永興冰室

營業中

休息中

這天下午要到太子工作，所以中午約了朋友在附近午餐。想找平靚正的餐廳，但環境不能太差，我想只有企理一點的茶餐廳才能合乎這要求。位於彌敦道的「永興冰室」貌似不錯，我們都沒有試過這餐廳的食物，所以決定一試。雖然定位是茶餐廳，但是從外觀看來非常時髦，又很乾淨企理：餐廳內部的環境很華麗，比同類型的茶餐廳高了幾班：這是廚房那邊，店員正在認真工作：餐牌是典型茶餐廳的那種，彩色印製，圖文並茂：因為難得跟這位朋友見面，所以我們決定要吃一頓豐富的午餐。健康是最重要的，所以我們點了一道蔬菜 - 紅茄浸時蔬＄38湯底很清甜，並沒有加味精，除了蕃茄、薯仔和菜心外，還有蜆，真是非常驚喜。菜心是青綠色的，一看就知道火候控制得剛剛好，並沒有煮得過度。蕃茄薯仔鰂魚鮮蜆湯配米粉＄48賣相看起來跟上面的蔬菜差不多，但其實湯底比較淡。米線軟硬度適中，容易咀嚼，跟湯底很配襯。檸檬雞中翼這是米粉那個套餐包括的，看似普通的雞翼，其實味道非常特別，檸檬味很濃，入口就是極重的檸檬味，然後才是雞翼的味道。喜歡吃雞翼的人，絕對不能錯過！煎美國安格斯牛配炒飯＄168想試這個餐是因為看到它的價錢很貴，又是安格斯牛，想試一試跟其他餐廳有什麼不同

今朝經過太子，見時間唔多就去茶餐廳快食lunch。呢間見佢門口都幾新幾乾淨就入去食個飯喇叫左個set咖哩青衣柳配意粉-外貌尚算靚仔但又未算好好好有驚喜，諗住味道都應該係意料之內喇，點知我錯了！係我食過最好食ge 青衣柳！！青衣魚係極度有口感，好彈牙，係一層層魚肉，絕對唔係平時薄薄ge魚柳！配埋咖哩汁真係絕配！無得輸呀！而且有青椒等配菜，真係好唔錯！意粉軟硬適中，配埋咖哩汁又係一流凍奶茶-最欣賞佢唔算太甜，茶味夠，食到熱野飲杯凍野真是樂事魚湯-呢間d 湯水真係唔講得笑！好重魚味，加左大量蕃茄，成件事非常健康，絕對無味精，一口氣就飲哂真係好意外食到餐咁好味ge 茶記，大大推介！

去開旺角特登嚟食呢個《焗鮮茄豬扒飯多士盒》。不過去到先見到原來都幾貴！ 要成 68蚊，凍飲仲要加12！！好算，照叫。其實就係焗豬扒飯，啲蛋炒飯釀咗係多士盒入面。個茄汁sauce 同傳統嘅焗豬扒飯sauce差唔多。佢特別在係食到軟棉棉嘅麵包同焗豬扒飯一齊食，竟然多咗層次感！我覺得好好味～ 原來白麵包同焗豬扒飯係咁夾~多士盒嘅外層較硬同脆身，都唔會食㗎喇。係內裡嘅組合有驚喜！ 但係呢個餐 $68 + $12(凍飲) = $80 for 冰室／茶餐廳真係貴！

香港有無數間茶餐廳，有貴，有平，質素都唔會相差太遠，不過呢間冰室，大路得黎又幾有驚喜，所以都同大家分享下啦。呢到主打健康無添加，茶餐廳SELL健康無添加，好似有D奇怪。不過食完呢到D野，又真係唔覺好多味精，同埋好似真係比出面少D油。跟餐 - 羅宋湯個湯有勁多材料，好好飲。不過唔食得辣既朋友要小心，因為都偏辣。煎安格斯牛配意粉 $168叫左七成熟，味道不過不失 件牛都易切易入口，個意粉勁大，細食既女仔應該可以2個人SHARE一個都夠飽。芝士焗美國安格斯肉醬意粉 $58其實呢，D肉醬係唔係安格斯我就真係食唔出，不過個肉醬味道夠，又唔會好稀，加埋面頭有有放D青瓜黃瓜，成件事係幾有HEART。無添加雪山梳乎厘HK$88而呢到最特別就係呢個梳乎里，仲高過杯凍檸茶呀，未食已經聞到勁香，而且超鬆軟，鍾意食梳乎厘既朋友一定要黎試下。餐廳乾淨而且店員都幾有禮貌，至少落單會望住你隻眼，上菜又會小心前小心後。地點都好方便，太子e出口過條馬路就係，一定會再番去食個梳乎厘。

點解香港會有『茶餐廳』？或許，就正如日本有壽司店、韓國有炸雞店、 美國有漢堡包店一樣，其實，只是代表著當地的飲食文化。 不過，香港人是不斷求變、不斷創新的，早前 BeautySearch 途經太子時，便發現了一家不一樣的茶餐廳 ～ 《永興冰室》 。『冰室』，豈不是茶餐廳的前身!!! BeautySearch 曾聽說，第二次世界大戰後，由於當時的香港人受西式飲食風俗影響，但是提供西式食物的高級餐廳收費昂貴，冰室遂相繼興起，提供廉價的仿西式食物。冰室當時主要提供咖啡、奶茶、紅豆冰等飲品，配以三文治、奶油多士等小食，後來冰室提供的食品種類逐漸增加，又與西菜館和餐室的模式結合，演變成為今時今日的茶餐廳，提供傳統中國小炒及歐美食物，後來更發展至晚飯小菜，款式可謂多元化。 所以，『茶餐廳』可算是見證著香港時代變遷的文化遺產，因而別具香港特色！ 而《永興冰室》雖沒有舊日「冰室」的簡樸，不過，裝潢中注入了新一代的時尚元素之餘，仍不失簡約，感覺更見年輕化。 最令人懷念的，是門前設有發售麵包的位置，令 BeautySearch 不禁想起，孩童時，每天媽媽接我放學，回家前，定必在家附近的『茶餐廳』購買

呢排都好忙 好耐冇好好放鬆一下 同家姐行街買野 行完街之後 就去左充滿香港特色既茶餐廳食野 我地去左永興冰室 聽人講嗰到既野大件夾抵食 我地都想去大食一餐 😆冰室環境寬闊 我地7 點幾去到 係食飯時間 所以入面已經坐滿人 大家都點左店內既招牌菜 咸味多士盒～餐牌有大量美食任君選擇 我地一時間都下唔到決定 每一樣野都想試 😍沙嗲牛肉配出前一丁🍜🐮 $43平時我地都好中意食出前一丁做早餐 呢個沙嗲牛肉麵好有親切感 比起平時食既牛肉麵更更鮮味 牛肉香氣撲鼻 肉質鮮美 食落好嫩好腍 而麵條都好爽口彈牙🍜多士炒蛋 🍞🍳呢個係沙嗲牛肉麵既配餐 塊厚多士🍞烘到金黃色 外脆內軟 一切開脆卜卜既外皮 入面既麵包鬆軟綿密 口感好好 ☺️ 炒蛋亦都好唔錯 好煎到好香 入面仲係滑蛋 岩曬拎黎夾麵包 🍳阿華田 呢個套餐仲包埋熱既阿華田 阿華田味道都算濃 又唔會太甜太膩 可以飲下暖下胃～雲吞米粉 $32雲吞麵一直都係我既至愛 仲記得有一段時間 我每朝都要食雲吞麵做早餐😍 呢碗雲吞米既雲吞大大隻 入面放左好足料既鮮蝦 包你滿意 🦐 米粉都唔錯 配埋生菜同調味料 味道更好 👍🏼咖哩牛坑腩飯 $58咖哩味道十足 佢呢隻咖

又發現好食嘅茶餐廳推介俾大家啦，今次呢間同其他唔同，入邊有好多特色嘅嘢係其他地方冇得食架，例如係炸牛扒、多士盒等等。-焗鮮茄豬扒飯多士盒 ($68)-普通焗豬就食得多，配埋個多士黎食就真係第一次。佢個樣同台式嘅厚多士甜品好似，不過就轉左入邊係焗豬扒飯，上面仲有大量芝士，望落去都幾淫。焗豬嘅味道都OK嘅，茄味都幾濃，豬扒整得都幾淋。不過司令其實唔係好明同多士一齊食嘅呢個食法，食完個飯仲要再食多士，真係有啲多得滯會食唔落，建議大家可以兩個人share嚟食。

係屋企附近特多茶記，真係唔怕會餓親，大部分我都食過，開下一間又一間，唯獨依間最近新開未食過，今晚同媽咪無飯開黎左依度撐枱腳👭餐廳因爲新開，所以都新淨，差不多每個位都睇到電視，食住睇電視真係人生一大樂事，同埋店員提醒如果食梳乎厘最好早少少落單，因為係即叫即製，所以我地都預先落單等食常餐個炒蛋好好食，食得出無溝稀同無偷工減料，入口又滑又重蛋香，好好食，多士食落夠哂脆，最好既係叫沙嗲牛肉麵既麵底已經係出前一丁，唔使另外加錢轉麵，而且沙爹牛肉食落唔太咸，不錯焗蕃茄豬扒多士盒一送到黎見到已覺得好巨型，入面飯唔算好多，但食埋多士就真係夠哂飽，個多士盒外脆內軟，第一次食蕃茄汁既多士，幾特別，豬扒已經切好一件件，唔使自己動手切，入面啲飯仲要係蛋炒飯底，唔係白飯，夠哂足料另外叫左個蕃茄湯浸菜，湯底味道剛剛好，當中仲有幾件薯仔，菜亦都好新鮮，食落唔油膩，好健康兩杯餐飲分別叫左凍朱古力同熱好立克，野飲飲落唔會稀，亦唔會太少粉好多水，飲落幾夠濃最後到左壓軸既梳乎厘甜品，真係超級大個，食落好滑溜，有蛋香，唔會太甜，相信四個人都夠食

今日約咗好耐無見嘅朋友食飯，突然好想食炒公仔麵同梳乎厘，真係好耐好耐無食過了，朋友介紹咗呢間冰室俾我，而朋友對呢間冰室嘅評分亦唔錯，所以今晚食飯就決定去永興冰室。檸檬雞翼5隻，黎到時檸檬香已經飄出黎已經食指大動，食落去好入味又夠淋身，檸檬味配上豉油吾咸喎，仲帶點清新，我同朋友都推介好味！～黑椒豬扒炒公仔面份量都幾大份，豬扒份量應該有2片，切開左好易食而肉質吾錯添，公仔面應該吾止一個面所以最後仲要食吾晒，唯一吾好係黑椒味少左D。焗咖喱雞飯多士盒，多士盒個size有成隻手掌咁大，舖面嘅咖哩汁加雞肉好吸引。切開多士盒，入面係炒飯，食得出飯係加蛋絲一齊炒的，個人比較喜歡蛋絲炒飯。整體感覺好食，多士盒外脆內軟，兩個女仔食嘅話，份量就覺得多咗少少。咖哩味道唔算太辣，雞肉份量夠多，真係好扺食。跟餐仲包羅宋湯，好耐無飲過咁足料的羅宋湯，好鮮味。雪山梳乎厘，到今晚主角出場啦，今晚去呢間餐廳主要都係為咗試吓呢個雪山梳乎厘。侍應拎到嚟，第一個感覺係個size好大，侍應同我地講呢個係四個人食嘅份量，但兩個女仔都勉強可以食得晒。味道唔會太甜，口感似食緊棉花糖一樣，好軟熟，食完第一啖就唔想停手，你會有keep住想

「下一站太子，xià yī zhàn tài zĭ，Next station Prince Edward！」突然間搭車經過，心血來潮，不如今日就去太子食飯啦！就係咁，無plan過就去到太子，我A姐最鍾意嘅當然係A出口啦，再向前行1分鐘，就見到永興冰室喇，見到無味精嘅蕃茄薯仔鰂魚鮮蜆湯，係呢個潮濕天氣食番碗就最啱，一於入去食番碗先得！男人的浪漫：豆腐火腩飯 M佬成日都話，識食一定係食豆腐火腩飯！其實我都好鍾意食，不過，近排我去旅行食多咗，所以呢個浪漫都係留番俾M佬啦！豆腐火腩飯最怕就係啲汁一pat pat，好彩呢度汁飯比例啱啱好，火腩又唔會太肥，M佬就覺得好浪漫喇！女人的現實：蕃茄薯仔鰂魚鮮蜆湯配螺絲粉+檸檬雞中翼想減肥，呢個清清哋就最啱我！湯底有香濃魚味，夠鮮甜，仲有蕃茄、蜆肉同薯仔，夠晒營養，麵底就揀螺絲粉，食落無味精，唔會好渴，真材實料！跟餐可以揀炸全翼，不過要健康就當然揀檸檬雞中翼啦！嗰樣貌似豉汁雞中翼，入口有少少檸檬味，都幾清新。鮮茄浸時蔬一樣用上蕃茄薯仔鰂魚鮮蜆湯，但呢個配上爽脆嘅菜心，真係好鮮甜。M佬就連呢度嘅湯都唔放過，全部清晒！淨牛坑腩M佬呢個食肉獸話唔夠飽，要叫多個淨

多士源自歐洲，傳來香港後，把toast譯為多士，流行於茶餐廳；傳至台灣，譯為吐司，流行於泡沫紅茶店。台南人把雞放進麪包內，造就了厚多士，或名吐司磚誕生。因形似，想賦予升官發財吉兆，叫它做棺材板。漸加入甜品，雪糕在內，大受歡迎。我喜歡的食法還是用雞，參考澳葡菜農夫包做法，用咖哩汁。咖哩頗辛辣，雞肉嫩。好味的仍是麪包，表皮脆。內心全是飯，要2至3人同吃才好。附送羅宋湯。紅酒牛尾亦佳。有梳乎里供應。極近太子港鐵站A，亦近旺角，所以有很多特色西餐廳。

工作上盡不如人意，今晚約了朋友出黎吐吐苦水，約在旺角太子一帶大家都近，選了永興冰室，就在彌敦道大街上方便易搵。店內很光猛，方枱同卡坐排得整整齊齊，旁邊還有大電視，整體感覺不錯。先看看餐牌，晚餐有西式同中式兩款套餐，如不想吃太飽，亦有常餐同粉麵餐，選擇雖不算很多，但已揀到心水了。先來兩個熱檸茶，跟飯餐（+$7）。點了海南雞飯附送的油菜，是晚菜心已賣光，只淨生菜，豉油生菜都ok啦。最近太忙通常出街食飯，少蔬果，決定多點一碟菜，但看看餐牌，只有呢款紅茄浸時蔬（$38）揀，賣相看起來一般，但原來係蕃茄薯仔湯黎，好清甜，食完菜仲飲哂啲湯，幾好味喎。朋友點了蝦膏蒸五花腩飯（$53），水多了點，蝦膏味亦不強，但加了豉油都幾好味，五花腩不算太肥，瘦肉較多，都幾好下飯。自己點了海南雞飯（$55），雞件不少，肉嫩滑且很入味，飯是有點椰香的油飯，味道幾好，但略微乾身了點。這個海南雞飯等了半小時都未黎，問問侍應是否漏單，侍應見狀即刻去追，等了2－3分鐘就有了，仲萬二分抱歉，態度真誠，喺港式餐廳真係好難得。

幫老細響隔離搞完一大輪直通巴既事, 嬲嬲地食埋野先返公司.四圍行見呢間門口有條人龍響度買麵包, 門面幾光猛, 雖然叫冰室但望入去裝修好新潮, 好乾淨.除左粉麵, 中西式飯類, 呢度仲有特式D既安格斯牛, 多士盒之類, 茶記較少見.要左咖哩吉列豬扒跟飯, 制作時間較長, 黎到就知原因係即炸, 外皮炸到金黃色, 真係脆卜卜, 乾身一D油膩感都無, 比起其他日式鋪頭還要好.  咖哩汁帶少少椰汁香, 唔會太辣. 豬扒肉質一絲一絲, 咬落好嫩, 外脆內軟, 本身既肉味已經好香, 食原味不點汁已不俗.見到有粉麵既牛坑腩又忍唔住要左一客, 炆出黎牛坑腩特別軟腍, 肉同筋層次分明, 口感唔韌, 牛味好濃郁.茶記仲要嘆埋凍檸茶, 非常滿足既一餐.

又是出糧日，跟同事去旺角shopping置春夏裝，作戰前先去醫肚，隨意選了一間較乾淨整齊的冰室。食物選擇多、價錢相宜。凍柚子茶及熱檸檬柚子茶，套餐分別另加$9及$12，太多柚子蜜，味道偏甜。餐湯的羅宋湯，味道酸中帶微辣，好多雜菜，味道不錯，附送的也有水準。紅茄浸時蔬 $38以蜆魚湯作底，味道鮮甜，而菜心較老就一般。干炒牛河 $50，端上檯見到木魚在搖曳，而且內裡有椰菜配料，好有日式風味。河粉炒得幾有火候，牛肉肉嫩入味，不錯。焗鮮茄豬扒多士盒 $68等候多時的多士盒終於出場~~切開感到脆脆的外層，內裡是茄汁豬扒飯，多士焗得剛好很脆，沒有過火很韌，最好趁熱享用。茄汁幾美味，如果再酸點更好，而豬扒質感也算嫩滑可口。

連鎖式快餐店壟斷市場已經不是新鮮事，但仍有很多小本經營的企業掙扎求存。冰室在很多人心目中滿載大大小小的回憶，是不可或缺的一部分，而我都不例外。當快餐開到成行成市，這間位於太子的冰室卻在競爭中脫穎而出，裝修時尚，十分搶眼。記得小時候很喜歡跟父母去樓下的冰室嘆菠蘿油和紅豆冰，一邊吃著脆皮的菠蘿包，一邊收看大屏幕電視中播放的卡通片，真是挺開心。除了中式晚餐和炒粉麵推介，全日推介都有一系列的選擇。 部分跟餐送羅宋湯，重口味又夠辣，滿有港式風味。加配了健康配搭的紅茄浸時蔬 $38 湯品有魚香，裡面還有很多配料，如蕃茄、蜆肉和菜心，營養豐富，清淡得宜。焗鮮茄豬扒飯多士盒 $68 芝士焗到好香又濃郁，多士盒都脆脆的，蕃茄味香濃。重點是豬排好軟腍，飯底都炒得好香好夠味！四寶紫菜河粉 $45 另加紫菜的河粉特別好吃，又有彈牙的魚蛋、墨魚丸、魚皮餃和魚片。 雪山梳乎厘 $88 經烘焙後的蛋白膨脹得十分誇張，蓬鬆感超強，看似輕飄飄。標榜無添加，口感軟綿綿，中間是軟心的，目測有11-12吋，法式甜品實屬冰室少有，必定要一試。