先黎個泰皇芝心蝦丸，光賣相已經非常吸引，蝦丸熱哄哄、大大一粒，蝦肉新鮮彈牙，中間的芝士香濃，外層仲用左麵包粒去炸，口感更加脆卜卜!!
白酒忌廉煮花甲，平時食炒或清酒煮多，估唔到白酒忌廉煮都好味、好稠密、酒味重，花甲又大大隻，鮮甜， d汁用黎撈飯一流。
鹽水浸瀨尿蝦，超大一隻，見到真係誇張，有整隻手掌禁大隻，雖說只係用鹽水浸，但簡單的烹調方法更帶出賴尿蝦的鮮、甜，而且肉質仲肥美彈牙!!
老婆屋企人生日，決定一家四口去屯門三聖食海鮮，九龍人的我地都係第一次黎呢度，見佢地先親自去旁邊挑選海鮮，原來係有名的<關財記>，之後再俾廚房加工，海鮮質素高。
以上食評乃用戶個人意見 , 並不代表OpenRice之觀點。
讚好
推介美食
泰皇芝心蝦丸
鹽水浸瀨尿蝦
白酒忌廉煮花甲
用餐日期
2017-03-05
用餐途徑
堂食
人均消費
$210 (晚餐)
