極尚大瀛喜日本料理 (已結業)

大約一年前食過銅鑼灣既極尚大瀛喜，因為價錢吸引，款色多、味道又好，所以當時經已對呢間餐廳留低左好好印象。一年後同朋友再戰呢間極尚大瀛喜，水準依然，能夠一直保持咁好既水準實在非常難得。佩服！一入到餐廳，服務員就會好有士氣咁用日文講歡迎光臨，氣氛活潑熱鬧。另外，服務亦十分好，侍應除咗有禮貌亦相當主動，上菜時仲會提我哋趁熱食，好窩心。餐廳以卡位為主，座位寬敞、餐桌廣闊，十分舒適。飲品方面選擇勁多，凍飲足足裝滿四個凍櫃，仲多過去便利店，真係令人目不暇給。除左一般汽水、紙包飲品和茶外，仲有清熱酷、蜂蜜雪梨茶、黑豆奶⋯⋯酒類飲品亦至少有三款。呢罐蜜桃酒真係好好飲。自助區有涼伴小食同熱食。大推黑松露炒什菇同炸蝦餅。黑松露炒什菇香氣撲鼻，爽口味美。炸蝦餅唔會硬實實，juicy好味道。放題方面上菜非常迅速。刺身新鮮，鮑片同甜蝦尤其鮮甜。芝士鰻魚玉子燒，口感和味道出奇地撘配，又香又甜又好味。椒鹽左口魚裙邊油香勁重，入口即溶，齒頰留香。鹽燒三文魚同樣肥美好味。鵝肝帶子壽司味道濃郁。串燒醬燒八爪魚有濃濃咖喱味，甜甜哋，爽口惹味。天婦羅脆漿夠薄夠脆。巨型蟹柳夠派頭，蕃薯仔又甜又好味，仲有健康清新既秋葵。一邊吹水

一星期食2次放題, 真係好罪惡呀。無計喇, 朋友下星期生日, 大家夾到呢日去食, 壽星想食放題, 無奶油唔捨命陪君子。上網睇左幾間都唔錯, 最後揀左位於銅鑼灣嘅極尚大瀛喜!! 之前聽其他朋友介紹過話食物質素唔錯ga, 決定扑槌試下!!!一早book左位, 早少少上到去, 已經有人排緊隊等入座, 夠鐘就入去, 好方便講booking no.就得la。個場都幾大, 多數都係卡位, 4人坐卡位完全唔會覺得逼, 仲有位可以放袋tim。枱面已有一兜包裝wasabi同一樽豉油, 仲有一件大碟俾你裝殼之類, 都幾細心。落單都係採用寫紙仔, 成本字典甘厚, 食物款式都多, 而且仲有自助bar。自助bar有唔同沙律俾你自己配搭, 而且仲有中華沙律, 凍豆腐, 炸蝦餅等等俾你自己拎。湯都有2款, 有中式老火湯同日式麵豉湯。朋友試左都話ok ge。仲有2大個甜品櫃俾你自己拎, 款款都細細件, 甘就可以試多啲唔同款, 而且有yogurt 同豆腐花tim。芒果糯米卷同tiramisu都幾好味。糯米皮煙煙靭靭, 芒果甜。雪糕機可以自己唧frozen yogurt或者士多啤梨雪糕, 有焦糖漿同其他配料可以加, 最鍾

又食放題喇👅 特登約左今日收早就可以放工黎食早果一段時段，5點30至7點30 有85折阿！感覺好抵食而且早啲食完又可以慢慢消化下係銅鑼灣廣場二期撘𨋢到11樓一岀就係吶，book左四個人好好彩有卡位坐，可以坐得鬆動啲，唔駛人迫人一郁隻手就撞到隔離枱咁濟😅 時候尚早，慢慢揀下食啲乜。有刺身壽司卷物主食天婦羅等等等等，應有盡有點好就岀去揀野飲。呢到啲野飲好岩我口味！唔會一味係果啲勁甜嘅韓國飲料，亦有暖飲嘅維他奶，荳奶飲，我就揀左清熱酷飲下下火。前菜自助吧都好多野食，有冷麵沙律蝦餅黑松露菇薯角八爪魚仔等等等等，我要留翻個肚食壽司所以試左少少前菜啫。主角黎啦～雖然係放題但味道外貌都係一流，無得彈。值得一讚係壽司好多款式揀，有啲創新配撘第一次試，係好食嘅👍🏼牛舌好食，encore左一round芝麻雞翼都係我放題必點item😂雖然熱氣但真係好香口惹味。食到十成飽，但係甜品係有第二個胃！7點幾果陣部機就開始多人排😂frozen yogurt 阿食左一半先吃得拍照留念，啲爆爆珠加yogurt太好味鳥呢個迷你心太軟必點item too！本來無乜期望，但真係估唔到細細粒都可以做到流心熔岩朱古力的效果，太有h

之前食過觀塘嗰間啲嘢都整得幾靚今次試下銅鑼灣分店 🤗明明係放題（仲要係喺銅鑼灣）但係呢度有大量卡位，啲位勁寬敞！👍🏻喺香港地唔駛逼住咁食已經加滿分 😂先嚟一盤刺身是常識吧刺身好新鮮，比嘅數量都好足mini size 嘅海膽手卷我無食到呢個，不過朋友話好味軍艦壽司啲紫菜好脆，啲餡係爆滿㗎三文魚花之戀勁精緻！塊三文魚超滑 😋牛舌燒得啱啱好，好食到有再 order雞翼炸到外脆但入面啲雞肉好滑是日重點係呢部雪糕機！！！有得自製 frozen yogurt！有排好迷戀食 frozen yogurt細細杯都幾廿蚊，加配料又要再加錢呢度有得任食之餘，仲可以自己任加配料！真係好正心太軟細細個，唔驚削弱戰鬥力整得幾好食，入面有流心㗎連芒果糯米糍都有，嚿芒果都幾甜仲食咗大福，煙煙韌韌都唔錯呢度每枱會有隻 bone dish，好細心侍應上菜、清嘢都好快手我跌咗隻筷子問佢拎過，轉過頭就攞比我服務好好 👍🏻

一段時間冇食放題，坐低之後當然手快快咁落左第一輪order先啦。出面自助區除左有平時有既飲品同甜品，仲有好多前菜同小食任拎。雖然係唔及點餐紙既食物咁吸引，但有大量沙律蔬菜、中華沙律、八爪魚等等都唔算太頹。我只係揀左八爪魚同中華沙律，兩樣都夠開胃而冇乜雪藏味。等左一陣魚生拼盤就上場啦，有埋乾冰效果係幾fancy架！剌身新鮮亦都足料，三文魚比一般放題餐廳黎講算係切幾厚，油脂分佈平均。珍寶赤蝦真係超正，大隻又爽口；帶子、北寄貝特別新鮮。海膽手卷份量唔會過大，紫菜唔算淋，味道亦比想像中鮮甜好多。 平時食放題都少叫壽司，但呢度d壽司睇落幾特別，所以都叫左幾款。蒜香牛肉、醬燒極尚帝王蟹棒、拖羅等等，唔會太大件但味道唔錯，尤其係帝王蟹棒。食天婦羅最唔鐘意炸到又厚身又乾爭爭，呢度算係炸得幾好食！黃金燒原隻帆立貝，帆立貝好似唔係好夠大但都幾juicy，但佢個汁好惹味，仲有我最鐘意既洋蔥粒粒，食落夠爽口。但個醬太好食其實有d蓋過左帆立貝本身個味…但唔理啦，最後都係食左好多隻先肯收手。最後食埋個fro yo真係好完滿，值得推介！

本來上次嚟食都覺得幾好....沉晚一食可以稱為劣食 難食到冇一款會想再嗌...d玉子同海膽臭既 魚生同壽司好多都萎縮既d蝦就梅既食落去既感覺 wa....直頭連名將都冇得比炸物都還可以 咁呢d炸完都實冇死啦羊鞍就食完都唔知食乜...反而佢出面d自助熱食都仲好 我明白紅日多人質素差d係正常 但都冇理由差咁遠......你話如果間嘢本來係咁 咁我都冇嘢好講但係同上次對比差咁大真係...唉好食既有粟米菠蘿同yoga 盛為$273

家姐生日同佢去食放題，通常放題都係選擇係生日去食，之前生日又係去咗第二間放題，不過就係旺角嘅大瀛喜，今次就係銅鑼灣嘅極上大瀛喜。食咗好多野，一於分享下。挪威三文魚💕珍寶大赤蝦💕俄羅斯甜蝦💕虎蝦刺身💕日本油甘魚💕甜玉子💕北海道帶子💕刺身嘅選擇真係夠晒多，最好味就係甜蝦，帶子都好鮮甜，整體刺身質素都比較高質，果然係極尚品質。燒紐西蘭香草羊鞍比想像中更加好味喎，肉質鬆軟，而且醃得夠入味。香蔥鵝肝帶子配搭唔錯，鵝肝唔會太肥膩，帶子鮮甜，口感一流。蒲燒鰻魚我哋叫咗一塊，我覺得可以撈埋飯一齊食，咁就變咗鰻魚壽司或者鰻魚飯。瑤柱鮮蟹肉粥大大碗，屋企人最鍾意食，食粥其實唔想特別飽，因為水同飯嘅分量剛剛好，唔會太稀或者太杰。燒有機新鮮菠蘿估唔到能夠保持裏面嘅水份，俾個讚好佢。自取湯其實都係普普通通嘅湯，不過調味唔錯。食到咁上下就去拎甜品，有我最鍾意嘅馬卡龍，原來仲有自取乳酪雪糕，甜品多籮籮，如果女仔想留返個肚食甜品嘅話主菜就唔好食咁多！

其實食第二次了，早2個月新年黎食未至於普通，不過今次黎感覺變差了，食物一真都覺得唔係人地開post，講到咁出色，咁特別，第一次食有種新鮮感，感覺幾好既，今晚黎覺得刺身好似冇咁新鮮，同埋熟食好似係暖口唔係好熱，職員態度都算ok，未必有下次了

朋友從外國回港玩兩星期，她想見面食放題，之前在旺角光顧過大瀛喜兩次，覺得放題都甚有保證，我就決定來個高質放題，來極尚大瀛喜試下有幾「極尚」😍來食放題先叫刺身拼盤是常識吧~~這裏的刺身多是肥美新鮮，沒有雪味，而且上盤時用上大量冰粒冰鎮著，我個人推介三文魚及珍寶赤蝦，爽口鮮甜，三文魚厚切且油脂分布均勻，必食👅前菜，小食，飲品及甜品都以自助形式供客人拿取，餐廳的聰明位在於客人剔放題紙等食物的時候，可以讓客人到自助區拿食物，又可以節省人手，小食仲會不定時更換新一款，確保食物不會放到冷掉☺ 淨食有大量沙律菜，中華沙律，八爪魚，葡撻，章魚小丸子，炸雞，中湯等! 超多食物十足自助餐般 飲品選擇超多元化，港式，韓式，鮮豆漿，鮮橙汁，連新款的韓國桃味汽酒，道地解茶，if椰子水都有，可以趁放題試埋新產品真是一舉兩得✌ 而且貼心位是有熱飲櫃放滿紙包飲品，仲提供常溫飲品，岩哂不太愛飲凍飲的好朋友😌海膽手卷及龍蝦沙律手卷，很少的海膽手卷，海膽味道正常，一口份量十分方便!帆立貝表面加上芝士，沙律醬及紅椒，青椒等原隻拎去焗，焗至金黃色，故又名黃金原隻帆立貝，精粹在於其醬汁，雖然很邪惡但又很滋味😈 燒有機鮮菠蘿及燒雞

今日有朋友生日，同左佢去大灜喜食放題好抵食，食物質量同新鮮程度都幾好，食左好多野，上菜速度算快。我地點左一啲刺身。首先，甜蝦粉嫩新鮮, 厚切魚生, 蝦味鮮甜，獨特的質感唯有新鮮的甜蝦刺身獨有，甜味濃郁。其次，三文魚刺身質感像肥肉,但沒有肥肉的味道，慢慢咀嚼後會發現有種很香甜的魚味,值得品嚐!食得多會"上瘾"啊。另外，虎蝦爽口彈牙，鮮甜味比較濃，而且賣相得體，超級鮮美，嫩彈，肉身豐厚。輪到玉子，它金黃的蛋皮、滑嫩的口感，厚厚的，表面也有點像像蛋捲。而赤蝦則味道更為清淡，肉質腍軟不結實，大大隻，咬落去爽口彈牙，又有啲柔軟感同微微的黏性，幾有鮮甜味，值得一試。食落去油甘魚有獨特的甘香，口感油滑幼細，肉質較軟身，鮮味重，肉則偏深色，肉身油份有少少重，但肥而不膩，入口即溶，滿口都係魚味香氣。另外，榴連炸彈香脆可口，榴連溶滲出黎過時有淡淡的榴連幽香，榴連愛好者一定要試下。海苔多春魚肉質特別嫩滑，魚身好酥脆，清甜鮮美，完全無魚腥味，加堆海苔更加prefect.蟹膏軍艦生拆左嘅蟹肉，配上濃郁嘅蟹膏，美味可口。燒菠蘿都好好食，菠蘿新鮮，非常甜美，食食下菠蘿汁就會滲出黎。甜薯粒粒味道一樣，薯肉肥厚，薯肉呈

放假同女友行街，行到咁上下女友說想吃放題，咁當然openrice吓附近有咩放題啦，剛好前排同事推介過呢間，而咁啱又在附近，一於就去幫趁啦。飲品同冷盤小食的種類都算多，仲有我最愛frozen yogurt，而且配料又多。仲有醉雞翼供應剌身新鮮，鮮甜無雪味，色澤油潤。松露火灸三文魚味道不錯，入口充滿松露味。柚子火灸比目魚邊，感覺清新開胃。芝麻雞翼及咖哩蟹都好惹味，必食。海蝦燒得好香，但吃的時間會麻煩一點，呢個時候當然係男友出場時間啦。frozen yogurt自選配料，以frozen yogurt作滿足結尾。

今次係星期六嘅夜晚第一個時段入去食，估唔到都幾多人，五點半開始食到七點半。又係食放題，最鍾意食放題嘅原因主要都係因為咩都有得選擇，而且又唔需要怕要就別人的口味，這間放題中菜，日式同埋細食其實樣樣都齊，選擇繁多。首先一定係叫一盤刺身，我最鍾意食嘅就係甜蝦，甜味十足，唯一係蝦頭有啲有黑色，口感就比較稔身。仲有珍寶赤蝦，大大隻又爽口，中間仲去埋腸。三文魚都夠新鮮，另外玉子比想像中更加美味，有層次感！之後到好多唔同款式嘅壽司，黑松露玻璃蝦、蒜香極尚牛肉、鹽燒三文魚、醬燒極尚帝王蟹棒，當中三文魚入口即溶，黑松露玻璃蝦配搭一流，又香又爽脆。羊鞍比想像中大件，肉質鮮嫩無比，冇咩特別嘅羊蘇味，唔會太乾身，係孜然香味。黃金燒原隻帆立貝有啲雷聲大雨點小嘅感覺，成個只有中間好細粒帆立貝，不過邊邊啲醬汁有啲蛋黃同埋幾點長，深受一班男人嘅歡迎，正常人（我覺得）應該唔會食啲洋蔥醬汁，但係佢哋食晒囉⋯⋯辣味蜆肉大大隻，夠肥美，不過數量少，唔夠食要再叫，真係唔多辣。黃金咖喱炒蟹食就幾好食，啲肉質都幾滑，有啲就比較稔，不過食嘅時候有啲麻煩，而且側邊有少少尖可能會整親隻手😿，一定要拎多張濕紙巾。飲品選擇就真係夠晒多，三大

​ 最近好忙，都好少出街食嘢，食親野都系揀放題，貪佢夠晒方便，唔使諗。 銅鑼灣呢間朋友講咗好多次，但係一直未有時間去食， 今次就食早場，平平哋食下放題，夜晚又唔洗咁肥。 咩都未食之前食刺身是常識吧，我最鍾意嘅就係帶子， 因為色澤唔錯而且口感爽口，甜味十足。 蝦就有普通甜蝦同埋珍寶赤蝦，鮮甜又爽口，各有各好味之處。 瑤柱鮮蝦肉粥（2人份量）又幾好味，夠晒入味而且啲粥比較稔， 有嗰啲蟹嘅鮮味，仲有啲甜甜地蟹肉可以食。 鐵板蒜片牛柳粒都算幾鬆化，蒜蓉味唔算太濃郁， 兩者混合一齊食都算唔錯。 鹽燒三文魚壽司真係好好味， 同埋新聞最近好似話三文魚有啲問題， 所以食熟食就安全得多。 燒有機新鮮菠蘿雖然燒得唔夠香，不過可以鎖住肉汁已經不錯； 燒有機日本番薯仔冇咩特別，間間都差唔多。 海膽手卷細細件，好似一件壽司咁， 唔會用飯質飽你，可以食多幾件！ 除了飲品多元化，最新的解綠茶都有， 仲有甜品櫃，雪糕櫃以及自助乳酪雪糕，太吸引女生了。

同朋友係銅鑼灣行街，街上面有人派傳單，睇到呢間日式放題好似唔錯，價錢都ok，就諗住黎試下。上到去見到呢間放題真係好多人食，等位嘅人排到成條走廊都係，我地都等左一陣先有位。呢間放題嘅刺身有三文魚、劍魚腩、希靈魚、北極貝、甜蝦、赤蝦、帶子等等，三文魚嘅紋理清晰，睇得出好新鮮，其他刺身亦都好食，北極貝、甜蝦都非常鮮甜。呢度仲有海膽手卷，海膽如果唔新鮮會好腥，不過呢度海膽唔會，幾好食。其他熟食都幾多選擇，因為朋友唔太食生野，所以叫左好多熟食。芝士焗帶子好香，雖然係芝士焗，不過唔會覺得膩。烤羊架，肉質鮮嫩，保留到肉汁，唔會乾身又冇蘇味，幾好食。椒鹽蝦好惹味，燒甜薯好香甜，燒波蘿係我必點食物，好甜好多汁。仲叫左蟹皇粥，落左蟹一齊煲嘅粥味道非常鮮甜，粥好香好綿，又暖胃。食到咁飽，當然要食番杯乳酪雪糕幫助下消化，呢間放題自家制乳酪雪糕幾好食，可以加配料好似朱古力粒粒咁係上面，我食左兩大杯。呢間放題質數唔錯，下次可以約大班朋友黎食。

平時去到放題點第一樣叫極都係刺身今日我就完全同傳統返轉晒因為我係本食物menu中間嗰頁嘅咋物開始叫起叫咗芝麻雞翼 炸紫薯波波 炸芝士年糕 榴槤炸彈全部無一倖免俾我點哂不過我朋友依然跟返傳統就係點刺身先天氣太熱關係都不會減少我對刺身都十分之瘋狂見到啲三文魚油金魚帶子同埋甜蝦我個瘋狂喪食mode要開動了三文魚竟然揼本咁用上了魚腩部份魚腩部分好肥美入口魚油出晒嚟甜蝦個size十分大而且爽口非常尤其個蝦頭入面充滿晒蝦膏淨係食個蝦頭都十分之滿足跟住就有我最鍾意食嘅炸物了芝麻雞翼大大隻而且啱啱炸起咬落隻雞翼啖啖肉但係又唔會肥淋淋我一食就好似上咗癮咁連續啪左六隻另外嗰個榴槤炸彈都十分之瘋狂真係每咬一口成浸榴槤味就喺口入邊爆炸可能食得太多今餐都係食咗炸物刺身同埋甜品就差唔多舉手投降了之後再食咗其他唔同嘅嘢好似羊架 燒銀雪魚都係唔可以錯過嘅選擇