永興冰室

營業中

休息中

一大早起來跑完步，肚子特別餓，這個時候突然想吃焗豬飯，但又不想吃普通的，決意去永興冰室吃個飯盒。焗鮮茄豬扒飯多士盒就是小人的目標。菜名有鮮茄，蕃茄真的十分新鮮，每啖皆有濃濃的茄味。飯是焗得超香，卻又不會糊成一團。豬扒的脂位是爽的，扒肉軟滑得來有咬口。更上一層樓的是麵包磚做成的多士盒，相當之脆，一口連飯連豬扒連多士一起吃，是多重的層次感，豐富得不得了！配上一杯冰凍的抹茶雪糕特飲，所有能量都返來了。這是一個小人吃過最美味的飯盒。

星期五約了田會長一齊去試姊妹裙順便食飯，係太子果頭搵食，近近地去了一間冰室，以多士盒及梳乎厘出名，即想起某兩間餐廳的招牌貨，不過呢間可用貼地價試下呢。 茶記的格局，有電視睇，又不用等位。 餐廳名產:焗鮮茄豬扒飯多士盒，必試了。 本身想試抹茶蛋撻，但實在太搶手了，售罄，只好下次。 試下個抹茶特飲都好。 雪糕抹茶特飲，配餐價，$18，賣相不俗，抹茶味不算太濃，甜甜地，味道普通，不過有雪糕食感覺好滿足呀。 涼粉紅豆冰，友人的。 羅宋湯，好多雜菜夠足料，味道不俗。 焗鮮茄豬扒飯多士盒，$68。 賣相十分吸引，切開多士，口感有硬硬地，又有脆脆地，鮮茄味濃郁，豬扒份量適中，肉質尚算鬆化，飯粒粒分明，味道不俗，如果多點醬汁更好味呀。 芝士焗美國安格斯肉醬意粉，$58，肉醬份量多好惹味，意粉偏軟身，味道正常水準。 食物有特色，味道正常水準，價格合理，服務態度親切，下次有機要試下甜品呀。

新派茶餐廳！煎美國安格斯牛 $168 🍖🍟🥓這家店走高質茶記的路線，煎牛排竟然也用上較好的牛肉，完全不同於平常在茶記嚐到的肉鬆粉後製牛肉的劣質，一時之間竟有點不習慣（妹仔肚🙈）薯條真的不得了！🍟 波浪紋，夠粗身，外脆內軟！怕熱氣的我們竟然爭著吃光！澎湃的巨型梳乎厘！我看見有經過的小孩子回頭，用很期待的眼神看着這巨型的棉花糖😂😂😂（當然給他的媽媽拖走了🌝）蛋白味十分香濃，焦脆的外層也很棒，可惜味道變化不大，吃久了會覺得膩。如果很多人的話不妨點一點，但若果人太少便留待下一次吧！紅豆冰涼粉！大熱天時我是衝着涼粉來點的✌️✌️✌️

之前經常落雨，已經無唔想打扮同姊妹去高茶。。。去下茶餐廳HEA下都係一種樂趣：p鍾意個綠茶蛋撻啊！有個盤一齊先可以嗌一個原味一個綠茶味HEE其實未食之前，我就覺得原味一定好食D架啦，因為通常咁嘅顏色，加埋太奇怪的配搭好難好食。點知....原來綠茶個味唔會好假，仲好好味！焗豬排飯就食得多，用多士整嘅都係第一次食。之前係羅麥記好似係，有見過，但覺得gimmick野就無叫。但今次姊妹話佢鍾意食，就陪佢食。原來都真係幾正，仲有D唔夠食(包就緊係多得滯).來之前已經做咗功課，好想食綠茶梳乎里！點知整梳乎里的廚師要晏D返...所以溫馨提示：大家要食梳乎里的話，可以考慮先致電茶餐廳：D

第二次來這間茶餐廳了, 今次來到這間茶餐廳的主要原因是很想試試它們的抹茶梳乎厘。上次來到的時候很想試雪山梳乎厘, 但由於太飽, 所以沒有機會吃。今次, 我們午市的時份來, 那時已經差不多坐滿了人。我朋友點了一碟黑椒豬扒公仔麵, 我點了一份番茄炒蛋三文治和一杯檸檬柚子蜜凍飲。另外, 我們也點了一個綠茶蛋撻來分享。綠茶蛋撻的綠茶味香甜, 帶點奶香, 蛋撻中央軟滑, 不過, 我喜歡牛油皮蛋撻多過酥皮蛋撻。吃完我們的午餐後, 我們便點了一個抹茶雪山梳乎厘。抹茶梳乎厘製作需時, 所以我們大概等了45分鐘才有得吃。它來到的時候, 它的分量比我們想像中大很多很多。而且, 這個梳乎厘亦吸引了很多人的目光。我們真的被它的分量嚇親了, 我認為適合3至4人分享。梳乎厘很鬆軟, 上面灑上綠茶粉, 底層亦有綠茶海綿蛋糕。綠茶海綿蛋糕很軟熟, 它的綠茶味也算突出, 其甜度適中。

平時經過若非認真留意絕不會發現這間看似平凡的「茶記」其實「禾稈冚珍珠」，所售的並不止一般茶餐廳常見的菜式，當中更有一系列創意料理，最為人所知的定非巨型梳乎厘莫屬。吉列安格斯牛配炒飯 ($168)意外發現這裡竟然有售近期大熱的吉列牛，不同的是它改以「碟頭飯」形式呈上。炒飯底不夠香口乾身，加入雞蛋炒成可惜蛋香欠奉，吉列牛脆皮偏厚鬆脆如同吉列豬扒一樣，雖選擇了五成熟但牛肉過熟以致肉質較韌，而且配上黑椒汁令吉列牛炸皮極速軟化。焗鮮茄豬扒飯多士盒 ($68)多士盒挖空加入鮮茄豬扒飯，面層舖滿芝士令人食指大動，麵包口感酥脆，但要趁熱食用否則會變得堅韌。豬扒軟腍而且份量充足，炒飯底則與吉列牛飯無異，不過配上茄醬及芝士等材料令口味道豐富得多。雪山梳乎厘 ($88)巨型梳乎厘足足有30厘米闊，比人頭還要大，外層微微煙韌，口感軟綿，底層部份近似蛋糕。不過整體味道單寡，建議可以另外配上一碟鮮果及餅乾配合食用，令味道及口感更加豐富。雖然味道方面尚有改進空間，但不失為一個好嘗試，在茶餐廳中品嚐到各種大熱特色美食，絕對是個難忘經驗。

咖喱雞飯多士盒- 永興冰室😈邪惡多士盒, 多士盒鋪滿咖哩雞, 芝士,薯仔等, 澎拜非常! 挖走中間的麵包部分, 換來香濃咖喱飯,份量足以2-3人食, 實屬價廉物美! 超巨型雪山梳乎里$88份量絕對足夠4-5人享用!! 口感相當鬆軟, 蛋白味濃, 吃下去帶空氣感, 綿滑非常!

現今世代懷舊冰室愈來愈少，取而代之帶動潮派的冰室。太子一帶總是有很多冰室林立，不過這間【永興冰室】的確與眾不同，全因不只少懷舊食物，更添加了全新的元素。外觀的裝潢沒有走懷舊格局，卻帶有時代感的設計。光線充足而且地方相當闊落舒適度高，食物的種類相當多，價格也不會太過離地。全新元素莫過於加入了「抹茶」，抹茶的食物是近年的風氣所在，只要有抹茶的出現都定必搶盡風頭。 餐牌上有抹茶的字跟的確有所吸引力，而且價錢令我不卻步$7是可以一試的。炒粉麵飯、西餐或是小菜等應有盡有；不過甜品有抹茶雪山梳乎厘是【獨家推薦】的確賣點之一。 原味蛋撻 $6來到冰室莫過於一份蛋撻是基本所需，蛋香濃郁而滑溜，酥皮的外層完全香脆而不油膩。如果添加一份茶走，完全是下午茶必選之物。 抹茶蛋撻 $7首次在冰室內驚見抹茶蛋撻，抹茶的顏色呈草綠色。第一口的抹茶味道出眾，不會帶有苦澀的味道 $7算是不俗之作，而且有種值得想再吃吧！ 煎美國安格斯牛意粉配蒜蓉汁 $168全日供應的A-E的套餐，A餐煎美國安格斯牛意粉配蒜蓉汁是我必選之物。美國安格斯牛有吉列或煎兩種選擇，後者會比較健康而醬汁另上也是不錯。美國安格斯牛已是五成熟，份量相當

太子美食多，今次lunch入黎永興主要係俾佢個門面吸引，裝修都幾新，感覺好寬敞光猛。同朋友一人叫咗一個餐， 因為唔算好肚餓，叫咗個沙拉豬扒+沙律。豬扒炸得都幾香，好濃既檸檬味。 睇落好似好薄，但肉質都幾嫩滑，同埋唔會薄到無左口感。 沙律係平時食開嘅小朋友沙律， 入面除有我最鍾意嘅椰果之外，仲有蘋果 我始終覺得，沙律要加蘋果先至好食！呢個真係個人口味問題羅宋湯pepper味都幾重，有少少辣。我叫咗一杯利賓納。朋友叫咗杯凍奶茶。 而家真係唔係間間茶餐廳都有得叫利賓納！ 冰&飲品嘅比例調得啱啱好！係咁熱嘅天氣，我最需要真係一杯凍冰冰嘅飲品！ 奶茶不過不失。呢個係朋友叫咗嘅牛扒，生熟程度差唔多。肉質都幾嫩！旁邊配左個蛋炒飯。無諗到啲洋蔥汁都幾多下。配個炒飯食就岩啦。走嘅時候見到佢出面好似翠華咁仲有麵包同埋蛋撻賣。都唔記得咗買個蛋撻做甜品。下次記得要試下嗰蛋撻先得！

今日黎到太子既呢間冰室環境尚算很乾淨, 比起傳統既冰室直頭是華麗我們一行二人叫左兩個飯吃就是 海南雞飯 和 鮮茄焗豬扒飯海南雞飯我覺得這個海南雞飯性價比好高價錢唔算太貴, 但係就有齊湯同餸同埋飯大家都睇到雞件的部分唔係d咩奇怪既部位而係雞翼同上脾啖啖都係肉而且飯既份量都算多, 絕對夠飽的～焗鮮茄豬扒多士餅盒呢個焗豬扒飯對我來說簡直是非常新潮因為他用麵包來做裝飯的器皿真正的連盒都食得食落一點都唔會因為有麵包所以覺得好奇怪反而d飯我覺得更香口同埋麵包皮都吸收哂成個飯既精華食落口感都唔差

之前食過太平館嘅巨型梳乎厘見太子喱間冰室都有雪山梳乎厘就約左朋友仔一齊黎挑戰一下啦🤘🏿羅宋湯套餐包埋嘅羅宋湯一碗都幾大碗下羅宋湯好足料 蕃茄 薯仔 蘿蔔 椰菜 西芹一碗有4成都係料 飲落好濃郁番茄味帶點微辣 不錯不錯焗鮮茄豬扒多士盒又吐司又焗豬扒飯邪惡至極的組合外面的吐司盒烤得好脆身切開出邊嘅外皮原來師傅將一個完整嘅方形吐司入面嘅麵包挖空 再放入豬扒飯 做法好新鮮 但加埋一齊又唔會覺得怪喎豬扒好嫩整到好淋身 醬汁好濃好傑身 配有蕃茄 洋蔥 同炒飯底係高質的焗豬扒飯不過吐司盒加焗豬份量都真係幾多下建議兩人share都可以抹茶雪山梳乎厘梳乎厘係人手打發的 所以落單後都要等一等外層烤到金黃色 形成一層焦衣 口感煙韌入面係打至鬆軟綿密嘅蛋白食落蛋味香濃 入口軟綿綿好似綿花糖抹茶味主要集中係底部 有淡淡抹茶味口感相對上較紮實 食落有啲似抹茶蛋糕佢地嘅梳乎厘空氣感無太平館咁大吐司焗飯同梳乎厘食落都好飽肚我同朋友兩個都食到反曬肚😂性價比都幾高 食物亦幾高質估唔到係太子的冰室發現驚喜的

特地來太子試試新冰室💕最喜歡吃的是焗鮮茄豬扒飯多士粒$68 多士烤得很脆 豬扒也煮得嫩 不過米飯比較乾身 不過都好吃挺划算的! 還叫了吉列美國安格斯牛配洋蔥汁$168 叫了7成熟 不過似乎有點過熟 而且煮得不太均勻 未切那邊反而生了一點 不過見到紅肉卻意外地好吃 •最後點了無敵巨型的雪山梳乎厘$88 大得有點兒離譜😂 這個適宜四人分享 口感是軟綿綿 比較重雞蛋味 內裏不太濕潤 而且外層也不太香脆 有改善的空間 點了菠蘿冰和雪糕紅豆涼粉冰 感覺菠蘿冰怪怪的 而且紅豆冰不太甜 最後整體還是蠻不錯 本人覺得羅宋湯也挺好喝 會推薦你來嚐嚐多士盒☺️

茶餐廳一向是香港美食特色，近年太子附近都多了不少特色茶餐廳這晚晚了點放工，便在同事的帶領下，來到這間永興冰室門面計設一點都不較其他高級餐廳差，而且古今合壁，給人一種念舊感，卻又帶著現代的沖擊餐廳裡坐著滿滿的人，充滿生氣侍應姐姐一見我們進門，便立即大聲呼喚我們到角落一座，非常熱情，可見香港人情味濃坐下後侍應呀姐急不及待送上暖水及餐牌，禮貌之餘落單更是專業我點的跟餐奶茶更是光速送到台面而朋友點的跟餐紅豆冰更是泡製得有聲有色味道跟外觀一樣，大獲全勝！朋友點的咖哩吉列豬排飯搶先送到，吉列豬排吃得多，加上咖哩真的第一次見這塊大大塊的吉列豬排更是抵讚，皮夠薄肉夠厚，一吃便知師傅屬專業級說到咖哩，真是又濃又香，送飯一流而且辣味剛剛好，不刺激再來就是我點的吉列美國安格斯牛排飯，真是令人眼前一亮大大塊的美國安格斯牛只是$168點了五成熟的牛排除了鮮味濃郁、入口即溶，已經是難以形容性價比極高最後我們見Poster有雪山梳乎厘，而且只售＄88 ，感覺超抵食我們立刻點了一個，誰知這個雪山疏乎厘的體積就如人頭半大，我倆頓時傻了眼體積雖然非常大，但入口感覺鬆鬆軟軟、入口即溶，而且蛋味非常濃，我們吃得津津有味外表平

星期五晚上不想出去跟人迫，就光顧附近的冰室。想不到那麼熱鬧，差一點就沒有位置三個人點了兩份主菜，一個大甜點，一個小甜點香蒜斑塊是一個餐，有湯有餐飲，及一大碟白飯，忘記要求少飯，幸好三人也吃得差不多，實在太怕浪費了‼️‼️咖哩雞麵包盒是吸睛焦點，麵包內有咖哩雞及飯，麵包只是一個烘烤過的盒，脆脆的，好味道它有另一個味道是鮮茄豬扒麵包盒，應該也幾好味下次會試試‼️跟著是原味特大梳乎厘，當然是相機食先，就只怕它會塌下來‼️其實它不會，不像太平館那個～～即是不夠空氣，不太似風‼️不太甜‼️綠茶蛋撻是在店外玻璃看到的，想著試試不妨。綠茶味濃濃，相信熱的時候是不錯的‼️‼️

巨型梳芙厘聽就聽得多，終於今次忍唔住去咗喺太子嘅永樂冰室試吓🤤🤤雖然叫冰室但係裝修唔係好似傳統嘅冰室咁，有點似快餐店嘅間隔。我哋叫咗焗鮮茄豬扒多士盒，乾炒牛河同埋期待已久嘅巨型梳芙厘😋😋先講講鮮茄豬扒多士盒，包個羅宋湯，味道正常，羅宋湯用料多，有大量嘅蔬菜👍👍鮮茄豬扒無咩特別同坊間嘅豬扒飯一樣味，豬扒厚身得來又夠林🤤多士盒焗得夠香脆，加埋番茄醬味道唔錯。乾炒牛河，牛嘅份量真心好多，每一口都食到一件牛，醬油味道比較特別，老闆話係自家製，難怪特別香。最後萬眾期待嘅梳芙厘嚟到真係有種嘩一聲嘅感覺，好大份，開頭仲諗住係食空氣感，唔會好飽，但入邊佢除咗蛋白有加蛋黃，所以食咗一半已經飽到食唔落😂😂總括嚟講外脆內軟，食到一半都仲係唔榻返落嚟，低讚👍👍👍