極尚大瀛喜日本料理 (已結業)

今年七一除咗慶祝香港回歸祖國二十週年之外，更是首位女特首上任之日。希望明天會更好，我倆順勢慶祝一番，去銅鑼灣嘅擦餐勁！預早訂定位，中午12點正可以即時入座，二人座位較為狹窄，點餐就要分上好几次！現代科技日新月異，連order薄也被智能手機所取代，只須上market度download apps，再scan埋個code，就可以自助點餐了！可能假期關係，漏單較為嚴重，不過上菜都几快手！我倆一落完order，跟住出去逛逛揾食，攝吓時間先~先取飲品，勁呀~成三大個凍飲櫃、小型紙包飲品櫃、自助果汁機等。計有汽水、茶、啤洒、梅酒、果汁、清熱飲品、韓式飲品等等，數得出嘅乜都有齊！跟住梗係攞啲前菜、小食咁喇！首推大受歡迎嘅章魚丸，估唔到有呢類小食，重要係熱洪洪的，咬開夠脆口，而且食到丁點小章魚粒呢！黑松露炒什菌，酷愛黑松露嘅我，對它又愛又恨，攞少少來食，咁早食太多嘅話，一陣點食得落嘢呢？！黑松露味道濃郁，什菌炒得爽口，十分入味！極品牛肋腩，又係邪惡之物，炆牛肋又腍又好食，腩肉嫩腍入味，太罪惡了！食咗好多件，只是有個別腩塊咬唔斷。迷你萄撻，雖然攤凍咗，但一樣好味。其他小食如味付螺肉、酸辣鳳爪、辣炒粉絲等，

今日過左老銅食依間放題，真係唔錯唔錯，大家真不能錯過，有時間的話真係可以黎試試。雖然等位時間可以耐少少，勝價比高自然多人等，一向唔鐘意等位既我都覺得絕對值得等。首先可以講講係佢地夠款式多，真係你想食咩都有壽司、剌身當然就唔駛講，熱食冷盤串燒天婦羅都好齊備，最欣賞佢就係啲飲品都好多，啤酒汽水、雪糕、雪條、甜品馬卡龍、豆漿、真係多都你唔信。黃金燒原隻帆立貝 - 本身都已經好鐘意食元貝，佢地都味道重要係調計都唔錯。沙律味香濃，又多汁，可以ENCORE 再ENCORE。白汁煮藍青口 - 最恨就係食到煮得太熟好似春擦子膠既青口，但今次唔同喎煮得啱啱好，唔會韌重有少少酒香味，唔錯唔錯。燒紐西蘭香草羊鞍 - 羊鞍好多地方有，但好食而份量足就唔係間間好以做得到。面層少少香脆，內裏有肉汁唔韌，真係諗起都流口水。剌身拼盤 - 好欣賞佢地好有誠意，上枱時配合乾冰，感覺新鮮好多，甜蝦、赤蝦、三文魚都好好食。鐵板蒜片牛柳粒 - 蒜味香濃野味，細細粒易入口，感覺良好。其實好多地方叫牛柳粒都係食一件就等拎走，但今次我就清碟照鏡，對比真係相當大。雜錦串燒 - 雞軟骨、墨魚丸、日式蕃薯仔、串燒蝦，每樣都勁好味。甜品 -

同區放題選擇又真係好多，既然價格又差唔多，要簡一間心水既又真係好難…睇黎要從d細心位分析先可以一較高下啦。先係d 壽司係做到細細件，咁樣就唔會容易食多幾件就飽，可以試多幾款、夠曬為客人着想。出面個自助counter 又係好吸引，食物質素絕對唔會比要寫落紙仔既差。一定一定要推薦個麵豉湯同埋個松露醬炒雜菌！麵豉湯太好味了，同出面其他鋪頭賣既好唔同，係帶有甜味、完全唔會死咸。由於實在太好味啦，一飲飲左三碗。好多人都接受唔到黑松露陣味，話似煤氣，但我又覺得ok woo….所以呢個松露醬炒雜菌落松露醬落得好足，絕對唔會偷工減料。之後想同大家講講個韓式冷麵，老實講個汁唔係好夠味，亦唔似韓式冷麵咁凍，但勝在牛肉大大塊、麵質夠彈牙。不過如果俾我簡，我都會簡其他麵黎食，例如麻醬麵同埋熱烏冬。另一樣「一,一,一」定要食既就係一口芝士！三角型設計令佢有少少似小型薯餅，望落食落都特別香脆，個皮唔會太薄、芝士唔會輕易流曬出黎。呢個一口芝士係既有咸香又有奶香，食完反而更加開胃，十分香濃。不論單食定同麵食同吃都係咁好味，我就梗係單食啦~唔會溝淡曬d芝士味。我班親人都俾menu上面個咖哩炒蟹吸引左，叫左兩碟，不過就唔

之前同寶貝小兔去食放題，梗係唔好帶佢食平嘢，要食就食好啲，銅鑼灣嘅極尚大瀛喜都有幾多人讚好，估唔到五點半周六已經咁多人，排晒隊等。當然我哋都好聰明一早已經預訂，裏面嘅餐牌好多選擇，都幾靚嘅設計。刺身選擇多籮籮，甜蝦夠晒鮮甜啦。仲有我嘅最愛就係肥嘟嘟嘅三文魚！帶子嗰啲都10分鮮甜，果然同其他放題比起上嚟係特別勁。除咗刺身之外點少得食壽司，芝士蟹柳壽司係我最愛，食落去配搭唔錯而且熱熱地，可以打定底。仲有黑松露玻璃蝦壽司，估唔到配搭得好，又香口又爽口。咖喱蟹都幾香，唔係辣嗰種咖喱，咩人都食得，不過食落去有少少麻煩，用手會整污糟。炸物選擇都有好多，一定係有芝士波波，仲有吉列炸蠔，熱辣辣好Juicy。食食吓飽飽地，去自助位置唧返一個屬於自己嘅乳酪雪糕，甜甜地而且唔會好膩！

日式放題在銅鑼灣區一帶都算多選擇的，不過這家有點驚喜。甜品熟食飲品款式幾多，個人喜歡刺身帶子，甜蝦及希靈魚！ 飲品選擇是最驚喜的一環，有大熱的椰子水，韓式啤酒及港式飲品成本都算高的！是不錯的選擇呢！一直都在選一些有口碑的日式放題店，最近試的這間算是不錯，裝修位置感覺良好，人流方面星期一來說都尚算多人，任食菜式有刺身、卷物、壽司、串燒、沙律、甜品等！甜品有yogurt，朱古力小旦糕，tiramisu 就連macaron馬卡龍都有呢！

剛於17/6同家人慶祝生日，壽司都好新鮮，汽水好多款式，經常將食物比錯我們，自己叫又無來，但熱湯煱烏冬好小選擇及甜品比較小，原本生日有壽司蛋糕送，忘記給我們，不完美生日飯

夏天食放題，應該係咁樣！嘩，真係食左想再食呀，同朋友去開餐，最正的選擇咪就係放題囉!!!!!!!我覺得咁多間之中，極尚大瀛喜真係最好味，最易回本，又最多野選架點菜簿好厚架，剔左第一輪菜紙之後，咪出去自己拎前菜食LOR!!!!!!有大量沙律蔬菜、中華沙律、八爪魚，一定會拎一D黎食下先啦~~~!!!!海膽手卷份量唔少野，好鮮甜的味道！壽司的魚生真係好大，D飯都好好味，唔係HEA做，正！天婦羅都係好味，唔油又脆口，原來水準都幾好架！好推介：黃金燒原隻帆立貝，因為好大好香仲好好肉!!!!唔食走寶架！最後梗係要歎番個新鮮既乳酪雪糕，冰一冰佢!!!!夏天食放題，應該係咁樣！舒服！

.大瀛喜2小時任食 $268.呢間放題出名多人食，食物同飲品種類又多，例如有道地嘅枝裝茶，咁就唔會怕食濟啦，仲有最鐘意嘅雪糕機，嘩，呢幾日係咁食嘢，就快變返170磅肥仔啦。.極尚大瀛喜日本料理銅鑼灣駱克道463-483號銅鑼灣廣場二期11樓觀塘觀塘道414號1亞太中心5樓.#explosion銅鑼灣#explosion觀塘#explosion九龍區#explosion香港區#explosion放題

又被朋友帶去食日式放題，真係食極都唔厭，呢到從店內裝修到食物都同佢個名一樣極尚 。食放題最好預約左先，即興去食既話真係未必有位，就算有位都要等至少1個鐘啊。我地比預約既時間早到左，已經見到好多人等緊，等左15分鐘先有得入去。入到去比個沙律bar吸引住，擺得好靚，望落選擇種類好多，而且係自助式既 。另外又見到自助火鍋料，估唔到仲可以打埋邊爐。坐低之後即刻點野食，基本既刺身、串燒、燒/烤物等等都有得揀。另外仲留意到個飲品櫃好大，有好多款飲料，果汁、汽水、茶任均選擇我地主要都係點左刺身同壽司，黎既數量同寫既基本冇出入，又好少漏單。呢盤刺身上枱時已經望到好新鮮，三文魚同油甘魚切到好厚，三文魚好creamy，油甘魚夠爽口。甜蝦有2款，大大隻既超好味，甘甜爽口 。D刺身好新鮮，所以再黎多輪，應該食刺身都食返本啦 海膽蝦壽司一樣好食，雖然都係甜蝦，但上面加左海膽口感同味道都好唔同。最後當然要食埋雪糕先走，除左雪糕杯之外，仲有雪條揀，味道都有幾款，唔再淨係朱古力同雲呢嗱味 。今餐係極尚級既享受

去CWB有咩好食﹖間間都又貴又多人，早幾日知道自己要去CWB開會，重要係OT嗰隻，所以一早決定去日式放題去擦餐勁嘅先返屋企再繼續做~之前都聽同事講呢間好食，佢成日都叫我去試，但係我真係好少過港島，所以今次去開一定要食吓，開完會都8點45分，特價放題9點半開始，所以我就即刻飛去排隊拎位，好彩都唔係等好耐，大約9點45分就入座枱面已經有定個電磁爐，好少放題會有甜品、前菜bar，都幾多食物揀，重有沙律添熱飲類都唔錯凍飲區直頭過份……多選擇到有選擇困難症最後我都揀飲出面街好少買到嘅道地罐裝蘋果茶前菜區有湯，中湯、西湯各一款我個人覺得呢個焗元貝好好味，沙律味香濃，又多汁，個元貝焗完又唔會韌，好味，我地翻兜咗幾次刺身先係我成晚嘅焦點，我最鍾意係有好多甜蝦、赤蝦可以食，我最愛係食蝦……(所以我亦都自己養蝦……當然唔食得架喇)，啲刺身亦都好新鮮~~串燒類都唔錯架，我最鍾意就係食佢個燒日式蕃薯仔，勁好味~~

同一大班老友慶祝生日，但唔係個個時間夾得啱，咁就約夜啲食9:30仲可平少少……咁樣O陣T放工留肚，約班friends 上去即有坐位，任飲任食，由於大家都肚餓所以每張點單紙幾乎全 “剔”由其魚生，成班友食好多，仲有啤酒飲……整體食物品質幾好，款式又多，冷食熟食都好味，幾他店員都算幾有禮貌，我地不停落單、又不停追單都唔見有面黑同臭串。反食幾會大， 唯一美中不足係11:00 last order只可坐到11:30

平日返工返學咁辛苦 總係要食返餐好慰勞自己💕🤤 自己本身試過瀛喜 大瀛喜 今次難得同家姐一齊食就食間好既 極尚大瀛喜👍餐廳環境光猛同算係好大 我地早去 所以就好快就安排咗入座😗 仲有叉電位 可以自備叉電線去幫手機叉電📞☎️ 真係幾方便💕前菜係自取 覺得咁樣好貼心 可以自己簡 唔洗浪費紙填之餘 份量又可以自己定👅 我覺得八爪魚同中華沙律夠哂爽口同入味 質素算係同類型放題之中好高😚去食放題當然要食刺身 見到咁靚既放題刺身 當然必要既係相機食先 賣相超高分💯 刺身有超多款 三文魚 虎蝦同甜蝦三款都係超鮮甜同好新鮮 唔會食到好滯 我地兩個食完一大盤再encore 加點咗以上個幾款😗😋 黃金咖哩炒蟹是我強烈推介 放題通常份量不多 仲係海鮮🦀🦀 但上枱份量有驚喜 而且充滿咖哩香氣 咖哩味濃郁帶微辣🌶 滲入肉蟹中十分惹味 同由於唔大碟 所以好易處理又可以試埋其他野食😄燒菠蘿🍍係我自己放題checklist必食既野 因為平日自己比較難整 同埋燒菠蘿燒得好食係超juicy同甜味會好突出 而今次我覺得唔錯 我地兩個都有encore 忍唔住食幾塊去消膩😋韓式水冷麵 份量唔大岩岩好夠我地一齊分 整得幾似平日出面

第一次寫食評！吸引之處不得不讚這間餐廳進取、 食物之新鮮不在話下、午市除了龍蝦外講得出的日本食品佢都有！就連出品的擺設都很講究……驚喜！驚喜之處還是第一次親身嘗試用手機app點餐！有得食之餘又有得玩……又可儲積分！如果十分是滿分的話……我會給這間餐廳9點5分……真是值得一讚！

中午落午場休息從2點休到5點，同事一齊商議去食咩午飯！其中有三位好大食嘅要去食放題最近嘅就係大瀛喜，一齊去大開殺戒都好五位一齊其中有三位已經夠食回本曾經有試過一齊去食放題見到啲食量大到唔吃放題太浪費午場時間諗到以為多人放工肯定幾多人嘅誰知上到來仲有好多位添！即刻開動各種選擇！首先刺身刺身因為五個人原因刺身拼盤好大份上到嚟甜蝦朋友最愛吃，我反而鍾意北極貝多啲！同埋燒鳳梨好正囉，因為而家係鳳梨最多個時後季節新鮮燒出嚟好甜爆汁水！接下來就顧著吃了

食放題就食得多啦，個食大灜喜真係第一次🤦🏻‍♀️本身已經聽朋友話呢間係放題黎講質素唔錯，佢既食物種類真係好多，仲有埋自助bar枱可以去拎d熟食但首先黎咗個敗北，就係呢個刺身，唔知擺大耐定點，真係唔太新鮮什至有小小腥味🤦🏻‍♀️第一次食放題淨係叫咗一次刺食😔但其他炸物又做得幾好唔會炸得太乾太硬，鎦鏈波波，雞軟骨都幾好食可以嗌多d👍🏻飲品放面真係好正，連枝裝既飲品都有而且唔係好平嗰d大陸檸檬茶，呢個值得讚👍🏻👍🏻👍🏻雪糕種類都算多，有包裝有自己整既，推薦乳酪！ Overall黎講，除咗刺身其他都唔錯 👏🏻