影片
更多
2019-02-22
2111 瀏覽
每年都會搵機會同媽媽撐枱腳，第一次揀私房茶，起初都膽戰心驚，因媽媽口味好飄忽。雖然見到有好多獎盃，但都要食過先知。兩間廳房已各有一枱人，佢地開心過頭，講野講得好大聲，環境顯得比較嘈，不過我都接受，因為被好味餸菜淡忘。前菜三小碟清新開胃，涼伴黑木耳比較淡口， 岩鹽花枝豆有啲鹹鹹地， 有機沙律菜伴芝麻醬配三色車厘茄新鮮脆口。茶燻流心蛋伴黑魚子醬配厚切茄子味道好濃，蛋好滑。茄子經過特別處理，炸咗之後都係白色肉，亦冇油膩感，個皮用左啲比較厚身嘅米紙炸成再加嗰個特別嘅醬汁，香脆嫩滑。 原盅燉哈密瓜螺頭黑毛豚肉湯湯料好足，肉連筋同骨煲、哈密瓜、淮山、龍眼肉、 果皮、螺頭夠腍， 湯好清甜，味道有啲似飲緊用印度椰子煲的湯，飲到底仲有一浸果皮嘅香味。蝦球水芙蓉個蛋好似食緊豆腐花咁滑，上面嘅芡汁係甘筍做出嚟嘅，味道好易入口。蒜香芝士焗老外蠔王，隻蠔有手掌咁大隻，肥美、多肉、鮮甜、多汁，最欣賞佢嘅芝士，一啲都唔羶，仲可以拉絲。遠年新會陳皮骨陳皮骨有甜和甘味，陳皮好香。魚湯有機時令蔬菜魚湯唔係奶白色，冇腥味，杞子大大粒，估計應係寧夏杞子， 小棠菜幼嫩，加埋杞子食好清甜。荷香蒜蓉海斑片原籠蒸鴛鴦飯白米熟，糙米煮
雖然見到有好多獎盃，但都要食過先知。兩間廳房已各有一枱人，佢地開心過頭，講野講得好大聲，環境顯得比較嘈，不過我都接受，因為被好味餸菜淡忘。
前菜三小碟清新開胃，涼伴黑木耳比較淡口， 岩鹽花枝豆有啲鹹鹹地， 有機沙律菜伴芝麻醬配三色車厘茄新鮮脆口。
茶燻流心蛋伴黑魚子醬配厚切茄子味道好濃，蛋好滑。茄子經過特別處理，炸咗之後都係白色肉，亦冇油膩感，個皮用左啲比較厚身嘅米紙炸成再加嗰個特別嘅醬汁，香脆嫩滑。 
原盅燉哈密瓜螺頭黑毛豚肉湯湯料好足，肉連筋同骨煲、哈密瓜、淮山、龍眼肉、 果皮、螺頭夠腍， 湯好清甜，味道有啲似飲緊用印度椰子煲的湯，飲到底仲有一浸果皮嘅香味。
蝦球水芙蓉個蛋好似食緊豆腐花咁滑，上面嘅芡汁係甘筍做出嚟嘅，味道好易入口。
蒜香芝士焗老外蠔王，隻蠔有手掌咁大隻，肥美、多肉、鮮甜、多汁，最欣賞佢嘅芝士，一啲都唔羶，仲可以拉絲。
遠年新會陳皮骨陳皮骨有甜和甘味，陳皮好香。
魚湯有機時令蔬菜魚湯唔係奶白色，冇腥味，杞子大大粒，估計應係寧夏杞子， 小棠菜幼嫩，加埋杞子食好清甜。
荷香蒜蓉海斑片原籠蒸鴛鴦飯白米熟，糙米煮得少許生，一齊食口感似食緊藜麥，飯控制得好好，唔會油淋淋。
薑茶湯圓都做得唔馬虎， 薑嘅味道好濃但唔會好辣， 湯圓皮薄餡靚。
除左食物高質外，服務都係一流，用餐前我地洗下食用器皿，店員即遞上盛水的兜; 飲茶個杯冇耳仔，但有指型位，拎起個杯好舒服。桌上備有湯匙供更換，唔會只係得一隻用到尾，唔會被上一道菜的味道影響。
媽媽仲好滿意，令我放下心頭大石，仲問有冇下一次?
張貼
