永興冰室

營業中

休息中

下雨天隨意入一間食店，揀了招牌閃閃的永興。趕時間又不太肚餓，反正冰室就該會快靚正吧？！雖然下大雨，但人不少。原本想叫常餐的粉麵，但侍應示意有下午茶餐，選擇頗多，最後揀了咖哩豬扒蒜蓉包。之後又看到有雪糕抹茶紅豆冰和抹茶蛋撻，哇！當然要試試。哇！！咖哩豬扒蒜蓉包好食到不得了！包烘得外脆內軟，咖哩汁香濃不會水汪汪，而豬扒閃大大塊有咬口！！！老實說比澳門的豬扒包好吃多了！閃誠意之作！撻皮鬆化抹茶餡帶點苦（不會太甜），只是餡料綠色很特別雪糕抹茶紅豆冰沒有拍照，但也很不錯。跟餐加$18，紅豆要另加$2（但值得，但紅豆很甜很軟）

餐飲照舊啦,都係紅湯,份量偏多味道比較濃,料都夠多~最特色係個牛扒, 無錯呢個係牛扒黎係吉列, 宜加漸漸出面都多左好多牛扒係用吉列整外皮會脆,入面就要夠彈牙/鬆軟先會好食,如果牛扒太硬則口感會變到怪怪地呢間算整得唔錯, 牛扒偏軟加埋炒底,令到呢個飯菜更香~呢個第2次食, 多士上面放飯呢個豬扒飯黎~豬扒好軟,好味看落好似好大件, 但有一半都係包黎!佢係預你食埋個包咁去食整體夠大間,坐得舒服, 平民價水平~

今日同老公特登搭車黎食呢餐睇食評見到個多士盒同雪生梳乎厘超吸引老公又係冰室迷☺️所以好樂意陪我去食我地兩個叫左一個焗咖哩雞飯多士盒，一個雪山梳乎厘為食既老公仲叫多個菠蘿油菠蘿油先到，呢個老公話無乜特別，過下口癮都ok主角咖哩雞飯多士盒到，個樣好靚仔因為唔知從何切起，所以一人食一舊雞先啖啖肉好好味咖哩唔辣，不過好香d飯同包略嫌唔夠咖哩汁點食到後面開始有d乾但係個包本身好脆好好味超級邪惡食完個飯，餐廳d姐姐都好好服務主動收起哂d碟，換d新碟同叉比我地食甜品梳乎厘一到，我同老公都「嘩！」出聲超級大，比我地睇相仲大😆勁誇張食落口好似食緊舊雲咁好軟綿綿又唔係好甜蛋白位置無乜蛋味但食到底蛋味就好出又脆脆地不過我食多幾啖已經好飽食唔落啦😆老公包底食極唔肥真係好羨慕丫好滿足既一餐開心開心

望落幾企理o既茶餐廳，聞說個乾炒牛河唔錯，今日黎試試～邪惡度爆燈o既雪糕紅豆奶茶 （跟餐 + $18)香濃奶茶+粒粒紅豆，上面擺一球雲呢拿雪糕，肥到爆，不過好好飲！紅豆大大粒，軟硬剛剛好，唔太甜咸檸雪碧 （跟餐 + $18)餐湯羅宋湯焗咖哩雞多士盒餐 $68焗到好香脆o既多士盒，上面鋪滿芝士咖哩雞，裡面有炒飯，好夠份量！女仔細食d share食都夠飽。咖哩味濃，將d麵包點醬食，正！章魚蒸肉餅飯餐 $46肉餅份量都幾足，食到一粒粒章魚，有鹹香味主角黎啦！乾炒牛河！ $50好香好夠鑊氣！熱辣辣～ 牛肉炒得夠香嫩，必食！！！見到佢有抹茶蛋撻( $7)，雖然我本人鍾意曲奇皮蛋撻多過酥皮蛋撻，但第一次茶餐廳見抹茶蛋撻咁新穎，忍唔住叫咗一個 有驚喜！唔係平時日式抹茶味道，有種fusion 味道，有抹茶香+蛋漿味，幾得意，可以試試～

茶餐廳都有抹茶😮抹茶梳乎厘 $98大大個梳乎厘之前多數係去太平館😋但係見到有抺茶梳乎厘就試下☺️但係佢外皮好硬😪抹茶味只系係底有🍵兩個人食好飽😐抹茶tart🍵抹茶味都幾重吾錯😆

今次黎到永興就系為左呢個巨型梳乎厘😍😍仲大過個頭😂咩玩法！而且影左好耐都吾會塌哂📸絕對可以餵飽相機同你地😜烘到金黃色嘅外皮食落有啲煙軔，而中間嘅蛋白就好似食緊棉花糖咁🥚蛋香味濃，空氣感強，而且吾會太過甜😊食完之後都唔會覺膩，同幾個朋友黎食，就啱晒啦😝焗鮮茄豬扒飯多士盒亦都不得不試，以多士盒裝住焗豬扒飯，真係好特別!!睇得又食得~豬扒飯嘅份量都幾多，飯粒，粒粒分明！而且豬扒亦都好腍，醃得幾入味！加上芝士飯都幾香口！如果食完吾夠飽嘅話仲可以食埋多士盒添，焗得香脆大胃王再加多碗魚片，魚皮餃米粉，食起上嚟就不過不失啦！勝在湯底唔會好鹹飲品亦都揀咗特別啲嘅雪糕涼粉冰，涼粉份人都幾多佔咗三份二杯飲品！雪糕就係搵佢混呢嗱雪糕～夏天真係一流

裝修追上新潮嘅餐廳，吸引到我同同事入去食個西早。早餐三部曲我就揀咗沙爹牛+餐肉面 配炒旦多士兩碗沙爹牛面上枱後，我發覺有d唔同，我碗多咗幾粒蕃茄而我同事個碗無，有d奇怪就問下侍應，佢就話係蕃茄湯底，咁ok啦，可能畢唔到d蕃茄粒比同事啫。食咗幾口之後出事喇! 蕃茄淡戊戊，個湯又無乜沙爹味。我都係想簡簡單單食碗沙爹牛面啫，餐牌又無寫用蕃茄湯底嘅，好好地一碗沙爹牛面比佢搞到無沙爹味又無蕃茄味，失敗。好在其他嘢都ok!

今次嘅舊同學聚會，晚飯地點由我去決定。諗下諗下大家都好懷念以前讀書嘅日子，所以揀左我地以前放學後好鐘意蒲嘅地方-冰室！依家嘅冰室買少見少，我把蒲開嘅又close左。我地就近近地去左--永興冰室。總知係冰室就迎合到我地主題啦!我地三個人叫左三款美食,牛坑腩米線牛腩都幾淋,再用清湯上， 份量都幾多咁，清清地又簡單,唔錯!焗咖哩雞飯多士盒成個咖哩飯包係個包入面，有薯仔 ，咖哩雞又可配飯食，又可以用麵包點咖哩食又得，得左！都幾有特色,讚!雪山疏乎厘Size同太平館差唔多，味道都不相伯仲,口感好特別,入口即溶，蛋味重,正!總結:簡簡單單咁聚聚舊，食下飯，吹吹水。冰室真係一個好地方，加埋食物水準又ok,價錢又合理,認真唔錯!

去開太子,大家又有少少肚餓,見到前面有間茶餐廳,門面裝修新式舊式溶合,幾有格調,所以我地就入咗去食食喇~叫咗個豆腐火腩飯配熱華田$46,友人叫咗一個德國咸豬手飯配熱檸檬茶$46,其實2個飯都係我既心水,哈哈~豆腐火腩飯好夠鑊氣,燒肉又唔會好咸,獻汁適量地包住啲飯,唔會好乾,濕度啱啱好,連豆卜都吸滿滿既汁,唔係鞋既豆卜,內裡好滑好飽滿,好似食緊肉咁,好meaty,仲有幾塊支竹,食完支竹,個人會好知足!而個咸豬手飯確實幾野味,醃得好好,肉既質感林得黎又有咬口,個汁似黑椒汁又有少少甜味,好特別啊!好開心今次嚮完全無做任何搜集之下,我地就衝入去食,食到美味既野之餘,午餐價錢黎講算係合理啊!仲有侍應哥仔既熱情款待,開心又滿足既一餐!

中午要食個快飯，又想快靚正的話，永興冰室都算係唔錯既選擇！佢地日日既餐牌都不一樣，這次吃了蕃茄雞脾飯，由於永興主打蕃茄，味道酸酸甜甜，十分開胃呀！而且重要是十分快！環境算是幾整潔，真係快飯首選！

今日經過太子，正在想如果永興還在就可以食疍撻餐，誰知抬頭一望，竟然見到真係開番。勁開心，即刻入去。疍撻依然熱辣辣的。舖面大左好多，全新裝修，雖然加左價，但都一定會幫襯。以後又可以食到心愛的蘇皮疍撻了。

呢間冰室新開，所以lunch同同事一齊黎試下！餐廳好大，座位寬闊，不過午餐時好多人，都需要搭枱。食物種類多，有午市套餐、散叫食物同全日推介等，最特別應該係有得嗌招牌菜一雪山梳呼厘！！首先，先叫左個葡汁龍脷柳配沙律。絕大部分食龍脷柳時，啲龍脷柳都係好林，入面啲肉一啲都無肉既質感既。但呢個龍脷柳我好鍾意！因為佢啲肉較實，無甘爛，煎炸到剛剛好熟透，嫩滑但唔老。龍脷柳應該奄過，入味，加埋葡汁食更滋味！望落去無飯好似唔夠食甘，但女仔黎講食埋個水果沙律已經好足夠！男仔可能要加多碗飯好嫩滑豬扒多士盒好大份，賣相很好！約有十cm高。面頭係芝士茄汁豬扒，入面係炒飯，邊位仲有啲麵包。蕃茄汁唔酸，甜甜地，豬朳奄過，入味，肉嫩，唔韌。汁撈埋飯食，好味！麵包中間係炒飯，無麵包，只有邊位。麵包外邊好脆，入面仲有少少白麵包痴住，好鬆軟，不過要食晒呢個多士盒一啲都唔簡單！梳乎厘，有原味同綠茶味。相信係呢度既招排菜！落單時職員都提我地個梳乎厘好大，驚我地食唔晒。但心諗:應該無野既，都係食空氣姐，唔會太大啦。點知！一黎到時簡直係驚喜！吸引晒全場目光，連搭枱既人都嘩嘩聲，拎電話出黎影相！很喜歡它，因為唔太甜，可以食好多都唔

吸引我去呢間餐廳，就係見到有網上介紹巨型梳乎里，甜品嘛，要放到底才介紹，先講下其他食品～ 焗鮮茄豬扒飯多士盒＋羅宋湯($68) 平時常常吃多士盒甜品，今次試下咸食多士盒，睇起黎份量幾多。 多士厚脆，切完之後唔會塌晒落黎。入面係炒飯，粒粒分明飯量唔多，但食埋多士就好夠飽。個人覺得豬扒預先切好，方便食用。但茄汁就小左D，食到底會乾。底下的多士冇茄汁關係都會覺得dry，所以我就點住羅宋湯黎食～淨魚片頭＋雲吞(雙併)($41)怕一個飯唔夠飽，又留定肚食甜品，所以叫多個淨魚片頭＋雲吞。 記得好似每樣3，4粒，魚片頭爽口彈牙，雲吞正正常常～好誇張既朱古力梳乎里($98)吸引我去呢間餐廳，就係見到有網上介紹呢個巨型梳乎里Σ( ° △ °|||)！！！餐牌搵唔到呢個甜品，好奇問下啦，店員話有之餘，點知原來有朱古力味架，仲有綠茶味 ❤️❤️一定要點點啦～原味就$88，朱古力味就$98。梳乎里一上桌，旁邊既小朋友見到都哇一聲◎_◎ 同原味唔同既地方係面層多左朱古力粉，同底層用左朱古力漿整，朱古力味唔太重，如果重啲就好，整體不甜，蛋香味就十足！很誇張呢，大過我個頭，影左陣相都未塌落黎。 外層甩凹凹凸凸，顏色金黃

位於太子的永興冰室，是一間有巨大疏孚厘的茶餐廳。可惜我不愛疏孚厘，若是巨大抹茶蛋糕或巨大朱古力蛋糕，一定很吸引我，哈哈。今天和媽媽來到吃晚餐，點選一飯一磚頭飯，很多澱粉，很飽足呢。焗鮮茄豬扒飯多土盒$68我是一個澱粉控，有些人晚餐可只吃肉或蔬菜，但沒澱粉，我真的沒有飽足感阿。飯和面包的組合，最適合喜歡澱粉的你。把厚多士扣空，放入炒過的米飯，切片豬扒，淋入滿滿的蕃茄醬，多士烤得香脆，一切餡料溢出，好吸引也。吉列美國安格斯牛$168媽媽選擇的晚餐， 牛扒可香煎或吉列煮製，吉列牛好像是日本傳來的食物，想不到冰室也很新漢呢。美國安格斯牛非常大片，厚肉份量足。雖點選七成，但呈上時差不多全熟，幸好依然軟腍，味道不錯。

lunch求其搵間餐廳醫肚,見永興冰室裝修唔錯兩點開始tea time足料羅宋湯螺絲粉$42唔想食飯,叫左呢個試下有幾足料,落左order 1分鐘就好快就送到黎果然好多蕃茄,菜,味道濃,仲有少少少少辣冬天飲更正,成個湯飲哂配檸檬雞中翼3隻個汁好開胃,帶D檸檬味,酸酸甜甜,D肉好柔軟悶熱既夏天食最正朋友叫左C餐,焗鮮茄豬扒飯多士盒,等既時間有D耐, 要耐心等候朋友明明好細食,竟然食哂,佢話好好味多士盒附送羅宋湯