與及不可少的韭菜等十多道配料，大家圍在檯上「混」戰一番，是涮羊肉的特色。包下半場，有四位老伙計專職招呼大家，加上美酒助慶下更添吃羊的熱鬧氣氛，先來幾味小菜作序，北方館子，絕沒叫乞丐雞浪費食友胃納之理，南方的味道留杭州酒嚐吧；頭

已經很多年沒有為聖誕節而去慶祝,因向來對節日不大重視,而且多數利用年假加上幾天公衆假期去外遊充電一番.今年因有點事情,已取消了外遊的打算.心情少不免有點納悶!正好參加了這次甚有特色的涮羊肉迎聖誕飯局開心一下!用炭爐涮羊肉在佐敦的北京酒樓見就見得多,但就未有機會試過!(只知開爐前甚大陣仗,十多款調味料擺滿一檯)這夜終有機會一試!因今晚有交換禮物活動,來到交下禮物找到座位坐下後,心想差不多開始為何還未有得自行混醬?原來人多關係有部份已經由侍應混好派發,但如果不合口味也可再自行混合.選擇了相信有相當經驗侍應的口味!因為一定比自己亂搞的好.先由幾款小菜打頭陣:山東燒雞----手撕的雞肉意料之外的滑!蒜味十足的醬汁調得很好,不偏咸或偏甜,味道適中!爆管庭----此物本身並無味道,只吃爽脆的感覺,用蒜片及芫荽葱來炒,味道簡簡單單.窩塌荳腐----面層炸過的外皮吸滿了茨汁,中間的荳腐軟滑.如果多點蝦籽的味道會更好.炒雙冬----冬菇和冬筍炒得火侯十足,醬油味道迫入了食材之內,可惜冬筍不夠嫩!雖然沒有渣,但也沒有一口咬落爽脆發出"咔嚓"的聲音.紫銅炭爐出場!看到有點東西浮沉,原來是湯中加了一點蝦米及雪

第1年參+大局嘅聖誕party, dec 11, 09, 84人來dinner,攪手安排咗 : 1) 前菜 2) 混醬-我哋呢枱嘅醬由店方安排好..........見其他食友就自行攪掂........見佢哋自己撈都好開心-之後我哋各人自行+番辣油,我就隨量+幾滴咁啦~~~-花生味好重,溝得好味 3) 山東燒雞-好肚餓嘅我終於得到第1味-雞肉好滑,個醬汁又夠味,+上蒜粒碎,惹味 4) 爆管庭-我發現我都幾鍾意食爆豬氣管-爽口,+以蒜片,大蔥同芫茜,好難唔好食-配以魚露,不過+咗就鹹咗d-之前1次食豬氣管喺同區嘅x鳴春,大家水準叮噹馬頭,但個人會喜歡x鳴春多d因佢出手比芫茜嘅份量會重d,嗰份芫茜香味會濃d 5) 窩塌豆腐-稱職的豆味 6) 燒雙冬-影咗好多幅,熱氣都喺散不去,可想而知即整即出有冬菇同冬筍-好入味,不過個人對筍麻麻哋,佢喺脆口,但個皮有渣的 7) 紫銅爐涮羊肉-我第1次見咁高嘅窩爐-窩內唔知喺咩葉,熱氣不停冒出,好難影得清-相信個"hawk"特別為呢個爐而設因剛剛好放得落熱水環內-羊肉片刨得好薄,真喺滾幾滾就要離窩,食得-好有羊味,蘸埋個混醬1齊食,味道好豐富-前前後後食咗6

今天晚上同朋友慶祝生日,一行四人嚟左呢度食晚飯,因為其中一人的朋友話食過覺得好味就介紹我地嚟試下.上嚟openrice睇到個炭爐已覺得幾吸引.於是就嚟左呢度啦.預先訂左位,其中一人先到,我跟另一位朋友之後先嚟,我們入到去仕應已很熱情的問我們貴姓,然後我們說已有人到了,但仕應仍帶我們入座,仕應都是上左年紀的中年男人,酒樓是舊式的,應是好久歷史的了.我們想打邊爐又想叫小菜,仕應就說可以兩樣都叫,然後就推介我們叫套餐,因咩都有些,我們就叫左一個3-4人餐.仕應就拿了一個托盤嚟,有好多種配料,仕應就叫我們自己選,但其實都唔知點先叫好味,於是就叫仕應幫我們選及配,他也很樂意的去幫我們.原來這樣用不同配料弄成的醬是叫混醬,我想是這裏的特式吧.味道都幾香幾特別呀.炭爐出場,嘩,好大個好長身,好特別的爐,湯底是雪菜加蝦米,原來個爐都好深的,火鍋配料都嚟啦,有:冬菇-好味呀,好甜蝦-好薄的一片,好新鮮什丸-都好大粒,爽口鮮魷-好薄及新鮮牛栢葉-好爽粉絲-好味菜-好甜手打麵-好味呀,幾彈牙羊肉-不算好酥,都好薄牛肉-好味,薄薄一片支竹-好滑好薄豆腐-好滑另叫左:叉子-好好味,熱辣辣配一些炸菜肉粒料,好味呀

由上年講到今天, 幾經波折, 終於達成同事們的夢想 趕得及在寒冬既晚上黎一餐涮羊肉。我們十多人迫在一張細細的圓枱, 而配料則先上給我們作混醬之用 醬料十分多, 我們也不知其味, 咩都加… 咩都溝 … 攪完一大餐後就準備開始涮羊了 暖窩十分有氣勢地上枱, 不消幾分鐘已燒到熱氣泡上頂 可能各人太肚餓, 真係乜鬼都加落去, 變成了一品窩 其實感覺與打邊爐無異 只是主力食羊肉而已 一輪車輛戰後, 再叫多一隻填鴨, 填鴨肥瘦適中十分油潤, 熱度十足, 而麵粉皮質感也軟, 當包著填鴨再加上一點點甜醬已是十分美味了, 連食倆件後心靈上感到十分滿足 下次有機會只想再嚐她的小菜 暖身成功, 再下一城 …….

好有風味既舊式京菜酒家,之前來過食晚飯.今次涮羊肉.爐係好大支煙囪的炭爐 gd! 食完有少少暈 坐低一大盤醬任玩,鍾意落乜就落乜 羊肉 – 好夠肉味,少少蘇, gd! 小心痴左埋個爐到 牛肉 – 差少少,太薄蝦片 – 冇得頂,啖啖肉,蝦又大隻肉又鮮 手拉麵 – 打邊爐從來未食過咁好食既麵,食套餐都要encore呢個 一句過好食抵食!

因為媽咪生日,而她又喜歡吃烤鴨這東西,有屋企人幫襯過,覺得這裡也不錯,所以今次就選了這裡,預早打電話嚟訂了星期一晚九點鐘,嚟到同佢哋講訂了檯,佢哋好似聽唔到咁,只係問我哋幾多人,我哋答:五個人,跟著侍應求其指了一個方向,叫我們是旦坐一張檯,但我們望過去全都是起碼坐十人以上,我們說:唔使咁大張呀!才找一張細一點給我們我們睇緊餐牌其間,侍應姐姐走過來問我哋會唔會叫北京填鴨,因為需時的關係,太概要等二十分鐘,如果我們要的話可以而家幫我們落單先,咁樣可以唔使等咁耐,這個提議當然好啦!我們選擇來這裡最主要目的都是因為隻鴨,但因為我們還未嚟齊人,所以她問我們:未到的人二十分鐘後會到嗎?到的話就現在開始烤,這一點我覺得他們的服務是不錯的,我們點了以下醉雞 ~ 例牌嚟講算係幾大碟,價錢好像是六十幾蚊,但肉質只可以說是ok囉!滑就一定無佢份!雖然賣相就好似幾得咁!但味道就麻麻地,酒味一點也聞唔到,要放到近口邊才聞到dd酒味,食落口酒味係好少好少……,如果10分係代表酒味濃度最濃的話,我覺得只有1分囉!他們的醉雞感覺好像只係喺表面淋了酒,而唔係浸到雞肉內層也有酒味 三絲炒拉麵(好似係呢個名) ~ 裡面有蝦

三人晚餐, 選了$588 + 10%Total $646.8.Average: $215.63-4 位用的傳統涮羊肉火鍋套餐手拉麵 粉絲豆腐蔬菜支竹牛柏葉鮮冬菇花姿片蝦片什丸牛肉羊肉點菜後店員立刻拿來一盤醬料給我們混醬, 所選擇的有葱, 醬油, 豉油, 醋, 魚露, 花刁, 芫茜等等.炭爐熱烘烘的, '水池'內不見有什麼特別配料, 不是一般濃湯底.手拉麵很彈牙, 可惜只有一碟花姿片也很爽口, 吃很出當中的鮮甜羊肉感覺比在深圳小肥羊吃的好, 羊味濃郁, 砌得也很薄, 不會太肥又不會太瘦, 沾上自己選擇的混醬, 十分美味當然也很享受當中涮下涮下的樂超.但其他配料則來得普通, 沒有什麼特別.

一班同事一齊食飯，我選擇左泰豊廔。一行九人要左個6-8人餐，份量好夠，10-11 人食都可以。可能全女仔。1) 三式拼盤：海蜇/牛展/醉雞 - 牛展醉雞無味 2) 芙蓉三鮮 - 可以唔食，蛋白太淡3) 甜酸松子魚: 呢個ok, 炸粉厚度剛好4)鐵板宮保明蝦：蝦都新鮮彈牙，味道適中5) 北京扁皮鴨: 夠大, 鴨味道唔錯，只係D 餅皮太厚6)叉子燒餅+榨菜肉末：最滿意嘅菜，叉子燒餅 7) 豆腐鴨肉湯: :好似飲水 8) 高力豆沙：普通，無驚喜埋單Total:$1125

聽朋友推介去試食! 點知名過如實!星期四晚上7時去,一入門口已有一股"up"味,心想這是舊式食市,可容忍! 坐低不久頭頂冷氣機就滴水,向伙計要求換檯又唔比,但d水又繼續滴,我都唔理咁多同個friend自己找個張檯坐. 之後叫左宮保雞丁,真係超難食,好似用茄汁煮水汪汪的雞粒,又無加青椒又唔係炒,乜全統的宮保雞丁係咁樣咩?此外又叫左小龍包及紅燒羊肉,兩者都唔熱,只是暖暖地, 食小龍包又唔比薑絲浙醋,點算是正宗上海野!鍋貼水準一般.2人一共食左330元,只食左一般食品低水準味道及劣等服務,真不值!!我一定唔會再去!!

同朋友GATHERING, 見咁多好食評就去食下啦!以為係食上海野, 原來係京菜先岩。7點幾鍾到步唔洗排隊, 4 個俾張6 個位既台我地, 坐得好鬆動。雖然D WAITER 多數上晒年紀既, 但佢地好好服務。我地點左個4人餐。散叫比較貴!1) 3絲撈粉皮: D 粉皮無上海舖個D 咁好食, 佢地太過碎濕濕啦。2) 賽磅蟹: 呢個用黎送飯, 正! 朋友覺得唔夠醋, 但我覺得OK!3) 京蔥炒牛肉: D 味唔太濃, 岩我!4) 北京扁皮鴨: 好大隻, 好食! 4個女仔食唔晒! 5) 豆腐鴨肉湯: 好大味精, NOT GD!6)甜品: 高力豆沙, 好食! 炸得幾好!!埋單Total:$582百幾蚊位,$$都合理既!!