永興冰室

營業中

休息中

放工之後，想近近地搵個唔太貴的地方吃飯，在地鐵站附近見到一間裝修乾淨的茶餐廳就進去了。焗咖哩雞飯多士盒想不到茶餐廳竟有如此特別新穎的菜色！趕快點了一個。超大個，正方形的多士盒子中挖了一個孔，放進了咖哩雞和飯，見到咖哩汁幾乎滿溢出來就知道份量是十足的！咖哩很香，帶點微辣，而且裡面有焗芝士 這晚餐包括一個餐湯和飲品。羅宋湯也很大碗，味道酸酸甜甜又夠濃，而且帶點辣味，真特別！之前未見過辣的羅宋湯。我就叫了咖哩青衣柳飯。飯超多的，毫不小氣！咖哩很濃郁，嚐得出是真熬出來的，而非那些無誠意的用廉價咖哩粉做的 但要注意這咖哩有一點點辣，但真的很入味，來這裡一定要試下個咖哩！魚柳外面煎得很脆，可惜有點乾。加了25蚊轉紅豆冰。鮮奶很多，冰比較少，沒有偷工減料 行經太子地鐵站又想平平地吃個飯的話，可以考慮下這裡。

琴日媽媽去行花墟，我打俾佢約佢食晚餐時，她話想睇多陣，就響佢附近揾地方食。我在彌敦道落車時，見到這間新開既冰室，就入去試吓。 媽媽見到坐旁邊的客人食的咖喱磚包，佢就好想叫，就點左焗咖喱雞飯多士盒，多士盒外殼焗夠脆，多士盒內放滿蛋漿炒飯，加上頂部的咖喱雞就十分香，咖喱汁就充滿椰香。我地想要多啲汁，冰室都樂意俾多碗我，多啲汁點包好味啲。 我地就十分喜歡個餐湯，羅宋湯有很多料，椰菜，西芹，青椒等，仲好香牛肉味，個辣味剛剛好，蕃茄味又夠濃，勁想encore! 但媽媽就被餐牌上既無味精湯吸引住，靚湯十分鮮甜又唔鯹，湯內又無骨，除左有蕃茄薯仔外仲有鮮蜆。 紅豆冰清甜，紅豆唔太甜，粒粒爆開又夠咬口。 經典疏乎厘 焗得很靚，棚脹起成個雪山咁，個面焗得剛剛好，唔太燶又有啲微香。 上層主要蛋白同糖層，感覺像棉花般軟。意想不到下層有啲蛋香，無咁寡，我們都十分欣賞。 這冰室裝修新穎，價錢合理，地理位置又好，應該生意會幾好吧！

Spotted this bingsut a mile away because of the colourful logo.Went in for lunch and noticed they had souffle but I didn't try it as I am trying to cut down on proteins.I had the rice noodles instead which came in a fish and potato broth served with lemon chicken wings.You couldn't really taste the fish when it was hot but after it cooled down you could taste the fish.I couldn't it very healthy and simple as there was no msg and it was light.Next was the steak cutlet, just ordered it because I w

男朋友喺附近番工，所以都已經喺呢間冰室食過午飯，至於我同朋友就係第一次黎。對正我地落車嘅巴士站，門口有「麵包位」，早上會有新鮮出爐嘅麵包賣~冰室位置頗多，又有電視睇，平日晚上都有唔少客人。精選晚餐有五款，有飯、意粉、扒類，定價$50-$168。紅茄浸時蔬 $38我地少住家飯食，出街食飯點都會叫個菜，呢個紅茄浸時蔬正！湯底真材實料，有魚味，飲落鮮甜，冇味精感，剛好「畢」到一碗仔湯，我獨享~菜心浸得淋，由於用魚湯浸，唔會覺得油。四寶丸 加紫菜 $45我地點左淨四寶丸，裡面有魚蛋、片頭各兩粒，墨魚丸、魚皮餃各一粒。魚蛋、炸魚角好彈牙，有魚味，唔會有粉感魚皮餃睇落奇貌不揚，但食落又OK，墨丸就普通貨色。海南雞飯 $55 (送油菜)海南雞賣相較失色，用嘅係白飯而非油飯。雞肉略嫌唔夠滑溜，可以更好，雞胸位食落有少少鞋，似白切雞。附送嘅生菜不過不失，我地都係主力食番紅茄浸菜心~焗咖喱雞飯多士盒 $68呢個係見後面嗰枱點我地先跟住叫嘅，佢地點焗鮮茄豬扒飯多士盒，我地點另一款味道。賣相有少少浮誇，睇落就幾吸引！咖喱食落微微辣，容易入口。雞肉可能焗過食落有少少鞋，但份量都幾多，一定飽肚多士盒裡面仲有飯，飯

第一次黎呢間新開既冰室, 見到都幾乾淨, 坐得幾舒服, 就入黎試下可能係新開, menu 唔係好多種類, 不過都揀多我地想食既叫左個多士盒, 有鮮茄焗豬扒及咖哩雞兩款, 揀左鮮茄焗豬扒試下先無諗到焗飯同多士可以咁樣mix & match, 夠哂創意多士皮焗得好脆, 多士個心已經挑左出黎, 入面幾乎填滿左焗豬飯, 炒飯底, 飯既份量唔會少, 豬扒份量亦幾多外層鋪上芝士, 但芝士未夠多, 未做到拉絲效果一般焗豬都要$40-50, 而呢個鮮茄焗豬扒多士盒只係$68, 仲包羅宋湯, 價錢合理不過食到最後, 多士唔夠汁, 如果可以俾多碗汁, 會更好羅宋湯, 配料多, 味道仲有少少辣, 幾好飲另外叫左碟時菜肉片炒河, $56, 份量OK, 不過不失肉片雖然切得幾薄, 但夠大塊, 食落口感鬆軟最後每人跟餐一杯飲品, 凍飲加少少錢凍檸茶, 凍奶茶, 正常發現呢到有梳乎里, 職員亦有推介雖然係冰室食梳乎里, 感覺有D唔夾, 而且已經夠飽, 就算想食都食唔落

今次係一間新開兩個月既冰室，裡面都幾大幾多位。我地兩個人食左一個吉列美國安格斯牛配炒飯$168，一個焗咖哩雞飯多士盒$68同一個巨型梳孚厘$88。其實咁樣食都幾Full，因為仲有每但個餐湯同餐飲。個吉列美國安格斯牛叫左五成熟，都炸得幾唔錯，唔會太熟，裡面好Juicy，睇落唔算太大份，但配飯食落都幾飽。下次配薯菜可能會好d。個焗咖哩雞飯多士盒就夠晒創意，一樣係大大份，如果食到尾唔夠汁可追加。個巨型梳孚厘就最適合一大班朋友party或生日，佢真係大過個人頭。

我對冰室總有一份情意結，有新冰室開當然不會錯過！每家冰室為左留住一班客人，也會有自己獨家的菜式。今日和朋友來到，感受一下小時候的回憶，並忙碌的工作加下油！位於彌敦道的永興，光猛非常，門口放著各式各樣的飽點，讓附近巴士站的行人都可义買個方便，食住飽咁等車！主打多士盒和蛋白梳乎厘。女人總是對甜點的敏感大增，為住那道現今的餐廳都好少提供的蛋白梳乎厘，我地決定挑戰下這家小店！開動了！吉列安格斯牛扒配意粉 ($168)第一次在冰室見到的菜式，吉列粉漿不厚，唔會成口粉。牛味重，加上肉質實淨，唔似加左鬆肉粉，似真材實料！加上個汁好香蒜蓉味，送意粉撈飯一流！雖然店員有問要幾成熟，不過似係有點過熟但對於冰室有這菜式真心驚喜！可是如果價錢親民多少少更加好！一餐飯點可以無菜！這個魚湯浸蔬菜，五彩繽紛！集合不同有益的蔬菜，魚湯表明無味精，用上鮮鰂魚和蜆肉，飲多幾啖都唔怕。甜品方面，我們點了價值八十八大元梳乎厘，一上枱已經令人嘩然！好大盆！好誇張！仲大堆頭過一部電話，如下圖！機打的蛋白梳乎厘，也絕不欺場！軟綿綿的口感，相信係人都鍾意！不用加太多糖去提味，吃得都是那份小時候跟長輩到西餐廳的回憶和期待！同西餐廳絕對

太子有家新開的冰室，裝潢都好企理，加上咁近公司無理由唔趁食午餐時間去試下？餐牌除左午餐之選之外，我對眼已經放左喺個多士盒度！甜品就食得多，加埋飯再焗我來都真係第一次見！咖哩都十分吸引啊！咁特別叫埋先！先來跟餐的羅宋湯，大大碗又足料！點了餐都好快到！要讚係姐姐們都好親切，又有禮貌招呼，坐得好舒服！咖哩牛坑腩飯 ($58)咖哩無想像中咁辣，唔食得辣都唔怕。不過個人認為唔夠熱，而且無乜香味，要讚的是牛坑腩炆到好淋，唔會痴牙，個汁撈飯一流，薯仔都好入味！焗鮮茄豬扒飯多士盒 ($68)反之多士盒有驚喜！熱辣辣焗起，令人流哂口水！將多士倒空，加入蛋炒飯，鮮茄豬扒和芝士再焗，真心邪惡，個樣已經好賞心悅目！相信無翻咁上下胃口實吃不完！豬扒好嫩，不會太乾！加埋成個多士盒，啱哂大胃王！記得搵埋朋友仔黎挑戰，因為實在太過大份，一個女孩子食完晚餐都慳翻！

今日放工經過永興冰室，不知為什麼門口排長龍，在詢問下，才知原來麵包特價發售，麵包都是暖暖的，菠蘿包原價$6，特價$3，即半價，據店長說，因新張期內，優惠街坊，菠蘿皮香脆，包心鬆柔，出色。蛋撻是酥皮，現在已是很少有的，據講每日蛋撻及菠蘿包均各賣40至50盆，並設有下午茶餐，蛋撻2個加熱飲，及菠蘿油加熱飲，兩款都是$27，價錢ok,下次一定來試試

Very friendly waitresses, also with gweilos like me (which is not very common in hk)! Pineapple buns are here amazing. Good for breakfast, combo coffee and pineapple bun is cheap (24$) and I think I'll also try the baked rice. They have an English menu.

今天剛好是我朋友生日 朋友住在太子附近 便相約三五知己到太子等候。當天朋友表示去那裏慶祝生日沒所謂 最緊要大家開心 相聚 平民價便可。就這樣，我們選擇這冰室慶祝，站在門前，裝潢已經吸引我們，寬廣感覺，不像坊間茶餐廳那種壓逼感😍入到去，員工招呼客人態度極好，有禮貌。我們在這裏叫了中 西餐 ，首先賣相不錯 而且食物可口，那個吐司十分特別，吐司配上醬料十分可口，佷吸引，而且這間冰室的奶茶非常香滑，具茶香之餘 奶同茶比例剛好，帶有港式味道，值得一試。很美滿的一天 👍🏻👍🏻

有一日我在太子彌敦道見到一間名叫冰室餐廳佢個麵包櫥窗見到有好多新鮮出爐嘅麵包有菠蘿包同埋留心芝士包跟住我做下一間餐廳入面見到啲裝修好乾淨好舒服我仲叫咗一杯熱奶茶菠蘿包跟住好快杯奶茶到了，跟住飲杯奶茶奶茶有水準，市盈率個菠蘿包過嚟我一食洛口哇好好味，個菠蘿皮又唔會甜，咬落去就知道真材實料，好食過我上次去嗰間金華嘅菠蘿包之後我再見到有個咖喱豬扒包，叫做蒜蓉咖喱豬扒包一嚟到好香噴噴嘅咖喱味啲豬扒汁流露出來睇見都想食一食落口就知道啲豬扒新鮮熱辣下次我一定會過嚟食因為而家出邊嗰啲餐廳啲嘢食真係不知所謂但係我見到呢間餐廳啲出品好認真