極尚大瀛喜日本料理

營業中

休息中

之前嗰排考試勁大壓力 晚晚都溫書 已經決定考完試嗰日一定要去食放題 好好放鬆 好彩識揀 食咗間好味嘅放題 係假期嘅好開始間野係觀塘地鐵站附近 成幢大樓有好多餐廳 放題都有兩三間 搭lift上到去 成個感覺好似酒店咁 好Grand 有好大個位係自助飲品同小食區 飲品小食勁多款👉泡菜、蒜味螺肉、芝麻八爪魚、沙律吧（番茄仔、粟米、生菜...仲有四五款醬汁俾你揀）👉有熱既小食 例如湯、炸春卷、炸雞👉飲品都有十幾款壽司款式都好好味 我同男朋友試咗五六款創意壽司 其中三四款都好鍾意 同埋啲壽司真係細件 可以是試多啲唔同款都唔會話飽作為一間放題 刺身夠新鮮已經係基本 呢間基本功都做得唔錯 同埋賣相好好整體感覺好好 雖然唔係話平 但係性價比較高 下次會帶埋屋企人一齊食 因為環境好 都坐得幾舒服

呢度係我食過甘多次放題，場地最大最grand 既一個，我估有幾千尺。場地大既好處係入座唔洗點等位，好快就入得座位間闊落，有唔少位係卡位，私隱度更高！場內職員都好夠，舉手好快就有人理你，效率高！甜品、沙律、雪糕、水果、小食等都係自助型式，可以係近門口既位置自取。甜品櫃有唔少食物，泡夫、乳酪、奶凍、馬卡龍都有，會不斷refill ！沙律菜、芝麻八爪魚、螺肉都係度自己夾。最欣賞係有熱飲櫃！！當日天氣較涼，所以有盒熱飲係幾正！可照顧不同人既需要！刺身盤切得整齊、漂亮！種類好多，魚生大片，蝦又夠大只！新鮮，爽口！炸蠔大只，肥美，熱辣辣，外脆，入面好juicy 。芝麻雞翼放題必食之一！雞肉嫩滑！燒青魚外皮燒得好脆，有少少咸味，肉濕濕地，唔會太乾。燒物燒菠蘿夠大片，一咬落去好多水，加上燒過，味道更甜。不過。。。有一塊應該係邊位，所以好酸，其他都甜。咖啡燒魷魚個人覺得呢個爭少少，有啲似煮熟，無物燒焦既口感。相反牛舌就燒得唔錯！有啲黑椒係面，更香口，好味！凍蝦，好大只，爽口！奶凍同提拉米穌都好滑，細細杯，可以食多幾樣！幾鐘意呢個場，大得黎又坐得舒服！推推推！

今晚約左同學仔閒日晚市放題 $238 食6點半至8點半時段!因為人越大越細食, 已經好耐無食過放題最近病左成個星期, 總覺得自己大食左咁見Lunch唔錯, 又咁近公司, 夜晚黎放肚食一餐勁刺身多款式, 蝦都有3款(珍寶蝦,虎蝦,甜蝦), 食到唔想食囉😂食物質素高, 刺身新鮮, 熟食夠熱又夠味💓服務一流, 上菜快收碟快, 又無漏單👍抵讚唔經唔覺, 話咁快食完2粒鐘, 個肚好飽又好頂.... 都係散叫啱我D好大隻帶子😍呢碟咖哩炒蟹係好食, 仲好大隻, 肉質唔會梅,不過好辣呀😂鰻魚我至愛, 任食好抵燒牛舌細細粒心太軟甜品, 真係流心, 好好味

近排太忙，為咗慰勞下自己，決定約埋fd子去食放題，見觀塘開咗間新放題，所以就去食午間時段，平啲之餘，夜晚又可以唔食慳返一餐。午間時段唔大多人，環境好大唔迫，自助區唔單止有野飲同雪糕，仲有啲小食或沙律可以攞。自己夾嘅黑松露雜菇同沙律沙律菜新鮮，配料選擇豐富；黑松露雜菇有微微的黑松露香味，菌類爽甜多汁。依度要食客下載app落單，慳紙又快又清楚，不錯。烤羊鞍唔太羶，幾多肉汁，好滿意。蒲燒鰻魚我非常推介，擺落口時仲係熱辣辣，肉質幾嫩，加埋啲燒汁，好好味啊。牛肉粒份量幾多，不會韌，同唔會過分醃製，不錯。焗原隻帶子幾好味，不過多油咗少少。西京燒比目魚燒得唔錯，肉質嫩滑，唔會太鹹，不會蓋過了比目魚的鮮味。炸多春魚同吉列蠔不錯，炸皮不會太厚。蠔都幾肥美。芝麻雞翼幾好食，好香芝麻味同好脆。臨尾叫多個熱烏冬，點都要啲熱野落肚(又比朋友話我食啲飽肚又唔抵食嘅嘢🙈），幾好食唔太淋。最最最尾玩次自助雪糕機，配料選擇多，雪糕又冇乜冰又夠滑，好味！，再攞自助甜品櫃嘅小甜品，好滿足。

係觀塘返工都知嘅朋友都知，觀塘lunch搵嘢食都係一種挑戰，尤其星期五。友人介紹呢間，我食1230，即刻衝去一亞太，還好，等4定5轉𨋢就上到。時間尚早，都有位，坐底無幾耐，前菜同湯已經上哂，餐牌好多嘢食，好難揀。心情想食咖哩飯，就點呢個咖哩飯。豬扒好味，咖哩適中，唔咸唔太辣。友人點牛肉鍋，都幾好味。下次要試刺身先。佢飲品多嘢揀，仲有甜品，估唔到係豆沙包！友人晏左出門口已經等左10分鐘𨋢，走個陣我地試行樓梯，原來有樓梯落一層就係3樓翔龍門口，之後就可以扶手電梯落，對於我呢啲得一個鐘食飯嘅人嚟講係好消息。一定會帶同事再去😁

✿╮❤╭✿ ✿雜感女生 好味日記✿ ˚*•✰。無敵飯局：極尚大瀛喜。✰•*˚ ✿✿舌尖上的觀塘✿✿ ❤餓底飯聚❤ ❤ 周末最愛的選擇，一定是放題 以其任食任飲又可吹水之格局是也 極尚大瀛喜原來開到去觀塘 於是，行完apm之後，就去開餐 全層式店舖，格局裝修非常搶眼 大而開闊，光而明亮 而且卡位多多，非常方便 WIFI與充電位配置一流 店員即場指點介紹，100分！ 最愛自助區，真是似足酒店 乾淨衛生又整齊 鮮果汁、即磨咖啡、港式奶荐 乃至香港人最愛的熱飲維他奶都一應俱全 而令大人小朋友都開心的是：甜品與沙律多不勝數 又是自己任取任食！等點菜到的時候，可以即取了！ 那自助的軟雪糕機，2款口味(雲呢拿和乳酪) 還有超多自選TOPPING：包括朱古力脆、軟糖、棉花糖...... 喜歡雪條的，又有大冰櫃隨意拎取 方便到呢！ 極尚大瀛喜 令人最滿意的是 服務員細心有禮，食物質量高 刺身不只有賣相，更是鮮甜好吃 看看極肥美的大蝦與貝類、螺類就知一二 特色壽司亦相當好吃 就如芝士鰻魚甜蛋的配搭，已刺激味蕾 好好吃！再上其他左口魚小壽司等，都是美味！ 咖哩蟹亦是這裡的特

cwb概食過 已經覺得唔錯 因人多少去cwb 早前知道官塘店開張 開始黎呢間 座低已經覺得對方乾淨 開始點餐 睇住個餐牌 已經覺得琳瑯滿目 魚生 夠種類 未算特別多 不過該有概一定有 上臺一睇 唔係平價貨 食落比起其他概放題 高好多熟食 前菜 概有都有 為一美中不足 係前菜概椒鹽蝦 😂飲品 款式可以比美 漆仔 😋

由於今日係本人嘅表姨甥生日，而他們又喺附近住，所以本人一早預訂咗觀塘亞太中心嘅「極尚大瀛喜日本料理」食晚市放題慶祝！一去到見到店內嘅環境裝修好華麗，坐位相當寬敞舒服！另外仲設有自助冷盤熱葷同甜品區域，有幾個特大嘅飲品雪櫃，而且仲有熱飲櫃，款式選擇眾多！首先我們叫咗個雜錦刺身拼盤，款式種類都幾多，淨係蝦都已經有三款，當中我們最鍾意嘅就係珍寶大赤蝦，肉質超鮮甜彈牙，而且真係好大隻！創作壽司嘅款式亦都超多，但我們又想食晒咁多款，所以我們每款都叫咗一件嚟食，食落味道都幾夾，唔會有怪怪嘅感覺！芝麻鷄翼炸得好金黃香脆，肉質好嫩滑多汁！黃金咖哩炒蟹嘅蟹肉都幾鮮嫩，咖哩汁嘅味道相當惹味濃郁！辣酒煮大蜆嘅大蜆真係幾大隻，味道超鮮甜！

之前食過銅鑼灣嘅極尚大瀛喜感覺唔錯，但奈何對於九龍東嘅人實在太遠，而家知道觀塘開咗，當然要去試下啦。今日book咗食Lunch嘅放題，$188/人，價錢尚可接受，上到去好光猛同寬闊，餐廳嘅石邊係自助區，有唔少野食。依度落單基本上唔係用紙或平板嘅，係要顧客自己download App 'Ricepon'，再用個App Scan 餐廳俾嘅枱號QR Code先落到單，所以如果準備去食嘅人，可以Download定先，唔洗去到先慢慢搞。(如果覺得太煩或裝唔到App，都可以問攞落單紙)因為Mr.J裝到個App而我裝唔到，所以佢負責落單，我就出去自助區睇下有咩野飲咩食喇。自助飲品嘅雪櫃好大個好多野飲。自助甜品唔錯。喺出面行咗一轉，Mr.J叫哂野開始嚟喇。刺身拼盤嘅珍寶蝦好大隻，肉質唔霉，幾爽口彈牙。榮螺同帶子都好鮮甜。創意壽司幾好食。天婦羅蝦炸到啱啱好，唔太油。牛舌同墨魚串燒無燒過龍，仲有唔少肉汁。原隻燒帶子原來係一份3粒咁嚟，帶子幾大隻。辣酒煮蜆ok芝麻雞翼賣相好靚，脹卜卜，雞肉仲好嫩滑。燒菠蘿好好味，好甜好多汁。最尾梗係食雪條啦。食Lunch有3個鐘，可以慢慢食。

今天第二次到亞太中心極尚大灜喜食放題！刺身厚切，食落囗有口感，值得一讚！串燒上到枱還是熱，不會好似其他店得個凍字，最欣賞係鹽燒牛舌，一個字，正！沙律有沙律吧，任自己選擇，喜歡食咩就自己口味！餐前小食又多元化，有熱有凍！壽司，手卷團飯就多咗少少，食多兩件都飽！蒲燒鰻魚好好味！炸物方面，最好食係一口芝士和榴槤炸彈，好味到冇朋友！天婦羅都係不錯的選擇！因為實在太多美食，兩次都冇叫主食㖭，下次一定要食，唔好錯過！最後到甜品和飲料，實在太多選擇，一定有你喜歡的，我就欣賞有唔凍嘅罐裝茶啦！期待下一次再來開餐！最優惠係9點後食，還有8折呀！最後一定要讚服務員態度一流！

1. 地方寬敞，座位舒服。2. 午市套餐全部足料上，價錢適中，性價比高；無論點乜餐，湯、前菜、飲品一定有，非常大方；星期五午市特價刺身餐必食，$78（加一）大大份，食到飽，仲有大大片海膽。3. 服務方面普遍比較好，另外特別要讚一位西裝哥哥，服務態度好到冇得頂，一直笑容滿面，客人心情好食都食得開心啲~

平安夜果日去食早場，一入去見到幾多野飲揀，地方OK,甘就點野食，淨系壽司類都四五張紙洗吾洗丫，甘更系點左刺身先吾算多款算正常，野未嚟就更系攪下芥辣啦，點知個碟成個神枱杯甘深又窄點點丫，仲有個骨兜又深又高，點揀餐具架，刺身嚟啦賣相可以幾厚身下，但一食呢就奇怪點解甘咸，再試，真系又咸又冰吾掂，其他野一般般，自助野就多野揀

朋友又有新介紹，叫我們一起試日式放題，因為放工去好方便任食放題，當然要咩都叫下，不過我地都叫左D都幾飽肚既水啊粥啊咁樣，好彩我地都幾拆得牛乳海鮮鍋，鍋裡有好多料，有蝦、蜆、元貝、金菇、小白菜等，真係好滑漏滑漏，牛乳湯味道好滑呢，加上了海鮮嘅鮮味，水準唔錯.蟹粥都有成一隻蟹啊，蟹肉鮮甜，粥底有栗米加蛋花，好好味，粥可以再綿D更好，本人略覺稍"希"了少少，不過朋友話咁好喎，放題來說都做得唔錯.魚生少不了，都不錯，只要新鮮已好足夠，什麼魚生款色都有.壽司指定都要，食下個壽司飯，三文魚壽司，最特別當然係黑松露壽司，加了少少黑松露香，幾香，加似好似貴d，哈哈，食多幾件.燒羊架，燒得香口，又淋身，唔靱喎，味道幾好，有羊味，但唔"騷"叫了幾款串燒，都不錯，又可以唔只食肉，可燒下翠玉瓜，番薯，不錯不錯.又叫燒牛肉粒，又唔錯喎，牛香淋，調味幾好，要再叫.野食不錯，燒物味道不錯，熱物都好好，唔多食魚生嘅唔會冇野食

趁完sem 當然要豪一豪去 食返餐好既😎 平日大家夜晚好難約之餘食夜晚又貴一截 對於計埋d "婆那數"既我地😂當然去食午市✋🏻裝修環境都幾大幾新淨睇落呢都好舒服🌾🌾我地食午市嘅時候有三個鐘⏱⏱⏱ 其實三個鐘都已經好夠食 我哋呢一開始就睇咗食乜好 然後就快速落單 首先就有個刺身嘅盤🐟先似食放題 一望就覺得勁豐富 加上對於外貌協會嘅我哋嚟講呢影相一流 必備三文魚甜蝦吞拿魚片😚 我地覺得最好食係蝦🦂 新鮮得黎海鮮味唔算太重 感覺好高級 加上夠哂大隻🤓 食返5, 6隻好似夠哂回本 不得不提 帶子都夠哂新鮮同大粒👍🏻👍🏻食野之外就當然要睇野飲 人最鐘意有選擇 但太多野簡又會覺得好煩😂 我睇睇下都係簡返平日飲開既韓國蘆薈汁 好好飲💕前菜係我次次食放題都莫名地關心🙈 因為我覺得平日買唔抵食 所以就點都要係放題食返夠本😂 款式算係幾多 幾豐富 螺肉同鳳爪都幾好食👍🏻👍🏻 辣得黎算係幾惹味 不過怕辣就可以試下粉絲同小八爪魚🤓食放題我必嗌就係燒菠蘿 燒菠蘿燒得好食真係可以勁好味😚😚 今次既燒菠蘿都幾好味 夠甜 燒得岩岩好 唔會話過咗火令到菠蘿乾哂就唔juicy ❤️ 咬落有菠蘿汁 絕對合格牛油粟米都係我放題

香港有好多間放題，有時選擇那一間的確有點苦惱，所以一般都係先看地點後看別人的評分，雖然放題有好多款食物，如有幾款突出也能俘虜別人的心。呢間放題係尖沙咀都有分店，而且係好多人排隊，但點都要預先訂左位先，所以排左一陣先有得入去，對面環境不算逼夾，舒服的。炒雜菜有一些雜菌和雜菜，鹹香十足，而且炒得爽口，不錯。炸雞翼全隻外皮10分香脆，上來的時候熱辣辣，咬落去好似爆油！連啲雞肉都好嫩滑，鹹鹹地，幾開胃。刺身大雜繪~三文魚、玉子、甜蝦、油甘魚、鮑片、帶子、紅色的希靈魚?? 仲有鮑魚在太多刺身，最特別的就係鮑魚，雖然是凍食的鮑魚，依然弄得有彈性，仲有少少甜味，點埋豉油更香！三文魚個位置都可以，甜蝦夠新鮮，最得意是紅色的希靈魚，又係好爽口但是味道分別不大。其他刺身也很新鮮。芝士焗帆立貝大大粒，上面啲配料陪埋一齊食，味道好夾，鹹得來又有少少甜，帆立貝就老左少少了。碗仔翅味道不算濃郁但是有好多配料，特別係冬菇非常彈牙，清清地作為一個湯羹都不錯。甜品有第2個胃XD朱古力ＭＯＵＳＳＥ 芒果奶凍等等~甜品都做得可以，味道偏甜，食一兩件也沒有所謂吧！