泰海鮮 (已結業)

長假期前來到三聖吃海鮮！今天主要只是海鮮加工，味道也處理得不錯！另泰海鮮出品的生炒骨也不錯。椒鹽賴尿蝦 (6/10)椒鹽不太夠，但蝦味夠搭。 鹽水煮蜆 (7/10)鹽水不算太咸夠鮮！大家都飲了一小碗。上湯龍蝦伊麵 (7/10)伊麵底夠，龍蝦也煮得剛好，沒有太淋或過火。一行六人於街市買了海鮮$2040 ($340@) ，再於泰海鮮加工: 加兩小菜和兩啤酒及4枝汽水，$1164埋單 ($194@)。每人500多元吃到海鮮大餐，實在很滿足！有機會下次想試"冬陰功煮花甲"。另附近的停車場收費頗貴，這晚竟要$40 一小時。但為免被抄牌也沒法了。

相隔半年再專程到屯門一會泰海鮮，不久之前還在網上看到友人客串主持介紹此店 若然沒有摘星的意願，以價位與性價比而言，泰海鮮的確擄獲了身邊友人的心 對我來說，屯門實在算山長水遠，只是憶起其足料金黃鹹蛋黃，距離根本不是一回事 沒有半秒猶豫便下手的黃金鮮魷 $118由端上桌的一刻已無法掩蓋鹹蛋黃的香氣 雖然比平日吃到的濕身，膩感會相對地重，但粉沙感及油香不減，依然教人吃個不停 鮮魷軟彈易嚼，若果此時可以來碗白飯相伴，再把碟裏未有沾完的蛋黃用來拌一拌，美妙 上回在西貢吃過威士忌焗蠔，這次回歸我們熟悉的砵酒焗蠔 $62（加工費） 蠔肉飽滿無腥意，加入砵酒烹調後完全吸味，酒味雖已揮發，但其甜香仍然明顯 此時想起上次吃到的豉油皇中蝦，一甜一鹹本味不一，然而成品是同樣的入味 近數天又吹起涼風，薑蔥鮑魚煲 $80（加工費）奉桌時依然火熱滾燙，正中我們心意 本有點擔心一直以餘溫加熱，鮑魚會否愈見乾水硬韌，結果還是多慮了 鮑魚肉雖然不算厚身，但其嫩彈易嚼對版，薑蔥逼出點點香氣，人越大越愛五辛香氣啊 無法改掉亦不需改掉，對酸甜之物的熱情難以退卻，鳳梨鲜排骨 $93非海鮮又如何？ 與半年前同價，但是這次

車媽媽有不少好友住在屯門區，所以久不不便入去探望他們，而晚餐當然要近海吃海食新鮮海鮮吧！好友這夜帶我到三聖邨的泰海鮮大嘆美味海鮮。 近來天氣開始熱日照時間也較長，六時到達還有日光呢。 先點個泰王芝心蝦丸＄78食先，一客內有三粒芝士蝦丸，粒粒都大過乒乓波好巨型檯~ 芝士蝦丸外層包裹著香脆不油膩的麵包粒，咬開中央部分是爽口彈牙的蝦膠，內裏還包著流心芝士醬香濃可口，溫馨提示小心燙嘴呀！ 砵酒焗台山蠔加工費＄62, 蠔身個子不大但入口充滿蠔香，用上我喜歡的砵酒焗煮法香香甜甜惹味非常。 鹽油焗奄仔蟹這兒一斤十兩加工費＄117，雖然唔係食奄仔蟹最好的季節，但這幾隻質素亦十分不俗。 金黃柔軟的蟹膏入口甘香鮮甜，沒膽的車媽媽亦大開殺戒吃了一整隻呢！ 另外還點上這個邪惡的黃金鮮魷＄118，濃濃的鹹蛋黃甘香無比，配上厚肉鮮魷簡直是惡魔的化身。 最後吃多碟爽脆麵醬唐生菜＄78肚子已滿足萬分，各位屯門友下次再聚喇！

事原一早book左位係泰海鮮食飯,一家大細夾埋成11個人,當中有4個係小朋友同bb,一早講明坐室內,點知黎到就將我地一家大細搬出室外食,當然唔ok la就問職員我有小朋友同bb喎。。。特別一提室內有大量空置枱,重要係我地6:00pm已到,更氣憤的事就係安排給我們的枱,只能夠、只能夠坐8位呀。。。地下又濕又滑,大人坐一定唔係問題,但有小朋友同bb點能夠受這樣對待,一心同老爺慶生重要受氣,係雜誌推介得又幾咪黎潮勝下,難受的係那個男職員把口停唔到,不斷重複又重複加位俾您地,加位一定坐到説話,又話唔只坐8個12個都坐得到,又話自己話唔到事但又唔收囗,我忍唔住怒氣下叫佢收聲,哼。。。真係收聲,我地轉身就走,沒有任何一個負責人或話到事的來平息,真心不會再幫襯😡😡😡😡😡😡

真係無諗過，原來屯門啲海鮮係正咁多，同埋好抵食。若不是老公而家係屯門個邊做嘢話我知你，我都真係唔知道呢～～ 先黎飲返支冰凍的可樂，支裝仲正！ 必食推介！是這個泰皇芝心蝦丸！HK$78 / 3粒。新鮮炸起，真係好熱，小心會辣親嘴仔啊～ 一口咬落去，溶芝的感覺流出黎，芝士味濃郁，而且蝦丸彈牙。 薑蔥炒蟹，HK$115.6（一斤九両，加工費每斤HK$58）。揀選大隻的肉蟹，而且肉質夠晒厚，加上惹味的薑蔥，食起上黎更加惹味。 果皮蒸鮑魚，HK$103.5 (一斤七両，加工費每斤HK$56）。大大隻的鮑魚，肥美厚肉，簡單用上果皮清䔡就已經好好味呢～～ 看吧？肉十分厚實呢～～ 啖啖肉呢～～ 另一必食之選，是這個白酒忌廉煮花甲。HK＄144（一斤八両，加工費每斤HK$63，另白汁忌廉加收HK$48。） 起初以為，白酒加忌廉會破壞了花甲的鮮味？！但想不到，原來不會哦～～ 白酒剛好吊出了花甲的鮮味。同時，忌廉仲有其香滑味美。食起黎更加令人回味。 鹽油焗奄仔蟹，HK$148（加工費每斤HK$58)。紅通通，油鹽焗，上碟時很香哦～～～ 一切開，是金黃色的蟹膏，油份甘香濃郁

海鮮係要自己買去嘅，我哋睇咗其他食評之後，決定幫襯附近嘅關財記，嗰度服務態度唔差，都唔算會呃秤，價錢算合理，海鮮生猛新鮮，自己可以慢慢揀，一眼望見有好多海鮮檔，但係大部份人都選擇呢一間我們買了海鮮之後，把海鮮交給了夥計，等了半小時左右，他們就會過來問我們怎樣煮，好熟悉我們買了什麼海鮮，也會提供意見，告訴我們多數客人會選擇什麼白酒忌廉煮花甲酒味香濃，忌廉味好重，超級香超好食，如果多啲人分享就好，因為食得多都會幾膩下食晒啲花甲之後好想打包個汁啊！其實個汁有一種好熟悉嘅味道，不過諗左好耐都唔記得係咩馬拉盞炒通菜馬拉盞好香，通菜莖的部份爽，葉的部份嫩，分量十足花竹身（刺身）這個不推介，因為比平日食的蝦刺身比較厚身之外，沒有什麼特別，加工費亦比較貴，浪費了幾隻蝦，下次會試其他方法煮花竹蝦（蝦頭）除了刺身部份，蝦頭亦都有少少肉可以食，選擇了椒鹽的方法。但係肉真係得非常之少，真係冇乜肉好食，啲椒鹽仲多過可以食嘅肉白灼花螺（海鮮醬/辣醬）味道比較淡，海鮮醬似平日吃腸粉的甜醬，辣醬沒有什麼特別，不推介薑蔥鮑魚鮑魚爽口，幾大隻，薑蔥的方法亦煮得入味，能夠索晒啲汁，正蒜蓉包食第一啖係幾脆嘅，但係過多一陣麵包

由於近的關係，之前食海鮮都係去西貢等的地方，但今次有朋友介紹我去三聖的餐廳食海鮮，話貪佢價錢實惠D, 去到見到又好似真係幾抵去到佢俾左個房我地,不過係房度食係貴多少少的第一道上的菜是泰皇芝心蝦丸(3粒) ($78)，依味最有驚喜，佢都幾大粒下，剛剛炸起外皮好脆，咬落去裡面慢慢滲D芝士味出黎，好有層次，而且佢放左一陣都仲脆，本身預一人一粒，但最後忍唔住enchore多左一客第2道推介菜係白酒忌廉煮花甲，依個都係水準之作，一上碟就已經聞到濃濃酒味，本身以為食落去只係creamy的口感，點知咬落去既時候係好似食緊百香果粒粒果種爆開的口感，好特別!!最後要提的就係芝士焗龍蝦+面底，雖然依樣好多地方都有得食，但勝在佢夠平，每斤好似係$96同埋龍蝦都新鮮，又有膏仲有叫其他，不過最鐘意都係依3味，打完依篇食評先發現原來我最欣賞的都同芝士有關係無計，我係芝士控

拜完山同屋企人去食三聖邨海鮮！因為飲食男女成日有泰海鮮嘅廣告！搞到我心癢癢去試吓！首先去買海鮮，一共買咗＄800海鮮！有石斑、奄仔蟹、賴尿蝦、扇貝！之後拎去泰海鮮加工，加工費都係＄400！我食過屯門幾間海鮮餐廳，唔係太咸就係太貴，有時候太油，今次泰海鮮就完全冇呢個問題！食物嘅味道啱啱好！不過我問佢拎辣椒油，辣椒油無味嘅！上菜啦！石斑煮得啱啱好！唔會太油！之後到我最鍾意嘅鹽焗奄仔蟹！四月都仲有黃油！之前食過幾間都嫌太鹹！今次啱啱好！扇貝我食咗一半先記得影！超級彈牙！味道：4環境：2.5價錢：3

老婆屋企人生日，決定一家四口去屯門三聖食海鮮，九龍人的我地都係第一次黎呢度，見佢地先親自去旁邊挑選海鮮，原來係有名的<關財記>，之後再俾廚房加工，海鮮質素高。先黎個泰皇芝心蝦丸，光賣相已經非常吸引，蝦丸熱哄哄、大大一粒，蝦肉新鮮彈牙，中間的芝士香濃，外層仲用左麵包粒去炸，口感更加脆卜卜!!白酒忌廉煮花甲，平時食炒或清酒煮多，估唔到白酒忌廉煮都好味、好稠密、酒味重，花甲又大大隻，鮮甜， d汁用黎撈飯一流。鹽水浸瀨尿蝦，超大一隻，見到真係誇張，有整隻手掌禁大隻，雖說只係用鹽水浸，但簡單的烹調方法更帶出賴尿蝦的鮮、甜，而且肉質仲肥美彈牙!!

蝦兵蟹將所有海鮮的感覺都泰 fresh 了。每次 sister 係加拿大返香港，都會搵我地食餐飯，雖然好耐先見一次面，但每次都有雞啄唔斷嘅話題。成日都話加拿大嘅海鮮唔夠香港嘅好味，我自己就覺得因為煮法唔同，始終廣東人食海鮮加上調味，令海鮮嘅鮮味發揮得更好。今日特登揸車到三聖食海鮮，貪佢冇西貢咁多人，可以悠閑咁食一個下午，而且海鮮都明碼實價，連加工費係幾多都寫得好清楚，海鮮又可以喺附近嘅海鮮檔即買即煮。我哋幾個都好鍾意食鮑魚，所以揀咗南非鮑，初時仲驚好貴，原來十分抵食用果皮蒸鮑魚最能帶出佢嘅鮮味，加工費每斤都唔使 $60。仲要阿姐嘅服務非常好，每位都有一份刀叉，食鮑魚都可以好似鋸扒咁慢慢嘆，厚肉彈牙，海洋嘅鮮味令人回味無窮。令一樣必食推介就係鹽油焗奄仔蟹，加工費又係好平。 重點係阿姐真係冇介紹錯，預先幫我地剪開一半，大人細路都食得好方便。蟹膏多到流出來，應該係當造季節，所以蟹特別肥美，連個蟹殼嘅顏色都鮮艷奪目，真係一啖食咗你我平時唔太好食蟹，都食咗半隻，好大隻口感好結實詳嚟到梗係要蒸返條海上鮮啦！ 清蒸杉班，真係船家新鮮捕獲架！吃得出魚肉嫩滑。有啲忘記咗小朋友鍾意食熱氣野，泰皇芝心蝦丸

食海鮮梗係要去近海嘅地方貪佢夠新鮮，全部即日打撈回來，一來價錢相對合理，不用經由第三者，而且直接由批發商出價&海鮮種類繁多，地方都有幾多選擇鯉魚門&香港仔&西貢&流浮山&三聖呢幾度地方都係專食海鮮地點，今次就有機會去見識一下，皆因朋友係附近住佢話呢間都抵食，咁咪約埋幾個人去未食海鮮前我地先食咗小食，點咗泰皇芝心蝦丸，買相好大粒炸到金黃色，咬一啖面層鬆脆，內裏係純白色蝦肉超彈牙爽，食到蝦丸中間就聞到好香芝士熔慢慢滲出來配搭出色，非常可口另一道菜係白酒忌廉煮花甲，未食已聞到濃濃忌廉香味配埋白酒，飲一啖湯汁入口嫩滑香綿，花甲肉質爽甜加埋湯汁一齊食更好味再來果皮蒸鮑魚，呢隻係南非鮑魚，件頭相當大隻，肉身豐厚，切開軟熟適中，口感爽彈鮮甜。食到咁上下梗係飲番個海鮮湯，湯底材料十足，有賴尿蝦&雜魚&蕃茄同薯仔仲有貝殼肉，湯入口非常鮮甜開胃，飲完一碗又一碗之後鹽油焗奄仔蟹蟹膏滑溜相當飽滿，入口非常香濃肉質鮮嫩多汁，食完口腔仲有陣陣甘香最後食埋生果咁就食完呢餐午膳，最後今日全部餸都食到泰鮮味

由於很久沒有到三聖邨吃海鮮，於是滿懷喜悅準備吃一頓豐富的海鮮餐。先去關財記找相熟的店員為我們精挑細選當造的海鮮，再上開飯網搜尋此店的招牌菜，一心一意迎接美味大餐。原以為預先訂了枱，到達便可以坐下安心等吃，誰知竟要我們等候其他客人結賬，還想安排我們坐露天座位，當然是一口拒絕，於是等了二十分鐘才有室內座位，坐好後還不是給我們落單寫菜，生猛的海鮮可想而知已死了九成。先來一碟白汁忌廉煮花甲，味道鮮味，濃淡恰當，湯汁惹味。再來豉汁蟶子伴米粉，蟶子起肉以豉汁炒熟，略嫌韌了少許，米粉煎得太硬身，就算吸了汁料亦未見軟腍。我們特別買了花竹蝦作刺身，恐怕兇多吉少，等了超過半個鐘，先來豉油皇蝦頭，蝦肉刺身要十五分鐘後才送上，豈知此招牌菜的靈魂自家製泰式辣醬竟然用光，只給了一碟芥末豉油，簡直離譜。接著谷著一肚氣吃了馬拉盞炒通菜及清蒸海班，才猛然醒起有兩隻鹽焗奄仔蟹未到，前後已過了個多鐘頭，三催四請，侍應只是敷衍回覆，真擔心兩隻靚蟹已落了別人肚裡。最後，兩隻鹽焗奄仔蟹終於爬到枱上，但已無從得知是否自己所買的兩隻靚蟹，急不及待吃完便結賬走人，我們一致裁定此店永不超身！

呢日目標好明確，就係同班海鮮友一齊食靚海鮮呢間野聽過人講堅係正，今日終於約齊人一齊黎食啦~得海鮮緊係要食下蝦，呢個白灼九節蝦 就無得輸，(連埋加工費每斤$56)，共$72細隻但肉質彈牙可口，相當鮮甜美味蝦肉易拎, 蘸埋辣椒豉油，好惹味果皮蒸鮑魚 ，呢度 一斤七両(連埋加工費每斤$56)，共$103.5飽魚肉質好厚但幾軟腍，口感真係好享受，啖啖肉，仲好新鮮甜美黃金鮮魷 $118金黃色澤配微鹹，又好香口，粉脆的鮮魷，加上蛋黃，超好味清蒸杉班 一斤連加工費每斤$56，共$72魚質好美味，新鮮又滑的魚肉，蘸上魚油 ，甘香令人回味不經不覺就食完一餐好飯，依依家捨地離開~

同班Friend來得屯門三聖玩，當然要食個靚海鮮，在朋友介紹下就來了這間泰海鮮必食豬扒 - $93本來只是打算怒食海鮮，不過這個叫得必食豬扒，又沒理由不試下。一食落厚肉軟滑，肉質鮮嫩又惹味，顯然是靚肉重點重頭戲的芝士焗龍蝦伊麵底 ，共$212龍蝦本來就是我們愛海鮮一族最愛焗龍蝦啖啖軟肉，好味爽口又彈牙。配上香濃的芝士汁，伊麵與濃郁芝士香交雜，相當配合龍蝦的獨特美味。泰皇芝心蝦丸(3粒) ，$78 一份，我們叫了兩份共6粒才夠分實在太高質，外脆內軟。外層是金黃色的麵包粒，單咬外層而相當爽脆香口。相當有層次的美食，共有三重的刺激，帶脆粒口感的炸麵包糠後，是爽滑的蝦肉，美味動人最後是流心芝士，芝士味好香濃成個外型都好靚，色香味俱全仲有一樣值得一讚的是，職員都有禮有健談，服務一流。下次有機會再ENCORE來食下

第一次入屯門三聖食海鮮當然同屯門友去食依個要強烈推薦～～花竹蝦～～隻蝦又大肉質又爽口鮮甜仲配有店主DIY新鮮辣汁（我覺得係泰式的辣汁）可惜我唔食辣XD雞油豆苗油應能令菜保持綠色雞油豆苗很鮮甜估唔到2種材料這麼夾！！豆苗我本來就好中意食喜歡那特別的菜味及菜苗小棵小棵十分嫩口時令の蝴蝶蚌第一次聽第一次見第一次食話岩岩時令 所以馬上立即order 左！聞說佢超鮮甜！所以決定用最簡單的煮法把牠KO!!!!！！油鹽白開水煮！！真的同傳聞一樣肉質鮮甜！！肉係屬於有咬口的I like it!!!!!!我估佢叫蝴蝶蚌的原因係因為咁幾似蝴蝶佢仲有手工啤酒飲總結第一次的屯門三聖海鮮冇令我失望