198
13
11
食評 (240)
等級4 2018-07-16
1454 瀏覽
由於,端午節那天早上,媽咪跟朋友們,到屯門碼頭睇龍舟競渡! 她見屯門碼頭一帶環境不錯!便打算下一個星期日,帶我行吓!在兩星期前的星期日,恰巧!當天約了一班朋友到屯門三聖商場 <泰海鮮> 來一頓豐富海鮮午餐! 早上跟媽咪行屯門碼頭及海濱花園,來屯門半天遊!<泰海鮮> 附近是海鮮街,雖然當天烈日當空,但是食飽飽尚有充裕時間可到訪!如果有時間,可以行吓青山灣海濱長廊,當時又熱又曬!我到此一遊(前段)影相!聽聞可以行到屯門黃金海岸!海鮮街外的海邊有好多魚船停泊,這裏是一個避風塘!當日,由朋友先到海鮮檔「關財記」選購生猛海鮮,拿去價格實惠的 <泰海鮮> 加工煮,真是麻煩了他!並由他發辦點菜!*另外,加工費方面,房間價每兩+$1)泰皇芝心蝦丸 $78/3粒 (每加一粒 $28)炸至金黃色香脆的外層,輕輕咬開彈牙的蝦膠,香濃的流心芝士隨即流下來! 口感層次豐富!豉椒蟶子皇 $108 以豉椒洋蔥爆香烹調蟶子皇,惹味的醬汁把本身鮮味的蟶子皇,有效提升其鮮甜味!火喉恰到好處,保持帶嚼勁的口感,教人回味!海鮮湯 (每位 $20, 兩位起)以雜魚、蝦、沙白蜆煲蕃茄薯仔湯,相當足料!散發鮮香的海鮮湯,滿載鮮味!而且少油!令人安心喝!砵酒焗桶蠔 $124以砵酒焗桶蠔,表面被醬汁包圍,變成深褐色,桶蠔的賣相完全面目全非! 大大隻的桶蠔已熟,外層略帶酒香微脆濃味,正好鎖住水份,依然保持鮮味嫩滑!薑蔥鮑魚煲 $100 以薑蔥煮鮑魚,香氣十足!兩者口味好夾!鮑魚大隻又厚身,彈牙又鮮味!用上煲盛載,就算我是最後一個夾,仍是熱辣辣的!芝士焗龍蝦配炒飯底 $283轉用炒飯底,代替伊麵底;炒飯本身炒香之餘,還吸收了芝士醬汁及龍蝦鮮美的精華! 加上伊麵是油炸,炒飯炒得乾身而粒粒分明!感覺上,比前者少了一份油膩感及膩滯感!與鮮爽彈牙的龍蝦同食,簡直滋味到一個點呀! 不容錯過! 繼續閱讀
(以上食評乃用戶個人意見 , 並不代表OpenRice之觀點。)
又再回味一番 焦點食評
等級4 2018-07-08
1247 瀏覽
一提起去食海鮮就會諗起呢個地方屯門三聖邨,或者近我住嘅地方関係而且交通較為方便,所以簡唔中都會來呢度開飯,當然一到步就先去海鮮檔關財記,睇下有乜生猛海鮮揀啱心水買完就攞去泰海鮮加工煮,就係咁簡單食得夠方便等咗一陣海鮮菜式陸續出來,頭盤有豉椒蟶子皇,蟶子肉質鮮嫩入囗又爽滑,加上豉椒炒得入味食得惹味再來係砵酒焗桶蠔,未食已聞到陣酒嘅香味,而且桶蠔本身都幾大隻,當然要趁熱食,一咬入口食到蠔表面香脆帶點酒香甜,蠔肉肉質好肥美飽滿又多汁,真係食到啖啖嘅鮮甜味到另一款係鹽油焗奄仔蟹,雖然煮法好似好簡單,但咁樣先至可以食到佢原汁原味,撕開已見奄仔蟹有好多蟹膏夠晒豐滿,入囗食到啖啖蟹膏香甜滑溜,真係越食越滋味,要食多件先至滿足品嚐咗一輪美味海鮮,都要點番個芝士焗龍蝦配炒飯底食至完美,一上抬已見芝士鋪滿整碟用料十足,除左食到鮮嫩龍蝦肉外,炒飯亦係主角之一,你會食到飯粒被芝士包住入口特別香滑又濃郁又咁快享受咗一餐美味海鮮 繼續閱讀
(以上食評乃用戶個人意見 , 並不代表OpenRice之觀點。)
泰海鮮@太鮮美 焦點食評
等級4 2018-07-08
801 瀏覽
星期天,總愛四圍趴走,讓足跡遍佈港九新界。這日,無懼天有不測之風雲,毅然遠征屯門三聖邨,與「泰海鮮」有個鮮味之約﹗ 處於屋邨冬菇亭內的「泰海鮮」,就連影帝秋生哥也千里迢迢遠去一試,你又豈能錯過呢? 飲可樂,玻璃樽裝就最夠氣了﹗可惜,夏日炎炎,仍嫌未夠冰凍也。只好,問侍應居取來一個杯子,再加入大量冰塊,這樣,才夠冰凍透心涼﹗ 泰皇芝心蝦丸$78/3粒,表層切成菠蘿狀的,粒粒碩大且料足。咬下去,外層香脆酥化而不油不膩,內裏包著鮮爽彈牙的蝦膠,最內層中心則是香濃惹味的流心芝士,三個層次,三種于同的滋味享受。 豉椒蟶子皇,大廚把新鮮肥美的蟶子皇,混入豉椒洋蔥等同炒,香氣四溢。蟶子皇入味之餘,火喉拿捏也恰到好處,蟶子皇鮮嫩味美,口感甚佳。 這兒的足料「海鮮湯」,以雜魚、蝦、沙白蜆、番茄和薯仔等海鮮材料炮製,奶白色的湯,鮮味無窮,教人禁不住飲完一碗又一碗。 接著,我們一口氣連點了四道濃味炮製的海鮮。打頭陣,有外層吃起來微微焦脆香日,內裏肥美碩大且啖啖肉的砵酒焗桶蠔。雖則酒味略嫌未夠突出,幸無損桶蠔的鮮味與滋味﹗ 白酒忌廉煮花甲配烏冬,時值休魚期,花甲稱不上十分肥美,幸鮮嫩無比,以白酒忌廉同煮,入口更為鮮嫩味美也﹗嫩滑烏冬,浸淫在微帶酒香的汁中,煞是好吃﹗ 薑蔥鮑魚煲,又一滋味且鮮爽彈牙作也﹗ 鮑魚以薑蔥等爆香,放在煲內,入口仍熱辣辣,香噴噴。 芝士焗龍蝦配炒飯底 ,一反傳統,以炒飯底,取代了坊間常見的伊麵。 香濃惹味的鹹香芝士,配以鮮爽且彈牙的龍蝦,再加上粒粒乾爽的少飯底,完美配搭也﹗ 最後,謝謝友人的餽贈。 繼續閱讀
(以上食評乃用戶個人意見 , 並不代表OpenRice之觀點。)
青山灣鮮味行 焦點食評
等級4 2018-06-25
1214 瀏覽
每次一提到食海鮮,屯門三聖邨總是不二之選。無他,全因這裡嘅海鮮,每日從碼頭上岸便立即送到海鮮檔,海鮮自然是一手靚貨,質素佳,價錢合理,所以附近嘅酒家已經成為近年食海鮮嘅熱門聖地。早前友人相約飯聚,就揀咗三聖街三聖商場地下這間人氣海鮮餐廳「泰海鮮」。長途跋涉來到屯門,加上天氣熱辣辣,所以甫坐下,便立即點支冰凍可樂降降溫。至於選菜方面,既然友人是地膽,所以餐單就決定交由他發辦,而我地就一於坐定定等食。趁仲未人齊,先點個泰皇芝心蝦丸同必食豬扒過吓口癮。蝦丸非常巨型,成個網球咁大粒,外層香脆鬆化,而入面嘅蝦肉亦爽口彈牙,咬到中間,香濃嘅芝士就會傾瀉而出,十級邪惡。接著上桌嘅必食豬扒 ($96)  亦碟頭十足,面頭鋪滿香脆嘅銀魚仔同洋蔥,賣相吸引。先挾起一塊豬扒試試,肉質非常嫩滑,完全唔韌,醃得好入味,既鬆軟又有肉汁,加上面層的香甜嘅豉油味,風味獨特,是送飯嘅最佳拍檔!砵酒焗桶蠔 ($124),熟識筆者的朋友,都知我絕非蠔的粉絲,不過這碟砵酒焗桶蠔真係做得非常出色,蠔肉肥美,外帶焦香,而內裡亦軟嫩滑溜,醬汁甘甜中更帶陣陣酒香,甚得我心。食完桶蠔就輪到試吓呢碟豉椒蟶子皇 ($108),先挾起一串蟶子肉品嘗,豉椒香氣四溢,雪白的蟶子肉,肉嫩而肥美、爽脆鮮甜,火候控制得啱啱好,而且醬汁無蓋過蟶子本身的鮮味。其實蟶子好易熟,炒的時間很短,如果煮得過時,肉質就會變得硬實,破壞了應有的爽脆口感。壓尾是一道薑蔥鮑魚煲 ($100),鮑魚體形碩大,還沒送進嘴裡,辛香氣味已經先聲奪人,誘得我口水直流。馬上一試,鮑魚大隻又彈牙,咬下軟熟腍身,非常入味;薑蔥盡吸鮑魚精華,惹味香口,就算淨食都一樣咁滋味。 據知餐廳嘅海鮮係同附近嘅「關財記」攞貨嘅,客人可以自攜海鮮讓師傅加工,又或者乾手淨腳,請餐廳代勞。 繼續閱讀
(以上食評乃用戶個人意見 , 並不代表OpenRice之觀點。)
母親節, 吃海鮮 焦點食評
等級4 2018-05-24
2034 瀏覽
今年的母親節媽媽有興趣食個海鮮大餐, 雖然在家吃是經濟一點, 但無理由當天還要她煮吧! 於是就帶她入三聖邨食海鮮, 上次和朋友在泰海鮮吃的一餐實在太值得回味了。好彩之前已訂了位, 在周末真的很多人。我們一行幾人拿了位後, 我們便先到附近的海鮮檔買海鮮。早幾天剛看了影帝嘆的海鮮大餐實在十分吸引, 於是我們便跟着餐單點了幾款。這碟雜錦海鮮有有蜆有瀨尿蝦, 一看就知足料大堆頭, 其實只是湯渣!!$20 一位的海鮮湯真心覺得抵, 每一口湯都是海鮮精華, 鮮甜得要命。加上雜魚, 番茄薯仔等, 味道濃而不濁, 簡單又好味。要不是還有其他海鮮, 我會一定要飲三碗。咸蛋黃金醬的熱潮繼續火熱, 所以我們也點了香口的黃金鮮魷。魷魚肉厚味鮮, 咬吃來彈牙爽脆。脆炸後再加上惹味的咸蛋醬, 外脆內軟, 咸香又惹味, 實在是送啤酒的好物。我們很快便把它清碟了。這個豉椒蟶子皇配煎米粉底是我上次吃完後念念不忘的, 今次再encore。蟶子大大隻的啖啖肉, 加了豉椒加了香味亦帶走泥味。而煎米粉底既脆口又飽肚, 濃味的豉椒味和淡味米粉的真是個很好的配搭, 咬下去還能吃到點點點的米粉香。接着的兩個海鮮就是跟着影帝點的, 白酒忌廉煮花甲配烏冬送來時帶出陣陣酒香。這個帶點西式煮法的花甲真的很甜, 花甲雖然不算大, 但隻隻都肉厚肥美。但烏冬更是好味, 把海鮮的鮮甜精華都吸收了, 加了白酒的忌廉汁一點也不覺膩, 原來烏冬配忌廉汁是可以這樣好吃的, 有機會真的要回家試試。 薑蔥鮑魚煲材料看似簡單, 但味道一點也不平凡。廚師很有心思的先把鮑魚界花, 既好看又較易熟。鮑魚一點也不韌, 非常易咬開。而其中帶着薑蔥的香, 還有紹酒的爆炒香, 與平時吃的蒸的味道很不同。這次我們每人一隻品嘗鮑魚獨特的口感, 實在有點不夠喉, 或許真的少吃多滋味。除了以上的海鮮, 我們還點了炒通菜和生炒骨。個個都吃得飽飽, 最重要是媽媽高興, 吃了一頓開心飯。 繼續閱讀
(以上食評乃用戶個人意見 , 並不代表OpenRice之觀點。)