極尚大瀛喜日本料理 (已結業)

大大盆嘅刺身一上枱已經非常吸引！ 仲要用好華麗高雅嘅盤盛上， 彷如皇帝嘅享受， 浄係賣相已經100分。 叫了一轉又一轉。等埋朋友九點半入座(８折)， 未入去已經餓到死。 幸好有自助吧， 可以飲住湯食住沙律等。除了刺身非常"正"之外，燒物亦不錯， 如焗原隻帆立貝， 雞軟骨串燒，日本番薯仔。唯一不滿的是等位等很久。

周末約朋友銅鑼灣行街睇戲，晚上9點半兩個人都覺得好肚餓，食放題就最好，可以揀自己喜愛既嘢食。難得有折，仲有梅洒任飲，就試試這間啦！上到銅鑼灣廣場二期11樓，見到門口有人在等位，咁爆場！應該唔錯啦！好快有位坐低，地方好大，場中間位置擺放各種飲料、梅酒、雪糕、小食、熱湯同我至愛既沙律菜。落單等候時間先去揀選自己喜愛既沙律菜、小食同飲料。沙律菜新鮮爽脆，自助形式配上自己喜愛既醤汁。蝦six算大隻，新鮮爽脆！而章魚小丸子都唔錯。燒物和串燒本人推薦燒紐西蘭香草羊鞍、鹽燒牛舌、蒲燒鰻魚，當然唔少得我喜愛的榴連炸彈，皮脆、榴連餡香滑，追加！各種刺身、壽司亦新鮮，其中帶子刺身厚切肥美。好特別既係仲有任唧乳酪雪糕，有朱古力味同原味，而我係揀左原味，酸酸甜甜好醒胃！

來到銅鑼灣廣場的「極尚大瀛喜」，唔知係咪有極尚兩個字的放題都特別正架呢店內啲位都擺得尚算寬敞，唔會想轉個身去洗手間都怕掂到隔黎枱放題第一round食刺身是常識吧，刺身船多麼的霸氣，我地最愛食甜蝦，呢間啲甜蝦大大隻 又冰凍 又鮮甜，好評 ！壽司類，賣相和味道都好好，最愛的是火灸三文魚 又香又肥美串燒類最令人驚喜的是鰻魚，大大塊 魚肉好滑 燒一燒加埋啲汁一流，雞軟骨同牛肉都正，唔會燒到乾晒 依然juicy呢個韓國梨汁我無係其他地方見過…好好飲，甜甜的 不會是化學味 ，又唔會好似汽水咁飲到飽晒，推介！最後亦係最重要 我最愛的…甜品，自助形式 任君選擇，雪糕櫃有雀巢，又有軟雪糕機，又有奶凍 又有yogurt 又有豆腐花，仲有生果食 飲食要均勻先健康嘛大家都食到好飽飽 ，食物水準不錯，既有量又有質，滿足的一晚

哈 係銅鑼灣反工，梗係要又平又底食架啦.lunch hour 得一個鐘又點放題。呢間有lunch set 加埋一都係 60左右 又有前菜，湯，壽司，冷面，飲品。又無時間限制，食幾耐都得。

今日收工都成9點，同事話想去食我之前食過過幾好嘅極尚大瀛喜，好彩銅鑼灣有分店，唔洗過海。原來星期一至三嘅2130之後$228有8折👍🏻雖然話係食放題，但我都係食到1 round就飽😂呢到有好多熟食，仲有沙律任撈～最驚喜係有小丸子！依家好少地方有得食，雖然放出嚟放耐咗唔夠熱，但味道都算唔錯啦😋自從三文魚成日出事，都唔敢食太多刺身。每款叫咗少少，全部都幾好食，首先係夠凍～個人認為帶子最好味，如果可以加少少青檸嘅味就更正。北寄貝同甜蝦都好爽口，甜蝦仲比平時食嘅大，又唔腥👍🏻三文魚同八爪魚就無咩味。火灸三文魚刺身，半生熟，入口即融，如果燒耐少少，重啲火灸味會更加正😝燒鰻魚，唔夠肥美，味道甜甜地都ok～辣酒煮大蜆，蜆就唔係大隻，不過勝在好入味又夠辣。酒味好濃，啲蜆都無沙😋黃金燒原隻帆立貝，食完會再嗌😋啲配料加埋啲醬嘅味真係好夾，雖然隻帆立貝可以再入味少少，但個醬係好味嘅！鹽燒雞軟骨，燒得乾身咗少少，味道👌🏻燒有機日本番薯仔，唔夠甜薯好味🙁貪新鮮試咗嚿香蔥鵝肝帶子🤦🏻‍♀️粒鵝肝好硬，帶子燒一燒會香啲。鐵板蒜片牛柳粒，唔知係咪放耐咗，好韌，同埋無咩味。炸蠔同炸一口芝士🧀炸到好鬆脆，蠔唔夠味，炸芝士會

最近唔知做咩，約親d 約會都係食放題。。。（雖然我本身都好鍾意食嘿嘿）突然發現自己寫左好多放題既食評，踏上放題食家之路？（哈）而家食多左開始識得比較，有d以前覺得好食既，而家發現原來好普通。有d餐廳，而家先發現有幾好！大家都知放題既名係透露到餐廳既級別今次食呢間極尚大瀛喜都幾期待，話曬都"極尚"wor!入到去已經見到有一排沙律前菜bar同埋甜品櫃上次去x屋見到d自助區已經好驚艷，點知今次應該有過之而無不及。沙律區d基本款都齊（例如中華沙律、胡麻豆腐之類）另外仲有新鮮既沙律菜可以自己夾。而前菜就有很多少見既款式，譬如岩好有一盤新鮮熱辣既章魚小丸子端上黎。熱辣辣既小丸子細細粒但都幾足料。d前菜每次夾完都會換d新款，有新鮮感。呢度連湯都有兩款，中湯同日式麵豉湯。分量自己裝，可以每樣都試少少（唔洗每次都成盅飲曬甘飽！）但個湯我嫌略甜（因為系蘋果煲雪梨哈哈），我個人比較中意飲鹹d既湯。不過甜都證明佢足料。坐低落單，就算冇前菜甜品，一樣有成疊紙，選擇唔少。一餐完美既放題，當然由刺身開始。刺身既擺盤睇落好高級，噴曬煙甘！特別推介呢度既蝦，大赤蝦咬落啖啖肉，甜蝦就肉質嫩滑，高質。而壽司方面，toppi

今個月是我的生日，家人和我慶祝，因我一向喜歡食日式放題，他們特地帶我來這間極尚大灜喜，他們說是個很好味刺身多樣化，甜蝦鮮甜爽口，吃完再吃，三文魚肥美，食落感覺很風口，還有北極貝，吞拿魚⋯也有很多類化的壽司，手卷，都可以。日式放題竟然有咖喱蟹，咖喱味欠甜，但蟹肉也算結實，黑松露炒雜菇，也算是值得推介的一款，還有很多串燒，有鹽燒虎蝦，牛舌也很值得推介天婦羅吃落也很脆口不會太油膩，我最喜歡吃南瓜天婦羅，好味前菜，沙律及甜品，是自助形式的，還有自助雪糕機，我自己玩玩唧雪糕😁😍，還有很多飲品選擇，種類非常之多，還有多種口味的雪糕杯，雪條也有，如果喜歡食雪糕雪條的人，真是十分喜歡，要比佢十個

今日約咗外父大人外母大人一起共進晚餐， 所以諗嚟諗去唔知去邊度食又唔可以失禮， 經過朋友話銅鑼灣廣場第二期有一間 叫極尚大瀛喜 日本 放題， 話嗰度好多嘢食包羅萬有， 而且水準非常高價錢又非常公道， 早兩日前已經book定位， 仲有日本梅酒任飲啱曬我外父大人。今日係平日都已經見到坐滿客人 首先講飲品， 有梅酒、 椰青水 楊枝甘露 韓國啤酒 韓國桃味汽酒 清熱酷 呢啲都係普通嘅放題唔會供應嘅 仲有 最愛嘅 士多啤梨乳酪有自助沙律吧 八爪魚、螺肉 、中華沙律、 凍嘅 超大隻嘅大蝦 新鮮 彈牙， 仲有多款沙律菜 多到我都不能盡錄刺身唔使再講非常新鮮， 珍寶大赤蝦、虎蝦、俄羅斯 甜蝦、 北海道帶子都非常甜美咖哩蟹 大大隻啖啖肉 用咖哩味炒帶出蟹肉嘅鮮甜 份量都唔少黃金焗帆立貝 配以 香濃嘅醬汁， 焗 得啱啱好 一啲都冇乾 而且非常 juicy 香芒鳳尾蝦 用芒果醬汁來炒 非常惹味酸酸甜甜鐵板蒜片牛柳粒 ，充滿蒜片 香味， 肉質鮮嫩 保留 肉汁芝麻雞翼 非常入味 外脆內軟吉列炸蠔 咬落去 啲蠔好似係你口裏爆發出嚟咁， 非常香甜榴槤炸彈 外殼炸得非常香脆， 榴槤 的汁液 喺你口裏面真係榴槤忘返到最

我一向喜歡食日本食放題，喜歡他多選擇，但通常幫襯開一間就只去這間，有朋友介紹極尚大灜喜很好吃，所以轉一轉地步，試吓！地方寬大光猛，一望和別的放題有少許分別，有點像卡拉OK的自助餐一樣，前菜雪糕飲品全都可自己拿的，很方便。雪糕有很多味道選擇，還有雪條，雖然不是名牌，但是勝在想吃幾多都可以，飲品選擇也很多元化，連椰青水也有刺身選擇也很多，三文魚、帶子、甜蝦、等等，肉質鮮甜新鮮，放在冰塊上叫多了也可慢慢品嚐，壽司手卷細細件，咁樣就可以試多幾款，熟食想不到有咖喱炒蟹，黑松露炒雜菌，我最喜歡吃黑松露的味道還有芝麻雞翼，炸蠔、天婦羅、串燒，這些都是一般日本放題有的東西總括來說這裏的選擇十分多，食物很新鮮，真的是一個很好的選擇

有個朋友話上一次去過呢間銅鑼灣廣場第二期11樓嘅極尚大灜喜日式放題，話嗰度嘅食物質素非常高，刺身非常新鮮又肥美，而且種類非常繁多，所以今日有朋友生日就book咗喺嗰度開生日會七點鐘到嗰度嘅時候座無虛席，好在自己一早book咗位，見到啲客walkin聽到話要等到九點先可以入，所以我奉勸大家如果去嗰度食一定要Book位😏好似好多優惠咁萬晚市放題如果七點半前離座或九點半後入座啊就可以有八五折又話有積分換領禮品都唔好話唔過癮⋯⋯飲品方面真係非常多仲有我最鍾意嘅椰青水要成10幾蚊支，飲幾支已回本一般嘅放題真係好少有椰青水供應仲有韓國🍑味汽酒、韓國啤酒、梅酒、果汁先生嘅楊枝甘露、清熱酷唔係一般的汽水啤酒咁簡單超值刺身方面真係無懈可擊你睇吓下都有咁多款，而且非常之肥美，食咗幾個round 已經回晒本！仲有我最愛嘅海膽手卷細細件唔會太飽煮食仲有瑤柱鮮蟹肉粥，黃金咖喱炒蟹⋯⋯對於蟹迷的我蟹粥非常鮮味粥底軟綿綿，黃金蟹份量有半隻仲有芝麻雞翼外脆內軟，黃金帆立貝、葡式燒鰻魚、吉列炸蠔、榴槤炸彈多到我都數唔到火卓壽司一定要試吓椒鹽左口魚裙邊入口即溶充滿油甘味你睇埋單都係＄1000多啲啲飲飽食醉咁開心完全唔記得

星期日 | 下午5:30  - 7:30 | $210 + 10% per head 全場爆滿，仲大把人排隊上菜速度快，叫咁多黎咁多衛生環境可以好d野飲要fill得密d咁既價錢都幾抵食，可以一試前菜｜多選擇 - 漬物涼菜有中華沙律，八爪魚仔，海蜇，螺肉等等，食落都新鮮夠凍唔似擺左好耐。另外有沙律菜，栗米，車厘茄，青瓜等，配料都幾清甜可口而且無草青味。仲有幾種濃郁醬汁俾你自製沙律，感覺天然健康得黎真係食完都唔洗食其他野。刺身｜大大個冰盆裝住，噴住煙咁送到你面前。刺身選擇多，蝦都有3種。帶子鮮甜好大粒，北寄貝彈牙，象拔蚌肉質鮮嫩，三文魚口感豐富，食落成口魚油香味但不會太甜膩。甜蝦，赤蝦， 3種都幾新鮮，虎蝦仲有蝦膏。不過用包裝wasabi就流d。壽司｜勁多選擇，每樣食一件都飽到反艇。推介三文魚腩，魚肉厚切，脂方分布平均，新鮮肥美，輕輕火炙過魚肉表面更帶出魚油香味。芥末蟹子赤蝦都唔錯，蝦肉肉質紮實爽口，細緻鮮嫩，蟹子有點淡淡的鹹味，和壽司飯很搭。另外芒果沙律大蝦都幾好，選用大隻既虎蝦，肉質充滿彈性，配堆當造既香甜芒果肉，口感豐富，甜甜酸酸相當開胃。串燒｜Overall都ok，相對少選擇，感覺

今次係星期六去銅鑼灣食極尚大瀛喜發現原來佢地有出到apps 咁先進星期六既5點半入座 已經有好多人 周末太強大了我覺得極尚大瀛喜既自助吧 比很多放題都出色有好多食品飲品都可以在自助吧中找到，假如大家怕要等一陣先有野食，可以先到自助吧覓食(不過d野食其實上得好快的)自助吧有葡撻，呢個係放題裡面非常小見的，仲有小丸子同薯角，岩哂吃香口野既朋友而佢既牛筋腩也很香，黑松露炒什菌都非常特別的當然仲有沙律同菜，適合吃素的朋友，款式很多甜魚乾也是一個煥然一新的選擇仲有雪糕機，可以整朱古力雪糕及乳酪雪糕，配料則可自己配搭 唔喜歡飲凍野的朋友 又可以飲熱的維他奶，黑豆奶或熱茶飲品上，我覺得有很多選擇，非常好，仲有啤酒飲@@甚至有雀巢乳酪及豆腐花等甜品還有很多雪糕雪條我其實吃了好少野 因為五點半入座既我並不肚餓，所以長期在自助吧走來走去，吃甜野，當然也有吃熟食，不過沒有拍下來了到7點半完場，門口已經企左好多人等位了

喺銅鑼灣行街, 大概去六點幾左右, 見到樓下有個宣傳, 就係極尚大瀛喜, 食放題嘅 , 咁就跟咗去就上咗去10樓啦, 好多人食, 仲排長龍添, 好彩都唔算等咗好耐, 入咗去之後, 立即點樣嘢食, 一陣間就到啦, 估唔到係咁有效率!食物方面, 種類非常之多, 刺身, 壽司呀, 仲有好多特色嘅創作壽司, 另外出面仲有大量嘅嘢飲, 唔同種類嘅, 係有甜品呀, 又有啲冷盤呀, 咁樣我最鍾意食係好啲創作壽司賣相又靚又特別, 好似京蔥煙三文魚, 極上三文魚腩 ,將燒極上帝王蟹棒, 黑松露玻璃蝦, 海膽手捲, 蟹肉加州卷啲刺身又夠新鮮, 二百零蚊真係非常之抵食, 食到飽飽走人, 大滿足

今日約左友人銅鑼灣逛街，友人訂了呢間放題醫肚，我未試過，好期待。地點也算近地鐵站，環境裝修OK，夠寛落，我地3個女士，選了個大卡位，吹水最好。我地其實最愛吃壽司和軍艦，先來左個日本黃金魷魚、蟹籽和北寄貝軍艦都好好食，夠新鮮，另外海膽三文魚壽司都係推介，海膽好鮮甜啊，友人勁食飛魚壽司，因為少食到，其實我也覺得好吃。另外卷物又係我地最愛牛油菓軟殼蟹好正，層次一流；另外就係個海膽手卷啦，呢度D海膽好鮮甜又新鮮，唔似上次去旺角放題嗰D咁腥呀，要食多D咁先抵。另外主食鮮蟹粥好味，一定要試。飲品好多揀，樂天呀、道地呀都有，成個櫃揀，令人有選擇恐懼症。燒物牛仔骨、海蝦、鰻魚、日本蕃薯仔…全部都好食，Encore 又Encore ，呢度重有火鍋自助Bar，食材OK，起碼想食都有，估佢唔到。今餐食到盡，都係2佰幾，我地無蝕本。呢度來野好快呀，要讚下！

每次食親放題都會食最早個段時間，一來有折，二來早食早消化。今次又同朋友嚟到銅鑼灣呢間極尚大瀛喜，呢間放題喺我心目中可以話係全香港數一數二。每次一坐低都會叫返一盤刺身 warm up 一下先，今次叫嘅種類都係平時食開個啲。刺身超級新鮮，完全冇雪味，尤其推介油甘魚同埋三文魚！食刺身走出去自助吧度拎前菜同埋飲品，呢度嘅飲品包羅萬有，連呢隻椰子水都有，真係飲多兩支都唔驚肥！泰式鳳爪呢度嘅前菜真係比其他放題舖多，連我最愛嘅泰式鳳爪都有，而且質素仲好好添，拍得上外面嘅泰國餐廳！豆腐沙律配芝麻醬火炙和牛壽司平時出面食放題真係好少會叫壽司，但係呢度嘅壽司飯都係細細件，見到隔離枱帶自己都忍唔住嗌多幾件壽司！超推介嘅火炙和牛壽司，唔使沾醬都好好食！創意壽司極上花之戀丶熟蝦膏甜蝦壽司丶香蔥鵝肝帶子壽司個人最喜歡食就係極上花之戀，舊飯超細而且 三文魚好厚又肥美，加上多到滿寫嘅蟹籽，正！另外， 呢度嘅串燒都非常出色！連我最愛嘅蒲燒鰻魚都有，諗起都想再食！雜錦天婦羅天婦羅被炸得外脆內軟，最出色當然是天婦羅蝦，隻蝦大大條而且好爽口，唔會炸得過火！我哋仲食咗好多野，美食不能盡錄！當你試過呢度既放題，就知道我無誇張！