泰斗 (中達大廈)

營業中

休息中

朋友愛食泰國菜, 便提議去尖沙咀的泰斗食晚飯. 這裡的裝修別緻, 令人感覺舒服.小食點了清萊香葉蝦酥魚和串燒沙嗲雞.清萊香葉蝦酥魚.這個小食真係幾辣下, 不太食得辣的我, 只選了蝦和酥魚食, 因為相對無咁辣.蝦幾爽口, 而炸過的酥魚, 口感幾特別, 這是我首次食, 非常惹味和醒胃, 令我食不停口.串燒沙嗲雞.雞肉夠嫩滑, 而且味道足夠, 不用點附送的醬汁也入味. 我自己就不同點汁, 若想再多一份惹味, 可以點醬汁.食完濃味的菜式, 飲椰青就最解渴. 所以飲品點了我最愛的椰青. 椰青都幾多水, 而椰肉也夠嫩, 可以食埋. 菠蘿海鮮炒飯.份量都幾大碟.炒飯較為乾身, 多一份咬口. 內裡主要材料有蝦和魷魚.蝦算幾彈牙, 魷魚夠新鮮, 不會太乾身. 當中更加入菠蘿, 所以入口時多了一份菠蘿的清香. 另外, 附有腰果, 鍾意食的朋友可以隨意加入飯當中.

平時閑日出街食飯，如果少人，甚少book位，想不到這次撞板，終於8點零才入座。原來一早full booking，稔唔到泰國菜都好似日本菜這麼有市場。環境相當好，對住九龍公園的參天古樹，加上這樣好的秋冬季節，真是舒服懈意，又有情調。地方頗乾淨，簡潔。椰汁紅豆冰：簡單傳統的飲品，頗濃的椰香味。椰汁雞湯：應該加了相當多的泰式香料，融合了椰汁的味道，香味濃鬱，少少酸又帶點辣，相當開胃，雞肉頗嫩滑，菇飽滿木瓜沙律：青檸丶辣椒、魚露、檸檬汁丶腰果，車厘茄及蝦，木瓜絲相當爽口，勁辣中還能滲出微微的清甜味。蝦頗新鮮，但反而覺得次要啦，口感豐富，味覺非常刺激，真的是地道的泰國風味。鹽燒牛舌串：雖然是鹽燒，但鹽味唔重，反而有一點點的甜味，很有嚼口，配自家醬汁，味道唔錯。咖喱南瓜盅：真的是一隻南瓜啊，椰奶咖喱的香味飄於空氣中。泰式咖喱一般會加入椰子醬，這樣不僅能降低咖喱的辛辣味，而香味更得以提升，再加入雨露，香茅、月桂葉等香料，所以味道相當出眾。用料比較豐富：蝦，青口，魷魚，薯粒，南瓜，洋蔥等，非常有質素和份量.椰汁西米糕：傳統的泰式甜品，都幾大件，椰香味重，頗滑口，好食

今天天氣突然轉冷，即使天文台早已預告，香港人早有準備，但還是有不少同事病倒了。平日操練有功的我雖然還熬得住，但不知為何整天都有種提不起勁的感覺。幸好一想起下班之後就約了朋友去吃泰國菜，馬上就把手上的工作做完，以免被ＯＴ打擾我的行程。半露天的環境看到的樹，其實就是九龍公園陳年大樹的延伸，剛好看不到下面熙來攘往的街景，讓這家餐廳於鬧市中有著清幽的感覺。冬蔭功湯－非常正宗的泰式冬蔭功湯，是泰國廚師用上南薑、酸子、香茅、青蔥、酸檸檬、辣椒和魚露制成，加上海鮮味道都被烹煮到湯內了，集合酸辣甜鮮四種味道，很有泰國的味道！湯底不濁，醒胃非常，辣度十足，但就辣到令我流下男兒淚。不過在冬天的日子喝冬蔭功，又的而且確很暖胃泰斗清新特飲－這個特飲用上了檸檬汁，冰糖粒，另外還有一些檸檬皮，味道有點像柚子梳打，酸中帶甜，而且非常清新，在喝過冬蔭功湯後呷一口，在味蕾上辣感馬上消失。另外因為有檸檬皮及冰糖粒，所以特別有口感。串燒沙嗲雞－ＪＵＩＣＹ得很的燒雞肉配上傳統的沙嗲花生醬，想不到的稔軟美味。皮蛋蝦餅－皮蛋沒有其他地方吃到的鐵鏽味，柔軟的內層配合彈牙的蝦肉，加上泰式辣醬非常易入口。

以前係尖沙咀返工已經覺得泰國菜餐廳好少難得見到間貌相唔錯就bk枱同朋友坐出面去到環境比想像中好但食物款式質素味道都普普通通而且價錢有啲偏貴坐出面ok坐入面就完全唔值個價飲品款式都唔少可惜每人叫一杯冇杯覺得好飲最差係服務態度上菜叫佢放另一邊就黑面已經好唔專業員工講野態度有待改善而且比呢間更好食環境更好嘅泰國餐廳實有唔少

OT後去咗尖沙咀尋食 , 發現尖沙咀有間上樓泰菜仲要係有戶外位置, 適逢秋高氣爽, 可以坐在室外位置應該很不錯 !突然間覺得同大自然好親近, 望著心情都輕鬆不少 !今次兩個人被安排在戶外和室內之間的二人檯, 整晚坐著感覺都幾得意 , 我既左邊有冷氣, 我既右邊有微微自然涼風吹送室內環境講番今次食乜東東泰式柚子沙律 ~ 望落個都OK , 柚子肉有光澤又飽滿新鮮, 食落口 .... 嘩! 都幾辣, 我係BB辣一族, 食完要不斷飲野降辣, 但味道是可以的, 只係相對較辣 !依杯凍飲叫個CINDERELLA , 係無酒精特飲 (MENU內MENTION有PINEAPPLE JUICE, ORANCE JUICE, 石榴汁, SODA) , 但我覺得果汁份量可以重手番D , 我飲唔出菠蘿味同石榴, 只係橙味就明顯些少  (68蚊既質素唔太值)依鍋係乜東東? 原來就係酸辣海鮮湯 (由於我唔食椰汁, 所以同行飯腳嚟食泰菜無得試冬蔭公 , 哈哈)我都係第一次飲泰式既酸辣湯, 其實除咗冬蔭公 , 我唔知仲有其他酸辣的泰式湯, 今日見識過了 ! 睇個樣其實都唔覺得佢辣, 只係嗅到酸味和海鮮味.  這個海鮮

約左好姐妹食飯, 除左揀食咩之外, 餐廳既環境都好重要. 佢提議尖沙咀呢間上樓泰菜, 地點方便無異議.上到去有室內室外位兩邊, 我地坐正中間, 而家天氣涼涼地, 所以無冷氣都唔成問題. 望向出面感覺好舒服, 睇住D樹令人心情都輕鬆D, 而且暗暗燈光啱晒傾偈.<珍多冰>$38, 夠冰凍, 椰味適中唔會太甜, 解喝.<泰之丸>$148, 呢個好特別, 係豬肉搞埋做一粒丸, 外面炸到金黃色, 眨下眼好似粒笑口組. 外面夠脆, 肉丸有少少香茅, 更加惹味, 點埋甜酸醬更醒胃. 附有生菜可以包住黎食, 解油膩.<串燒沙爹豬>$48, 外面燒得好香, 肉質好滑, 肉汁豐富. 附有沙爹汁味道夠, 點埋黎食沾滿晒好正.<椰汁雞湯>$108, 椰汁味唔算太濃, 好香好滑, 泰式味道少少酸, 配料非常之多, 飲完兩碗夠晒飽.<咸魚炒芥蘭>$88, 芥蘭好新鮮爽口, 咸魚少少咸香帶出食引, 夠晒惹味.整體 呢度食物好味, 環境更加一流, 啱晒幾個或一大班人傾偈食飯飲酒.

環境幾高級的泰國餐廳，今晚同家人相約在海防道。餐廳東主好聰明，巧妙咁用上環境設計既藝術，將室內既窗全拆，做就一個半開放式既外圍，引入獨有既樹木街境，製造了猶如亞熱帶既四周。叫左熱氣但想食既炸蝦餅，一啖咬落去，嘩！！好彈牙呀！金黃既蝦餅炸得外脆內軟，沾上甜酸醬，減膩兩分。平時好少點既咖喱海鮮配薄餅，係紅咖喱蝦，魷魚，青口，菠蘿，泰國青豆角，泰國圓茄子，仲有若干泰地道香料既餸菜。椰奶味好香濃，表面平平無奇，但嗰種香辣係令人愈飲愈想飲既味道，引人入勝！由於薄餅係即叫即整，遲了上枱，我還以為係漏單，還追了店員一下，一問下才知師傳正在製作呢熱辣辣的薄餅新鮮上桌，薄薄的一塊，不過口感唔討好，薄但中間感覺未熟透，而且不夠香脆，有點強差人意！咬左半塊就無食喇！叫左餐牌上無既椰青，唸住泰國餐館無可能無呱！椰青水好鬼清甜呀，一d怪味都無！為食到要用鐵匙刮上椰肉先捨得！家人既芒果沙冰，含有花奶既香芒沙冰，清新真實既味道，唔會好甜，唔飲唔得！

泰式餐廳許多，但真的好好食而令我weekend 不用上班都搭車出嚟食嘅，呢間係其中一間。泰國菜中，我情有獨中只愛海南雞飯。比較過尖沙咀其他的：海南少爺- 雞份量少，偏肥，有三款醬點；I square 的那間新曼谷，雞無味，醬汁普通；中港城的海南雞専家：得啖笑；佐敦的栢擋，雞滑有味但位置偏僻。而這家可是又就腳又好味的一家。雞已去骨，雞皮和雞肉都非常滑；不用沾醬已經夠味，肉中滲着淡淡上湯味，而黃飯亦滲著香茅味道，叫人吃完一囗又一口，份量絕對足夠令你飽。而餐湯也很清甜，乃上品。最後加錢轉的椰汁紅豆冰，椰汁香甜，紅豆也頗多，是餐的完美句號。這兒可是我的美味飯堂必然之選。

這間充滿園林風情的泰斗餐廳， 之前已經吃過了！ 令人回味的感覺驅使我又再來， 今晚有點雨點紛紛的感覺， 所以還是坐室內穩當一點吧！芒果沙冰這杯芒果沙冰完全是透心涼的感覺， 狼吞虎嚥的我大口大口吞下， 冰凍的感覺直奔腦海， 令我瞬間有麻痺之感，不是說笑！ 芒果味十分重，而且質感情都很幼滑！ 我見到很多的客人都有喝這個呢！串燒沙爹雞串燒沙爹雞應該選用了雞髀肉為主要材料， 因為食落好嫩口， 完全不會有鞋口或者乾爭爭的感覺，完全juicy!就算未沾沙爹醬都已經好惹味兼有bbq風味！清萊香葉蝦酥魚是一味開胃醒神前菜！完全泰國菜風味，辣到噴火是它的特點！大蝦爽口彈牙微辣特別香口，香酥魚亦炸得香脆，底下的配菜完全吸收了辣汁，一食立刻噴火，整個腦袋膨脹雙眼激突是我當時的反應！嚐辣的不坊 挑戰！又想食辣又怕好辣的好似我咁，可以試下冬陰功湯 。 冬陰功湯作為泰國名菜有點能夠唔試呢？我朋友話十分欣賞店家用小爐火keep住湯是熱的，又真喎，有邊個唔鍾意飲 暖笠笠的湯丫！而且冬陰功湯配料十分多， 包括有大蝦， 秀珍菇， 各類蔬菜等。 這款冬陰公湯酸味甚重， 完全合我心意！ 加上辣度剛好， 大碗大碗的喝也沒問題呢

同個客開完會搵地方食飯, 響街有幾個阿姐叫囂, 睇睇傳單係泰國菜, 見好耐無食過一於試試.燒牛肉沙律($128), 燒牛肉好嫩滑, 唔韌. 沙律有青瓜絲, 洋蔥絲, 蔥絲等等, 食落好爽口清新, 個汁夠辣, 好刺激, 有少少酸, 所以又酸又辣, 夠晒醒胃.紅辣椒沾滿晒響牛肉, 所以夠晒辣.串燒沙爹豬($48), 炭燒味夠惹味, 豬肉肉質嫩脂肪平均, 夠juicy. 沙爹汁有花生碎粒, 特別香口, 沙爹味濃夠杰.香芋雞肉焗飯($108), 用石鍋上碟夠晒熱辣辣, 飯一粒粒夠香, 雞肉夠嫩, 配料加埋芋頭, 冬菇粒, 西芹等等更加口感豐富. 而且分量足, 兩個人食夠晒飽.

一直想試一間位於尖沙咀的半露天泰式餐廳，環境很舒服，泰式餐廳來說感覺很高尚，未到七點客人已經幾多，感覺員工一直都很忙但也很友善。來吃泰國菜一定要飲椰青（$48），味道正正常常很清甜，泰國菜比較濃味，喝一口椰青能解重口味的感覺。而朋友點了芒果沙冰（$58），相信是新鮮芒果做的，因為芒果味很重又鮮甜，朋友很喜歡。泰式生蝦（$118）是泰國菜中我最愛之一，生蝦非常鮮又爽口大隻，加上個汁辣得黎好開胃，食到停不了口，是必食之選。串燒沙嗲牛（$48）帶有很香的炭燒味，醬汁有椰奶很香滑，以一般串燒來說不算油，而且很香口野味，肉質不韌很易咬開。泰式炒椰菜苗（$108），椰菜苗的價格比一般的菜較高，但果然一分錢一分貨，很Fresh 很嫩的感覺，口感帶爽很特別，豆豉味重但與椰菜苗很夾。鹹豬肉炒飯（$98），鹹豬肉沒想像中鹹，切成小塊，脆脆的容易入口，飯的軟硬度剛好，而且炒得很香。冬陰功湯（$108），雖然我們點的是細size, 但每人都可以飲兩碗，分量都不是重點，重點是味道令人一試難忘，非常足的材料，大大隻蝦而且有很多草菇，很入味，湯連渣都清光，酸辣度剛好加上香葉味很出，大讚！

唔行開都唔知原來開左咁多上樓餐廳, 好在有員工在街上介紹, 否則錯過了。泰斗最吸引之處是環境清靜, 有個戶外大露台,對住公園的一排大樹, 睇相唔會覺得係香港。靚景之餘, 食物絕不普通, 點了個海南雞飯做下午茶, 雞唔會甩晒皮咁,賣相十分吸引, 其他店就算好食, 賣相都唔及泰斗。入口香滑, 飯夠香夠味, 醬汁唔錯, 員工態度良好, 食物份量ok!最欣賞依然是環境,一流hea地!

2個人突然想食泰國野，見到幾好FEEL，就上左泰斗啦！柚子沙律酸酸甜甜既柚子，再加上腰果，好有咬口。果陣一見到以為分量２個人食會好少，點知食下食下已經食哂！好想再食多碟！冬陰功材料真係好多，有菇，又有蝦，仲有好多配料，所以味道好濃郁，酸甜酸甜，好開胃啊！生菜包我覺得炒得好乾爽，唔會又濕又淋！包生菜，都真係幾好食，不過我覺得可以再咸小小，因為包左生菜之後都係咩味道！鐡板蠔仔蛋出奇地覺得幾好食，因為我好中意食蠔，打冷都一定要食蠔餅，但呢個鐡板蠔仔蛋一樣好食，因為蛋既分量都好多，所以好滑！正！

話說朋友話去唔到泰國都想食返餐有feel嘅泰國菜咁佢就帶我理佢好鍾意嘅 Thai 因為有分入座時段我哋揀八點半真係好有feel係肚餓嗰個feel啊八點三到門口仍然人山人海等左一陣有露台側邊個位坐但環境氣氛確實好好加上開始涼涼地一邊坐一邊吹下風首先叫杯Mocktail 扮吓沙灘feel先Cinderella 顏色幾靚入口有啲橙汁味仲有我情有獨鍾嘅蘭花好喜歡話說鹽燒牛舌串 係日本名物係泰菜食到仲唔係泰 fusionBBQ 得香香地口感比較爽口鮮蝦木瓜沙律 沙律係必叫嘅有幾隻小蝦到爽口的木瓜絲ss 好清甜不過真係幾辣對我喜歡吃小辣的人來說呢個沙律簡直辣到噴火咖喱鴨胸 配薄餅食泰菜我一定會食咖喱好多鴨胸～抵食上枱時見啲咖喱汁好似唔夠杰身點知沾薄餅吃十分match有好濃郁嘅咖喱味小小椰香小小辣啦好啱我胃口不過今晚人客勁多等上菜嘅時間都勁耐我以我Hea到十點幾先捨得走泰國菜式 X 法國時間近露台位仲有啲酒吧feel食得好relax

好多時黎尖沙嘴一般會簡係各大商場食晚飯，好少會係大廈樓上餐廳食今次朋友推薦我黎這間泰國菜餐廳食晚飯上到黎係個空中餐廳，餐廳有一半係露天的，尼幾日個天氣有D風，係尼度食飯幾舒適可以一邊食飯傾解一邊望街景餐廳燈光並不明亮，可能因爲露天關係，燈光會更暗些，不過很有feel柚子沙律柚子腰果沙律（7/10）柚子清甜不苦，柚子塊都幾多，有點辣辣地，不過個人都仲可以接受腰果香脆而不干冬陰功冬陰功（8/10）服務員送上時有陣陣香茅味，泰國特製的冬陰功醬，一直深得我喜歡。那酸辣的味道令人更開胃冬天飲碗仲可以暖身生菜包肉碎（7/10）肉碎乾濕剛好，不過有些少唔夠味道生菜新鮮又洗得夠乾淨同肉碎包住食挺不錯的蠔仔煎蠔仔煎（6/10）大大一份，份量已經夠曬吸引到我蠔仔有5毫子銀仔甘大，幾肥美食蠔餅最喜歡點甜辣醬，餐廳提供的甜辣醬正合我口味