160
10
9
食評 (194)
海鮮盛宴 焦點食評
等級4 2018-01-29
565 瀏覽
懵小姐鐘意日本菜的程度同海鮮一樣,典型香港人?小時候每個月都會跟家人到西貢食海鮮,但隨著家裡人開始年長,這個傳統成為最美好的回憶。直至最近朋友約去屯門三聖,屬於新市鎮屯門還是較純樸,店員都較親切輕鬆,周末絕對是輕輕鬆鬆鄧子風,我們作為食客不急不趕,但所有餸都一次過上枱,但都一絲不茍,有鑊氣之餘,還食到舐舐脷。(價錢方面?絕對貨真價實,加工費、重量都明碼實價) 像是可以吃得進口裡的炸彈!「泰皇芝心蝦丸(3粒) 」($78)用手指公大小的炸得通透的麵包碎,入面是一層厚厚而呈現淡粉紅色的蝦滑;但要小心點吃(注意!)因為裡面是流心芝士,喜歡芝士濃郁適中,蝦滑是真材實料。細食的我以為應該會飽到不會吃到,但芝士令我停不下來呢…「泰式冬蔭功湯煮花甲」完全沒想過可以如此融為一體!煮得剛好熟透的花甲是脹卜卜的,而冬蔭功湯的酸辣味融入當中。[價格:一斤十両(加工費每斤$56,另房間每両加$1),共$117]泰菜最喜愛的當然是生蝦,「花竹蝦刺身」正到爆炸!比較少能吃到花竹蝦,因為都要成$80一斤!有兩種食法,先嘗試沾滿泰式醬汁的花竹蝦,花竹蝦的蝦肉爽脆彈牙;另一款則加了$30用湯底,輕輕的灼一下,花竹蝦帶點熟,更能帶出蝦的鮮味,兩種食法都要試下![價格:一斤(加工費每斤$80,未足一斤,將以一斤計,另湯底堂灼加$30,豉油皇蝦頭加$30,房間每両加$1),共$156]惹味的「薑蔥鮑魚 」,鮑魚輕易用牙齒就能咬開,薑蔥來得更有鑊氣,新鮮鮑魚別選擇蒸,濃郁的味道不會蓋過鮑魚的鮮。[價格:一斤(加工費每斤$64,另房間每両加$1),共$80] 繼續閱讀
(以上食評乃用戶個人意見 , 並不代表OpenRice之觀點。)
屯門海鮮宴 焦點食評
等級4 2017-12-17
1406 瀏覽
以前食海鮮最鍾意去西貢,但自從去過一次屯門三聖之後,有外國朋友返嚟,我都鍾意帶佢哋去三聖行過圈,食餐靚海鮮,然後再去海濱望吓海,悠閒寫意咁樣過一日。Encore 泰海鮮的原因是海鮮製作價公道,唔使驚會俾人劈價,食海鮮酒家我覺得老實最緊要。頭先同朋友一齊去揀海鮮,大家都覺得好新奇,店員姐姐好識做,我哋揀咗隻阿拉斯加長腳蟹,阿姐即刻提議我哋同隻蟹影張相,氹到我個ABC朋友不知幾咁開心。逛了一個圈之後,返回酒家 settle down 已經有得食,第一道菜就係白酒忌廉煮花甲配烏冬。creamy 的白酒忌廉味道香甜,帶有一點點酒的清香。花甲全部大大隻肉質爽甜接下來是我們期待的阿拉斯加長腳蟹,店長提議二食,五斤蟹加工費大約每斤$64,至於二食另加$68。明碼實價,我一問,店長就解釋得好詳細,唔驚埋單嚇一跳。第一食是清蒸阿拉斯加長腳蟹蟹腳,蟹肉清甜仲食到海水的鮮味,而且隻蟹夠大,蟹腳先會咁多肉,有老公幫我拆蟹,啖啖肉真幸福第二食是花雕蛋白蒸阿拉斯加長腳蟹蓋,我食咗少少蒸蛋白,好似燉蛋一樣咁滑,而且仲吸收晒蟹蓋嘅精華,鹹香滿滿的。ABC 話覺得要食鮑魚先夠矜貴,一於每人一隻鮮味彈牙的鮑魚,加埋薑蔥提鮮,超好味另一個店長推介的海鮮湯,真係平靚正。連埋湯渣一齊上,見到內容超豐富,有雜魚、瀨尿蝦、沙白蜆、番茄薯仔⋯等,湯一定要趁熱飲,鮮甜到不得了,因為有魚凍左飲就會有腥味。最後ABC表示今餐很滿意 繼續閱讀
(以上食評乃用戶個人意見 , 並不代表OpenRice之觀點。)
泰回味 焦點食評
等級4 2017-12-17
879 瀏覽
有時去食海鮮未必到處可以食到新鮮又生猛海鮮,價錢都會有D差別,咁好唔好食都要靠廚師嘅工架再加上海鮮生鮮程度,才會煮出最完美嘅菜式,前排又約咗D胃食好友出來去食海鮮,就去咗屯門三聖開餐,因好耐之前已來食過,知道呢道D海鮮種類選擇都比較多之餘,價錢亦會相對合理所以一到咗目的地就先去咗關財記海鮮檔揀好心水海鮮買完就攞咗去泰海鮮加工轉頭就可以有得食,係等緊海鮮同時先點咗呢款特色小食,泰皇芝心蝦丸,面層薄薄炸粉,輕輕咬一口已食到熱辣辣蝦膠大粒又彈牙,仲食到香滑芝士一絲絲流出來,一定要趁熱食咁就最終於海鮮出場有白酒忌廉煮花甲配烏冬,濃濃白酒忌廉已蓋滿整碟,真係每啖都食到佢嘅味道,汁夠晒滑溜,花甲肉質鮮甜,再食埋烏冬每條麵都吸收咗汁精華超好味到象拔蚌刺身,肉質鮮嫩爽滑食到啖啖鮮味,食完一片又一片,仲可以另加湯底灼食,食落會有另一番味道海鮮一款又一款逐一出來到蒜蓉粉絲蒸元貝,蒜蓉灑滿係元貝上,粉絲吸收咗汁好入味,元貝肉質大粒又夠飽滿,除咗食到鮮甜口感十足輪到豉椒蟶子皇聖配煎米粉底,蟶子皇份量足,入口爽滑,豉椒炒得惹味,再配香脆米粉塊吸收醬汁夠晒滋味不經不覺又品嚐一餐豐盛海鮮美食,當然唔少得廚師嘅功架 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-17
684 瀏覽
今日同一班朋友一齊入了三聖食海鮮,當然因為有識食嘅朋友,而最緊要係新鮮,即買即煮,呢間嘅廚房手勢唔錯,而且加工費又唔會太貴,所以先要推薦比愛吃新鮮海鮮嘅朋友又多個選擇!而你想得到嘅加工都有得選擇,果皮蒸、豉椒炒、豉油皇、生炆、紅炆、冰凍類、泰式冬蔭功湯煮、砵酒、上湯、炒球、醬爆、豉汁蒸、鹽水類、蒜蓉蒸,所以你真係可以望望自己想要什麼口味或由店員推介都可以!今次就先去出面海鮮檔選擇海鮮,有象拔蚌,用佢做刺身,上枱見到由師傅片得薄薄嘅象拔蚌刺身,入口爽脆彈牙鮮甜,另外加湯底堂灼熟吃亦可以!另外亦點了花甲,用白酒忌廉煮花甲配烏冬,呢個配搭真係必吃推介,花甲肉質本身彈牙鮮甜,加埋個白汁燴烏冬夠晒濃郁,烏冬入口時配埋個濃味白汁,真係食過不停,而且眼見還有白汁加多個飯撈埋佢,真係好味到唔好比啲汁留下!識食嘅朋友還點埋阿拉斯加長腳蟹,由廚師安排二食,先清蒸阿拉斯加長腳蟹蟹腳、還有花雕蛋白蒸阿拉斯加長腳蟹蓋,活生生從魚缸選出,一出來重會手舞足蹈,轉頭就由師傅加工處理上枱,清蒸阿拉斯加長腳蟹蟹腳嘅肉質嫩滑鮮甜,真係啖啖肉,比手指還粗,超正!另外個花雕蛋白蒸阿拉斯加長腳蟹蓋,首先喜歡吃蟹膏嘅我係呢到完全可以滿足到!而且個味道亦好鮮味,蟹蓋內嘅蛋就充滿蟹膏嘅味道,而下面就有好香嘅花雕酒味,而蛋白亦十分嫩滑!最後加多個必食豬扒,上面有啲炸白飯魚,下面就係個豬扒,肉質軟熟嫩滑,入口啖啖肉,食埋呢個都十分滿足!識食嘅朋友真係介紹了一個食海鮮唔錯嘅地方比我!當然有好味嘅選擇就要同大家分享啦! 繼續閱讀
(以上食評乃用戶個人意見 , 並不代表OpenRice之觀點。)
泰海鮮,嘆海鮮 焦點食評
等級4 2017-12-05
957 瀏覽
每次想到吃海鮮,不期然都會想起這裡,原因無他,主要只得一個,就是這兒烹調的海鮮實在好。這一天,又是個與友人們相約來此吃海鮮的日子,在附近的攤檔左挑右選揀過心水的海鮮之後,來到這兒,安坐座位之上,寒喧一會,數道美味海鮮與店中名菜,便先後送上。 這天最讚的兩道菜式,分別是「白酒忌廉煮花甲配烏冬」與「豉椒蟶子皇配煎米粉底」。這兩道絕對能令人回味再三的菜式,醬汁美味,一香甜味美,一香辣惹味,烏冬與煎米粉,一滑,一脆,分別與花甲和蟶子皇相配,也是最佳配搭。新鮮生猛海鮮加上出色調味醬汁,成為兩道讓在座各人一致讚好的美食。 「薑蔥鮑魚煲」熱氣騰騰的,鮑魚口感彈牙不韌,伴以薑蔥,又是另一樣的美味。「海鮮湯」在蕃茄薯仔湯的基礎上加上雜魚、沙白蜆、瀨尿蝦仔為材料,味道頓時變得濃郁鮮甜,讓人不禁一再添飲。 除了海鮮菜式外,這兒的「招牌豬扒」也值得一試。稱得上是招牌,這豬扒當然不會差到那裡去。事實上,這豬扒無論肉質還是味道,都在水準之上,在吃過多道海鮮菜式之後,來點肉類,不是挺好嗎?最後還有「蒜蓉炒豆苗」,這冬日裡我最愛的蔬菜,這兒份量極多,炒得又夠鑊氣,又夠味道,我吃得十分之多呢!在放假的日子,能與友人們來到這兒嘆海鮮,真不錯啊! 繼續閱讀
(以上食評乃用戶個人意見 , 並不代表OpenRice之觀點。)