292
17
15
食評 (349)
等級4 2020-07-15
1148 瀏覽
記得係F先生介紹我來這裡,直到今天,泰海鮮都係老少咸宜人人啱嘅選擇。三聖吃過幾間不同嘅餐廳,當然有平有貴,有唔同菜式種類,有坐得好有坐得唔好,無論點都好,佢一定係價錢最合理,水準最穩定嘅一個選擇。以前星期五晚最鐘意去食海鮮,每逢週末一定高朋滿座,或者星期六日下午環境最寧靜,又可以慢慢坐,飲杯白酒鬆下,咁樣食海鮮絕對係人生樂事。就因為F先生的介紹下,基本上每半年就會嚟食一次海鮮。呢個下午突然海鮮癮起,又來大吃一餐。次次呢度啲姐姐都會推介我哋飲海鮮湯,基本上每一次我都會聽話,冇辦法個海鮮湯啲料好足,有蝦有蟹有魚有蜆有瀨尿蝦,基本上呢個湯唔甜就假,次次都飲幾碗先夠。諗左好耐用咩方法去整海中蝦,樣樣都做得好,我自己偏好喜歡蒜蓉開邊蒸,但可惜當天朋友不想吃任何蒜蓉濃味野,結果用左最老人家喜歡的方法,豉油皇海蝦。海蝦質素不錯,又唔會係巨型般大隻,豉油皇味道不鹹不濃,剛剛好。豉油皇鮑魚就係用上了巨型嘅大連鮑魚,同樣豉油皇有點簡單,當然每次喺海鮮店吃鮑魚我都會諗起六福個椒鹽鮑魚,當然呢度嘅水準同六福當然有好大距離,但豉油皇鮑魚就還不錯。不過要讚嘅係就算用上酒樓嘅海鮮,唔係自己揀,水準都幾好。我平時麻麻吃瀨尿蝦,以泰式香茅做的瀨尿蝦,絕對係呢間店嘅點題作,大家都知道三聖泰國嘅代表就係睇泰海鮮,每次都要食返一個佢嘅首本名菜。辣油煮花螺應該前菜時間來會較為適合一點,有幾好,都不用說,但如果你怕辣嘅話就真係行人止步,因為嗰個辣真係唔係人咁品。很少吃油鹽焗奄仔蟹,因為如果食蟹嘅話我都會比較喜歡食阿拉斯加蟹腳之類,但有老人家,就食奄仔蟹傳統少少,個種澎湃,睇相就知道。尾聲的白酒忌廉煮花甲烏冬底,也不用多說,條條烏冬都沾上了濃烈嘅白酒忌廉,送白酒,係夾到出神入化。不知下次幾時再來,疫情關係,今日較靜,生意好像比之前更差,但係呢份不解緣都會叫我繼續支持呢度。當然成日寫呢度我唔係話你知呢度有幾咁好食,只不過係次次食水平都不會失望,蔗渣價錢,燒鵝味道,每位四百幾蚊到,你喺西貢六福都食唔到啲乜嘢,就呢個原因,三聖永遠都係食海鮮想去就去嘅選擇。泰海鮮  屯門三聖街6號三聖商場地下5-8及14-16舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-12
450 瀏覽
忠仔記長期粉絲,先到忠仔記買靚海鮮,再到泰海鮮加工,好味抵食!食足兩個鐘,連等位要兩個半鐘,油料工費飲品炒飯加忠仔記海鮮每無都只係 $800 蚊有找,無敵美味兼抵食。麒麟啤酒,平時禁酒,就算晚飯都只準飲兩支細啤,要好好珍惜。泰式肉鬆蘿菠炒飯,炒飯最先送到,菠蘿殼已用晒要用碟上。炒得香噴噴,食得齒頰留香,炒飯混入甜咸肉鬆及甜酸菠蘿,十分香口開胃,忍不住整碟炒飯食晒,不過海鮮完全未見蹤影!呆等多一個鐘,第一道海鮮終於登場!接待姐姐話因爲有海鮮餐廳執笠,所以食客們突然擁黎幫襯,應接不暇。爆場連凳都唔夠,有檯無凳!無訂座服務,呆等半個鐘終於入座。油爆活響螺片,廚師稱大大隻做鹽焗難入味,最佳處理方法起肉爆。邊脆肉嚥韌,螺味鮮甜強烈,輕調味搭爽甜西芹,使我讚口不絕!白灼野生花竹蝦仔,細隻比大隻更鮮更嫩更多汁!野生非凡的彈,出眾的鮮蝦甜。白灼花竹蝦,爽甜兼備,鮮味十足。白灼野生虎蝦,其實虎蝦與花竹蝦是否同一樣呢?虎蝦肉質結實,鮮味十足,蝦膏甘甜噴射。蒜蓉粉絲蒸珍珠扇貝,識食當然要一啖過,帶子連蒜連汁還有豉油粉絲全部釀入嘴仔,慢慢細味。精緻厚身細粒的珍珠扇貝肉,特別爽脆好味道!蒜蓉粉絲蒸蟶子皇,爽甜彈滑兼多汁,蒸得剛剛好不硬不鞋。蒜蓉粉絲蒸象拔蚌,粉絲捲著大量蒜蓉連象拔蚌直接掃入口!熱烘烘象拔蚌鮮甜爽彈無比,蒜蓉辛甜份外滋味。薑蔥炒琵琶蝦,可以跟龍蝦爭一日之長短!色香味俱全,薑蔥添香氣,爽爽蝦肉一再回味。上湯焗青龍蝦,爽彈鮮甜啖啖肉,濃濃活龍蝦天然味道,趁熱食更提鮮提味,無得輸!清蒸西星斑,最愛游水斑的我!輕微黐骨剛剛熟,魚汁四溢,魚肉薄薄滑滑結實,全身都係寶,損得一丁點肉也沒有!清蒸紅瓜子,頂級游水魚,最緊要時間拿捏準確,魚肉嫩滑跟淡豉油,鮮味絕倫,啜得乾乾淨淨一絲不掛。清蒸泰星斑,滿天星條條都係星斑!拆掉所有滑嘟嘟的魚肉,淡豉油魚汁魚肉撈飯美味極致,輕輕鬆鬆可以清掉兩碗飯!豉椒炒花蛤皇,生炒超級肥美,脹卜卜爆出蜆汁,還有香甜豉椒芡,乾淨無沙食得舒暢!冬陰功浸花蛤皇,彈彈肥美脹卜卜,酸甜辣百味交錯,啜到停不下來。日本白松蚌刺身,新鮮度爆登,即開即片軟滑非常,鮮甜味跟加拿大蚌有過之而無不及!上湯灼日本白松蚌膽,明爐堂灼蚌膽,熟食比較安全。除堂灼外,椒鹽同樣美味。膽味甘甜而肉汁滴滴,綿中帶彈。黃金膏蟹,剛剛跟美女曼谷回港,對黃金蟹念念不忘,立刻回味一下。活蟹那有地方可以挑剔!肉質爽彈,鮮味脫俗,蟹汁吸引。咸蛋黃平均包滿蟹件,甘香無窮!蟹膏填滿蟹蓋,蛋味甘甜拍爛手掌。薑蔥炒奄仔蟹,蟹肉散發獨特的青蟹味,鮮甜依然。綿綿蟹膏跟薑蔥融合,啜得津津有味!豉油皇香煎九孔鮑魚,首次品嚐驚喜不已!清新生老抽黃金比例,芬芳美妙!彈滑的肉質想一食再食。鹽焗深海花螺,鹽香咸鮮迫入螺中,螺水滴著汁挑出,彈彈鮮味滿意無投訴。辣酒煮花螺,豆豉辣椒蒜蓉混著香料酒味,百花齊放,香辣惹味,有碗飯或麵比我撈汁就不得了!花螺頭脆脆,身肉彈彈,尾部綿綿,甘甜加鮮味再散發甜辣味道。椒鹽鮮魷,食得魚翅多都想食食粉絲。鮮魷爽脆有咸香,炸得鬆化不油,黏著蒜酥滾埋喼汁,酸酸甜甜還不錯。油鹽水浸有膏瀨尿蝦皇,食到悶悶的試試新煮法。夠大碌夠氣勢!耐心將所有殼去掉,再大啖大啖連肉帶膏細味,嚥韌蝦膏甘香味美,蝦肉綿綿多汁,鮮甜味係蝦族中最濃郁!椒絲腐乳炒通菜,滿分味濃仲有豆香乳香黏黏,隻腐乳咩版子黎架?翠綠爽甜。酸辣泰式生菜包,中辣而酸度高,香菜調味欠鮮味,食得到陰沉現成泰式味粉,包生菜還算合格。還有道海鮮沒有了,居然送錯隔離檯被消失了!只係扣返 $100 蚊?那如果補償我心靈創傷。食飽走到海濱散散步賞賞月,甜蜜一下。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-12
351 瀏覽
大老闆請午餐大家都知道裝修師傅最鍾意食好嘢,因為公司有得出數,最好就有大食大。老闆成日都會去唔同嘅正餐廳.。佢哋一做到大生意就會去試吓海鮮。試過同我哋食香港仔嘅海鮮,去過西貢同埋流浮山,全部價錢都幾貴,當中香港仔最平。香港仔試過漁市場,每人都係$300到,食到捧住個肚走。反而老細話屯門三聖邨好食,食完可以過澳門賭兩手,非常方便適合我哋呢班爛賭鬼。於是這個晏晝就去食返個海鮮餐,不過冇得去賭錢,因為封咗關,所以今次淨係食海鮮就算。幾個男人都愛海鮮湯,我哋全部都好大食,每人飲咗兩碗,唔係好夠喉,所以再加埋要多碗。一人一隻油鹽焗奄仔蟹,夠膏夠大夠好食,而且價錢仲要唔貴。我覺得豉油皇鮑魚普通,記得試過西貢嗰椒鹽鮑魚好好多不過呢度好似冇呢個椒鹽鮑魚好。瀨尿蝦夠大隻,當然無好似西貢嗰啲有隻手咁大,煮得不錯就是了。我哋成班最鍾意飲酒,叫個花螺送,好得。本來想食嗰個九節蝦,但係而家唔係時候,叫了豉油皇蝦。最後仲有呢個白酒忌廉烏冬,我自己覺得有點過火,好似食蟹油炒麵正少少。每人都係幾百蚊,有老闆請,當然夠好食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-07
246 瀏覽
久不久去一去三聖食海鮮好似係一個傳統咁,由於平靚正嘅關係真係唔使諗好多,就會去食。好似今次父親節同爸爸慶祝我哋諗唔到食乜,於是三聖就最穩陣選擇。海鮮人人愛,基本上你唔係海鮮敏感就一定鍾意嚟呢度食飯。唔知大家知唔知三聖邨其實有好多餐廳我哋次次都係買海鮮嚟,今次非常之懶,第一次無買海鮮,直接喺三聖邨嘅太海鮮叫睇吓乜嘢水準。上次喺西貢食過一次大大隻嘅瀨尿蝦感覺麻麻地,今次係度食番泰式香茅瀨尿蝦,呢個好正。海鮮湯同平時一樣嘅火喉,不過今日海鮮好似少咗啲,平時會有大大隻嘅賴尿蝦,今日又好似冇乜,不過個湯然後甜好鮮味。豉油皇鮑魚調味上唔係好特別,但係那種煙韌,完美得很。我平時唔係好食辣,所以呢個辣油煮花螺真係唔係好識得,因為辣得太緊要,花螺完全索晒所有辣油,味道香。講開辣酒煮花螺,就要必講跟住呢個白酒忌廉煮花甲烏冬底,點解呢,因為呢個忌廉烏冬雖然出名 但係我會覺得攞個烏冬嚟撈過花螺辣油會好完美,我雖然怕啦但係因為個忌廉汁溝淡咗個辣油,個味道就會啱啱好。當然唔可以唔提,花甲好大粒,好食。油鹽焗奄仔蟹剛好時候,非常之正。黑椒薑蔥桶蠔煲,冇影相,但係足料又夠味。呢個絕對係食海鮮嘅老地方,來一下,沒有錯。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-21
728 瀏覽
久不久就會約班舊同事同舊同學聚一聚,每個月都會去唔同嘅地方食下飯。以前嘅我就好鍾意去南丫島食海鮮,不過而家去親南丫島都非常多人,可能因為大家都冇得去旅行,呢啲郊區嘅地方基本上仲人頭湧湧過市區。食海鮮反而去西貢同屯門三聖邨多,三聖邨基本上係常去嘅選擇因為交通方便,呢兩年都去過三四次,次次都冇乜失望。三聖邨有好多選擇,你喜歡吃大排檔小炒feel又有,酒家又有,泰式菜又有,琳琅滿目嘅選擇。而當中我最喜歡係泰海鮮,食過三次都唔厭。今次同同事食飯,叫完全唔同嘅嘢食。我反而未飲過呢度海鮮湯,人人都話海鮮湯唔錯,一於試吓。多種唔同嘅海鮮煲在一起,點會不好。豉油皇鮑魚係個個都喜歡嘅選擇,大隻的大連鮑,一流選擇。平時好少會食瀨尿蝦,朋友選的泰式香茅瀨尿蝦,冇椒鹽或者油鹽水來嗰種惹味,呢個確確實實好似泰國嘅做法,仲要有腰果炒好特別。相對覺得辣油煮花螺太辣,唔係個個食得到,但係非常好味!還吃了奄仔蟹,今天吃的煮法是油鹽焗奄仔蟹,應該是剛剛開始食奄仔蟹的時候,一股油鹽的焦香,愛死。本來想叫黑椒薑蔥桶蠔煲,但有朋友唔食蠔,所以叫咗豉油王大蝦,味道最正常同普通。最尾吃了白酒忌廉煮花甲烏冬底,之前試過睇過蘋果日報秋生親身介紹話好食,個人覺得太過白汁過多,如果乾身少少會好啲。食咗咁多嘢,都係平時喺南丫島食嘅價錢嘅三份二,因此十分推介。 繼續閱讀
(以上食評乃用戶個人意見 , 並不代表OpenRice之觀點。)