段純貞牛肉麵 (如心廣場一期)

營業中

休息中

-🔸三寶麵 $88🔸滷水拼盤 $78🔸冷泡凍頂烏龍茶 $30-冬至難得早收工，同朋友去咗荃灣行街，喺如心廣場見到呢間台灣餐廳好似幾吸引，就入去試吓啦～原來大有來頭呢，係台灣嘅過江龍啊，質素實有返咁上下啦！三寶麵包含咗超滑溜嘅牛筋、大大舊啖啖肉嘅牛腩、同埋牛肚，想講個湯底勁濃郁超有牛味，麵底揀咗幼麵而且質感係我鍾意嘅QQ口感啊！另外試埋豐富嘅滷水拼盤，有齊牛𦟌、牛肚、溏心蛋、豆腐、同雞髀菇，滷得入味但又唔會太鹹，好味啊～ 最後飲埋冷泡烏龍茶，茶香而且有回甘，好飲，仲有個好靚仔嘅玻璃樽𠻹！

果然如食評所講，真係要排隊㗎。既然係咁，一場來到，即管排吓，好彩都唔需要太耐就有位喇。慕名而來，就點咗两個麵，一個係招牌紅燒腱心牛肉麵，聽講牛腱心好矜貴，一隻牛嘅牛腱心只可以做5碗麵，事關好大件好足料，畀少D咪可以做十碗八碗囉，牛腱心牛肉香濃，啱晒我朋友。另一個係三寶麵，三寶有牛腱心，牛肚及牛筋，呢個係我點嘅，因為我好鍾意牛筋嘅口感，呢度嘅牛筋整得好好，軟腍腍易入口，而牛肚就彈牙爽脆。以上二碗麵嘅湯底都係由23種藥材及香料熬製而成嘅牛骨湯。另外見圖的滷水拼盤好吸引，内有牛肚，牛腱，好爽的鮮菇菌，溏心嘅滷蛋同埋豆乾，两人share啱啱好。飲品因個人喜好嗌咗一凍一熱飲品，熱嘅『桂圓杞子薑母茶』適合怕凍的佢，而『冬瓜薏仁檸檬特飲』就係『火星人』我飲嘅。

今日親做冬放早，同朋友去食咗個午餐，嚟到呢間台灣過江龍嘅牛肉麵其實佢一開舖就已經好想幫襯，但係真係太多人排隊，所以就揀呢個時間嚟食，但其實呢個時間都係要排隊，好彩都唔算等得耐呢間餐廳座位唔算多，但環境都幾舒服乾淨企理，食物方面有幾款牛肉麵，各種嘅台灣小食，仲有一啲特色飲品我同朋友就叫咗兩碗面一個小食同兩杯嘢飲冷泡凍頂烏龍茶：呢個個樽好靚係用玻璃樽裝嘅，烏龍茶有啲甘甜嘅味道冬瓜薏仁檸檬特飲：酸酸甜甜，仲有好多薏米，好好飲三寶麵：揀咗細麵，入面有腱心，牛肚同牛筋，真係超足料，每樣食材都好大件，腱心炆得好淋又夠入味，牛筋就好似一層啫喱咁，個湯味道好濃麻辣蒜味腱心半筋半肉麵：揀左手工麵，姐係粗身嘅闊麵，呢個湯個辣度啱啱好，唔會太辣，冇搶到牛肉湯既味，配合得好好，仲有都係要讚下佢嘅食材，又足料又好味滷水拼盤（牛肚，牛𦟌，滷蛋，豆干，鮮箘）：個糖心蛋真係一流，蛋黃勁流心，其他食材配滷水汁都好出色呢間台灣牛肉麵餐廳，嚟到香港真係保持到台灣嘅味道

一間餐廳用自己個名做生招牌一定要好有信心先會咁做呢間係台灣過江龍牛肉麵店原來係台灣已經有17間分店香港第一間店就開咗係如心廣場睇到介紹，湯底用上23種中藥材熬製，再用慢火8-9小時加入牛骨高湯所以食個陣都有啲期待嫁招牌紅燒腱心牛肉麵濃郁既香蔥、薑、蒜等等既牛骨湯底濃而不膩腱心肉質軟稔，索哂中藥材既味道面底可選粗或幼既手工面一條粗面真係好闊呀煙煙韌韌既口感面條掛滿湯汁而且湯底不味精雖然湯底有小小油膩 應該係牛湯精華黎既忍唔住飲咗幾啖滷水拼盤牛展牛肚滷蛋滷豆干及鮮菌花椒八角既香味滷得幾入味，顏色都好靚仲叫咗三寶面三寶面都係牛骨湯底三寶分別有牛腱心、牛筋及牛肚帶點微辣既湯底牛筋滷得軟腍呢款面揀咗幼面 幼面亦爽口彈牙檸檬🍋蜂蜜綠茶綠茶特別清新冬瓜檸檬薏米水想唔到可以加入冬瓜茶味道好夾

今日行完山同🐽🐽去咗如心廣場，搵嘢食醫肚！見到開咗間段純貞牛肉麵店！即刻入去試吓先！裝修都幾懷舊。個水吧位都裝修得好靚！招牌紅燒腱心牛肉麵（手工麵）紅燒腱心牛肉好淋好入味！個湯有少少辣，辣度可以接受。好味道😋😋😋呢到既麵有兩種，係手工麵同細麵，手工麵麵條比較闊身、細麵就係傳統既幼麵！三寶麵（幼麵）呢個三寶有腱心、牛肚、牛筋，腱心淋、牛肚爽口、牛筋我最愛！滷水拼盤牛肚、牛𦟌、滷蛋、豆干、鮮菌滷水味道岩岩好，唔會好鹹，隻蛋仲係糖心蛋好正😋冬瓜薏仁檸檬特飲、冷泡凍頂烏龍茶原來香港得呢間分店

呢間台灣過江龍牛肉麵想試咗好耐，今日經過荃灣就一於試吓佢啦。星期五嘅下午五點左右都full house，好彩等咗5分鐘就入到，入面座位數量都算幾多。我同朋友兩人各自嗌左麵同嘢飲，再另加一個小食分享。三寶面 （手工粗麵）三寶面就有牛肉，牛筋，同埋牛肚。首先佢嘅料都熬得好入味，最有驚喜嘅就係牛筋，佢熬到好軟淋，應該俾咗唔少時間去煮。而個湯底味道都豐富，手工粗麵軟硬適中，粗麵增加左口感，加上豐富嘅湯底好好食。 招牌紅燒腱心牛肉麵 （手工粗麵）佢嘅湯底應該同三寶面嘅一樣。牛肉佢就有四大舊左右，牛肉佢都好厚切同幾大塊，牛肉同三寶面啲餸一樣，都係好入味，牛肉嘅脂肪筋位分布平均，因為佢熬煮到好軟淋，連牛肉入邊嘅筋位都唔使咬，10分有驚喜。鹽酥雞鹽酥雞份量都幾多，佢每一舊都好大舊，炸到好脆再加上辣辣地嘅調味粉，食落幾香口。冷泡凍頂烏龍茶，冬瓜薏仁檸檬特飲飲品來講正正常常不過不失。最後埋單每人$150左右，有麵有嘢飲有小食，呢間過江龍值得一試。

今日同媽媽去街街，冬天真係要食番碗熱辣辣既麵。今日黎試左台灣既過江龍牛肉麵。🍲三寶麵 - $88三寶有腱心，牛肚同牛筋。最意想不到既係腱心，估吾到甘淋甘入味。輕輕一咬，啲肉已經分離，好驚喜！麵底係幼麵，細細條既麵吸曬個湯，有少少辣，好好味。🍜燉濃湯雞麵 - $78好大隻雞髀，而且雞肉非常之嫩滑。我揀左手工麵，麵身好粗，但好彈牙。但湯雞味濃，一啖湯一啖麵好夾。🧆滷水拼盤 - $78入面有牛肚，牛𦟌，滷蛋，豆腐同鮮菇。每款都有4件，滷水有少少甜味。牛𦟌同菇最入味。🍹桂圓蜂蜜薑母茶 - $28好滋潤，吾會好甜，薑味又吾會太辣，岩岩好。

早前看見網上有文章介紹荃灣如心廣場開的這家台灣過江龍牛肉麵店🌟上星期本來已想跟同事來試試看的，誰知一下來即看見長長的人龍我們霎時卻步了🙈所以今天中午我們故意晚點下來吃午膳，希望有緣吃到這裡的牛肉麵🤨雖然今天還是要排隊，幸好我倆今天工作也不算非常忙，最後還是排了🤪午市沒有特別的餐牌，是用這份全日餐牌的⬇️麵底方面有手工麵及細麵可選❣️我們各自點了一碗手工麵牛肉麵💕畢竟手工麵比較特別，有別於其他麵店，所以我們這次第一來還是試試手工麵好了😌🤤招牌紅燒腱心牛肉麵 $80顏直不錯喔😍 看起來湯底很濃郁😋先喝了一口湯，也真的是很不錯👍🏻湯底濃香惹味，多添一點牛肉香味更完美☺️個人感覺手工麵有點太厚🤔所以吃起來有厚麵粉的感覺～話雖如此，但各人的口味都不一樣，我的同行同事就非常喜歡這個手工麵的質感😆腱心牛肉質感軟糯不乾❗️絕對炆得夠久，不需要很用力咬開❣️而分量亦不少，有三至四大件🤩總算是物有所值💕吃過牛肉麵的原味後，再加入另上的惹味酸菜，整碗牛肉麵滲出了另一個新感覺🥰大概就是多了點台灣牛肉麵的味道吧🤪三寶麵 $88比起腱心牛肉麵多了牛肚及牛筋❗️當然這碗的腱心牛會比我的那碗少啦～同事也分享了一口牛肉湯、一件牛肚

其實我就一向都唔會追逐嗰啲過江龍餐廳，咁啱食到就係緣份。不過我對於湯麵的確係有啲情意結，同個客開完會三點幾行開荃灣如心，居然開左間台灣牛肉麵，幾廿蚊又唔係貴，門口個員工仲係咁介紹話係台灣品牌剛剛開無耐，平時又要排隊又要等位又要剩，而家靜啲又有位，就入去食個快麵走人。佢主要都係主打牛肉麵，開頭我都有猶豫係咪應該食三寶麵嗰啲招牌嘢，望落個餐牌多少少，居然有麻辣蒜味腱心半筋半肉麵，由於我係超鍾意食牛筋 (但即使係車仔麵都唔係度度都食到) ，唔駛猶豫，就揀佢配細麵走青，仲叫左杯凍酸梅湯。等左幾份鐘個麵就到，啲湯熱嘅有煙出，但佢無走青......有啲失望，因為要避葱唔能夠大啖大啖咁食，唔係好自在。食麵前立即試下個湯。好濃好飲，有淡淡藥材味，感覺到佢係真係餚出黎唔係味精嘢，飲哂都唔會頸渴嗰啲，正，但麻辣稍嫌唔夠辣。揀細麵，其實係因為對粗麵冇咩好感，細麵幾滑，掛到湯。至於牛腱，好食嘅，煮得軟淋之餘仲有少少肉嘅質感。不過雖然話佢係招牌，但其實我反而想讚嘅係牛筋，爽滑之餘超入味。佢有跟酸菜，本身我又唔係好食哩啲伴菜， 但都浸湯試左一口，普通無咩特別。另外叫嗰杯酸梅湯，唔係死甜，微酸有酸梅味，都唔錯。我係

去不到旅行不要緊來自台灣新竹市的人氣牛肉麵 「段純貞牛肉麵」登陸香港沿用台灣總店秘方製作所有麵食，包括店內主打的牛骨湯底所有麵食可選配刀切手工麵或細麵和附上一碟酸菜招牌紅燒腱心牛肉麵 - $80湯底真材實料用上大量牛大骨、23種中藥材及香料經慢火細燉八小時，口感濃郁而不膩牛鍵心是牛最常運動部位，位於後腿筋肉紋路呈現花狀，且富含膠質又帶筋，有嚼勁，口感彈牙多汁傳統製法製成的細麵，麵體的氣孔較多，更能吸收湯底精華酸菜爽脆，味道酸甜招牌牛肉麵 – $80三件慢燉牛肉軟嫩彈牙，筋肉比例適中，口味濃郁刀切手工麵經由麵糰反覆延壓維持韌性，薄厚不均的麵體，帶出彈牙有嚼勁又滑溜的口感滷水拼盤(牛肚/牛腱/滷蛋/豆干/鮮菌) - $78牛肚用金錢肚特別彈牙美味蛋白跟蛋黃超入味的滷蛋，外表軟彈，內裡綿密豆干較硬身，充滿黃豆的餘香鮮菌口感細膩，味道鮮美冬瓜薏仁檸檬特飲 - $30充滿健康感的配搭冬瓜軟綿香甜配檸檬清新的酸味底部大量營養價值高的薏仁增添顆粒感香燈乳酸飲料 - $28帶輕微天然香橙味，中間有明顯果肉乳酸口感豐厚，帶有奶油味

去完荃灣行山, 落左如心食下午茶, 估唔到呢到多左咁多餐廳!見到呢間台灣過江龍既段純貞牛肉麵好多人排隊, 香港人梗係唔會錯過排隊機會!見到呢到既招牌係腱心, 所以叫左個三寶麵, 入面有齊腱心/牛肚/牛筋!原味既湯底好濃郁, 仲帶藥材味, 叫左手工麵超掛湯, 個麵真係好粗好好咬!而腱心我估應該係牛展, 真係好淋好香肉味!仲大大舊!另一碗試左麻辣蒜香半筋半肉, 麻辣湯底好香, 唔會太麻, 愈食愈辣好上癮!呢到既牛筋牛展真係好出色, 配埋個湯好正!

其實都係佢響香港開我先知呢個品牌牛肉麵δ_δ之前已Google睇定，睇到流口水，所以好期待。。。香芋珍珠奶茶(走甜) $26： 極度難飲，d奶粉粒浮哂出面( 好耐未試過飲台式嘢中伏) 鹽酥雞$48：好難食，雞完全冇味，塊炸野好厚，面頭加大量少少辣味粉，只係食到味粉味。炒椰菜(走辣)$48: 唔錯, 主因每餐想食菜番茄燉牛腱心手工麵$80：手工麵好食，好q彈， 牛腱心有三條，份量足，肉質有d 似牛展，但未算入口即溶， 入味差少少。 個湯好濃厚，但冇乜牛味，因為有蕃茄響度咁就會好食啲。( 偷聽搭枱夫妻，一個食紅燒牛肉麵，一個食番茄牛肉麵，佢哋話番茄牛肉麵個湯好飲過紅燒牛肉，紅燒牛肉個湯係冇味)整體嚟講，食蕃茄牛肉麵同飲珍奶都係去返春水堂。空間：非常窄 , 全店滿座。(冇政府現規定嘅50%入座率) 同隔離位只係 幾cm距離， 冷氣唔夠，食到出哂汗。服務： 店員多，每個態度幾好。不過有店員衛生意識麻麻地 , 我坐正出菜口，見個店員跌咗個餐牌落地，又響垃圾桶邊，佢掛住整其他嘢 ,隻鞋又響個餐牌旁，整完野 跟住先拎起(唔知佢有冇消毒番畀客用) 跟住經理返到 負責出餐位，係咁 提佢哋分好毛巾嚟用=

話說我期待左呢一間台灣麵好耐了由佢裝修開始等左幾個月等到12月1號開鋪 第2日我就去左試都要排隊既 不過好彩早去 第一輪就入得首先啦 講佢地上菜既速度 我同2位同事同樣嗌左個招牌麵試試啦 都要80蚊既 要加一即係88蚊好啦咁等左15分鐘 嘩 終於有個麵喇咦點解得一個既? 明明3個麵一齊嗌最後等左25分鐘先到哂再黎講下個碗麵先 好期待 嘩 份量少到你3分1個胃都冇收80蚊, 諗住唔緊要啦 唔夠食都一定好味既oh ... oh... oh...D湯。。無味既？？？？ 點解無味架一食就食得出加左勁多水 . 顏色就有喇 味就冇囉 識食既人會睇得明到d麵啦 ................. 超一般 唉 已經後悔咁食d牛啦 oh... 因為d湯冇味 所以牛都唔需要多講啦掛. 根本就唔入味. 真係不值一提對於貪食既我 好食既野多多錢我都樂意但呢碗野收我30蚊我都嫌多

自認見識少，沒聽過「段純貞」的大名。知道這個名字，就是它的海外店落戶荃灣開始。以香港的慣例，新店尤其是有名氣過江龍，開店初期人龍必不會少。今晚等候約半小時才可入座。三寶麵 （腱心、牛肚、牛筋），尚可但不見獨特。手工麵，粗厚有嚼勁。湯頭很淡。冬瓜薏仁檸檬特飲，只是一杯普通檸檬特飲，收$30再加一，貴！需加一，結帳$130。我未去過台灣店，無法作出比較。 香港有不少出色的台式牛肉麵，段純貞待熱潮過後要靠實力，以現在這個價錢，如果食物質素沒有提升，相信危機會很快出現。

在香港少食正宗台式牛肉麵，難得今朝可以試吓屋企附近新開的「過江龍」。時間較早，所以唔使等位。我和老公叫左個招牌三寶麵（幼麵）、鹽酥豬排、滷水拼盤，同埋兩杯飲品（珍珠奶茶、柚子綠茶）。三寶麵湯底濃郁，牛腱心肉嫩滑，牛筋都ok 好食。但敗筆係個麵底，冇彈牙口感，亦冇麵香。老公話應該order 手功麵，但我見隔離枱個女士都係叫手功麵但食剩好多，可見都應該係一般。最好食竟然係酸菜。鹽酥豬扒都夠味，不太乾，ok juicy, 幾好食。滷水拼盤就一般般啦, 我諗唔到有乜形容詞形容好食。最想像唔到嘅係兩杯飲品，我以為應該最易做，唔會失手。但結果十分失望。珍珠奶茶完全冇茶味，柚子綠茶亦冇柑甜味。坦白講，街上的珍珠奶茶舖頭好飲幾倍。我唔知台灣本店味道如何，有機會去台灣都可以試吓，但香港這間「過江龍」就真係一般般，而價錢不是特別平。他日除非唔使等位，應該唔會再特登過嚟。