今日唔想出門，經網上外賣平台又嗌外賣啦，第一次食呢間，叫左2個Set都係百里香烤雞半隻 $60.3
一盒要咖哩汁，油飯及焗薯
另一盒走汁，烤雜菜及焗薯
烤雞唔錯，烤雜菜乾身，唔係白灼，幾好食
勁多焗薯，食薯仔都飽

第一次經外賣平台訂外送就獻咗畀網上外賣平台，朋友介紹話新用戶有$100，不過呢間要買滿$280先用得。睇左好多間睇下邊間抵食，發現塔塔娘惹嘅價錢markup唔算太多，訂2個餸，自己煮飯，咁計起嚟都應該有著數😂

海南雞半隻 $147
份量望落都Ok，味道幾好，仲配有3隻醬料


沙巴酸甜魚柳 $83
酸酸甜甜好味，有成10件，比我預期多


燒肉滲滲喇沙 $74 平時都有食開呢間既下午茶，所以送上門既味道一樣，份量都好足



以上價錢減左$100，另外要俾$2平台費及$25運費。好想講今次接單位車手好快，原本預計半個鐘先到，點知20分鐘都唔洗就送到上門👍
同埋之前都擔心外送會偷工減料，點知份量都好足

放假又帶BB出街玩，今次帶左佢去大埔鐵路博物館，走時經過熟食中心，上到去行左一個圈都唔知食乜好，最後見呢間幾有禮貌，就坐低左試下，叫左2款各$48，凍飲額外加$5，價錢幾抵。 乾炒牛河: 味道剛好唔會太咸，牛肉量都適中，食落幾有鑊氣 生炒骨: 酸酸甜甜，仲排骨脆口，都唔錯

今晚又同埋奶奶一齊食晚飯😋 一齊慶祝我生日🎂🎉 一黎到門口帶位無乜笑容，坐低水又無斟，又無問要樽裝水定普通水，以前食開觀塘分店，服務好好 點完餐後會送上麵包及牛油，不過牛油就唔係之前食評所講既鯷魚，仲諗住試下添 加拿大無激素豬安配薯菜 $268 呢款厚切豬鞍好爽口，唔黐牙好好食，配菜都好好食 香煎阿拉斯加銀雪魚柳配薯菜 $268 皮煎到好脆，肉滑 香煎大蝦扁意粉配忌廉明太子汁 $198 好Creamy汁好好味👍😋 +$60 法國生蠔，幾鮮甜 +$50 法式鵝肝焦糖燉蛋配沙律及多士 我就食唔到鵝肝味，感覺一般

今日同奶奶提前慶祝生日🎉🎂 見BB今朝早起身，一早就去We Go Mall行下新開既文具佬生活百貨，都幾大，BB食品仲幾抵買👍 行完就去食中午 特色巴拉蒙迪 $148 其實係一款沙律黎架，抵下係黎麥，上面放左條香煎澳洲肺魚，好大件好厚肉無骨，啱晒BB食 松露蘑菇雲吞 (奶油醬) $150 好Creamy好香呀，勁好食😱 真係好好味 墨西哥玉米捲雞肉 $138 好多雞肉，少少辣，呢款較濃味，最中意牛油果同白色既醬料 係馬鞍山有呢D特別菜色，真係幾有驚喜❤ 服務員全部都唔係香港人，仲以為要講英文，點知佢地既中文好好，服務都好好，拎張BB椅俾我時，仲幫我用濕紙巾抹左先俾我 P.S. 經Openrice訂位有9折 🚙星期一至五消費滿$200，免費泊車2小時，消費滿$300，免費泊車3小時。星期六日消費滿$300，免費泊車2小時

表姐升職做大佬，我就得益有飯食🎉👏 無意中發現呢間歷史悠久既日式放題，而我竟然咁遲先黎食。其實主要係以前唔係中環區返工，所以非常懶去中環🙈 無限時 6至10 $598/位，另外經Openrice訂有8折 頭盤已諗定，一黎就龍蝦刺身先😍 原隻幾鮮甜 再黎個海鮮拼盤樣樣試下，除左三文魚質素一般之外，款款都好新鮮好好食👍 鐵板鴨肝: 正呀，即煎外脆內軟，食左3轉😱 不過底層係軟方包唔係多士 鐵板帆立貝&釀蟹蓋: 一上枱已經覺得呢間真係質素高D，起碼唔係一pat醬一pat芝士咁焗，食完都唔知食乜咁😂 帶子剛剛熟唔韌，蟹蓋食到蟹肉，一粒粒👍 海胆小手卷&拖羅小手卷 (嗌左少飯): 2款都好食，海胆一D腥味都無 鐵皮厚燒牛柳&鐵板薄燒牛肉: 2款都好食，口感唔同，呢間既鐵板類真心唔錯👍 炸軟売蟹: 好食，無乜炸粉，啖啖蟹肉 串燒尤魚筒仔: 好味 串燒雞軟骨: 咸香好食 鹽燒大蝦: 即燒，有蝦膏，仲好實肉 甜品: 個肚好脹，已經無位塞，最後只試左5色雪糕球 豆腐，綠茶，芝麻，柚子，芒果 鯛魚湯: 我次次食到好飽都飲碗湯暖下胃，好好飲💕忍唔住飲左2碗 蟹子沙律: 一睇就係一碗碗放雪櫃，唔太新鮮 厚燒咸牛舌: 唉，見有食評話爽口，滿心期待，點知係淋身個款 味道好過出面2百幾蚊個D放題，真係每樣食一轉都飽飽地，只怪我細食左🙈 另外，值頭一讚，員工服務幾好，有禮貌又會同客人講下笑咁，尤其上左年幾既服務生👍敬業樂業

同事介紹新開外賣店，都幾多選擇，價錢又唔貴👍 印度奶油雞飯 $58 有印度香料，味道唔錯 飲品可以另外加錢配 不過門口係玻璃，會見到佢地帶住手套加D青瓜配料裝飾，轉頭又帶住手套開櫃門拎野，唔太衛生🙈 如果見唔到，感覺會好D

今日老公生日🎂🎉 不過要係屋企湊仔，唔可以出太遠，唯有近近地買外賣。 唔想成日嗌pizza麥記，見呢間日本野係恆安街市開左一段時間，雖然網上無乜食評，咁我就胆粗粗試下啦，發現經foodpanda訂購外賣自取仲有8折，感覺幾扺 炸蝦卷 $28 4件 好正，又大舊又脆口😋👍 鰻魚飯卷 $38 有8件 味道正常 油甘魚及劍魚腩 $14件 Ok唔錯 三文魚腩壽司 $9件 幾肥味，唔錯 芥末八爪魚軍艦 $7件 老公話幾好食 以上show正價，質素比想像中好

今次擇左間露天既印度餐廳，慶祝好朋友生日， 唔使次次西餐，有啲新意 秘制乳酪醬咖哩薯角 $88 見Openrice食評好多都推介呢款，真心唔錯，醬料正 招牌天多里乳酪烤雞 半隻 $128 個人覺得辣，幾惹味既 皇室烤餅 $48 外面香脆，入面煙韌 印度果亞椰香咖哩龍脷柳 $128 朋友覺得咖哩味一般 炸菠特菇 $78 外脆入面好Juicy，份量幾多， 但朋友覺得味道一般 摩洛哥烤紐西蘭羊架配石榴汁 $168 有4件，好食，底下既薯蓉勁好味👍 Margherita Pizza $108 好濃芝士味，批底脆，凍左就有D硬 印度開心果牛奶凍 $88 份量太少，有少少薑味，反而唔覺有開心果味 芒果Lassi $68 價錢偏貴~味道酸酸甜甜好似奶昔。如果再凍啲就好 因為叫得太多野，埋單望落差唔多就俾左多錢。 但返到家先寫食評，續項寫先發現呢間餐廳唔誠實，張單最尾二額外收多左1款未叫過既野食 "脆辣秋葵$98" 😑 太過份啦 ( 食飯期間見waiter拎左疑炸秋葵去隔離枱，但隔離枱話唔係佢哋。但最後竟然落咗落我哋張單唔知係有心定無意) P.S. 天然礦泉水收費 $48

屯馬線開通之後，一直都想黎九龍城食泰菜。。。今日終於抽到時間🤭 上網睇FB泰國菜關注組，牛扒關注組成日都介紹老虎笑(即燒牛肉)講到好正，同埋好多都係介紹"泰金國"，但就因為咁太多人去食，又多人又要限時。 所以上網睇左一大輪，最終擇左呢間，食評幾好，中午又唔限時 (夜晚就唔知) 泰式老虎笑 $98 嘩😍好正呀，第一次食泰菜嗌燒牛肉，肉味好香好惹味 豬肉泰式生菜包 $68 肉碎偏咸 泰式炸拼盤 (小) $92 款款都唔錯，夠熱夠脆 炸皮蛋蝦餅 $75 皮蛋無泥味又糖心，蝦餅又脆口👍 芒果沙冰 $28杯 大大杯，清甜 芒果糯米飯 $50 鴛鴦糯米熱辣辣，一上枱仲出煙，芒果室溫，好甜 難得出開九龍城，順便行去清滇牛肉館外賣咖哩羊腩夜晚食😂 P.S. 埋單先發現免加一，扺食 四眼老細同似老闆娘既泰國人都好好禮貌，加分