影片
更多
2020-12-11
284 瀏覽
無啦啦過呢便行山同過一晚，原本想食壽司，但見五點，呢啲過江龍應該冇人排隊，算啦，試下，反正壽司幾時都食得。我臨入去前仲記得L佛話啲麵好滑，總之口氣唔太中伏我就即入，之前應該睇晒成條片（但唔記得，如果伏到好似條自助餐咁嘅片，就會記得一定唔入去個種）係臨入去之前睇返七八秒睇下呢碗麵會唔會好差😅。我喺門口睇餐牌，隔住個玻璃，淨係展示餐牌成本既其中一頁，佢嘅職員都有主動拎出嚟俾我睇。但係問題係佢貼晒上玻璃唔係方便啲咩？或者整個餐牌架，俾人翻閱，感覺仲會好啲。唔係下下職員都得閒拎出嚟俾你睇，同埋啲人唔會個個咁......冒犯？冇禮貌？就咁入去舖頭拎佢餐牌。就係個種未必幫襯又費事度體溫；走入舖頭拎你嘅餐牌睇個種（我自己會覺得少少尷尬，我想是但望一望嗰種，唔搞到任何人，我又未必幫襯）碗麵係我一下就影完照（三秒內），我係每一餐出去食都會影相嘅人，就算係一碗雲吞麵相我都會影，自己好鍾意食嘢同埋會鍾意睇返自己食過咩嘅嘢，係嗰個時刻嘅經歷回憶。但係我咁快影完一張兩張，一伸筷子入去拎起成團野拎起左，但都算快散開，因為真係放好耐嘅話，你要攪拌下先散得開。同埋我見枱枱都有杯水，我係追問先有，同埋我個位冇牙籤，我
無啦啦過呢便行山同過一晚，原本想食壽司，但見五點，呢啲過江龍應該冇人排隊，算啦，試下，反正壽司幾時都食得。
我臨入去前仲記得L佛話啲麵好滑，總之口氣唔太中伏我就即入，之前應該睇晒成條片（但唔記得，如果伏到好似條自助餐咁嘅片，就會記得一定唔入去個種）係臨入去之前睇返七八秒睇下呢碗麵會唔會好差😅。
我喺門口睇餐牌，隔住個玻璃，淨係展示餐牌成本既其中一頁，佢嘅職員都有主動拎出嚟俾我睇。但係問題係佢貼晒上玻璃唔係方便啲咩？或者整個餐牌架，俾人翻閱，感覺仲會好啲。唔係下下職員都得閒拎出嚟俾你睇，同埋啲人唔會個個咁......冒犯？冇禮貌？就咁入去舖頭拎佢餐牌。就係個種未必幫襯又費事度體溫；走入舖頭拎你嘅餐牌睇個種
（我自己會覺得少少尷尬，我想是但望一望嗰種，唔搞到任何人，我又未必幫襯）
碗麵係我一下就影完照（三秒內），我係每一餐出去食都會影相嘅人，就算係一碗雲吞麵相我都會影，自己好鍾意食嘢同埋會鍾意睇返自己食過咩嘅嘢，係嗰個時刻嘅經歷回憶。
但係我咁快影完一張兩張，一伸筷子入去拎起成團野拎起左，但都算快散開，因為真係放好耐嘅話，你要攪拌下先散得開。
同埋我見枱枱都有杯水，我係追問先有，同埋我個位冇牙籤，我拎第台嘅，費事麻煩侍應，一抽，跌咗四五支出黎，我自整執返，插返，種情況係比較論盡；自己坐喺自己個位但係拉個身過隔離枱嗰種。
佢有話小心啲呀......既。（當時佢執緊枱）但正常嘅反應，如果係我做佢既位（個人既反應），我會放低手上嘅野，同客講，唔好意思啊，我執返啦。
因為佢應該見到我枱面係冇牙籤嘅，（佢拎住要收既野望望我個枱，睇住我插返啲跌左既牙籤😅）
由開頭入左去到呢一刻都覺得啲職員好似好新手既侍應，。好多野都由個中年短髮嘅女士去催促佢哋點做點做。
圖係我食剩既；我有問拎碗仔片開晒啲油，所以湯少左啲。
但問題係頭一、兩細啖，我係即刻食，搵筷子匙羹盡量推開啲油。唔係我片油片到佢團成一舊，係一上枱影咗3秒之內嘅相，一拉起就一舊面咁樣😵😵😵
面食咗十分之一，真係好似啲米粉同米線煮到過軟嘅感覺，對我來講完全唔係麵🙁
第一啖食個心諗呢啲係咪咩蒟蒻麵個種😵
就算你係壽X牌嘅上海麵都係麵呀個種呀😑
呢種細「麵」完全唔係，真心似廈門嗰種既麵線粗少少。
真係麵粉唔係米粉？
湯好淡味，仲衰過小王、茶木之類.......衰既版本。因為我都唔想浪費野，如果係啲面唔好食材料唔好食起碼我飲晒啲湯；但飲唔到。牛展有筋位嘅算係幾好食，炆得幾好既
。但係牛筋同牛肚好普通，你去食啲20到尾30幾蚊一碗粉面都食到既質素。埋單咁既樣要97，嬲嬲地😑
但呢啲係個人口味，好似榴槤咁。可能有人鍾意食咁樣嘅牛肉麵，而且我又冇試到佢嘅手工麵，總之一句：呢個係我個人唔係啱心水既體驗，我冇試到好多，只係食左一次同一款野。
同埋收銀嗰個都膠膠地，後生20幾歲女，收一張單好似食咗豬油咁慢。中途同佢嘅同事傾一兩句，又完全停左，不合理咁令客尷尬咁等，數錢係慢得誇張，難聽年紀大少少嘅都唔會好似佢咁樣😵，我真係唔太明。
張貼
