泰斗 (中達大廈)

營業中

休息中

落雨與無落雨的景象是差很遠, 少了侷促也多了開揚, 與餐牌圖片的顯示有很大的相像。泰斗清新特飲  $48梳打水內有一層薑蓉醬及粗砂糖, 喝的時候需要花數分鐘攪勻, 喝後感是奇特!海鮮粉絲沙律  $118看似沒甚麼的模樣, 有海鮮、有粉絲、有蔬菜, 怎知道吃了一口, 其辣是可以令人觸動神經, wowww... 眼淚水都標, 原來掩藏了不少辣椒籽!汁燒魷魚筒  $118一種魷魚有兩種口感, 外層燒過卻帶有如刺身般的膠質口感, 犀利!冬蔭功 (細)  $128看見碗湯, 內心正流汗, 準備又再一辣之際, 喝得出味道是溫和得多, 酸辣有致, 湯內的蝦新鮮。鹹魚炒芥蘭  $88芥蘭有粗有幼, 口感也有爽有腍, 經鹹魚炒過, 芳香惹味。蠔仔泡飯  $98用料新鮮, 蠔仔大隻飽滿, 泡飯煮成滑如粥, 內有中芹碎、肥豬肉碎、胡椒粉, 味道濃郁。

今日黎尖沙咀食晚飯, 經朋友介紹黎到呢間o係大廈入面Ge樓上餐廳, 餐廳環境好舒服, 有露台座位, 可以望到九龍公園ge大樹,而且餐廳選用藤椅,一下子好似由鬧市去左郊外咁呢度野食選擇好多, 左睇右睇最後叫左以下幾樣首先黎個柚子沙律($98), 好大碟有好多柚子同花生, 柚子新鮮爽甜, 配埋泰式辣汁好醒胃, 雖然價錢偏貴, 但都係不錯ge開胃小食呢個泰式春卷($88)又係好大碟, 春卷新鮮炸起, 一上台已經feel到好熱, 春卷好脆好香口裡面包左粉絲同菜, 沾左泰式辣醬幾好食Vi要推介呢個泰式燒豬頸肉($98)豬頸肉燒得好香, 而且肉質好嫩帶小小爽口,Vi平時食豬頸肉最怕好肥,但呢度ge豬頸肉肥瘦均勻同埋旁邊配左一款酸酸地微辣ge汁好夾, 好味呢另外仲叫左個酸辣海鮮湯($128), 海鮮湯好清而且好足料,有大蝦,青口同魷魚, 湯底酸味比辣味重,岩哂唔食得太辣ge Vi比起冬蔭公, Vi更喜歡呢個清清地ge酸辣湯, 飲完個胃暖哂P.S. 侍應見到我地飲哂會主動過黎加湯, 值得一讚最後主菜叫左香芋雞肉焗飯($108), 焗飯用石鍋上, 食到尾都仲好熱,成個飯好大份, 飯粒比較細粒同鬆散, 但

泰斗 .... 華人常用泰山北斗, 比喻在德行或在某個專業領域, 非常具有權威及影響力, 為人所敬仰的 人/物,  所以, 泰斗 就是有重量級的意思 .... Menu ~泰斗清新特飲 $48賣相精緻, 有檸檬、薑、梳打水之味, 味道微酸帶鹹又夠汽, 十分獨特 ~串燒牛舌 $48一串有三塊牛舌, 烤得很夠焦香, 舌味濃郁, 味道鹹鹹甜甜, 很有風味 ~泰之丸 (特色生菜包) $148非常特色的一道菜, 丸是豬肉打成再炸的, 咬口感很脆口, 味道㥛富香茅味, 用生菜包起來吃, 極有風味 ! 蠔仔泡粥 $98/窩一窩可分成四小碗, 粥的稀杰適中, 有強烈中芹味, 蠔仔夠多又飽滿, 胡椒味重 ~本篇完 ~

已經有好耐無去過食泰國菜喇，無住家飯開既小妹，實在嫌棄這個不似秋天的夏天氣候，食欲不振下，欲尋求開胃良方，費事咁無新意，去黎去去就係去旺角，九龍城咁，今日一於衝去尖沙咀搵食！！炸軟殼蟹沙律蟹份量出奇的多，佔了大半碟，柚子用上正宗泰國金柚，配上腰果，蒜片，口感瞬增，配上地道泰式調味汁，酸酸辣辣，感覺很好，超開胃呀，十分好吃！泰之丸（特色生菜包）廚師新主意，係店員強烈推介而試既。有驚喜wo，少少地硬既外層，入面一咬竟然係軟，要小心跌左！丸丸既內容其實係由蝦羔，蝦肉，豬肉所打成，食到好多香料香茅味，口感有點似唔實既肉餅咁，幾特別wo，第度無食過！第二粒，我用生菜包住食，多左份爽口呢！泰式燒豬頸肉出爐豬頸肉，燒到香脆多汁，點上附上的泰式照燒汁，少少辣帶點點酸，肉質細嫩得來有點咬口，完全唔干身，肥瘦厚薄均適中，兩個人輕易吃光光！餐廳播住輕鬆既音樂，令人好relax，開揚設計，地方又好搵，氣氛好好，雖然不大，但環境配合好優美，坐得好舒服，外面榕樹影子，超有置身泰國感覺，濃厚熱帶風情，香港地少見，好似去左旅行呀！

朋友愛食泰國菜, 便提議去尖沙咀的泰斗食晚飯. 這裡的裝修別緻, 令人感覺舒服.小食點了清萊香葉蝦酥魚和串燒沙嗲雞.清萊香葉蝦酥魚.這個小食真係幾辣下, 不太食得辣的我, 只選了蝦和酥魚食, 因為相對無咁辣.蝦幾爽口, 而炸過的酥魚, 口感幾特別, 這是我首次食, 非常惹味和醒胃, 令我食不停口.串燒沙嗲雞.雞肉夠嫩滑, 而且味道足夠, 不用點附送的醬汁也入味. 我自己就不同點汁, 若想再多一份惹味, 可以點醬汁.食完濃味的菜式, 飲椰青就最解渴. 所以飲品點了我最愛的椰青. 椰青都幾多水, 而椰肉也夠嫩, 可以食埋. 菠蘿海鮮炒飯.份量都幾大碟.炒飯較為乾身, 多一份咬口. 內裡主要材料有蝦和魷魚.蝦算幾彈牙, 魷魚夠新鮮, 不會太乾身. 當中更加入菠蘿, 所以入口時多了一份菠蘿的清香. 另外, 附有腰果, 鍾意食的朋友可以隨意加入飯當中.

平時閑日出街食飯，如果少人，甚少book位，想不到這次撞板，終於8點零才入座。原來一早full booking，稔唔到泰國菜都好似日本菜這麼有市場。環境相當好，對住九龍公園的參天古樹，加上這樣好的秋冬季節，真是舒服懈意，又有情調。地方頗乾淨，簡潔。椰汁紅豆冰：簡單傳統的飲品，頗濃的椰香味。椰汁雞湯：應該加了相當多的泰式香料，融合了椰汁的味道，香味濃鬱，少少酸又帶點辣，相當開胃，雞肉頗嫩滑，菇飽滿木瓜沙律：青檸丶辣椒、魚露、檸檬汁丶腰果，車厘茄及蝦，木瓜絲相當爽口，勁辣中還能滲出微微的清甜味。蝦頗新鮮，但反而覺得次要啦，口感豐富，味覺非常刺激，真的是地道的泰國風味。鹽燒牛舌串：雖然是鹽燒，但鹽味唔重，反而有一點點的甜味，很有嚼口，配自家醬汁，味道唔錯。咖喱南瓜盅：真的是一隻南瓜啊，椰奶咖喱的香味飄於空氣中。泰式咖喱一般會加入椰子醬，這樣不僅能降低咖喱的辛辣味，而香味更得以提升，再加入雨露，香茅、月桂葉等香料，所以味道相當出眾。用料比較豐富：蝦，青口，魷魚，薯粒，南瓜，洋蔥等，非常有質素和份量.椰汁西米糕：傳統的泰式甜品，都幾大件，椰香味重，頗滑口，好食

今天天氣突然轉冷，即使天文台早已預告，香港人早有準備，但還是有不少同事病倒了。平日操練有功的我雖然還熬得住，但不知為何整天都有種提不起勁的感覺。幸好一想起下班之後就約了朋友去吃泰國菜，馬上就把手上的工作做完，以免被ＯＴ打擾我的行程。半露天的環境看到的樹，其實就是九龍公園陳年大樹的延伸，剛好看不到下面熙來攘往的街景，讓這家餐廳於鬧市中有著清幽的感覺。冬蔭功湯－非常正宗的泰式冬蔭功湯，是泰國廚師用上南薑、酸子、香茅、青蔥、酸檸檬、辣椒和魚露制成，加上海鮮味道都被烹煮到湯內了，集合酸辣甜鮮四種味道，很有泰國的味道！湯底不濁，醒胃非常，辣度十足，但就辣到令我流下男兒淚。不過在冬天的日子喝冬蔭功，又的而且確很暖胃泰斗清新特飲－這個特飲用上了檸檬汁，冰糖粒，另外還有一些檸檬皮，味道有點像柚子梳打，酸中帶甜，而且非常清新，在喝過冬蔭功湯後呷一口，在味蕾上辣感馬上消失。另外因為有檸檬皮及冰糖粒，所以特別有口感。串燒沙嗲雞－ＪＵＩＣＹ得很的燒雞肉配上傳統的沙嗲花生醬，想不到的稔軟美味。皮蛋蝦餅－皮蛋沒有其他地方吃到的鐵鏽味，柔軟的內層配合彈牙的蝦肉，加上泰式辣醬非常易入口。

以前係尖沙咀返工已經覺得泰國菜餐廳好少難得見到間貌相唔錯就bk枱同朋友坐出面去到環境比想像中好但食物款式質素味道都普普通通而且價錢有啲偏貴坐出面ok坐入面就完全唔值個價飲品款式都唔少可惜每人叫一杯冇杯覺得好飲最差係服務態度上菜叫佢放另一邊就黑面已經好唔專業員工講野態度有待改善而且比呢間更好食環境更好嘅泰國餐廳實有唔少

OT後去咗尖沙咀尋食 , 發現尖沙咀有間上樓泰菜仲要係有戶外位置, 適逢秋高氣爽, 可以坐在室外位置應該很不錯 !突然間覺得同大自然好親近, 望著心情都輕鬆不少 !今次兩個人被安排在戶外和室內之間的二人檯, 整晚坐著感覺都幾得意 , 我既左邊有冷氣, 我既右邊有微微自然涼風吹送室內環境講番今次食乜東東泰式柚子沙律 ~ 望落個都OK , 柚子肉有光澤又飽滿新鮮, 食落口 .... 嘩! 都幾辣, 我係BB辣一族, 食完要不斷飲野降辣, 但味道是可以的, 只係相對較辣 !依杯凍飲叫個CINDERELLA , 係無酒精特飲 (MENU內MENTION有PINEAPPLE JUICE, ORANCE JUICE, 石榴汁, SODA) , 但我覺得果汁份量可以重手番D , 我飲唔出菠蘿味同石榴, 只係橙味就明顯些少  (68蚊既質素唔太值)依鍋係乜東東? 原來就係酸辣海鮮湯 (由於我唔食椰汁, 所以同行飯腳嚟食泰菜無得試冬蔭公 , 哈哈)我都係第一次飲泰式既酸辣湯, 其實除咗冬蔭公 , 我唔知仲有其他酸辣的泰式湯, 今日見識過了 ! 睇個樣其實都唔覺得佢辣, 只係嗅到酸味和海鮮味.  這個海鮮

約左好姐妹食飯, 除左揀食咩之外, 餐廳既環境都好重要. 佢提議尖沙咀呢間上樓泰菜, 地點方便無異議.上到去有室內室外位兩邊, 我地坐正中間, 而家天氣涼涼地, 所以無冷氣都唔成問題. 望向出面感覺好舒服, 睇住D樹令人心情都輕鬆D, 而且暗暗燈光啱晒傾偈.<珍多冰>$38, 夠冰凍, 椰味適中唔會太甜, 解喝.<泰之丸>$148, 呢個好特別, 係豬肉搞埋做一粒丸, 外面炸到金黃色, 眨下眼好似粒笑口組. 外面夠脆, 肉丸有少少香茅, 更加惹味, 點埋甜酸醬更醒胃. 附有生菜可以包住黎食, 解油膩.<串燒沙爹豬>$48, 外面燒得好香, 肉質好滑, 肉汁豐富. 附有沙爹汁味道夠, 點埋黎食沾滿晒好正.<椰汁雞湯>$108, 椰汁味唔算太濃, 好香好滑, 泰式味道少少酸, 配料非常之多, 飲完兩碗夠晒飽.<咸魚炒芥蘭>$88, 芥蘭好新鮮爽口, 咸魚少少咸香帶出食引, 夠晒惹味.整體 呢度食物好味, 環境更加一流, 啱晒幾個或一大班人傾偈食飯飲酒.

環境幾高級的泰國餐廳，今晚同家人相約在海防道。餐廳東主好聰明，巧妙咁用上環境設計既藝術，將室內既窗全拆，做就一個半開放式既外圍，引入獨有既樹木街境，製造了猶如亞熱帶既四周。叫左熱氣但想食既炸蝦餅，一啖咬落去，嘩！！好彈牙呀！金黃既蝦餅炸得外脆內軟，沾上甜酸醬，減膩兩分。平時好少點既咖喱海鮮配薄餅，係紅咖喱蝦，魷魚，青口，菠蘿，泰國青豆角，泰國圓茄子，仲有若干泰地道香料既餸菜。椰奶味好香濃，表面平平無奇，但嗰種香辣係令人愈飲愈想飲既味道，引人入勝！由於薄餅係即叫即整，遲了上枱，我還以為係漏單，還追了店員一下，一問下才知師傳正在製作呢熱辣辣的薄餅新鮮上桌，薄薄的一塊，不過口感唔討好，薄但中間感覺未熟透，而且不夠香脆，有點強差人意！咬左半塊就無食喇！叫左餐牌上無既椰青，唸住泰國餐館無可能無呱！椰青水好鬼清甜呀，一d怪味都無！為食到要用鐵匙刮上椰肉先捨得！家人既芒果沙冰，含有花奶既香芒沙冰，清新真實既味道，唔會好甜，唔飲唔得！

泰式餐廳許多，但真的好好食而令我weekend 不用上班都搭車出嚟食嘅，呢間係其中一間。泰國菜中，我情有獨中只愛海南雞飯。比較過尖沙咀其他的：海南少爺- 雞份量少，偏肥，有三款醬點；I square 的那間新曼谷，雞無味，醬汁普通；中港城的海南雞専家：得啖笑；佐敦的栢擋，雞滑有味但位置偏僻。而這家可是又就腳又好味的一家。雞已去骨，雞皮和雞肉都非常滑；不用沾醬已經夠味，肉中滲着淡淡上湯味，而黃飯亦滲著香茅味道，叫人吃完一囗又一口，份量絕對足夠令你飽。而餐湯也很清甜，乃上品。最後加錢轉的椰汁紅豆冰，椰汁香甜，紅豆也頗多，是餐的完美句號。這兒可是我的美味飯堂必然之選。

這間充滿園林風情的泰斗餐廳， 之前已經吃過了！ 令人回味的感覺驅使我又再來， 今晚有點雨點紛紛的感覺， 所以還是坐室內穩當一點吧！芒果沙冰這杯芒果沙冰完全是透心涼的感覺， 狼吞虎嚥的我大口大口吞下， 冰凍的感覺直奔腦海， 令我瞬間有麻痺之感，不是說笑！ 芒果味十分重，而且質感情都很幼滑！ 我見到很多的客人都有喝這個呢！串燒沙爹雞串燒沙爹雞應該選用了雞髀肉為主要材料， 因為食落好嫩口， 完全不會有鞋口或者乾爭爭的感覺，完全juicy!就算未沾沙爹醬都已經好惹味兼有bbq風味！清萊香葉蝦酥魚是一味開胃醒神前菜！完全泰國菜風味，辣到噴火是它的特點！大蝦爽口彈牙微辣特別香口，香酥魚亦炸得香脆，底下的配菜完全吸收了辣汁，一食立刻噴火，整個腦袋膨脹雙眼激突是我當時的反應！嚐辣的不坊 挑戰！又想食辣又怕好辣的好似我咁，可以試下冬陰功湯 。 冬陰功湯作為泰國名菜有點能夠唔試呢？我朋友話十分欣賞店家用小爐火keep住湯是熱的，又真喎，有邊個唔鍾意飲 暖笠笠的湯丫！而且冬陰功湯配料十分多， 包括有大蝦， 秀珍菇， 各類蔬菜等。 這款冬陰公湯酸味甚重， 完全合我心意！ 加上辣度剛好， 大碗大碗的喝也沒問題呢

同個客開完會搵地方食飯, 響街有幾個阿姐叫囂, 睇睇傳單係泰國菜, 見好耐無食過一於試試.燒牛肉沙律($128), 燒牛肉好嫩滑, 唔韌. 沙律有青瓜絲, 洋蔥絲, 蔥絲等等, 食落好爽口清新, 個汁夠辣, 好刺激, 有少少酸, 所以又酸又辣, 夠晒醒胃.紅辣椒沾滿晒響牛肉, 所以夠晒辣.串燒沙爹豬($48), 炭燒味夠惹味, 豬肉肉質嫩脂肪平均, 夠juicy. 沙爹汁有花生碎粒, 特別香口, 沙爹味濃夠杰.香芋雞肉焗飯($108), 用石鍋上碟夠晒熱辣辣, 飯一粒粒夠香, 雞肉夠嫩, 配料加埋芋頭, 冬菇粒, 西芹等等更加口感豐富. 而且分量足, 兩個人食夠晒飽.

一直想試一間位於尖沙咀的半露天泰式餐廳，環境很舒服，泰式餐廳來說感覺很高尚，未到七點客人已經幾多，感覺員工一直都很忙但也很友善。來吃泰國菜一定要飲椰青（$48），味道正正常常很清甜，泰國菜比較濃味，喝一口椰青能解重口味的感覺。而朋友點了芒果沙冰（$58），相信是新鮮芒果做的，因為芒果味很重又鮮甜，朋友很喜歡。泰式生蝦（$118）是泰國菜中我最愛之一，生蝦非常鮮又爽口大隻，加上個汁辣得黎好開胃，食到停不了口，是必食之選。串燒沙嗲牛（$48）帶有很香的炭燒味，醬汁有椰奶很香滑，以一般串燒來說不算油，而且很香口野味，肉質不韌很易咬開。泰式炒椰菜苗（$108），椰菜苗的價格比一般的菜較高，但果然一分錢一分貨，很Fresh 很嫩的感覺，口感帶爽很特別，豆豉味重但與椰菜苗很夾。鹹豬肉炒飯（$98），鹹豬肉沒想像中鹹，切成小塊，脆脆的容易入口，飯的軟硬度剛好，而且炒得很香。冬陰功湯（$108），雖然我們點的是細size, 但每人都可以飲兩碗，分量都不是重點，重點是味道令人一試難忘，非常足的材料，大大隻蝦而且有很多草菇，很入味，湯連渣都清光，酸辣度剛好加上香葉味很出，大讚！