永華麵家 (已結業)

詳情請看: http://www.fotop.net/tonykafai/cateringartwork/090210wingwah小弟見工後，隨處走到灣仔附近，眼見永華麵家外觀懷舊，便入內一嘗美食。起初我並不餓，於是只要一碗紅豆沙，眼見侍應奉上熱熱的紅豆沙時，的確醒神。上一代說：「紅豆沙要夠『棉』才好吃」這裏的產品，確實夠滑。眼見身邊的人都要餛飩麵，我抱著羊群心理，便召喚了一碗。對於「抵食夾大件」心理的人來說，恐怕會失望。可是，「一期一會」(一生可能只去一次該店子)來說，其實細小雲吞才算得上正宗呢。求好食還是只求飽肚，見仁見智。掌故/小知識:1.原來製作時加入適量肥豬肉於紅豆沙之中，可以令糖水更滑。2.古代稱為渾沌，根據中國造字規則，後稱為「餛飩」，及後部分廣東人取其同音字為「雲吞」，外國人即稱為wontons/dumplings。http://zh.wikipedia.org/w/index.php?title=%E9%9B%B2%E5%90%9E&variant=zh-tw雲吞麵稱寫「細湧」或「細蓉」皆誤，實為的『細用』才對，(用) 於此讀作 (湧)。「細用」，許多人不解其何故。

今日中午去食午餐，叫左淨雲吞！其實又唔係話好令人驚歎，但我覺得都好好味！首先每粒雲吞大小差不多，唔係大的，是小的。每只雲吞有一隻蝦，不多不少，通常有兩粒肥豬肉，同豬肉，肉都好夠味！皮都係滑滑薄薄的，價錢唔平，但我既淨雲吞都有好多粒，唔係出面減價減埋料0個D！最值得讚既係甜品！我見到菜單咁多甜品，好有衝動試晒佢！但我最後揀左湯圓紅豆沙！嘩！超正！鍾意食紅豆沙的人一定要試，啖啖沙！可以睇得出係煲左好耐同超多紅豆煲成的！糖水唔太甜，好得！好耐未食過咁好味既紅豆沙，我見好多人都叫紅豆沙食，我就知我冇叫錯！至於湯圓！我差唔多最後先食，又係意想不到的好味！入面皮薄餡靚！入面芝麻餡，好香甜。皮薄得黎好煙靭！真係好好味呀！好想再去食！仲有值得一提既係佢既無限酸蘿蔔供應！好好味呀！好想買一樽返屋企添！總之我一定會再去食的！值得推介！

慕名己久, 與朋友路經灣仔, 去完電腦城, 專登過對面一試朋友要雲吞麵, 我要炸醬撈麵, 朋友意見, 小碗雲吞餡料適中, 蝦肉彈牙算新鮮, 麵質算爽口, 但不及麥奀記, 至於我的炸醬撈麵, 可能希望愈大, 失望愈大, 完全不是我想像的樣子, 沒有濃口的醬汁, 麵不夠彈口, 水準之下, 但價錢不平, 反而我吃了大量酸菜蘿蔔, 好味道!無論如何, 我會再去, 試我最喜愛的蝦籽撈麵, 暫時吃過最好的是麥文記 (只個人意見, 因為朋友不認同)

久仰永華大名今日要在金鐘某大型商場做fashion promo.決定到此一試時近12時半店內已有不少人幸好不用等位由於初次到訪心思思想試這樣試那樣舉棋不定結果被一位身形略胖的女侍應催促.....很無奈最後要了一碗牛筋魚蛋麵牛筋份量不少...可惜煮得太林不是我喜歡的口感魚蛋頗爽口彈牙但沒有任何特別之處麵吃得出有點鹼水味.....不是太好....不知道其他人會不會像我這般介意鹼水味道...我是那一種極度討厭鹼水麵的人所以最後吃剩許多麵從進入到離開只是差不多20多分鐘店內已經擠滿了人可見有不少捧場客但我相信將來我一定不會成為其中一份子單是服務的一方面已經足以破壞我對此店的印象。

呢個世界好多人只識睇大唔大碗, 抵唔抵食完全忽視咩叫品質話永華唔好食既人, 可能10蚊碗津味會合口味d蝦子柚皮超掂, 好香, 軟稔, 非常入味, 淨係個汁已可撈一碗白飯雲吞麵水準穩定最有驚喜係紅豆沙, 起哂沙既, 陳皮非常香, 無第間比得上蝦子係我食過咁多間最好味既, 好香芥蘭非常脆口碧綠, 大大碌, 一睇就知係靚菜一個字: 好

早左出門口友人仲有一小時才到一個人行到去永華就食返碗雲吞麵先啦~湯底好好味, 好清甜 雲吞有五粒, 不過味道麻麻, 有 d 怪味... 反而酸辣蘿蔔最好味, 酸酸辣辣又爽口 幹時間, 想食少少野落肚, 等自己唔會胃痛, 呢度就啱哂因為碗麵好細碗, 麵真係得二三啖and then 由入門口至食完, 都不用十五分鐘, 因為...(一)雲吞麵好快就上(二)侍應見我已食左半碗麵, 就叫剛入來的客, 企係我個位隔離, 等我個位 我都未食完就要我走... 碗麵唔係免費o架... 你吞 d 雲吞同麵 食都食得唔安樂~

記十二月二日晚餐「紅簿仔」發報會後，在混亂中找到本書仔交功課，忙完整天累得要命，之後還得趕回公司，之前對自己好一點，與同來幫忙的老弟吃碗麵祭下五臟廟。幾十年的老字麵家，做竹昇麵起家的麵店，執剩無幾間，比起何洪記、正糾記等的粥麵店，這裡走得專門一點，只賣竹昇麵及一些甜品。會展活動散場後這裡從來都是人頭湧湧，位置比起午市迫夾的中環麥奀不徨多讓，坐無虛席情況見慣不怪，伙計不會招呼入坐，「自動波」吧！ 飢腸轆轆，奈何胃有點痛，吃不下豬手或牛雜什麼的，甫坐下叫了碗細蓉，老弟要了蝦籽撈。細蓉浮著薄薄數點麻油，暗啞色的竹昇麵則邊浮出幾粒雲吞，湯羹另上，感覺是臨時搭建的樣子，吃起來味道還不錯，麵很輕鬆能夾起，胃痛時吃鹼水麵有點冒險，幸好是日的鹼味很輕，濃鮮大地魚湯下，幾乎感覺不到鹼水味，麵質感粗獷帶爽勁如劉森記般帶著平民特色，不錯。試了小口撈麵，老師傅手勢好，乾爽不著水漬條條分名，蝦籽很豐富，麵爽含少少鹼味，在蠔油功勢下，結果是什麼鹼味都給蓋去。吃畢，回公司處理「紅簿仔」引發的問題。

見到openrice寫永華麵家的雲吞麵是非常出名的，而且雲吞內裡的材料十足，湯底濃郁，麵線幼滑。但係附近平價的麵店有很多, 例如: 權記、潮興、華南，佢一碗廿七蚊碗雲吞麵點搶人地生意黎做呢? 為左睇下佢有幾好食，我終於去試左一次喇!雲吞麵：湯底清甜，鹼水味不突出，麵條的確爽口彈牙，跟平日的麵大為不同，細細碗，麵的份量不多，但真係好彈牙兼有蛋香。雲吞皮薄，蝦和豬肉相處融洽，爽口鮮香，但如果你係一心想吃大粒雲吞的朋友會大失所望，一定不及權記的哥爾夫球咁大粒喇！ 茶餐廳格局的店子，都算幾乾淨，只係舊了一點點而已，餐桌擺得很企理兼整齊，但是桌與桌之間的空間度十分不足，若是滿座的話，一定會很逼夾呢！煮麵的地方位於門口處，內有一個簡單細廚房，另負責做其他既小菜，聽說這裡除了竹昇麵出名外，蝦子柚皮亦是一絕，不少遊客慕名而來的啊！

見呢家麵家出面貼咁多報紙…好似仲有蔡瀾忝… 點都要去試試…我因為一D事冇咩胃口所以就咁食下D菜就OK了…男朋友叫左魚蛋麵…真係出奇地細碗 0.0"..魚蛋唔算真係好特別…但麵就真係幾好食既~食落都算係幾彈牙=)菜心冇乜特別..可以講既只係勁多蠔油囉-3-一碗好細碗既麵加一碟唔算多既菜…咁就 $71 埋單 -.- 個麵係幾好食但唔值囉…唔少麵店既麵都整得唔差都唔洗呢個價姐…又咁細碗

以傳統竹昇麵聞名灣仔的永華麵家，雖一直長居於搵食名單中，但單身寡仔實在抵受不住附近平價麵食店的引誘，權記、潮興 、 華南開得成行成市，為求醫肚，也將傳統細蓉觀念放在一旁，結果還是一次一次的與這雲吞銀絲麵緣慳一面。上星期二，巧合地相約食記 M 一試這期待已久的食店，終可試試其銀絲麵質究竟有何特別。或者因價錢相對較貴，午市並沒有人來人往的墟陷情況出現，一邊看於店舖內的報章介紹，才知道原來食雲吞麵也甚為講究，而餐廳內的酸蘿蔔，正是為了減輕麵質的鹼性而設的。二人簡單點的雲吞麵及蠔油芥蘭不用數分鐘便上臺了，快捷方便，始終是麵店的特色之一。先說馳名雲吞銀絲麵，先呷湯底，相當清甜，鹼水味並不突出，再試一口麵條，的確爽口彈牙，跟平日食到的麵大為不同，銀絲一咬即斷，質感相當特別，可能那麵實在做得出色，雲吞頓成大配角，什至連內裡蝦與肉的比例更已忘記得一乾二淨；蠔油芥蘭，份量較少但芥蘭的確新鮮，外表翠綠入口爽脆，清甜而不苦澀，蠔油加上蝦籽，對味道影響不大，算是小小的特色吧!說起細蓉，一眾名咀總喜歡拋書包，怒撐雲吞一定要精緻細粒才是傳統，激進的更直指一些平價麵店為下等貨 "no good"，實情係各有所求，傳

尋日睇完show約下午6時,在這家店行過老公問我肚餓嗎?他建議食碗雲吞麵先接仔女食晚飯,預左好細碗我們一人一碗雲吞麵,D麵好爽口真系好正D湯有九王但唔系好香同D雲吞我覺得一般見好多枱都叫紅豆沙,又叫一碗試下,成碗水一d渣都無無咬口覺得好唔低成$18一碗.

九時過半, 宵夜癮起, 附近較有水準的麵家只此一間, 即來一個細蓉料料理一副飢腸轆轆.廿七蚊碗雲吞麵在灣仔不算貴, 份量亦較正常.(麥奀細蓉size係夠傳統, 但認真唔飽!) 湯頭算甜而非味精水, 細麵彈牙絲毫不覺鹼水味惜無麵粉香蛋香. 雲吞則出事矣, 不知是否放得太晚, 蝦肉稍霉而滲出腥味. 試了兩顆味道一致, 立告放棄. 照理此店應貨如輪轉, 怎會輪到我吃爛雲吞?

永華的牛筋腩麵(無論是湯麵或撈麵)是吃過最好的,雲吞反而及不上牛筋牛腩入味軟唸又有肉味,麵好有質感又彈牙但沒有鹼水味,牛筋腩湯麵的湯很濃香,撈麵附上的湯則很清又鮮甜,雖然比較貴,但現在就算自己買牛肉回家煮都也一樣很貴啊,所以還可以接受,起碼比雲吞抵食品上湯菜心很清甜,菜心又嫩,也很好吃甜品桑寄生蓮子茶也不錯

同老婆黎食個quick dinner兩個人都叫左雲吞麵，每個27蚊麵真係好好食，好有口感，好爽雲吞同湯我嫌胡椒粉味多左d咸左少少油菜都差唔多30蚊一碟太貴無叫到本來想食甜品，點知都係太貴...30幾蚊一個最後出左去便利店搵雪糕解決~總括而言，麵真係幾好食

近來無線請了呀蘇做節目, 有一集介紹雲吞麵. 一看就知是這一間, 平時走過都想試下, 但每次都多人得很. 今日LUNCH要拿東西給人, 順便去買個麵回公司吃.一去到就有條龍在外面等候, 幸好我外賣走人姐~~生意好到加零一, 人家外賣會平少少, 而這間就剛相反每個外賣盒要加多一蚊, 我叫了雲吞撈麵 $43+2=$45.麵好有質感又不會太硬, 有彈牙的感覺. 但沒有鹼水味, 正!!湯好熱好清, 放了蝦子下去, 一打開盒蓋就香味四溢雲吞有8粒, 粒粒細細, 吃下去除了好香外, 蝦好新鮮又爽口, 豬肉不是用機攪碎, 食到細細件豬肉, 兼且好有肉味.邊食邊想起細時到到都食到咁上下的, 但現在就越來越少, 尤其是個麵最唔要得.不過, 價錢就貴咗D, 餐餐食成 $40幾的LUNCH , 唔多花得起, 都是久不久去吃下就好咧~~