泰豊廔酒家

營業中

休息中

好友生日飯，因壽星女想吃片皮鴨，一行9人早就訂檯加預留一隻鴨。首先，約了20：30，明白多人要花時間，訂了檯都要等位，但安排座位很亂。到點菜，才跟我們說鴨已售罄，明明訂了一隻，怎麼會售罄。當初訂檯又主動再三說明鴨要預留，我問店員，得到只是＂賣晒賣晒＂的回覆。我不想朋友失望，再問是否售了給其他客人，仍沒有交代，只說沒有。食物來了，我連拍照紀錄的意慾也沒有。賽磅蟹、扒雙蔬、西檸雞都淡而無味，連平時吃得較清淡的我都覺得味道太淡。其餘小籠包、松子魚、沙鍋雲吞雞、煎豆腐﹐都很普通，可是重點是，全部食物都不是熱的，只是室溫，令食物入口感覺奇怪，沒有那麼新鮮、熱騰騰。最後甜品相對地較好，拔絲蘋果，酸酸甜甜；拔絲香蕉亦香口。可惜甜品不能做美好的結尾，整頓飯都不太享受，縱然價錢相宜，卻寧願多花一點，買更好的服務和對顧客的承諾。

事前訂位不重要 但訂片皮鴨真的好重要親眼見幾個外國人 等左好耐先有位然後可悲的是沒鴨!!外國人請求不果! 慘!!最記得那一句: "oh.... not even a half?" "Sorry..."我們一行十幾人 去到的時候已經幾多人服務員態度很好前菜好味! 尤其那碟菜!!! 我們忍不住話唔知有冇REFILL呢...然後好好人的服務員偷聽到 就二話不說拿來第2碟服務員叔叔本來推介12人餐, 話唔洗唸咁煩我們怕食唔完 就自己唸佢仲借紙筆俾我地我地落左單之後, 佢竟然回來劈頭一句:「你地叫錯餸啦!」我地一驚!原來佢發現我地叫左2碟都係蛋白的，所以黎叫我地轉!太體貼了吧!我地為左試多幾樣，所以很多都只叫了「小」，結果還是都吃不完!太好吃的片皮鴨!!!! 肉多皮脆! 青瓜不多，大家要搶! 哈哈! 不過叫服務員就可以REFILL!呢碟豆腐係第3道必點的菜---蝦子鍋鎉豆腐!! 入味!! 內滑!!! 太好食!!一上即刻好評如潮!原諒我手震，D人不停搶食，轉到我個位可以拍的時候就只剩不夠3分之1, 為左護住我那份...我匆匆拍了就算了!哈哈   賽螃蟹幾清好滑，唔錯!除左片皮鴨，呢碟真係必叫! 上

因為有朋自遠方來，又好想食鴨，又要近佢酒店。於是諗都唔使諗就book泰豐廔啦！其實之前見到網友食個羊刷渦，好似好正，真係好想試。但我地又得3個人，邊度食到咁多野，於是唯有散叫！因為有book位既關係，唔使等，但就坐到好角落，而又因為係閒日，所以唔太爆，大概7成滿座。諗到頭爆終於諗到食咩！分別叫左: 三絲粉皮 / 一隻片皮鴨 / 小龍包先講三絲粉皮: 因個Menu只有寫住雞絲粉皮，我地就問有無，佢話得三絲粉皮。其實無問價錢，因為諗住前菜應該唔會貴得去邊。點知埋單時要差唔多成$100蚊碟....嘩！真係好貴囉。講返味道，其實好一般，佢有邊火腿絲、牛肉絲同埋青瓜，三絲毫無特別，個粉皮就算滑，配場芝麻醬後，都唔太提升到味道。如果用呢個價錢去食既話，唔會再叫。 一隻片皮鴨 : 上碟時熱架，好正！只有皮既佔3成，其餘既都有一大片肉癡住，其實我覺得OK，因又可以食到皮+肉嘛。但鴨juicy，皮唔So, 而且唔會好似像皮咁，加埋醬同個包皮，好快已經KO左4-5件。小龍包: 皮厚左少少，但渴汁甜美

很久沒有食片皮鴨今次一行四人到泰豊廔去點了片皮鴨、小籠包、賽磅蟹、辣子雞丁及酸辣湯先說小籠包皮唔係特別薄不過裡面既肉汁就好豐富酸辣湯味道較為偏酸，辣味不足另外賽磅蟹及辣子雞丁既味道亦無咩特別唯獨到主菜片皮鴨上場時立即被香味吸引餅皮比較厚加上已經有飽既感覺所以就只吃了片皮鴨外皮很脆很香真的不錯！

與好朋友們聚舊，順便慶祝友人生日，大家永遠想到的，都是中餐。究竟這個是不是宿命呢？你與大班朋友食飯，會去哪呢？似乎中餐又真是一個最好選擇，大家柴娃娃地保留著中國人的傳統，就是"熱鬧"。很久沒吃片皮鴨，以前我們常去鹿嗚春，不過現在好像愈做愈濶佬懶理；本來想去佐敦的北京樓，但後來知道原來已結業了；那麼去K11的大都吧，可惜晚市分兩輪，首輪1800-2000，尾輪2030-收市。我想問，現在哪個打工的香港人可以六點準時坐在食肆裡吃飯呢？結果，朋友找到這間泰豐廔。我們一行六人，點了個四至五人餐，再散叫了些東西。片皮鴨是十個鑽，皮香肉厚，吃下去，肉汁四濺，真的很好吃！相對於其它的菜式，就沒什麼好說了。尤其那個叉子燒餅，簡直讓在座的我們噓聲四起，燒餅可以接受，但那些肉碎，只有一種味道，就是死咸。其餘的菜式方面，蔥爆牛肉醃得太過份，吃不出牛味來；賽螃蟹不濟，又稀又水，味道也很求其；鍋貼的皮，厚過冬天的大衣；粉皮很黐，一點彈性與嚼頭也沒有.........OK，只要去吃片皮鴨就可以了！一定不會失望。朋友自製了生日蛋糕一個，另一個朋友又自製了楊枝甘露，想像到我們有多飽嗎？（那裡不設切餅費，很有舊式餐館的

很久沒有吃京菜了，最近公司慶功，去左 "泰豊廔"，每次去到吃京菜，都是吃些特色京菜，今次第一次吃了傳統羊肉涮鍋。在香港很小吃到這種火鍋，這種火鍋和一般火鍋，最大分別是個大爐和它的特式醬科。先把燒紅的炭放在爐內，等它自然燃燒，中間是炭爐，旁邊是用來拾下拾下。它的名字叫 "傳統羊肉涮鍋"，除在 "傳統" 個鍋之外，羊肉不見得特出，反而虾片還見特式，其它的食物都是一般貨式，生醉鷄打邊爐，不如吃醉鷄來得好味得多啦（不過我未在這裡吃過）。說實話我們香港式火鍋比它精采得多。PS：吃到片皮鴨，話明 "片皮鴨"，只係皮為主，為何D肉多過D皮呢，不過未到都OK既。高力豆沙都可以的，但偏甜（我個人不大喜歡太甜的）。

和朋友一行3人計劃相聚吃開年飯，有朋友提議一試這家老字號京菜，因它非常受歡迎，經常滿座，所以我預早兩個星期預訂。店舖裝潢十分傳統，似是舊式的中菜館，侍應們全是中年叔叔。我們剛入座，已分別有3至4名侍應不停問我們點甚麼菜式，有點像催促我們的感覺。我們決定點糖醋魚塊 (小)、炒雜素 (中)、一客小籠包、半隻片皮鴨和一碗嫰雞煨麵。糖醋魚塊雖然是小型，但至少有10件魚塊，而每一件都很巨型。表皮算香脆，亦不太厚。魚塊軟腍而嫰滑。茨汁黏了一點，亦略為酸了一點。炒雜素的材料主要是芽菜、木耳、草菇、西芹和筍，味道普通，沒有甚麼特別。小籠包一籠10隻，熱騰騰，表皮的麵粉略為比較厚，肉汁鮮甜豐富，而豬肉亦不算太肥膩。嫰雞煨麵有雞肉粒和波菜粒，麵條彈牙而份量極多，我們3人每人都吃了兩碗。味道方面，雞肉粒質感稍為粗諧，湯底太過稀，味道過於清淡。我們覺得某大型連鎖上海菜集團的嫰雞煨麵更好吃。最後，我們期待的片皮鴨到了。它大約有10多件，每一件的面積頗大，呈厚切。每一件都是一層肉、一層脂肪和一層燒得又紅又脆的表皮。拿一塊薄餅，把片皮鴨包好，入口多汁，感到很飽滿。我們再坐多一會，店員送來甜品 – 高力豆沙。它入口煙

一行8人，我預早左2－3個星期訂位，之前一路都想到來一試，可惜總是全院滿座，今次如願以償！聽聞份量很多，便先點了個拼盤，3－4人的炭爐火鍋套餐再加一道北京填鴨中型拼盤，有一些牛內臟和西芹雞腳，有配以黃芥末，頗開胃火鍋首先奉上混醬，可按自己口味隨意調配，結果我每樣都要了點，就像小時候買自由斟一樣，亂溝一通, 幸好沒有絞肚 湯底其實只是開水，所以記得先配好自己的醬料～炭爐火鍋買少見少，形狀設計特別，但小心食物沈底，因為形狀問題而有點難找食物，當日小弟找回放下的豆腐真是大海撈針，花了不少功夫！雖然是3－4人餐，但我們一行8人也覺得非常足夠。有牛羊、丸、花枝片、牛柏葉、蝦、手打拉麵，一大籃菜等。餐牌上指的3－4人一定全部都很大食…一場來到，當然要吃北京填鴨，一試之下，皮脆肉嫩，多汁美味 薄餅已翻熱，配上甜麵醬和大蔥，簡直是一絕，圖中可見份量也不是開玩笑的多店家送了每人一粒高力豆沙，此是肚皮已經快要撐爆了我覺得到處的高力豆沙味道口感都差不多最後大家還是忍不住再叫了香蕉拔絲這裡的拔絲是拔好了再奉上的，外面不是很脆，不過內裡的香蕉熱滕滕，非常甜總括而言今次實在非常滿足，一大班人一齊玩混醬拾下拾下也不

昨日中午訂位話滿了位,無得訂,今晚7點半去到試下排位睇下有無位,即時有位.一坐底沒有茶類選擇,已經放下.由於羊肉刷刷鍋好特式,就食火鍋,不炒嘢食.鍋底只有清湯,沒有咩湯底選.醬油有辣豉油,豉油,魚露,蔥,莞茜,沙茶醬,紹酒/花雕(吾記得咩酒),醋.....有D吾知係咩.我們叫了肉包丸,菠菜,羊肉拼牛肉($160)WAITER話可以雙拼],醉雞,蝦片(其實係開邊去殼的大蝦)[WAITER介紹的],份量都幾多,1JAR生渣茶味道與其他餐廳一樣,無咩特別.醉雞同蝦片都好食,醉雞好重酒味,蝦片隻開邊蝦好大又吾使去殼.羊肉不太重羊味,羊肉同牛肉其實機切得太薄太碎,一般般,但食羊肉鍋無可能無羊.好飽,最後,每枱都送上每人一個小小SIZE的高力豆沙,好完美的晚餐句號

中秋節"做節"已經同屋企人食咗餐大餐, 但以我呢個"為食貓"嘅概念係: 一個節日係可以同唔同的人輪流"做幾次節食幾餐都無拘"嘅, 當然要'情投意合'啦, 亦都要人家賞面一齊慶祝! 嘻~嘻~ 都係藉口一個, 我為食啫, 所以梗係要約老友仔阿小美美小姐去做節食番餐啦! 上網找資料, 知道這兒有"山東訂製的長煙囪的銅爐炭鍋", 相信北京的小姐見了肯定有點歡喜吧?! 好, 一於訂此店! 我一告訴她: 我們今晚去吃火鍋'過節', 她已很高興, 當抵達後我柯打的火鍋到了, 她開心的樣子讓我也很滿足呢! 我叫了一客套餐(for 2-3人) 大槪是七百多元, 其實我們3位吃已很足夠, 因為後來我們都沒有吃完所有肉片, 所以各位要點套餐時都可考慮一下它的份量其實寫2至3人, 但3人是足夠了, 若不夠, 寧可散點多幾款就可以了. 先說那個鍋底, 下面是有炭在中心的, 平常我們吃的港式大圓鍋確實方便得多, 不過始終未用過這種鍋的會很有點興奮的心態, 但當然要注意它...小心被燙傷! 再說那些醬料由侍應哥哥用大圓盤"托"出來的陣勢亦是令你覺得"嘩~ 好大陣象啊"的呢! 一來就'霸'了

突然想食北京填鴨，本來係霸王山莊等位，點知一睇menu $298半隻、$32X一隻，兩個人又唔想叫一隻，而且可能太耐冇黎加哂價，醒起附近的泰豊廔，決定過去睇下。首先有金華火腿津白，個汁唔會太杰，火腿薄薄的反而可與菜同吃，不錯。北京填鴨，半隻$198、一隻$300，可以睇住佢片，同時聞到陣陣烤鴨香味，令人好期待，但鴨肉本身無乜味道，而用來包鴨既薄餅比王加沙的厚，不過亦可接受。小籠包，一籠十隻($65)，皮薄，汁好鮮甜，有意外驚喜，唯一可惜係得兩個人食就太多了。拔絲蘋果，雖然無得如填鴨一樣睇整既過程，但炸漿唔會太厚，上面既脆糖同蘋果一甜一酸唔會太甜，好味道。待應叔叔每人送一件高力豆沙，正好滿足我試哂兩款甜品既願望。當然，送的未必新鮮熱辣，但算是bonus!另外，每款菜式都大中細size分，可以佩合不同需要。

今日和5位姊妹, 一起到滿有懷舊氣式的泰豐樓食涮羊肉邊爐!地方果然滿懷舊, 有點像蓮香樓的感覺! 侍應們先送上一些小食給我們,由於人還未齊, 未能夠點菜。所以我們很快也把小食吃光。吃完後還未齊人..所以最終我地先落了小籠包醫醫肚先!小籠包, 一籠有10隻! 小籠包皮薄, 咬落有肉汁流出! 好好味!!食完後, 終於黎齊人啦! 所以我們ORDER了一個6-8人邊爐套餐!外加半隻北京填鴨 ($198半隻), 侍應清理好桌面後, 再拿來了一大盤的邊爐醬料!有魚露, 醬汁, 豉油, 辣椒, 南乳, 白酒, 雪菜, 麻醬, 蔥花, 糖, 醋..之後有個名叫混醬達人的侍應詳細介紹給我們要如何混合醬料才好味..(但查實就係樣樣都加D..) 不知是真是假呢?! 最終都係揀了我最想要的醬料便算了!不久後, 這個有趣的紫銅爐終於出場啦!! 小妹見識不多, 呢個紫銅爐果真過癮,立即忍唔住影返幾張相先! 邊爐材料陸續上桌! 牛肉/羊肉/丸類3種/牛柏葉/東菇/枝竹/豆腐/麵條/菜食落其實冇什麼特別....係滿有特色, 但又唔係特別好味, 整體不過不失。但剛好止了我的打邊爐癮! 食到一半的時候, 深怕我們點了的北

聽聞此酒家一定要先卜位, 才有得食, 我們一行12人, 當然也有卜位啦.入座了, 老實講, 完全無服務可言. 但勝在不收開瓶費, 不收自攜小食錢, 算是不過不失吧.我們點了8人餐, 另加一隻"富貴雞($320)", 以前叫乞兒雞 / 叫化雞, 因為唔好聽, 所以改名.呢味菜一定要預先卜先可以食. 因為席間其中一位朋友之前見過人食, 好好奇, 好想食, 於是成就了今晚的晚飯.以下是本人食後感 :--三色大拼盆 : 沒什麼特別--芙蓉三鮮 : 似賽螃蟹, 但味道略淡--鐵版宮保明蝦 : 酸酸甜甜的, 蝦大得來又未至於用化學野乸到彈牙既口感. ok--北京填鴨 : 不過不失, 水準一般--醋溜鮮魚 : 呢個真的超讚, 魚肉滑溜, 全晚最喜歡呢道菜--紅燒鮑片 : 水準一般--鴨架子湯 : 都ok好飲--炸菜肉末 : 本人冇食, 不作評論--叉子燒餅 : 本人冇食, 不作評論--京式甜品 : 高力豆沙, 都ok, 但蛋白做得有點怪, 食起上黎有d似麵包既感覺以上全是八人北京填鴨餐的茶譜另外散叫的 :富貴雞 : 完全要用"似湯渣既感覺"來形容, 除左外型(未扑開泥土時)吸引外, 完完全全十分之失

果晚同老公街街完，諗住去覇王山莊食，點知鬼死咁多人，攞住果張等檯飛，再望下等檯果d人，心諗:餓死都未得天光啦！此時靈機一觸，想起以前同家姐姐夫黎過泰豐廔，d野食都好味，只係零裝修同企堂伯伯d招呼睇心情而定，咁就博一博上去睇下有冇位啦。我地叫左一枝大啤，小菜如下:1)京爆羊肉(約$80)，好好味！！！皮脆，肉汁多，香囗！！2)鐵板蝦球($140)，個汁酸酸甜甜，好開胃，蝦碌超大舊。3)羊肉麵($38)，好大碗，湯底濃濃羊肉味，正！4)小籠包($約60)，一籠十隻，味道OK，d皮全部一夾就穿。5)酸辣湯，夠正宗，我老公唔好依味野，仲好，益我一個人飲晒！！食飽後仲送高力豆沙。埋單$440

Set menu for 8-10 people was a good deal, $1158 includes an assortment of appetisers, a soup, peking duck, mandarin fish, spare ribs, beef, abalone with vegetables, dessert, and probably some other dish which I've forgotten. The portions are huge, the quality was decent, the cooking style is a little unpolished but still reasonably tasty. The peking duck was the show of the night, naturally.Don't expect service to be polite and consistent, it's old school hustling with this lot. Don't be shy to