泰豊廔酒家

營業中

休息中

海蜇/芥茉醬---水準一般素鵝---一試無妨三絲拌粉皮---認真麻麻甜酸松子魚---汁太多，無晒香脆感覺炒飯---ok高力豆沙---保持水準整體裝修比較陳舊，侍應生服務態度可接受，全部合共$2700價錢偏貴，但係食物水準就非常一般。

雞燉翅eat with蔥油餅---平均每人有兩碗，同魚翅分量都幾足，不過成$1200叉子燒餅eat with榨菜肉末---熱騰騰+香脆...好味富貴雞$320---不值一試京燒羊排---香脆有肉汁賽螃蟹---可以一試，無驚喜

對鄉愁的寄托，不是皓皓明月，不是清遠笛音，而是數不盡的家鄉美食，從餃子到打鹵麵，從驢打滾兒到豌豆黃兒，從雞蛋灌餅到冰糖葫蘆，而最惦記的，往往是皮脆流油的烤鴨，大概每個學期都要吃一次。是次就挑了另一間尖咀的老鋪子，環境一如鹿鳴春般頗具大陸氣息。前菜對路，泡菜酸辣有度口感細膩，炒花生米爽脆充滿油香，算是地道。個人偏愛集酸甜辣為一體的菜式，于是叫了宮保明蝦，蝦是靚貨，彈牙爽鮮，汁亦調得酸辣適中，甜度合意；但包住蝦的炸粉實在是厚了點，雖然不討厭厚炸粉，但始終削弱了原味，而且太飽肚。和菜戴帽是另一心水菜式，或許是北方人緣故，覺得這里又做得比鹿鳴春出色，鹿鳴春的出品太淡口油又不少落，這里的要鹹一點，油膩感亦不突出。試過人人稱讚的鹿鳴春后，對香港的烤鴨也不好期望太高，或許正因如此，反倒覺得泰豐廔的出品略勝，鴨皮酥脆連著少許肥膏，入口即化，脂香滿溢，鴨肉亦肥瘦相宜，可惜片的水準不高，太厚了點。餅是比鹿鳴春要薄些，不過也薄得有限；甜麵醬好像不是太正宗，味道偏鹹了。最后的半吊子甜品是龜苓膏，一看賣相一直水準不濟，又甜得過分，是不太象樣的餐后甜點。縱然無法與北京九花山烤鴨相比，但始終吃得舒心滿足；和朋友傾計

星期一，同學聚舊。超過十年之後再聚頭，或事業有成，或已組織家庭，樣貌雖然冇大變，但大家已不是當年讀書時嘅黃毛小子。比起十數年嘅情誼，今次聚會嘅地點「泰豐樓」嘅歷史，可謂小巫見大巫。舉頭一望天花上嘅掛燈，刻著「一九六一年」嘅字樣，差不多五十年嘅歷史，當中不知多少次成為老友聚舊之處。「泰豐樓」係老字號京菜館，與附近嘅「鹿鳴春」可謂齊名。著名菜色有紫銅爐涮羊肉、魚、羊餃子等傳統北方菜式。每次嚟到都會散叫，反而呢度嘅套餐，今趟還是第一次。三色拼盤 – 包括醉雞、海蜇及五香牛展。醉雞完全冇酒香味，似冰鎮雞多啲，不過口感都算嫩滑。至於雞味，在香港已經好難食得到有雞味嘅雞了；海蜇爽脆彈牙，口感可以；五香牛展也算入味，咬落隱發甘香，肉質鬆軟，不費牙骹多少勁；醋溜桂魚 – 酸甜嘅比例剛好，用了桂魚，魚肉質素有了保証，火喉恰當，魚肉亦冇蒸得過老嘅情況出現。如果桂魚本身能夠炸得更鬆化的話，分數會更加高；鐵板宮保明蝦 – 話明係宮保，味道應以酸甜為主而又帶一點辣，可惜酸甜味是有的(其中以甜味過多了)，辣味似乎欠奉，而且蝦肉唔彈牙有少少霉霉地，似乎用料不太新鮮，食後皮膚老毛病發作，更加証明蝦肉唔新鮮；芙蓉三鮮

翌日是勞動節假期，相約一班好友吃飯，糾纏良久，終決定去泰豊廔，朋友A說泰豊廔唔好食，但我話泰豊廔有咁多個笑面，又出名，又老字號，又乜又物。。。。好，大家決定比個機會大家去試吓........去到等緊朋友時見到隔壁檯的火鍋，好似好勁咁，果支出氣煙囪好似IFC咁高，好觸目吓架，見個個食得好開心，自然對呢餐飯好有期待.......是晚冇影相，但我可以話DISH個樣係同其他食友影嘅差唔多，廢話少講。。。。。我地叫咗個4-5餐,有......三絲粉皮～有個好似麻醬咁嘅汁，但無麻味蔥爆牛肉～真係好多蔥，多到差啲見唔到牛肉，出晒煙咁，但擺落口，係唔熱嘅,我估應該係好惹味的，但係全檯人都無呢個感覺，食完，個個都無出聲.......賽螃蟹～蛋白囉，但有點老菜肉水餃～我估水餃係應該係上湯入面的，但啲水餃係攤咗喺隻碟上面，皮厚，而且，好快就凍了，食唔到菜同肉嘅鮮味北京填鴨～我最期待嘅一道菜，多少係為咗呢樣野而來，結果。。。。無驚喜，早知，去北京樓食好過鴨湯～成晚最有味嘅，因為好重味精另有朋友加入，再加菜。。。小籠包～皮不算薄，包不算熱，都係食唔到小籠包應有果種肉鮮味，結果，小籠包原來係會食剩。。。津白～上菜

今日一行4人去左食,我期待食片皮鴨好耐架喇!因見到介紹都ok,咪去試吓囉!我地叫左個4-5人既餐,再加一碟金腿扒津白,d價錢都幾ok吖,同埋個份量都唔少,由其是個鴨湯,超大窩呀!4個女仔去,完全食唔哂囉,每個餸都有淨少少~~~~白切肉粉皮-幾好味,不過要快食,因為果度d冷氣幾勁,d粉皮越食越凍水煮牛肉-好食,但食時記住連埋d配料一齊食,味道更加好賽螃蟹-麻麻地,唔夠蟹肉,d蛋白太大舊片皮鴨- 肥左少少,但都好食既菜肉水餃-唔差吖金華火腿津白-好食呀,不過津白少d囉~~~鴨湯,好飲呀,仲好大窩tim~~~都有好多料架高力豆沙-味道啱啱好,free既

為左片皮鴨而來，呢間價錢比較化算嘛。見到ｄ餐都幾抵死咪貢上黎囉，好難得齊人。一行六人上黎食餐飯賀我生日，多謝哂大家嗌左最平個套餐加左隻山東燒雞加籠小籠包!三絲粉皮- 足料!!d皮夠凍夠趙頭, 麻醬唔會太杰,撈埋芥末食好香喎!!好爽山東燒雞- 凍食幾得意呀未試過,好重醬油味囉又唔叫特別好食既小籠包- 個包就厚左少少,但肉質鮮嫩肉汁豐盈,食落好有口感片皮鴨- 肥左少少,如果燒落dd迫返d油出黎就更脆更香喇, 同埋切得厚左d,而包住佢塊皮又做得太厚唔夠幼滑, "鞋鞋地"有粗製濫造既感覺,可以做得更好既高力豆沙- 一口一個既小高力豆沙,夠精緻我鐘意,咬落仲唔會喧賓奪主, 豆沙唔會搶走哂蛋白d味,層次分明!!i like it老實不客氣地食左半碟!!呢度d野以大堆頭取勝,唔好奢望有北京樓既水準,但的確令人回味既!!d野唔係樣樣都咁出色,但咁既價錢食到片皮鴨我又覺得值既

看了食評就選了這間與一班朋友共聚.1.) 服務唔錯2.) 食物方面都可以, 可惜隻"富貴雞"(乞兒雞)要早一日預訂, 當天訂都做不來.鐵板糖醋蝦球 : 個鐵板燒得好紅, 蝦好新鮮彈牙, 個汁被鐵板燒一燒剛好收到包著晒蝦球又不會過多, 味度適中, 不會太過酸但又好醒胃.炸春段 : 下單時以為是春卷, 原來是用蛋皮卷著芽菜來煎, 好好食. 有蛋香又有芽菜的清新口感山東燒雞 : 是冷食, 雞肉好滑口. 不過這間就沒有把生的蒜泥放在雞上, 而是另外有一碗蒜蓉醬油, 感覺唔是太傳統. 但隻雞好入味又拆晒肉, 好食.其他就一般, 合格 :　酸辣湯/沙鍋律白/素餃/ 銀絲卷 (未能做到裡面一絲絲) / 素鵝 (全是紅蘿白, 入口比較單調) / 拔絲蘋果 (炸得未是大熱, 所以拔得比較差, 蘋果唔是太新鮮)食到尾段隔離枱大叫有老鼠在假天花走動, 我們一抬頭一看, 寫著店鋪 1962, 就原諒間店吧~

新年同朋友們食開年飯，當然搵中式嘢食，見哩間食評ok，不過之前食鹿x春中過招，驚驚地哩間都係，係冇乜其他心水吓都食咗。一行九人叫咗個餐再加其他嘢食，三絲拌粉皮、蔥爆牛肉、水餃、賽螃蟹 & 鴨湯都麻麻；好在個北京填鴨幾好，薄餅唔太厚，鴨又唔肥；炸菜肉末都麻麻，食唔到係咩味，但配佢0既叉子燒食好得，好脆好多芝麻，本身好鍾意食飽餅類0既嘢，哩度0既叉子燒餅係食咁多間暫時覺得最好味0既；成餐最差係金腿扒津白(中)，差唔多一百蚊，份量少得嚇人，一人都食唔到一條，係咪d金腿好貴呢？知道佢本身會送甜品，但見個餐又有甜品喎，搵個侍應問吓，點知頭兩位叔叔完全溝通唔到，答唔到我地條問題，好搞笑囉，最後搵咗個醒目d0既先問到，送0既甜品同餐0既甜品係一樣，只會俾一份，咁即係冇送甜品啦...九點後先係高力豆沙，特登等到夠鐘，不過都係一般，唔夠鬆。環境、食物 & 其他嘢都同鹿x春冇乜分別，不過就好食d囉，淨係個叉子燒餅都令我想再嚟呀

2月15日（星期日）晚，是晚有熱心食家網友相約食開年飯，難得有時間，當然要出席支持，而且很想在泰豐樓開飯已久，還有我多年來都想食的「教化雞」。最難得的是有幾位很久沒見的網友都會出席，令人期待，所以是晚我和女友都早了點去到。在門口和相約了的網友上去，剛坐下其餘的網友都陸陸續續來到。由於沒份點菜，所以可能有些錯漏，請多多包涵！雜錦拼盆：由素鵝，五香豬手和海哲等拼合而成的冷盤，各有特色，味道都是比較清淡，其中我覺得五香豬手比較好食；富貴雞：阿叔把「富貴雞」推到我們附近，然後叫我們找個人去主持“開光”，這個重任當然是由德高望重的“三叔”負責。輕敲一下後，阿叔就把“封印”著的「富貴雞」解放出來，然後再放上檯給我們享用。雞肉嫩滑入味，雞肉吸收了荷葉的清香和各種香料，非常美味；鐵板蔥爆羊肉：這裡的鐵板菜都是先上檯、後淋汁，所以上檯時是熱騰騰和煙霧彌漫。羊肉夠羶，肉質鬆軟而不韌；小籠包：很一般，肉汁不少；雲吞雞：雞湯比較清淡，略嫌不夠濃味，雲吞皮不算薄，裡面的餡肉多菜少，味道一般；鐵板宮保大明蝦：吃的時候以為是酸甜蝦，因為醬汁酸甜，味道剛好，蝦球頗多，蝦肉爽滑彈牙；一點也不辣，徒具「宮保」之名；炒鱔片

上回到了東來順涮羊，在同一個冬天再去另外一間老京菜館涮羊去。週末的晚上八時來到，人潮擁擁，沒有訂枱的我們更要等上近半小時呢，而坐下後，先吃吃鹹鹹的泡菜及花生，其中的花生是令人驚喜的小吃，由於已經是一心想吃羊的，所以也二話不說的點了一斤羊肉片、竹笙、凍豆腐、唐生菜、羊肉餃及手拉麵，由於點菜紙上是沒有羊肉餃的，只有普通水餃，但我們誓不罷休的據理力爭，說為何主餐牌上有熟吃的，為何就不可從雪柜拿一客給我們呢，經過一輪談判後，終可如願了。在來炭鍋前，先來混醬，此處的醬料比上回在東來順的還要多，分別有南乳、麻醬、醬油、醋、麻油、京蔥、芫茜、魚露、砂糖、蔥油、花雕、辣油，我什麼也下了一點，而當然膽也是麻醬、京蔥及芫茜，混完後，嗅一嗅，也覺得是很香的。炭鍋來到果然是熱力四射，很溫暖的，但女士們吃過今餐後，可要敷敷面膜補濕了，湯底是白水加上雪菜、冬筍及蝦米做成的，味極淡，也是涮羊的真諦，也更突出混醬的重要性。在配料到後，也急不及待的立刻先涮一片羊肉吃吃，是比之前在東記吃的更羶的，很對我羊痴的口味，蘸上自己調配的混醬，真乃極品也，羊肉鮮香嫩滑，滲出芝麻香氣，複雜的是也淡淡的滲出花雕及魚露的香味，很好。隨後

　　友人生日我地一班人一齊去幫她慶祝 , 而且平常又少食中餐 , 所以咪揀左黎呢度食北京填鴨 , 因為上網睇個陣都已經見到其他人既食評唔錯 , 結果都冇令到我地失望 , 4至5位用既菜式全部味道都唔錯 , 加上又大碟食到大家都好滿足 , 見住侍應係面前表現切北京填鴨 , 一片一片咁烤得顏色好靚 , 又唔會肥"淋淋" , 可惜是晚附送甜品係涼粉 , 好普通既貨色 , 埋單都只係每人一百蚊都唔洗 , 認真係抵食到爆。 三絲拌粉皮 北京填鴨 賽螃蟹 京燒排骨 鴨架冬瓜湯 菜肉水餃

電影學會的開年飯…當知道去泰豐廔的時候…確實是非常期待…一直想去但又怕人少吃不了什麼…今次十八人的聚餐….當然可以滿足我貪心慾望…因為不能坐在一圍的關係…我們在大檯旁加了一張中型檯…兩檯相連…我坐在中檯…感覺像是和親友吃飯時的小童檯一樣…所有菜式全由會長拍板…全部兩份…等不及上菜…先吃一點醃菜頂肚…醃菜爽爽的而且酸辣度適中…令人十分開胃之餘…也令我更加肚餓…首先來的是醉雞和雞絲粉皮…侍應上菜的時候一手拿著兩碟醉雞…一不留神把花雕酒都倒掉了…我們那一檯的醉雞幾乎沒有酒浸著…肉質都算夠滑…但略嫌酒味不夠…變了味道普通的凍雞…不過不失吧…雞絲粉皮呢…粉皮滑而且有咬勁, 配上雞絲和青瓜絲…確實是不錯的前菜…可惜芝麻醬不夠香不夠濃…白白浪費了那些好材料…蒸饅頭和炸饅頭 - 熱辣鬆軟, 不錯…配上煉奶…實在沒有不好吃的道理…片皮鴨 - 鴨肉片肥瘦適中…只是略為切得厚了一點…配上蔥段,青瓜條和甜醬…是不錯的了…不過我不太喜歡薄餅上面太多粉…影響了整體的味道…小籠包 - 皮不算薄…雖然湯汁不算多…但勝在肉質鮮美…可以一試…京燒排骨 - 有點像金沙骨…看上去感覺很乾…心想味道一定不會好那裡….不過吃下去

琴晚一行5人第1次幫襯呢間老店. 本來我覺得偶爾去o下o的舊食店感覺都幾得意, 點知食完之後就覺得俾人"剧"到一頸血! 小菜如下:1. 什錦豆腐湯 (小) -- $60 2. 雞絲粉皮 -- $60 3. 蔥爆羊肉 -- $70 4. 糖醋魚柳 -- (唔記得幾錢) 5. Peking 鴨 (半隻) -- $180 6. 叉子燒餅 -- $32 7. 叉子燒餅的"咸" -- $60 8. 津白 (小) -- $60 服務9流, 裝修就唔使講啦(6幾年到依家, 你諗o下), 小菜價錢仲貴過米芝蓮星級酒樓!provide 唔到好o既o野, 就咪收咁貴啦, 無o的商業道德!同auntie 食生日飯食到咁樣, 真係唔使止意我o地會再去!!!!!

本打算是吃北京填鴨的, 但來到看到周圍的人也在吃涮鍋, 喜歡火鍋的我當然忍不住. 鍋底只簡單的在清水中放上酸菜之類的東西, 吃慣了濃味的, 這夜味覺上覺得很是清淡未吃火鍋前先來混醬, 十多款的醬料樣樣要些, 但得出來結果卻是太鹹, 後來要再補加些糖味道才能入口牛肉拼羊肉($140) - 朋友和伙計爭取後, 終可雙拼, 羊肉片很鮮, 味帶少羶, 很不錯, 反而牛肉就給比下去生蠔($40) - 第一次見識冰封生蠔, 望賣相已打折, 心想真不明這也可奉客, 但在沒期望下反而又不覺太差, 至少蠔味夠濃, 肉質也比預期中嫩滑醉雞件($50) - 浸過花雕的雞每件也很入味, 放在鍋中更能發揮酒香, 吃下雞肉嫩滑, 不錯雜丸($28) - 伙計初時說是手打, 但來到的卻不是, 超市貨色, 浪費了這夜的限額唐萵($28) - 菜身很嫩綠, 清洗得也很乾淨高力豆沙 - 餐後甜品, 外皮很軟腍, 甜度亦適中