極尚大瀛喜日本料理

營業中

休息中

咁岩經過觀塘 所以是但搵左一間放題嚟食呢間魚生好新鮮足料 好多唔同類型既魚生連壽司蟹柳都好大條 熟食都多款 牛柳粒同鰻魚值得一讚 飲品都好多選擇 有楊枝金露橙汁仲要好少落漏單

14/2 lunch 男友來找我吃飯，原打算去同一大廈的 8/F 御前食我最愛的海膽飯，誰知上到去，職員告知而家唔做午市了⋯（心想：嘩！好生意到lunch 午市都唔冼用，果然夠名氣）。跟住見幾個人，說剛剛喺同大廈的十樓大滿下來，原來10/ F一樣不做午市了⋯最後無選擇下，試下5/F極尚大瀛喜，心想應該不錯吧，我們叫了一個是日特價烏冬餐$48+10%，不過不失，了配合這個價位。但最失望反而是這個$88+10%的壽司餐，壽司賣相一般，很普通，食不到鮮味。跟早前於8/F壽司餐差異太大了。我相信Dinner 放題應該會好一點吧⋯但lunch 真的不用再來了。

今日試下老豆朋友介紹唔錯的日式自助餐，一去到，地方好大好似唔錯，全部都係卡位但一坐底感覺唔太舒服（好責），跟住用wasabi整豉油，點知，碟、wasabi兜同出面既茶杯都好污穢下🤢。跟手點野食，簡單講解野食好細件但是好的唔會太浪費，刺身：蝦同帶子比較好之外其他平平，熟食：比較偏咸，串燒：唔錯，甜品：心太軟太甜，軟雪糕是似沙冰，冷櫃雪條雪糕正常，野飲：都係大路野，有酒類、韓式飲品，維他野飲。但不得不提大部分員工好有禮貌同細心。

極尚大瀛喜觀塘開左新分店！apm出去轉個彎就到！係亞太中心6樓，真係超方便以前去開銅鑼灣分店，已經覺得好正，觀塘近我就更正升降機一出，六樓全層都係佢既，地方非常寬敞，環境不錯任拎飲品種類比銅鑼灣分店仲多一坐底，staff過黎同我地講 可以down app落單，非常好！平時用紙落單我覺得好浪費，依個做法非常環保但有時有d吾熟電子產品既人可能會吾鍾意，所以佢地依然會提供落單紙～個app除左落單 仲可以草埋分當錢用只要係帝皇集團既餐廳就可以草分~點野食先，用app點完野食，就出去出面個自助沙律吧夾d沙律同小食 種類都好多一返去 已經有野食到左喇燒鰻魚係我最愛 必食刺身都好新鮮 可惜無入到鏡甜品方面甜品都吾差 除左木槺布甸之外 其他都ok尤其個牛乳布甸 吾會太甜！食左5杯極尚大瀛喜個牛乳布甸真係好正！仲有和菓子？入面係紅豆綠豆餡 都好好味馬卡龍好甜 我馬馬地仲有自家雪糕/乳酪雪糕我揀左雪糕 今次係朱古力口味 濃厚而不太甜 吱左兩杯整體來說，沒有漏單情況，上菜速度快，食物新鮮，staff非常有禮貌，午市放題$188位，加一後都係$207位，絕對係平靚正之選！

職員有禮貌,食物種類豐富 ,除咗咖哩蟹漏單外，其餘都冇,蜆夠大隻但好有幾隻不新鮮,咖哩蟹的蟹不新鮮,用的蟹貨式和晚市的不一樣。 炸榴槤波波和 香蔥 拖羅蓉 壽司都好好味。今次想吃海膽手卷，但無海膽。午市可享用三小時，可以慢慢嘆!不用吃得太趕，所以午市放題抵食。 致電向職員查詢問午市和晚市的食物有沒有分別,職員表示沒有分別的,但其實午市雪條款式較少亦沒有熱盆 ,不過都是抵食的。 這分店裝修較寬敞 ,環境舒適 , 會再去幫襯。

我，放題達人又食放題la今日黎同小學同學聚會我地一齊book呢間極尚大瀛喜先叫刺身個人覺得呢度ge蝦係最靚刺身蝦又新鮮又爽口少少腥味都無食落仲好肥味仲有最愛的虎蝦啊！唔係間放題有得食好爽口！完全無霉如果有得配泰式辣汁就更好壽司方面，我叫咗花之戀三文魚相當大片，好肥美配上沙律醬同蟹子真心一流最好係飯細細舊食多幾舊都唔飽海膽手卷都不錯海膽大大舊配上脆的紫菜香口的飯一流！甜品我叫了macaron超級脆口！而且好好味我最愛就係朱古力味個個小學同學都話要黎反呢間食

同事Kenneth下星期六last day, 今日下晝同同事一齊請佢食lunch歡送佢！環境光猛，裝飾唔錯，但帶有泰國feel！我哋一行十人坐大卡位，每邊五個，坐得幾舒服！全部同事叫天婦羅定食($58)，唯獨我叫鍋燒烏冬定食($68)，前菜&麵豉湯人頭分配，個個都有，味道唔錯！食物味道唔錯，烏冬亦熱辣辣，唯獨服務認真麻麻！首先唔願收單，其次上菜超慢(每份定食等咗超過卅分鐘！)，最㷫係竟然漏單！攪到我同另一位遲嚟order嘅同事等咗足足四十五分鐘先有得食！仲要漏單個四眼仔冇道歉！隻蛋生嘅打喺湯面，我嗱嗱臨撈勻佢！餸方面有兩柱金針菇、一隻小炸蝦、兩件炸雞件、兩片風鳴卷、一條蟹柳、好多黄芽白，烏冬偏腍，湯亦夠熱，好味，但真係食得好急！最後一人一粒迷你雪米糍做甜品，寫住紅豆餡，但我飽得滯，未食，帶咗返中心！餐飲我叫熱奶茶，但我唔覺熱，只算微熱，扣少少分！埋單十份定食連加一$693，每人$70，算合理，但如果趕時間真係唔好去！我去收銀處俾錢時都有反映，客太多，職員少，根本做唔切！本來我想用卅分鐘慢慢品嚐嘅烏冬，最後急用十二分鐘食完了！真可惜！

一直都想黎呢間放題，係雞年既第三日終於有時間黎了。可能仲係新年(lunch)，唔使訂就有位，不過好快就8成滿，所以都係早少少黎。成個場好大好靚，有好多位。最深印象係用手機落單。waiter會比一張qr code，開“飯糰”app scan個code然後再落單，好似下面咁。其實用落好方便，又環保，唔使填完啲紙係咁搵侍應黎收單。快靚正不過用app落單有個問題，就係件數會有限制。例如三文魚刺身1人1轉最多叫5件。個場另有一個自助區，除左有大量冷熱飲品選擇外，仲有甜品、熱湯、沙律、小食、雪糕機等。(太多影相影唔哂)刺身大大件各式壽司帶子呢個蜆真係好大件...雞翼燒得剛剛好，肉嫩，又夠味。左係麵豉湯。右係菓汁先生最後真係要一讚: 職員好nice，有人唔識用app落單會主動走黎教。同埋放低野食既時候都有笑容

2017.01.09【 1.9 觀塘高質素放題 極尚大瀛喜】 喜歡自由的感覺，偶爾放鬆，就是吃放題 朋友帶我行觀塘，才知道極尚大瀛喜開到去KT 二話不說以極尚大瀛喜為解決肚餓之選！ 用App點菜，非常環保  點菜紙有分刺身、壽司、火灸壽司、軍艦 一口手卷、創作卷物、壽司 炸物、天婦羅、串燒、燒物、主食、煮物等 前菜、沙律、甜品、飲品非常自助 隨便自取，有幾個大雪櫃的選擇  雪糕櫃同甜品架都是常滿的！喜歡呢！ 軟雪糕機分2種口味，又吸引不少小朋友來加TOPPING 開心到震！ 刺身 刺身類選擇多多，愛上貝類與大蝦的朋友，自然集中抽擊： 北海道帶子、虎蝦、珍寶赤蝦、甜蝦、翡翠螺 賣相好而且鮮甜！ 黃金咖哩炒蟹  放題中有咖哩炒蟹比較特別，咖哩汁香濃帶甜，蟹肉亦厚身 意外的吸引！ 自家製凱撒沙律 黑松露炒雜菌  兩個都係Green Monday好選擇 虎蝦天婦羅、皇帝蟹棒天婦羅  我最愛的虎蝦天婦羅、皇帝蟹棒天婦羅 一樣超正！脆漿薄身，食落香脆鮮甜，可以ENCORE！ 壽司、火灸壽司、軍艦 一口手卷、創作卷物、壽司 炸物、天婦羅、串燒、燒物、

依家放題真係好多元化，種類愈來愈多，少啲選擇都好難同人競爭！黎呢度食主要係朋友介紹，話呢間味道好，好大好多飲品同食物選擇！食完後都好認同！果然無介紹錯！焗扇貝新鮮熱辣甘上枱。面頭係沙律醬、芝士、西椒粒，下面係焗扇貝。唔算話好大只，但配料多，醬酸酸地，好味，幾開胃！炸物同平時食開既放題差不多，都係新鮮炸起，幾脆幾熱！卷物，細細件，餡夠多刺身右手面舊冰有個瀛字，而魚刺身切左朵玫瑰花，有心思！其他刺身都好新鮮，三文魚肥美，無物筋，蝦有好多款，有大有細。螺肉、希靈魚都好爽口。有一大盤冰係底，所以保持到新鮮鰻魚燒得外脆內軟，有燒汁係面，好好食！雪糕櫃有好多款雀巢雪條雪糕，如果有埋韓國果只雪條更好！蟹粥入面有粟米同一只蟹，粥唔係話好有蟹味，但夠棉，蟹肉都好嫩滑。日本薯仔，至愛之一！係lunch 時間同五點半入座都好有折，值得一試！！

第一次和家人造節吃放題，媽媽一向喜歡去洒店食自助餐，但現在自助餐下下都四五百元一位，所以哥哥提意吃放題，爸媽也是第一次吃放題呢！極尚大瀛喜設有豐富的自助區，所以能滿足媽媽吃的自助餐的慾望😂放題壽司種類很多，刺身也有13款，而且有我最愛的北寄貝😍小食種類不及壽司多飲品和雪糕、雪條選擇超級多，好像一間便利店，樽裝、罐裝、盒裝飲品好齊全，還有些不凍的罐裝飲品甚至熱維他奶等供客人選擇，亦有冷熱咖啡、茶、豆漿和橙汁等飲品，也有雪糕機，絕對滿足所有人甜品區也有很多選擇前菜款式也超多呢！還有部份熟食和中湯，媽媽大讚中湯好飲，雖然有小許味精，但長輩會比較喜歡中湯多過味噌湯，是日中湯是霸皇花花膠湯刺身方面也很讚，大蝦超大隻也很鮮甜、三文魚是超厚切的，好肥美啊！另外北海道帶子也很鮮味，最開心是北寄貝不是你點20片他只給你5片，而是比你點的更多，真是大滿足熱食方面水準也不錯壽司細細件的來張剌身近照😋鹽燒牛舌超好吃👍🏻另外墨魚咀小辣很惹味👍🏻我們7個大人1個小朋友，小朋友$88位，另外由於新開業，暫時未能提供泊車優惠，所以如果駕駛人仕最好泊apm才能享有消費泊車優惠了！

黎開觀塘，五點零鐘，見到樓下有人派傳單，依家入座有八五折，覺得價錢都ok Wo ，就左黎食！場地很大，頭頂有好多電視show 緊啲食物，好多職員stand by 緊😂😂食放題當然要睇重個刺身！本人最中意食蝦，而呢度有好多種蝦選，有啲我都唔知叫咩名佢啲蝦好大只，兩只手指甘粗，好肥美！墨魚咀墨魚咀脆脆地，個汁甜甜地、辣辣地、酸酸地，好多味道。呢個係咩？無錯！就係至愛既榴蓮炸彈！外邊炸到好脆，入面係滑溜溜既榴蓮肉！令人回味再回味！炸芝士佢唔會好厚粉，只係一舊芝士沾左少少麵包糠去炸，所以一大力少少夾就會斷開。很喜歡，因為真係食芝士，唔會食成舊粉先得果啲啲芝士蒜香炒牛柳牛柳凍左，有啲韌。不過好香蒜味！牛肉煱個湯好甜，不禁令人飲多兩啖。牛肉剛熟，所以唔韌，好香牛肉味！煱入面仲有菜、豆腐同粉絲，好入味！海膽手卷海膽融左d，但整體上都好食！飲品有咖啡，奶茶，燈汁，豆漿，罐裝，盒裝等，有熱有凍，任均選擇剩係雪糕雪條都有十款！乳酪雪糕，自己支，酸酸地，幾好味！甜品仲有乳酪、馬卡龍、意大利芝士餅同拿破崙等，全部都可以係甜品櫃自己夾！今餐真係食得好飽！第一次去甘大間既放題，食物選擇多，又好食！早啲黎仲有折添！

呢間極尚大瀛喜係我去過既放題餐廳入面 坐得最舒服同裝飾得最有氣派既一間   一入左門口就見到個好大既甜品加野飲吧 裝野飲個雪櫃仲高過個人講返MENU先 野食總類都幾多 而且分類都幾仔細 唔係逐張逐張搵先黎必叫刺身打頭陣 蝦既總類比較多 有大赤蝦甜蝦虎蝦 隻隻都唔錯 另外三文魚都好有水準手卷的的色色可以叫哂咁多味試下 連海膽都有 仲要幾大塊下 味道亦幾鮮壽司卷物都有好多選擇 推薦大家試多幾隻味因為隻隻都唔錯 拍得住酒店級數 而且唔會太大舊好快食飽吉列蠔 正! 大大粒蠔肉 係炸漿厚左DD炒雜菜 無咩特別 又唔算香串燒可以試下 幾香又唔太油

亞太中心真係好多野食！之前食過呢幢大厦既某間放題，覺得唔錯，今日舊地重遊，再食放題先！原來今日黎呢間係同上次果間同一集團。呢間相比下很大，勁多位置，一次過可放好多人入黎，唔洗浪費時間等位！場內燈光光猛，座位夠大同寬闊，坐得舒服。刺身新鮮，擺放整齊刺身有好多種選擇，圖文並茂，容易挑選！三文魚肥美，啖啖肉，無筋，柱子爽口，蝦大只。有一大盤冰係底，保持新鮮。飲品區有超過三四十種飲品，有凍、室溫、暖同熱飲，多到不得了。最開心係有右手邊果支椰青水，好好飲！超市都要十蚊一支，一定要飲翻夠本，哈哈！牛肉煱牛肉唔肥，好有牛酥味！個底有娃娃菜同粉絲。湯底好甜，好好味！！燒菠蘿燒完更甜，好多水份！天婦羅芝士壽司細細舊，唔會食兩舊就飽晒！燒青魚外皮燒到好香口，咸咸地，多肉，無物骨，自己食晒一條都無問題！近門口位置有個小食區，有葡撻、春卷等！是日中湯---霸王花煲豬骨清甜。凍蝦，又係大大只又爽口！適合唔食生蝦既屋企人！甜品櫃有乳酪、西米糕、意大利芝士餅、奶凍、泡芙等。仲有一部乳酪雪糕機，自己吱，再加配料！ 喜歡呢度既點菜紙有晒圖片，好方便！尤其是刺身，終於知道自己食緊咩魚，哈哈經理行過黎宣傳話遲啲可用app

聖誕節約埋一班舊同事食飯觀塘新開左既大瀛喜放題 今次又食到飽了一到樓下 就排長龍等lift 皆因其他樓層都好多食肆一坐低就即刻交換禮物先 因為一陣一定成枱野食跟住我地就開始點了 要講講既係 點食物紙實在太浪費 分左A-K(好似係）張，每次點都浪費左1x張紙好，首先整盤刺身先都算好新鮮 帆立貝就好細件跟住就係特式壽司款其中圖上 芝士玉子鰻魚 推介我地叫左2次迷李海膽手卷 細細件好的骰 而且又唔會撐飽再黎就係熟食野了 芝麻雞翼炸物熟食都食到好飽 芝士燒元貝 食完熟食就可以出去食甜品 飲品佢既飲品櫃好多選擇 又多又大甜品區亦都好多選擇！豆腐花 乳酪雪糕都有任君選擇$248一位加一 每人$273